ଯୁବତୀଙ୍କୁ ଅସଦାଚରଣ, କନଷ୍ଟେବଳ ନିଲମ୍ବିତ

ଭୁବନେଶ୍ୱର,୧୭ା୨(ବ୍ୟୁରୋ): ରାଜଧାନୀରେ ଖାକିବାବୁଙ୍କୁ ପ୍ରେମ ରୋଗ ଛାଡୁନି। ମାସକ ଭିତରେ ୩ ପୋଲିସ କର୍ମଚାରୀ ପ୍ରେମ ଓ ବଳାତ୍କାର ମାମଲାରେ ଗିରଫ ହୋଇଥିବାବେଳେ ରବିବାର ରାଜଧାନୀ ରାଜରାସ୍ତାରେ ଆଉ ଏକ ଖାକି କାରନାମା ଦେଖିବାକୁ ମିଳିଛି। ଜଣେ ଯୁବତୀଙ୍କୁ ଅସଦାଚରଣ କରିବା ଜଣେ ପୋଲିସ ବାବୁଙ୍କ ପାଇଁ ମହଙ୍ଗା ପଡ଼ିଛି। ଲୋକଙ୍କ ମାଡ଼ ସହ ଅସଦାଚରଣର ଶିକାର ଯୁବତୀଙ୍କ ଜୋତା ଓ ଗୋଇଠା ମାଡ଼ରେ ତାଙ୍କ ପ୍ରେମନିଶା ଉତୁରି ଯାଇଛି। ରବିବାର କ୍ୟାପିଟାଲ ଥାନା ଅନ୍ତର୍ଗତ କଳ୍ପନା ଛକ ନିକଟରେ ସ୍ପେଶାଲ ସିକ୍ୟୁରିଟି ବାଟାଲିୟନ (ଏସ୍‌ଏସ୍‌ବି)ର କନ୍‌ଷ୍ଟେବଳ ପ୍ରମୋଦ ବେହେରା ଏପରି କାଣ୍ଡ ଘଟାଇଛନ୍ତି। ଘଟଣା ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। କ୍ୟାପିଟାଲ ଥାନା ପୋଲିସ ସମ୍ପୃକ୍ତ କନ୍‌ଷ୍ଟେବଳଙ୍କୁ ଉଦ୍ଧାର କରି ଥାନାକୁ ନେଇ ପଚରାଉଚରା କରୁଛି। ତାଙ୍କ ଘର ଗଞ୍ଜାମ ଗୋଳନ୍ଥରା ଅଞ୍ଚଳରେ ହୋଇଥିବାବେଳେ ସେ ଏଠାରେ ଏସ୍‌ଏସ୍‌ବି କ୍ୟାମ୍ପ୍‌ରେ ରହୁଛନ୍ତି। ଘଟଣା ପ୍ରଘଟ ହେବା ପରେ ସମ୍ପୃକ୍ତ କନ୍‌ଷ୍ଟେବଳଙ୍କ ଉପରେ କାର୍ଯ୍ୟାନୁଷ୍ଠାନ ହୋଇଛି। ଡିସିପି ଅନୁପ କୁମାର ସାହୁଙ୍କ ଚିଠି ଆଧାରରେ ଏସ୍‌ଏସ୍‌ବି କମାଣ୍ଡାଣ୍ଟ୍‌ ଅଭିଯୁକ୍ତ ପ୍ରମୋଦଙ୍କୁ ନିଲମ୍ବିତ କରିଥିବା କମିଶନରେଟ ପୋଲିସ ପକ୍ଷରୁ ସୂଚନା ଦିଆଯାଇଛି। ତେବେ ଘଟଣା ନେଇ ଥାନାରେ କୌଣସି ଅଭିଯୋଗ ହୋଇନାହିଁ। ପୋଲିସ ଏକ ଷ୍ଟେଶନ ଡାଏରୀ କରି ଯୁବତୀଙ୍କ ସହ ଯୋଗାଯୋଗ କରିବାକୁ ଚେଷ୍ଟା ଚଳାଇଛି। ଅଭିଯୋଗ ହେବା ପରେ ମାମଲା ରୁଜୁ କରାଯିବ ବୋଲି କ୍ୟାପିଟାଲ ଥାନା ଅଧିକାରୀ ଗିରିଜା ଶଙ୍କର ଚକ୍ରବର୍ତ୍ତୀ କହିଛନ୍ତି।
ମିଳିଥିବା ସୂଚନାନୁଯାୟୀ, ସମୟ ଅପରାହ୍ନ ୨ଟା। ଜଣେ ଯୁବତୀ ସାଙ୍ଗଙ୍କ ସହ ରାଜମହଲରୁ କଳ୍ପନା ଛକ ଅଭିମୁଖେ ଆସୁଥିଲେ। କଳ୍ପନା ଛକ ନିକଟତର ହେଉଥିବାବେଳେ ହଠାତ୍‌ ଜଣେ କନ୍‌ଷ୍ଟେବଳ ପହଞ୍ଚତ୍ ଯୁବତୀଙ୍କ ହାତକୁ ଧରିନେଇଥିଲେ। ଯୁବତୀ ଜଣକ ପାଟିକରି ହାତକୁ ଛାଟିଦେବା ପରେ ପ୍ରେମନିଶାରେ ଥିବା କନ୍‌ଷ୍ଟେବଳ ତାଙ୍କୁ ପଛପଟୁ ଧରି ଅସଦାଚରଣ କରିଥିଲେ। ଚିତ୍କାର ଶୁଣି ନିକଟରେ ବ୍ୟବସାୟ କରୁଥିବା ଫଳ ଦୋକାନୀମାନେ ଦୌଡ଼ି ଆସିଥିଲେ। କନ୍‌ଷ୍ଟେବଳ ଖସିଯିବାକୁ ଉଦ୍ୟମ କରୁଥିବାବେଳେ ତାଙ୍କୁ କାବୁ କରିନେଇଥିଲେ। ଏହାପରେ ସେହିବାଟ ଦେଇ ଯାଉଥିବା ଲୋକଙ୍କ ଭିଡ଼ ଜମିଥିଲା। ଘଟଣା ସମ୍ପର୍କରେ ଜାଣିବା ପରେ କିଏ ଗୋଇଠା ତ ଆଉ କିଏ ବିଧା, ଚାପୁଡ଼ା ମାରିଥିଲେ। ଅସଦାଚରଣର ଶିକାର ଯୁବତୀ ଜଣକ ମଧ୍ୟ ଛାଡ଼ି ନ ଥିଲେ। ଜୋତାରେ ପିଟିବା ସହ ମୁହଁକୁ ଗୋଇଠା ମାରି ପ୍ରତିଶୋଧ ନେଇଥିଲେ। ନିସ୍ତୁକ ମାଡ଼ ଖାଇବା ପରେ କନ୍‌ଷ୍ଟେବଳ ନିଶାଗ୍ରସ୍ତଙ୍କ ଭଳି ଦୁଇ ହାତକୁ ଯୋଡ଼ି ବାରମ୍ବାର ଭୁଲ୍‌ ମାଗି ଚାଲିଥିଲେ ମଧ୍ୟ କେହି କିଛି ଶୁଣି ନ ଥିଲେ। ଶେଷରେ ଯୁବତୀ ଜଣକ ନିଜ ମୋବାଇଲ୍‌ରେ ଥାନାକୁ ଫୋନ୍‌ କରିିବା ପରେ ପୋଲିସ ପହଞ୍ଚତ୍ କନ୍‌ଷ୍ଟେବଳଙ୍କୁ ଉଦ୍ଧାର କରି ଥାନାକୁ ନେଇଯାଇଥିଲା। ଏଠାରେ ପ୍ରଶ୍ନ ଉଠୁଛି, ଉକ୍ତ ଯୁବତୀଙ୍କୁ ପୂର୍ବରୁ କନ୍‌ଷ୍ଟେବଳ ଜଣକ ଜାଣିଥିଲେ କି? ଯଦି ଜାଣିଥିଲେ ତେବେ ଉଭୟଙ୍କ ମଧ୍ୟରେ ଏମିତି କ’ଣ ଘଟିଲା ଯେ ସେ ତାଙ୍କୁ ରାସ୍ତାମଝିରେ ଅସଦାଚରଣ କଲେ। ଏ ନେଇ ପୋଲିସ ସମ୍ପୃକ୍ତ କନ୍‌ଷ୍ଟେବଳଙ୍କୁ ପଚରାଉଚରା କରିଥିଲେ ମଧ୍ୟ ସେ ଯୁବତୀଙ୍କୁ ଜାଣି ନ ଥିବା କହିଛନ୍ତି।

ପୂର୍ବରୁ ଘଟିଥିବା ୩ ଘଟଣା
ଡେରାଡୁନ୍‌ର ଜଣେ ଯୁବତୀଙ୍କୁ ଭୁବନେଶ୍ୱରରେ ରଖି ସିଆର୍‌ପିଏଫ୍‌ର ଜଣେ ଯବାନ ବଳାତ୍କାର କରିଥିଲେ। ଏହି ମାମଲାରେ ନୟାପଲ୍ଲୀ ଥାନା ପୋଲିସ ଗତ ୩ ତାରିଖରେ ସମ୍ପୃକ୍ତ ଯବାନଙ୍କୁ ଗିରଫ କରିଥିଲା। ସେହିଭଳି ଜଣେ ଯୁବତୀଙ୍କୁ ବିବାହ ପ୍ରତିଶ୍ରୁତି ଦେଇ ବାରମ୍ବାର ବଳାତ୍କାର କରିଥିଲେ ଏସ୍‌ଏସ୍‌ବିର ଜଣେ କନ୍‌ଷ୍ଟେବଳ। ଏ ନେଇ ଅଭିଯୋଗ ହେବା ପରେ ଗତ ୪ ତାରିଖରେ ମହିଳା ଥାନା ପୋଲିସ ଅଭିଯୁକ୍ତ କନ୍‌ଷ୍ଟେବଳଙ୍କୁ ଗିରଫ କରିଥିଲା। ତୃତୀୟ ଘଟଣାଟି ନୟାପଲ୍ଲୀ ଥାନାଞ୍ଚଳରେ ଘଟିଥିଲା। ଓଏସ୍‌ଏପିର ଜଣେ ସିପାହି ଜଣେ ମହିଳାଙ୍କ ଘରେ ପଶି ତାଙ୍କୁ ବଳାତ୍କାର କରିଥିଲେ। ଏହି ମାମଲାରେ ଗତ ୮ ତାରିଖରେ ସେ ଗିରଫ ହୋଇଥିଲେ।
ମହିଳାଙ୍କ ସୁରକ୍ଷାରେ ଥିବା ଏସ୍‌ପିଓ କୁଆଡ଼େ ଗଲେ?
ରାଜଧାନୀରେ ରୋଡ଼ ରୋମିଓଙ୍କ ଉପତ୍ାତ ବଢିବା ପରେ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ କଲେଜ ଛାତ୍ରୀ, ବିଭିନ୍ନ ଘରୋଇ ସଂସ୍ଥା ଓ ଶିକ୍ଷାନୁଷ୍ଠାନର ମହିଳା କର୍ମଚାରୀଙ୍କୁ ସ୍ପେଶାଲ ପୋଲିସ ଅଫିସର (ଏସ୍‌ପିଓ) ଭାବେ ନିଯୁକ୍ତ କଲେ। ଜାନୁୟାରୀ ୨ରେ କମିଶନରେଟ ପୋଲିସ ମୁଖ୍ୟାଳୟରେ ଏସ୍‌ପିଓମାନେ ସ୍ବତନ୍ତ୍ର ପୋଷାକ ପିନ୍ଧି ବିଧିବଦ୍ଧ ଭାବେ କାର୍ଯ୍ୟରେ ଯୋଗଦେଲେ। ଏସ୍‌ପିଓମାନଙ୍କୁ ନେଇ ମଧ୍ୟ ଏକ ହ୍ବାଟ୍ସଆପ୍‌ ଗ୍ରୁପ୍‌ ଖୋଲାଗଲା। ରାଜଧାନୀ ରାଜରାସ୍ତାଠାରୁ ଆରମ୍ଭ କରି ବଜାର, ବ୍ୟବସାୟ ପ୍ରତିଷ୍ଠାନ ଓ କାର୍ଯ୍ୟାଳୟରେ ମହିଳାଙ୍କୁ ସୁରକ୍ଷା ଦେବା ସହ ତୁରନ୍ତ ଏ ସମ୍ପର୍କରେ ପୋଲିସକୁ ଜଣାଇବେ ବୋଲି କୁହାଗଲା। ଏପରି କି ଏସ୍‌ପିଓମାନଙ୍କୁ କମିଶନରେଟ ପୋଲିସ ପକ୍ଷରୁ କେତେକ କ୍ଷମତା ଦିଆଗଲା। ଅଭିଯୁକ୍ତମାନଙ୍କୁ ଆବଶ୍ୟକସ୍ଥଳେ ସେମାନେ ଗିରଫ କରିପାରିବେ ବୋଲି କମିଶନର ଷଡଙ୍ଗୀ କହିଥିଲେ। ତେବେ ରବିବାର ରାଜଧାନୀର ପ୍ରମୁଖ କଳ୍ପନା-ରାଜମହଲ ଛକ ରାସ୍ତାରେ ଜଣେ ପୋଲିସ କନ୍‌ଷ୍ଟେବଳ ଯୁବତୀଙ୍କୁ ଅସଦାଚରଣ କରିଥିଲେ ମଧ୍ୟ ଏସ୍‌ପିଓମାନଙ୍କର ଦେଖା ନ ଥିଲା। ଏପରି କି ଘଟଣା ସମ୍ପର୍କରେ ମଧ୍ୟ କୌଣସି ଏସ୍‌ପିଓଙ୍କ ତରଫରୁ ଥାନାକୁ ସୂଚନା ଦିଆଯାଇ ନ ଥିବା ଜଣାପଡିଛି। ଘଟଣାସ୍ଥଳରେ ମଧ୍ୟ ଏସ୍‌ପିଓମାନେ କୁଆଡେ ଗଲେ ବୋଲି କେତେଜଣ ସଚେତନ ନାଗରିକ ପ୍ରଶ୍ନ ଉଠାଇଥିଲେ।


All Right Reserved By Dharitri.Com

ନିରାଡମ୍ବରରେ ପାଳିତ ହେବ ପ୍ରବାଦ ପୁରୁଷଙ୍କ ଶ୍ରାଦ୍ଧବାର୍ଷିକୀ, ଜାରି ରହିବ ଜୀବନବିନ୍ଦୁ କାର୍ଯ୍ୟକ୍ରମ

ଭୁବନେଶ୍ୱର,୧୫।୪(ବ୍ୟୁରୋ): ପ୍ରବାଦ ପୁରୁଷ ତଥା ବିଶିଷ୍ଟ ଜନନାୟକ ବିଜୁ ପଟ୍ଟନାୟକଙ୍କ ୨୩ ତମ ଶ୍ରାଦ୍ଧ ବାର୍ଷିକୀ ଏପ୍ରିଲ ୧୭ରେ ରାଜ୍ୟବ୍ୟାପୀ ନିରାଡ଼ମ୍ବର ଭାବେ ପାଳନ କରାଯିବ।...

ଅଟୋ ପାର୍କିଂ, ଯାତ୍ରୀ ପରିବହନରେ କଟକଣା

ଭୁବନେଶ୍ୱର,୨୧ା୧୦(ବ୍ୟୁରୋ) : ନୂଆ ମୋଟର ଯାନ ଆଇନ ଲାଗୁ ହେବା ପରେ ପୋଲିସ ଓ ଆରଟିଓ ପକ୍ଷରୁ ଯାଞ୍ଚ କଡ଼ାକଡ଼ି କରାଯାଇ ବଡ଼ଧରଣର ଜରିମାନା ଆଦାୟ...

ସଚିନ ତେନ୍ଦୁଲକର ହୋଇପାରନ୍ତି ଓଡ଼ିଶା ଟୁରିଜମ୍‌ ବ୍ରାଣ୍ଡ୍‌ ଆମ୍ବାସାଡର

ଭୁବନେଶ୍ୱର,୧୬ା୯(ବ୍ୟୁରୋ) : ଜାତୀୟ ଓ ଅନ୍ତର୍ଜାତୀୟସ୍ତରରେ ଓଡ଼ିଶା ପର୍ଯ୍ୟଟନର ପ୍ରଚାର ପ୍ରସାର ପାଇଁ ଜଣେ ପରିଚିତ ଚେହେରା ହୋଇପାରନ୍ତି ଟୁରିଜମ୍‌ ବ୍ରାଣ୍ଡ୍‌ ଆମ୍ବାସାଡର। ବିଶେଷ ସୂତ୍ରରୁ...

ଦରମା ନ ପାଇ ଭିକ୍ଷା ମାଗିଲେ ଶିକ୍ଷୟିତ୍ରୀ

ଭୁବନେଶ୍ୱର,୨୮।୨ (ବ୍ୟୁରୋ): ଶିକ୍ଷାର ଆଲୋକ ଦେଖାଇ ପିଲାଙ୍କ ଭବିଷ୍ୟତ ଗଢୁଥିବା ଜଣେ ଶିକ୍ଷୟିତ୍ରୀ ଗୁରୁବାର ରାଜଧାନୀର ରାସ୍ତାରେ ଭିକ୍ଷା ମାଗୁଥିବା ଦେଖିବାକୁ ମିଳିଥିଲା। ସେ ହେଲେ...

ସିଏଏକୁ ନେଇ ପଶ୍ଚିମବଙ୍ଗ ଅଶାନ୍ତ: ହାଓଡା-ଓଡ଼ିଶା ମଧ୍ୟରେ ଟ୍ରେନ୍‌ ଚଳାଚଳ ବାଧାପ୍ରାପ୍ତ, ଏସବୁ ଟ୍ରେନ୍‌ ବାତିଲ

ଭୁବନେଶ୍ୱର,୧୪।୧୨(ବ୍ୟୁରୋ): ନାଗରିକତ୍ୱ ସଂଶୋଧନ ଆଇନକୁ ନେଇ ପଶ୍ଚିମବଙ୍ଗରେ ଉତ୍ତେଜନା ପ୍ରକାଶ ପାଇଛି। ଏହାକୁ ନେଇ ଓଡ଼ିଶା- ହାଓଡା ମଧ୍ୟରେ ରେଳ ଚଳାଚଳ ବ୍ୟାହାତ ହୋଇଛି। ବିଶେଷକରି...

ଜୁଆଆଡ୍ଡା ଉପରେ ଚଢ଼ାଉ: ୫ ଗିରଫ, ୮ହଜାର ୨ ଶହ ଜବତ

ବୁଗୁଡ଼ା,୨୪।୪(ଡି.ଏନ୍‌.ଏ.): ଗଞ୍ଜାମ ଜିଲା ବୁଗୁଡ଼ା ଥାନା ବାଲିପଦର ଫାଣ୍ଡି ଅନ୍ତର୍ଗତ ବିଷ୍ଣୁଚକ୍ର ଗ୍ରାମର ଏକ ଆମ୍ବତୋଟାରେ ଜୁଆଖେଳ ଚାଲିଥିଲା। ଖବର ପାଇ ବାଲିପଦର ଫାଣ୍ଡି ଅଧିକାରୀ...

ଚଳନ୍ତା କାରରେ ଯୁବତୀଙ୍କୁ ଗଣବଳାତ୍କାର ମାମଲା : ପୀଡ଼ିତାଙ୍କ ବୟାନକୁ ନେଇ ଦ୍ୱନ୍ଦ୍ୱରେ ପୋଲିସ

ଭୁବନେଶ୍ୱର,୮ା୧୧(ବ୍ୟୁରୋ) : ଚଳନ୍ତା କାରରେ ଜଣେ ଯୁବତୀଙ୍କୁ ଗଣବଳାକତ୍ାର କରି ଖୋର୍ଦ୍ଧା ପିଏନ୍‌ କଲେଜ ନିକଟରେ ଫିଙ୍ଗିଦେବା ଘଟଣା ରାଜଧାନୀରେ ଚାଞ୍ଚଲ୍ୟ ଖେଳାଇ ଦେଇଛି। ଏହି...

କାଲିଠୁ ଓଡ଼ିଆରେ ମିଳିବ ରେଳ ଟିକେଟ

ଭୁବନେଶ୍ୱର,୨୩।୮(ବ୍ୟୁରୋ): ଏଣିକି ଓଡ଼ିଆ ଭାଷାରେ ମିଳିବ ରେଳ ଟିକେଟ । ଅଣସଂରକ୍ଷିତ ରେଳ ଟିକେଟ ମଧ୍ୟ ଓଡ଼ିଆ ଭାଷାରେ ମିଳିବ। ଏହାକୁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *