ଗ୍ରାହକଙ୍କୁ ଟାଣୁଛି ଜ୍ଞାନେନ୍ଦ୍ରଙ୍କ ବିରିଚକୁଳି ଆଳୁଦମ୍‌

କେନ୍ଦୁଝର, ୬ା୬(ଡି.ଏନ୍‌.ଏ.)-କେନ୍ଦୁଝର ଜିଲା ସଦର ମହକୁମାରେ ବିଭିନ୍ନ ସ୍ଥାନରେ ଅନେକ ପ୍ରକାର ଜଳଖିଆ ତିଆରି ହୋଇ ବିକ୍ରି ହେଉଛି। ତେବେ ଗ୍ରାହକମାନଙ୍କ ମନମୋହୁଛି କଲେଜରୋଡରେ ଠେଲାଗାଡିରେ ବିକ୍ରି ହେଉଥିବା ବିରିଚକୁଳି ଓ ଆଳୁଦମ୍‌। ସେ ହେଲେ ଡମ୍ବୋ ଗ୍ରାମର ଜ୍ଞାନେନ୍ଦ୍ର ସାହୁ। ସକାଳ ୭ଘଟିକାରୁ ଗ୍ରାହକଙ୍କ ଭିଡ ଜମେ କଲେଜ ରୋଡସ୍ଥିତ ରାମମନ୍ଦିର ନିକଟରେ ଥିବା ଜ୍ଞାନେନ୍ଦ୍ରଙ୍କ ଠେଲା ଗାଡି ନିକଟରେ। ଏଠାରେ ବିକ୍ରି ହୁଏ ବିରିଚକୁଳି ଓ ଆଳୁଦମ୍‌। ଅନ୍ୟ କେତେକ ପ୍ରକାର ଜଳଖିଆ ତିଆରି ହେଉଥିଲେ ବି ବିରିଚକୁଳି ଓ ଆଳୁଦମ୍‌ ଚଟଣିର ସ୍ବାଦ ନିଆରା। ଯିଏ ଥରେ ଖାଇଛି ସିଏ ବାରମ୍ବାର ଆସିଛି ବୋଲି ଜ୍ଞାନେନ୍ଦ୍ର କହିଛନ୍ତି। ବିରିଚକୁଳିର ସ୍ବାଦ ଗ୍ରାହକଙ୍କୁ ଟାଣୁଛି କହିଲେ ଅତ୍ୟୁକ୍ତି ହେବ ନାହିଁ। କେବଳ ସକାଳ ବେଳା ସେ ଠେଲା ଲଗାନ୍ତି। ଅପରାହ୍ନରେ ଘର ଲୋକଙ୍କୁ ସମୟ ଦେଇଥାନ୍ତି। ତାଙ୍କର ସଂସାର କହିଲେ ସ୍ତ୍ରୀ,ଗୋଟିଏ ଛୋଟ ଝିଅ,ବାପା, ମା’ ଓ ଜଣେ ଭଉଣୀ।
ତାଙ୍କ ବ୍ୟବସାୟରେ ତାଙ୍କ ବାପା ବଳରାମ ସାହୁ ଓ ମା’ ଅନୁପମା ସାହୁ ସାହାଯ୍ୟ କରନ୍ତି। ଏହି ଠେଲା ଗତ ତିନିବର୍ଷ ହେଲା ସେ ଲଗାଉଛନ୍ତି। ମାଟ୍ରିକ୍‌ ପାସ ପରେ ଏଣେତେଣେ ଛୋଟ ଚାକିରି କରି ପରିବାରର ୬ଜଣ ପ୍ରାଣୀଙ୍କ ପେଟ ପୋଷିବା ସମ୍ଭବପର ନ ହେବାରୁ ନିଜେ ବ୍ୟବସାୟ ଆରମ୍ଭ କରିଥିଲେ ଜ୍ଞାନେନ୍ଦ୍ର। ପ୍ରତିଦିନି ସବୁ ଖର୍ଚ୍ଚ ଯାଇ ୭୦୦ରୁ ୮୦୦ ଟଙ୍କା ରୋଜଗାର କରନ୍ତି ଓ ସେଥିରେ ସେ ସନ୍ତୁଷ୍ଟ ବୋଲି ପ୍ରକାଶ କରିଛନ୍ତି। ଗ୍ରାହକମାନେ ମଧ୍ୟ ତାଙ୍କ ହାତ ତିଆରି ଚକୁଳି ଓ ଆଳୁଦମ୍‌ ପ୍ରତି ବେଶ ଆଗ୍ରହ ଦେଖାନ୍ତି ବୋଲି ସେ କହିଛନ୍ତି।


All Right Reserved By Dharitri.Com

ଜନତା କର୍ଫ୍ୟୁକୁ ସମ୍ମାନ ଦେଲେ ବାଲେଶ୍ୱର ସହରବାସୀ

ବାଲେଶ୍ୱର ଅଫିସ,୨୨।୩: କରୋନା ଭୂତାଣୁ୍ର ସଂକ୍ରମଣକୁ ରୋକିବା ପାଇଁ ପ୍ରଧାନମନ୍ତ୍ରୀଙ୍କ ଆହ୍ବାନ କ୍ରମେ ରବିବାର ପାଳିତ ହେଉଥିବା ଜନତା କର୍ଫ୍ୟୁକୁ ସହରବାସୀଙ୍କ ସମର୍ଥନ କରିଛନ୍ତି। ଅଞ୍ଚଳରେ...

ଚାଲୁ ହେଲା ରୂପ୍‌ସା ଝୋଟ କାରଖାନା

ରୂପ୍‌ସା, ୩୧।୩(ଡି.ଏନ.ଏ.)-ବାଲେଶ୍ୱର ଜିଲା ସଦର ବ୍ଲକ ଅଧୀନ ରୂପ୍‌ସାସ୍ଥିତ ଜୟକିଶନ ଦାସ ସହ ଝୋଟ କାରଖାନା ମଙ୍ଗଳବାରଠାରୁ ଚାଲୁ କରାଯାଇଛି। କରୋନା କଟକଣା ପରିପ୍ରେକ୍ଷୀରେ ରାଜ୍ୟ...

ବ୍ରାଉନ୍‌ସୁଗାର ବେପାରୀଙ୍କ ଘର ଉପରେ ଚଢ଼ାଉ : ଲକ୍ଷାଧିକ ଟଙ୍କା ସହ ସୁନାଗହଣା, ବାଇକ୍‌ ଜବତ

ବାଲେଶ୍ୱର ଅଫିସ/ଜଳେଶ୍ୱର, ୨୮ା୯: ବାଲେଶ୍ୱର ଅରଡ଼ବଜାରସ୍ଥିତ ମସଜିଦ୍‌ ଗଳିର ବ୍ରାଉନ୍‌ସୁଗାରର ମୁଖ୍ୟ ବ୍ୟବସାୟୀ ସେକ୍‌ ରାଜା ଗିରଫ ହେବା ପରେ ଆନ୍ତଃରାଜ୍ୟ ଏବଂ ଜାତୀୟ ସ୍ତରରେ...

ଖଇରାରେ ସାଧାରଣତନ୍ତ୍ର ଦିବସ

ଖଇରା,୨୬।୧(ଡି.ଏନ୍‌.ଏ.): ବାଲେଶ୍ବର ଜିଲା ଅଧୀନ ଖଇରା ବ୍ଲକର ବିଭିନ୍ନ ସ୍ଥାନରେ ୭୧ତମ ସାଧାରଣତନ୍ତ୍ର ଦିବସ ପାଳିତ ହୋଇଯାଇଛି। ବିଦ୍ୟାଳୟଗୁଡିକରେ ପ୍ରଭାତ ଫେରି ସାଙ୍ଗକୁ ସାଂସ୍କୃତିକ କାର୍ଯ୍ୟକ୍ରମ...

କୃତ୍ରିମ ବନ୍ୟାକୁ ବର୍ଷେ ବିତିବାକୁ ବସିଲାଣି:ଏଯାଏ ଚାଷୀଙ୍କୁ ମିଳିନି କ୍ଷତିପୂରଣ

ଆନନ୍ଦପୁର,୨୪।୭ (ସ୍ବ.ପ୍ର.)-କୃଷି ଓ କୃଷକଙ୍କ ସମସ୍ୟା ପ୍ରତି ସରକାର ଓ ପ୍ରଶାସନ ସ୍ତରରେ କିଭଳି ଅବହେଳା କରାଯାଉଛି ତାହାର ଏକ ନଜିର ପଦାକୁ ଆସିଛି। ଗତ...

ଅଭିନବ ଉପାୟରେ ଚେନ୍‌ ଲୁଟିନେଲେ ଦୁର୍ବୃତ୍ତ

ଭଦ୍ରକ ଅଫିସ,୧୬ା୬: ସହର ମଧ୍ୟରୁ ଅଭିନବ ଉପାୟରେ ମହିଳାଙ୍କ ବ୍ୟାଗରୁ ସୁନା ଚେନ୍‌ ଲୁଟି ନେଇଛନ୍ତି ଦୁର୍ବୃତ୍ତ। ରବିବାର ସକାଳେ ଭଦ୍ରକ ସହରର ବନ୍ତ ଛକ...

କାଳ ବୈଶାଖୀରେ ଭାଙ୍ଗିଲା ଘର

ଚମ୍ପୁଆ,୨୯ା୫(ଡି.ଏନ.ଏ.): କାଳ ବୈଶାଖୀ ତାଣ୍ଡବ ଯୋଗୁଁ ବାସୁଦେବପୁର ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି। ବର୍ଷା ସହ ପ୍ରବଳ ବେଗରେ ପବନ ହେବାରୁ ଗ୍ରାମର ତ୍ରିବନ...

ରଙ୍ଗ ମିସ୍ତ୍ରୀ କାମ କରି ସୁନାଗହଣା ନେଇ ଚମ୍ପଟ, ଯାଜପୁର ରେଳଷ୍ଟେଶନରୁ ଅଭିଯୁକ୍ତ ଗିରଫ

ଢେଙ୍କିକୋଟ, ୧୮ା୬(ଡି.ଏନ.ଏ.)-କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅନ୍ତର୍ଗତ ତୋରାଣିପୋଖରୀ ପଞ୍ଚାୟତ ତୋରାଣିପୋଖରୀ ଗ୍ରାମର ପ୍ରଶ୍ନଜିତ୍‌ ମିଶ୍ରଙ୍କ ଘରେ ରଙ୍ଗ ମିସ୍ତ୍ରୀ ଭାବେ କାମ କରୁଥିବା ଜଣେ...

Leave a comment

Your email address will not be published. Required fields are marked *