Posted inUncategorized

ବୁନା ପନିର୍‌

ହୋଟେଲ ହେଉ ଅବା ରେସ୍ତୋରାଁ ଯେଉଁଠି ସୁସ୍ବାଦୁ ଖାଦ୍ୟ ମିଳେ ସେଇଠି ପର୍ଯ୍ୟଟକଙ୍କ ଗହଳି ଲାଗେ। ତେଣୁ ପର୍ଯ୍ୟଟକଙ୍କୁ ଦୃଷ୍ଟିରେ ରଖି ପୁରୀର ବିଭିନ୍ନ ହୋଟେଲ ଏବଂ ରେସ୍ତୋରାଁରେ ସ୍ବାଦିଷ୍ଟ ବ୍ୟଞ୍ଜନ ପ୍ରସ୍ତୁତ କରାଯାଏ। ପୁରୀ ସିଟିରୋଡ ବାଙ୍କୀ ମୁହାଣ ନିକଟ ଦି କିଚେନ ରେସ୍ତୋରାଁରେ ଉଭୟ ଆମିଷ ଏବଂ ନିରାମିଷ ଖାଦ୍ୟ ପ୍ରସ୍ତୁତ କରାଯାଇ ଗ୍ରାହକଙ୍କୁ ପରଷି ଦିଆଯାଏ। ଏଠାରେ ପ୍ରସ୍ତୁତ ନିରାମିଷ ଖାଦ୍ୟ ମଧ୍ୟରେ ବୁନା ପନିର୍‌ ଡିଶ୍‌ର ଚାହିଦା କାହଁିରେ କ’ଣ। ଏହି ଇଣ୍ଡିଆନ ଡିଶ୍‌ର ପ୍ଲେଟ୍‌ ଦାମ୍‌ ୨୨୦ ଟଙ୍କା। ଏହାର ପ୍ରସ୍ତୁତି ସମ୍ପର୍କରେ ରେସ୍ତୋରାଁର ଶେଫ୍‌ ରତିକାନ୍ତ ବେହେରା ଯାହା କୁହନ୍ତି…

ଆବଶ୍ୟକ ସାମଗ୍ରୀ:

ପନିର୍‌: ୨୦୦ଗ୍ରାମ୍‌
ରିଫାଇନ୍‌ ତେଲ: ୧୦୦ ଗ୍ରାମ୍‌
ଭଲ ଘିଅ: ୧୦ ଗ୍ରାମ୍‌
କଟା ପିଆଜ: ୫୦ ଗ୍ରାମ୍‌
ଅଦା/ରସୁଣ ପେଷ୍ଟ: ୫୦ ଗ୍ରାମ୍‌
ଦହି: ୧୦ ଗ୍ରାମ୍‌
ଲଙ୍କାଗୁଣ୍ଡ: ୫ ଗ୍ରାମ୍‌
ହଳଦୀଗୁଣ୍ଡ: ୫ ଗ୍ରାମ୍‌
ଜିରାଗୁଣ୍ଡ: ୫ ଗ୍ରାମ୍‌
ଧନିଆଗୁଣ୍ଡ: ୫ ଗ୍ରାମ୍‌
ଟମାଟୋ ସସ୍‌: ୧୦ ଗ୍ରାମ୍‌
ଚିନି: ୧୦ ଗ୍ରାମ୍‌
ଧନିଆପତ୍ର: ୫ ଗ୍ରାମ୍‌
ପୋଦିନାପତ୍ର: ୫ ଗ୍ରାମ୍‌
କ୍ୟାପ୍‌ସିକମ: ୫୦ ଗ୍ରାମ୍‌
ଟମାଟୋ: ୫୦ ଗ୍ରାମ୍‌
ଗୁଜୁରାତି: ୨ଟି
ତେଜପତ୍ର: ୨ଟି
ଡାଳଚିନି: ୨ ଗ୍ରାମ୍‌
ସ୍ବାଦ ଅନୁଯାୟୀ ଲୁଣ

ପ୍ରସ୍ତୁତି ପ୍ରଣାଳୀ:

