ଅଦିନିଆ ବର୍ଷାରେ ଫସଲ ପ୍ରଭାବିତ

ରସୁଲପୁର,୯ା୨(ଡି.ଏନ୍‌.ଏ.): ପାଣିପାଗରେ ଅସ୍ବାଭାବିକ ପରିବର୍ତ୍ତନ ମାନବ ସମାଜ ପାଇଁ କାଳ ସାଜୁଛି। ଏଥିଯୋଗୁଁ ଲୋକମାନେ ବହୁ ଦୁଃସାଦ୍ଧ ରୋଗର ଶିକାର ମଧ୍ୟ ହେଉଛନ୍ତି। ଅନେକ ଗରୀବ ଦିନମଜୁରିଆ, ଖଟିଖିଆଙ୍କ ଭାତହାଣ୍ଡି ପ୍ରଭାବିତ ହେଉଛି। ବିଶେଷକରି ଚାଷୀକୂଳ ଋଣଯନ୍ତା ଭିତରକୁ ଠେଲି ହୋଇଯାଉଛି। ଗତ ୩ଦିନ ହେଲା ଚାଲିଥିବା ଅଦିନିଆ ବର୍ଷା ଓ କୋହଲା ପାଗରେ କୋବି ଫସଲ ବିଶେଷ ପ୍ରଭାବିତ ହେବାର ଆଶଙ୍କ କ୍ରମଶଃ ଦୃଢିଭୂତ ହୋଇଛି। ଏହାକୁ ନେଇ ଚାଷୀ ଆଖିରୁ ନିଦ ହଜି ଯାଇଛି। ବର୍ଷାର ସମ୍ଭାବନାକୁ ଦେଖି ଚାଷୀ ଅତି ତରବରିଆ ଭାବରେ ଅପରିପକ୍ୱ କୋବିକୁ କାଟି ଶାଗମାଛ ଦରରେ ବିକ୍ରିକରି କ୍ଷତି ସହିବାକୁ ବାଧ୍ୟ ହେଉଛି। ଏଭଳି ସ୍ଥିତି ଯାଜପୁର ଜିଲା ରସୁଲପୁର ବ୍ଲକ ଅଞ୍ଚଳରେ ଦେଖାଦେଇଛି। ଝିପ୍‌ ଝିପ୍‌ ବର୍ଷା ଯୋଗୁ ଶିତଦିନିଆ ପନିପରିବା ଫସଲ ପ୍ରଭାବିତ ହୋଇଛି। ଏହାଛଡ଼ା ରବି ଫସଲରେ କ୍ଷତି ପହଞ୍ଚତ୍ବା ସମ୍ଭାବନାକୁ ମଧ୍ୟ ଏଡ଼ାଇ ଦିଆଯାଇ ନ ପାରେ।
ଏହି ବ୍ଲକର ସିଂହାପୁର, ଓଡ଼ିଶୋ, ଜାବରା, ନଠୁଆବର, କଲଣ, ଭୋଟକା,ବଡ଼କଇଁଚି, ରାହାମ୍ବା, ଶ୍ରୀବନ୍ତପୁର, ଟିକରପଡ଼ା, ଗନ୍ଧଣ, ରାହାମ୍ବା, ରସୁଲପୁର ଆଦି ପଞ୍ଚାୟତରେ ଅଧିକାଂଶ ଚାଷୀ କୋବି ଚାଷ କରୁଛନ୍ତି। କୋବି ଏକ ଲାଭକାରୀ ଫସଲ ହୋଇଥିବାରୁ ଏସବୁ ଅଞ୍ଚଳର ଚାଷୀ ଶତାଧିକ ଏକର ଜମିରେ କୋବି ଫସଲ ଚାଷ କରୁଛନ୍ତି। ବର୍ତ୍ତମାନ ଅଧିକାଂଶ କୋବିଗଛରେ କଢ଼ ଧରିଆସୁଛି। ବନ୍ଧାକୋବି ବାନ୍ଧିବାକୁ ଲାଗିଛି। ତେବେ ବର୍ଷା ଯୋଗୁ କୋବିରେ ପୋକ ଲାଗିବ। ଫୁଲ କୋବି ପଚି ଯିବ। ଝାଉଁଳା ଓ ମୂଳସଢ଼ା ରୋଗ ସୃଷ୍ଟି ହେବାର ସମ୍ଭାବନା ବଢିଯାଇଛି। ତେବେ କୋବି କ୍ଷେତକୁ ବେଉଷଣ କରିବାରେ ଚାଷୀମାନେ ହଜାର ହଜାର ଟଙ୍କା ବ୍ୟୟ କରିଛନ୍ତି। ଏଥିପାଇଁ ଅଧିକାଂଶ ଚାଷୀ ଗାଁ ଗଣ୍ଡାର ବିଭିନ୍ନ ସଂଘରୁ ଓ ଧନୀକ ଶ୍ରେଣୀଙ୍କଠାରୁ ହାତଉଧାରେ ଟଙ୍କା ଆଣି ଖର୍ଚ୍ଚ କରିଛନ୍ତି। କୋବି ବିକ୍ରି କରି ଋଣ ମୁକ୍ତ ହେବା ସହ ପରିବାର ପ୍ରତିପୋଷଣ କରିବା ଲକ୍ଷ୍ୟକୁ ଅଦିନିଆ ବର୍ଷା ଭଣ୍ଡୁର କରିଦେଇଛି। ଶୀତଦିନିଆ ପରିବା ଫସଲ ଅଧିକ ଶୀତରେ ଭଲ ଅମଳ ହୋଇଥାଏ। ପରିବା ଗଛରେ ଅଧିକ ଫୁଲ ଫଳ ହୋଇଥାଏ। ମାତ୍ର ଏଥିରେ ବର୍ଷା ବାଧକ ସାଜିଛି। ବର୍ଷା ଯୋଗୁ ପରିବା ଅମଳ କମିବାର ସମ୍ଭାବନା ବି ବଢିଯାଇଛି। ଫୁଲକଷି ଧରିଥିବା ବାଇଗଣ, ବିନ୍‌ସ, ଝୁଡଙ୍ଗ ଆଦି ପରିବା ