Posted inଜାତୀୟ

ଛଦ୍ମ ରାଷ୍ଟ୍ରବାଦକୁ ‘ଝାଡୁ’:ଏକ ଅଙ୍କରେ ସୀମିତ ଭାଜପା, କଂଗ୍ରେସ ଏଥର ବି ମୂଳପୋଛ

ନୂଆଦିଲ୍ଲୀ,୧୨।୨ :ଯାହା ଅନୁମାନ କରାଯାଉଥିଲା ତାହା ହିଁ ହେଲା। ଦିଲ୍ଲୀରେ ଆମ୍‌ ଆଦ୍‌ମୀ ପାର୍ଟି (ଏଏପି) ବିପୁଳ ବିଜୟ ହାସଲ କରିଛି। ମୁଖ୍ୟମନ୍ତ୍ରୀ ଅରବିନ୍ଦ କେଜ୍‌ରିଓ୍ବାଲ ତୃତୀୟଥର ପାଇଁ କ୍ଷମତା ଦଖଲ କରିବାକୁ ଯାଉଛନ୍ତି। ସଦ୍ୟ ଅନୁଷ୍ଠିତ ବିଧାନସଭା ନିର୍ବାଚନରେ ଶାସକ ଏଏପି ୬୨ ଆସନ ଦଖଲ କରି ପୂର୍ଣ୍ଣସଂଖ୍ୟାଗରିଷ୍ଠତା ଲାଭ କରିଛି। ଭାଜପାକୁ ମାତ୍ର ୮ ଆସନରେ ସନ୍ତୁଷ୍ଟ ହେବାକୁ ପଡ଼ିଥିବାବେଳେ କଂଗ୍ରେସ ଏଥର ମଧ୍ୟ ଖାତା ଖୋଲିପାରି ନାହିଁ। ଏଏପିର ‘ଉନ୍ନୟନମୂଳକ କାର୍ଯ୍ୟକ୍ରମ’ ସପକ୍ଷରେ ଜନାଦେଶ ଯାଇଥିବାବେଳେ ଭାଜପାର ‘ ଜାତୀୟତାବାଦୀ କାର୍ଯ୍ୟସୂଚୀ’ କାମ ଦେଇନାହିଁ। ଦିଲ୍ଲୀବାସୀ ଏହାକୁ ପ୍ରତ୍ୟାଖ୍ୟାନ କରି ଛଦ୍ମ ରାଷ୍ଟ୍ରବାଦକୁ ଝାଡ଼ୁ ମାରିଦେଇଥିବା ରାଜନୈତିକ ବିଶ୍ଳେଷକମାନେ ମତ ଦେଇଛନ୍ତି। ଫଳରେ ନିର୍ବାଚନ ବେଳେ ଧୂଅଁାଧାର ପ୍ରଚାର ଚଳାଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ବରାଷ୍ଟ୍ରମନ୍ତ୍ରୀ ଅମିତ୍‌ ଶାହା ଓ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡାଙ୍କୁ ଶକ୍ତ ଝଟକା ଲାଗିଛି। ଏହି ବିଜୟ ସହ ଜାତୀୟ ରାଜନୀତିରେ କେଜ୍‌ରିଓ୍ବାଲଙ୍କ ପତିଆରା ବୃଦ୍ଧିପାଇଛି। ଏଏପି ନେତା ଓ କର୍ମୀ ଉତ୍ସବ ମନାଉଥିବାବେଳେ ଭାଜପା ଶିବିରରେ ନୈରାଶ୍ୟ ଖେଲିଯାଇଛି।
ଗତ ୮ ତାରିଖରେ ଦିଲ୍ଲୀ ବିଧାନସଭାର ୭୦ ଆସନ ପାଇଁ ଅନୁଷ୍ଠିତ ନିର୍ବାଚନରେ ୬୨.