ପ୍ରଥମେ ପନିର୍‌କୁ କିମା କରି ସେଥିରେ ଲୁଣ ଏବଂ କର୍ନ୍‌ଫ୍ଲୋର ପକାଇ ଭଲ ଭାବେ ଗୋଳାନ୍ତୁ। ଚୁଲାରେ ଫ୍ରାଏପେନ୍‌ ବସାଇ ରିଫାଇନ ତେଲ ପକାଇବେ ଓ ତେଲ ଗରମ ହେଲା ପରେ ପନିର୍‌କୁ ଛାଣନ୍ତୁ। ବ୍ରାଉନ୍‌ କଲର୍‌ ହୋଇଗଲା ପରେ ଏହାକୁ ଏକ ପାତ୍ରକୁ କାଢିଦେବେ। ଅନ୍ୟ ଏକ ଫ୍ରାଏପେନକୁ ଚୁଲାରେ ବସାଇ ଦୁଇ ଚାମଚ ରିଫାଇନ ତେଲ ପକାଇବେ। ତେଲ ଗରମ ହେବା ପରେ ଗୁଜୁରାତି, ତେଜପତ୍ର, ଡାଳଚିନି ପକାଇ ୨ ମିନିଟ୍‌ ଭାଜିବେ। ପରେ କଟା ପିଆଜ ପକାଇ ଭାଜନ୍ତୁ। ବ୍ରାଉନ କଲର୍‌ ହେବା ପରେ ଅଦା ରସୁଣ ପେଷ୍ଟ୍‌ ପକାଇ ଦେବେ। ମସଲା ହୋଇଗଲା ପରେ ସେଥିରେ ଛୋଟ ଛୋଟ କଟାଯାଇଥିବା କ୍ୟାପ୍‌ସିକମ, ଟମାଟୋ, ଧନିଆପତ୍ର, ପୋଦିନାପତ୍ର ପକାଇ ଭଲ ଭାବେ କଷନ୍ତୁ। ପ୍ରାୟ ୨ ମିନିଟ୍‌ କଷିବା ପରେ ସେଥିରେ ଦହି, ଜିରାଗୁଣ୍ଡ, ଲଙ୍କାଗୁଣ୍ଡ, ହଳଦୀଗୁଣ୍ଡ, ଧନିଆଗୁଣ୍ଡ ଏବଂ ସ୍ବାଦ ଅନୁସାରେ ଲୁଣ ଓ ଚିନି ପକାନ୍ତୁ। ୩/୪ ମିନିଟ୍‌ କଷିବା ପରେ ପୂର୍ବରୁ ଛଣାଯାଇଥିବା ପନିର୍‌କୁ ପକାନ୍ତୁ। ୨ କପ୍‌ ପାଣି ଦେଇ ଏହାକୁ ଭଲ ଭାବେ ଗୋଳାଇ ୫ ମିନିଟ୍‌ ପର୍ଯ୍ୟନ୍ତ ଘୋଡାଇ ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ବୁନା ପନିର୍‌। ଏହାକୁ ଏକ ପାତ୍ରରେ କାଢ଼ି ତା’ ଉପରେ ଘିଅ ପକାଇ ରୁଟି କିମ୍ବା ନାନ୍‌ ସହିତ ପରଷି ଦିଅନ୍ତୁ।


All Right Reserved By Dharitri.Com

Posted inUncategorized View All

ପେଟପୁରା ଖାଇବାକୁ ନ ଦେବାରୁ ମାଲିକାଣୀଙ୍କୁ ଅତି ନିର୍ମମ ଭାବେ ହତ୍ୟା କଲେ ଚାକର

ଯମୁନାନଗର,୧୮।୫: ହରିଆଣାର ଯମୁନାନଗରରେ ଥିବା ନ୍ୟୁ ଜୈନ ନଗର କଲୋନୀରେ ଏକ ଚାଞ୍ଚଲ୍ୟକର ଘଟଣା ଦେଖିବାକୁ ମିଳିଛି। ପେଟପୁରା ଖାଇବାକୁ ନ ଦେବାରୁ ମାଲିକାଣୀଙ୍କୁ ହତ୍ୟା...

ବୁଲେଟ୍‌ ଧକ୍କାରେ କାଉଡ଼ିଆ ଗୁରୁତର

ଫୁଲନଖରା,୨୮।୭(ଡି.ଏନ୍‌.ଏ.)- କଟକ-ଭୁବନେଶ୍ୱର ୧୬ନଂ ଜାତୀୟ ରାଜପଥର ବମ୍ପକୁଦଠାରେ ଶନିବାର ରାତିରେ ଏକ ବୁଲେଟ ଧକ୍କାରେ ଜଣେ କାଉଡିଆ ଗୁରୁତର ହୋଇଛନ୍ତି। ଖବରପାଇ ଟ୍ରାଫିକ ଥାନା ପୋଲିସ...

ରୋଗୀ ନେଇ ଯାଉଥିବା ଗାଡ଼ିି ଦୁର୍ଘଟଣାଗ୍ରସ୍ତ

ଠାକୁରମୁଣ୍ଡା,୨୪ା୧(ଡି.ଏନ୍‌.ଏ.)- ମୟୂରଭଞ୍ଜ ଜିଲା ତିରିଂ ଥାନା ଅଧୀନ ଝରାଡ଼ିର ବଡ଼କଦମ ଗ୍ରାମରୁ ଜଣେ ରୋଗୀଙ୍କୁ ଚିକିତ୍ସା ପାଇଁ କଟକ ନେବା ବାଟରେ କରଞ୍ଜିଆଠାରୁ ୪ କିମି...

୫ ଲକ୍ଷ କୋଟି ଡଲାର ଅର୍ଥନୀତି ନେଇ ପ୍ରଣବଙ୍କ ମନ୍ତବ୍ୟ; ହାସଲ ହୋଇପାରେ ସରକାରଙ୍କ ଲକ୍ଷ୍ୟ

ନୂଆଦିଲ୍ଲୀ,୨୬-୮: ଭାରତକୁ ୨୦୨୪-୨୫ ସୁଦ୍ଧା ୫ ଲକ୍ଷ କୋଟି ଡଲାର ଅର୍ଥନୀତିରେ ପରିଣତ କରିବା ଲାଗି ଏନ୍‌ଡିଏ ସରକାର ଧାର୍ଯ୍ୟ କରିଥିବା ଉଚ୍ଚାଭିଳାଷୀ ଲକ୍ଷ୍ୟ ହାସଲ...

ହତ୍ୟାକାରୀ ମା’ଙ୍କୁ ଆଜୀବନ ଜେଲ୍‌

ଆଠମଲ୍ଲିକ,୪।୩(ଡି.ଏନ.ଏ.)-୨୦୧୬ରେ ୩ ଶିଶୁପୁତ୍ରଙ୍କୁ କୂଅରେ ଫିଙ୍ଗି କରାଯାଇଥିବା ଏକ ହତ୍ୟା ମାମଲାର ବିଚାର କରି ମଙ୍ଗଳବାର ଅନୁଗୋଳ ଜିଲା ଆଠମଲ୍ଲିକ ଆଡିଶନାଲ୍‌ ସେସନ୍‌ ଜଜ୍‌ ଏସ୍‌.ଆର୍‌....

ମାଓବାଦୀଙ୍କ ଶହୀଦ ସପ୍ତାହ : ସେମିଳିଗୁଡ଼ା ବ୍ଲକର ୩ ପଞ୍ଚାୟତରେ ମାଓପୋଷ୍ଟର

ସେମିଳିଗୁଡ଼ା,୨୮।୭(ଡି.ଏନ୍‌.ଏ.): ମାଓବାଦୀମାନେ ଜୁଲାଇ ୨୮ରୁ ଅଗଷ୍ଟ ୩ ପର୍ଯ୍ୟନ୍ତ ଶହୀଦ ସପ୍ତାହ ପାଳନ କରୁଛନ୍ତି। ଏହି ପରିପ୍ରେକ୍ଷୀରେ କୋରାପୁଟ ଜିଲା ସେମିଳିଗୁଡା ବ୍ଲକରେ କାଣ୍ଟି, ଦୁଧାର...

ରକ୍ତ ଭଣ୍ଡାରରେ ଅଭାବ ଦୂର କରିବାକୁ ରକ୍ତଦାନ କଲେ କ୍ଲବ୍‌ ସଦସ୍ୟ

ଲଖନପୁର,୩୦।୪(ଡି.ଏନ୍‌.ଏ.): ମହାମାରୀ କରୋନା ସଂକ୍ରମଣକୁନେଇ ସାରା ବିଶ୍ୱରେ ଭୟାବହ ପରିସ୍ଥିତି ଦେଖାଦେଇଛି। ଏହାକୁ ନିୟନ୍ତ୍ରଣ କରିବା ପାଇଁ ସାରାଦେଶରେ ଲକ୍‌ଡାଉନ୍‌ ଜାରି ହୋଇଛି। ଏଭଳି ଜରୁରୀ...

Leave a comment

Your email address will not be published. Required fields are marked *