୫୯% ମତଦାନ ହୋଇଥିଲା। ଏହାସହ ମଇଦାନରେ ଥିବା ୭୯ ମହିଳାଙ୍କ ସମେତ ମୋଟ ୬୭୨ ପ୍ରାର୍ଥୀଙ୍କ ଭାଗ୍ୟ ଇଲେକ୍ଟ୍ରୋନିକ ଭୋଟିଂ ମେଶିନ୍‌ (ଇଭିଏମ୍‌)ରେ ବନ୍ଦ ହୋଇଯାଇଥିଲା। ଉଭୟ ଏଏପି ଏବଂ ଭାଜପା ବିଜୟ ଆଶା ରଖିଥିବାବେଳେ ଅଧିକାଂଶ ଏକ୍‌ଜିଟ୍‌ ପୋଲ୍‌ କେଜ୍‌ରିଓ୍ବାଲଙ୍କ ଦଳ ସପକ୍ଷରେ ଜନମତ ରହିଥିବା ଭବିଷ୍ୟବାଣୀ କରିଥିଲେ। ଦିଲ୍ଲୀର ୧୧ ଜିଲାର ୨୧ଟି ସ୍ଥାନରେ ଭୋଟଗଣତି କେନ୍ଦ୍ର ପ୍ରତିଷ୍ଠା କରାଯାଇଥିଲା। ମଙ୍ଗଳବାର ସକାଳେ କଡ଼ା ସୁରକ୍ଷା ବଳୟ ମଧ୍ୟରେ ଗଣତି ଆରମ୍ଭ ହୋଇଥିଲା। ପ୍ରଥମରୁ ଅଧିକାଂଶ ଆସନରେ ଦୁଇଦଳ ମଧ୍ୟରେ କଡ଼ା ଟକ୍କର ହେଉଥିବା ଜଣାପଡ଼ିଥିଲା। କିନ୍ତୁ ସମୟ ଗଡ଼ିଚାଲିବା ସହ ଫଳାଫଳ ପରିଷ୍କାର ହେବାରେ ଲାଗିଲା। ନିର୍ବାଚନ କମିଶନ (ଇସି)ଙ୍କ ଓ୍ବେବ୍‌ସାଇଟ୍‌ରୁ ମିଳିଥିବା ତଥ୍ୟାନୁସାରେ ଏଏପି ୬୨ ଆସନ ଦଖଲ କରି ପୁଣିଥରେ ସରକାର ଗଠନ ପାଇଁ ଅଣ୍ଟା ଭିଡ଼ିଛି। ଭାଜପାକୁ ଶୋଚନୀୟ ପରାଜୟର ମୁହଁ ଦେଖିବାକୁ ପଡ଼ିଛି। କଂଗ୍ରେସ ୨୦୧୫ ଭଳି ଏହି ନିର୍ବାଚନରେ ମଧ୍ୟ ଖାତା ଖୋଲିପାରି ନାହିଁ। ମୁଖ୍ୟମନ୍ତ୍ରୀ କେଜ୍‌ରିଓ୍ବାଲ ନୂଆଦିଲ୍ଲୀ ଆସନରୁ ବିଜୟୀ ହୋଇଛନ୍ତି। ସେ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ଭାଜପାର ସୁନୀଲ କୁମାର ଯାଦବଙ୍କୁ ୨୧,୬୯୭ ଭୋଟରେ ହରାଇଛନ୍ତି। ସେହିପରି ଉପମୁଖ୍ୟମନ୍ତ୍ରୀ ମନୀଷ୍‌ ସିସୋଡିଆ ପଟପଡ୍‌ଗଞ୍ଜ ଆସନରେ ଭାଜପା ପ୍ରାର୍ଥୀ ରବୀନ୍ଦର ସିଂଙ୍କୁ ୧୧,୦୦୦ ଭୋଟ ବ୍ୟବଧାନରେ ପରାସ୍ତ କରିଛନ୍ତି। ଏଏପି ନେତା ରାଘବ ଚଢ଼ା (ରାଜିନ୍ଦର ନଗର), ଅତିଶୀ (କାଲକାଜୀ), ଅମାନତୁଲ୍ଲା ଖାନ୍‌ (ଓଖ୍‌ଲା), ଗୋପାଲ ରାଏ (ବାବରପୁର) ଓ ସତ୍ୟେନ୍ଦ୍ର ଜୈନ(ଶକୁରବସ୍ତି) ମଧ୍ୟ ବିଜୟ ଲାଭ କରିଛନ୍ତି। ଅନ୍ୟପକ୍ଷେ ଭାଜପାର ବିଜେନ୍ଦର ଗୁପ୍ତା (ରୋହିଣୀ), ଓମ୍‌ପ୍ରକାଶ ଶର୍ମା (ବିଶ୍ୱାସନଗର) ବିଜୟୀ ହୋଇଥିବାବେଳେ କପିଲ ମିଶ୍ରା (ମଡେଲ ଟାଉନ), ଅଭୟ ବର୍ମା (ଲକ୍ଷ୍ମୀ ନଗର), ମୋହନ ସିଂ ବିଷ୍ଟ୍‌ (କର୍‌ଓ୍ବାଲନଗର) ଓ ଜିତେନ୍ଦର ମହାଜନ (ରୋହତାସ୍‌ପୁର) ପରାଜିତ ହୋଇଛନ୍ତି। କଂଗ୍ରେସର ଅଲ୍‌କା ଲାମ୍ବା (ଚାନ୍ଦନୀ ଚୌକ), ଅରବିନ୍ଦର ସିଂ ଲଭ୍‌ଲି (ଗାନ୍ଧୀନଗର) ଆସନରୁ ହାରିଯାଇଛନ୍ତି। ଏହି ବିପୁଳ ବିଜୟ ପରେ କେଜ୍‌ରିଓ୍ବାଲ ଦିଲ୍ଲୀବାସଙ୍କୁ କୃତଜ୍ଞତା ଜଣାଇଛନ୍ତି। ଏଏପି ମୁଖ୍ୟାଳୟରେ ସ୍ତ୍ରୀ ସୁନୀତା ଓ ଝିଅ ହର୍ଷିତାଙ୍କ ସହ ଏକ ସଭାକୁ ସମ୍ବୋଧିତ କରି କେଜ୍‌ରିଓ୍ବାଲ କହିଛନ୍ତି ଯେ ‘ଦିଲ୍ଲୀଓ୍ବାଲେଁା, ଗଜବ କର୍‌ଦି ଆପନେ।’ ବିଭାଜନବାଦୀ ରାଜନୀତିକୁ ପ୍ରତ୍ୟାଖ୍ୟାନ କରି ସକାରାମତ୍କ ରାଜନୀତିକୁ ବିଜୟୀ କରାଇଥିବାରୁ ଆପଣମାନଙ୍କୁ ଧନ୍ୟବାଦ। ଏବେ ଏକ ନୂଆ ରାଜନୀତି ଆରମ୍ଭ ହେବାକୁ ଯାଉଛି। ତାହା ହେଉଛି କାମର ରାଜନୀତି। ସ୍ତ୍ରୀ ସୁନୀତାଙ୍କ ଜନ୍ମଦିନରେ କେଜ୍‌ରିଓ୍ବାଲ ତାଙ୍କୁ ଏହି ଐତିହାସିକ ବିଜୟର ଉପହାର ଦେଇଛନ୍ତି।
କେନ୍ଦ୍ର ସରକାରଙ୍କ ନାଗରିକତ୍ୱ ସଂଶୋଧନ ଆଇନ (ସିଏଏ)କୁ ନେଇ ଦେଶବ୍ୟାପୀ ବିକ୍ଷୋଭ ଚାଲିଥିବାବେଳେ ଦିଲ୍ଲୀ ନିର୍ବାଚନ ଆସିଥିଲା। ବିଶେଷକରି ଦିଲ୍ଲୀ ଶାହିନବାଗରେ ପ୍ରାୟ ଦୁଇମାସ ଧରି ମହିଳାମାନେ ବିକ୍ଷୋଭ କରୁଥିଲେ। ଓଖ୍‌ଲା ନିର୍ବାଚନମଣ୍ଡଳୀ ଅଧୀନରେ ଆସୁଥିବା ବହୁଚର୍ଚ୍ଚିତ ଅଞ୍ଚଳ ଶାହିନବାଗର ମହିଳା ମତଦାତାମାନେ ଗତ ଶନିବାର ବିକ୍ଷୋଭ ଜାରି ରଖିବା ସହ ପାଳି କରି ଭୋଟ ଦେବାକୁ ଯାଇଥିଲେ। ‘ଶାହିନବାଗ’କୁ ଭାଜପା ଏକ ବଡ଼ ପ୍ରସଙ୍ଗ କରିଥିଲା। ଭାଜାପା ନେତାମାନେ ଏହାକୁ ନେଇ ଏଏପିକୁ ଟାର୍ଗେଟ କରିଥିଲେ। ସ୍ବରାଷ୍ଟ୍ରମନ୍ତ୍ରୀ ଅମିତ୍‌ ଶାହା ପ୍ରଚାର ବେଳେ ଭୋଟରଙ୍କୁ ଆହ୍ବାନ ଦେଇଥିଲେ, ଦିଲ୍ଲୀବାସୀ ଇଭିଏମ୍‌ର ବଟନ ଏପରି ଦବାଇବେ ଯେ କରେଣ୍ଟ ସିଧା ଯାଇ ଶାହିନବାଗରେ ଲାଗିବ। ଏପରି କି କେଜ୍‌ରିଓ୍ବାଲଙ୍କୁ ଭାଜପା ନେତାମାନେ ଆତଙ୍କବାଦୀ ଆଖ୍ୟା ଦେବାକୁ ପଛାଇ ନ ଥିଲେ। ଏହାକୁ ଉଭୟ ଏଏପି ଏବଂ କଂଗ୍ରେସ ପକ୍ଷରୁ ସମାଲୋଚନା କରାଯାଇଥିଲା। ଶେଷରେ ଓଖ୍‌ଲା ନିର୍ବାଚନମଣ୍ଡଳୀର ଭୋଟର ଭାଜପାକୁ ପ୍ରତ୍ୟାଖ୍ୟାନ କଲେ। ପ୍ରଚାର ଶେଷ ଆଡ଼କୁ କେଜ୍‌ରିଓ୍ବାଲ ହନୁମାନ ଚାଳିଶା ପାଠ କରିବା ସହ କନ୍ନଟପ୍ଲେସର ହନୁମାନ ମନ୍ଦିର ଦର୍ଶନ କରିବାକୁ ଯାଇଥିଲେ। ଭାଜପା ନୁହେଁ, ବରଂ ଏଏପି ହିଁ ଅସଲ ହିନ୍ଦୁବାଦୀ ଓ ଦେଶଭକ୍ତ ଦଳ ବୋଲି ଏହା ଥିଲା କେଜ୍‌ରିଓ୍ବାଲଙ୍କ ରାଜନୈତିକ ସଙ୍କେତ। ମୋଟାମୋଟି ଭାବେ କେଜ୍‌ରିଓ୍ବାଲ ଓ ତାଙ୍କ ଦଳର ଅଧିକାଂଶ ନେତାଙ୍କ ପ୍ରଚାର ବିକାଶଭିତ୍ତିକ ଥିଲା। ଶିକ୍ଷା, ସ୍ବାସ୍ଥ୍ୟ, ପାନୀୟ ଜଳ, ବିଦ୍ୟୁତ୍‌ ଓ ଭିତ୍ତିଭୂମି ବିକାଶ ଉପରେ ଏଏପି ଗୁରୁତ୍ୱ ଦେଇଥିଲା। କେଜ୍‌ରିଓ୍ବାଲ ସବୁବେଳେ କହୁଥିଲେ, ଆମ ୫ ବର୍ଷର ଶାସନକୁ ଦେଖି ଲୋକେ ଆମକୁ ଭୋଟ ଦେବେ। ପରିଣାମ ତାହା ହିଁ ହୋଇଛି। ୨୦୧୫ ବିଧାନସଭା ନିର୍ବାଚନରେ ଏଏପି ୬୭ ଆସନ ଦଖଲ କରିଥିବାବେଳେ ଏଥର ତା’ ହାତରୁ ୫ଟି ଆସନ ଖସିଯାଇଛି। ଗତଥର ମାତ୍ର ୩ ଆସନ ପାଇଥିବା ଭାଜପା ଏଥର ଅଧିକ ୫ଟି ସିଟ୍‌ ଅକ୍ତିଆର କରିପାରିଛି। କଂଗ୍ରେସର ୬୩ ଜଣ ପ୍ରାର୍ଥୀ ସେମାନଙ୍କ ଅମାନତ ହରାଇଛନ୍ତି। ନିର୍ବାଚନ ଜିତିବା ପରେ କେଜ୍‌ରିଓ୍ବାଲ ଓ ସିସୋଡିଆ ପରିବାର ବର୍ଗ ସହ କନ୍ନଟପ୍ଲେସ୍‌ର ପ୍ରସିଦ୍ଧ ହନୁମାନ ମନ୍ଦିରଙ୍କୁ ଯାଇ ପୂଜାର୍ଚ୍ଚନା କରିଛନ୍ତି। ପରେ ଉଭୟେ ଗଣତି କେନ୍ଦ୍ରକୁ ଯାଇ ବିଜୟ ପ୍ରମାଣପତ୍ର ଆଣିଥିବା ଜଣାପଡ଼ିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେଜ୍‌ରିଓ୍ବାଲଙ୍କୁ ଅଭିନନ୍ଦନ ଜଣାଇଛନ୍ତି। ତୃତୀୟଥର ପାଇଁ ସରକାର ଗଠନ କରିବାକୁ ଯାଉଥିବା କେଜ୍‌ରିଓ୍ବାଲ ଦିଲ୍ଲୀବାସୀଙ୍କ ଆଶାଆକାଂକ୍ଷା ପୂରଣ କରିବେ। ତାଙ୍କୁ ଅଭିନନ୍ଦନ ବୋଲି ମୋଦି ଟୁଇଟ୍‌ କରିଛନ୍ତି। ଆସନ୍ତା ୧୪ ତାରିଖରେ ଭାଲେଣ୍ଟାଇନ୍ସ ଡେ’ ଅବସରରେ କେଜ୍‌ରିଓ୍ବାଲ ଶପଥ ନେବେ ବୋଲି ଜଣାପଡ଼ିଛି।


All Right Reserved By Dharitri.Com

ଆତ୍ମହତ୍ୟା କଲେ ଆନ୍ଧ୍ର ପ୍ରଦେଶ ବିଧାନସଭାର ପୂର୍ବତନ ବାଚସ୍ପତି

ହାଇଦ୍ରାବାଦ,୧୬।୯: ଆନ୍ଧ୍ର ପ୍ରଦେଶ ବିଧାନସଭାର ପୂର୍ବତନ ବାଚସ୍ପତି ତଥା ତେଲଗୁ ଦେଶମ ପାର୍ଟି(ଟିଡିପି)ର ନେତା କୋଡେଲା ଶିବ ପ୍ରସାଦ ରାଓ ସୋମବାର ଆତ୍ମହତ୍ୟା କରିଛନ୍ତି। ଏନେଇ...

ସ୍ବାଧୀନତା ଦିବସରେ ନାଚିଲେ ଲଦାଖ ଏମ୍‌ପି

ଲଦାଖ,୧୫।୮: ସ୍ବାଧୀନତା ଦିବସ ଅବସରରେ ଲଦାଖ ଏମ୍‌ପି ଜାମ୍‌ୟାଙ୍ଗ ତେସରିଂ ନାମଗୟାଲ ନିଜ ସମର୍ଥକଙ୍କ ସହିତ ଖୁସି ମନରେ ନାଚିଛନ୍ତି। ଜମ୍ମୁ-କଶ୍ମୀରରୁ ଲଦାଖ ଅଲଗା ହେବା...

ସପ୍ତାହେ ମଧ୍ୟରେ ସଂଖ୍ୟା ଗରିଷ୍ଠତାର ପ୍ରମାଣ ଦେବେ ୟେଦୁରପ୍ପା

ବେଙ୍ଗାଲୁରୁ,୨୬।୭: କର୍ନାଟକର ୨୫ତମ ମୁଖ୍ୟମନ୍ତ୍ରୀ ଭାବେ ବିଏସ୍‌ ୟେଦୁରପ୍ପା ଶୁକ୍ରବାର ଶପଥ ଗ୍ରହଣ କରିଛନ୍ତି। କଂଗ୍ରେସ ଜେଡିଏସ୍‌ ମେଣ୍ଟ ସରକାର ଭାଙ୍ଗିବାର ମାତ୍ର ୩ ଦିନ...

ନେହେରୁଙ୍କ ଅଚାନକ ଅସ୍ତ୍ରବିରତି ଘୋଷଣା ଯୋଗୁ ସୃଷ୍ଟି ହୋଇଥିଲା ପିଓକେ: ଶାହ

ମୁମ୍ବାଇ,୨୨।୯ : ପାକିସ୍ତାନ ଅଧିକୃତ କଶ୍ମୀର(ପିଓକେ) ଯୋଗୁ ସମସ୍ୟା ସୃଷ୍ଟି ହେବାରେ ଲାଗିଛି। ତେବେ ଏହା ପୂର୍ବତନ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ୍‌ ନେହେରୁଙ୍କର ଏକ ଐତିହାସିକ...

ହଳଦୀ ମିଶା କ୍ଷୀରପାନ ଅବସାଦ ଦୂରକରେ

ନୂଆଦିଲ୍ଲୀ: ରାତିରେ ଶୋଇବା ପୂର୍ବରୁ ଅଧାଗ୍ଲାସେ ହଳଦୀ ମିଶା କ୍ଷୀର ପିଇଲେ ବହୁ ଉପକାର ମିଳିଥାଏ। ଏହାଦ୍ୱାରା ସାରାଦିନର ଥକାପଣ ଦୂରହୋଇ ସୁଖନିଦ୍ରା ହୋଇଥାଏ। ଶରୀର...

ପାକିସ୍ତାନକୁ ଭାରତର ଜବାବ

ନୂଆଦିଲ୍ଲୀ,୯।୮: ମୋଦି ସରକାର ଜମ୍ମୁ-କଶ୍ମୀରରେ ଅନୁଚ୍ଛେଦ ୩୭୦ ହଟାଇବା ପରେ ଭାରତ ପାକିସ୍ତାନ ମଧ୍ୟରେ ତିକ୍ତତା ବଢିବାରେ ଲାଗିଛି। ପାକିସ୍ତାନ ଭାରତ ସହ ବ୍ୟବସାୟୀକ ସମ୍ପର୍କ...

ଖାଲକୁ ଖସିଲା ମନ୍ତ୍ରୀଙ୍କୁ ସୁରକ୍ଷା ଦେଉଥିବା ଗାଡି: ୨ ପୋଲିସ ଆହତ

ଭଦୋହି,୧୪।୧୦: ଉତ୍ତର ପ୍ରଦେଶର ଯୋଗୀ ସରକାରରେ ମନ୍ତ୍ରୀ ଥିବା ନନ୍ଦ ଗୋପାଳ ନନ୍ଦୀଙ୍କୁ ସୁରକ୍ଷା ଦେଇଥିବା ଗାଡ଼ି ଦୁର୍ଘଟଣାର ଶିକାର ହୋଇଛି। ରବିବାର ରାତିରେ ଗାଡିଟି...

ପୋଲିସ କମିଶନର ଭାବେ ଶ୍ରୀବାସ୍ତବଙ୍କୁ ଅତିରିକ୍ତ ଦାୟିତ୍ୱ

ନୂଆଦିଲ୍ଲୀ,୨୯ା୨(ପି.ଟି.): ଦିଲ୍ଲୀ ପୋଲିସରେ ସ୍ବତନ୍ତ୍ର ପୋଲିସ କମିଶନର(ଆଇନ ଶୃଙ୍ଖଳା) ଭାବେ ଗତ ସପ୍ତାହରେ ନିଯୁକ୍ତି ପାଇଥିବା ବରିଷ୍ଠ ଆଇପିଏସ୍‌ ଅଫିସର ଏସ୍‌.ଏନ୍‌. ଶ୍ରୀବାସ୍ତବ ରବିବାର ଦିଲ୍ଲୀ...

Leave a comment

Your email address will not be published. Required fields are marked *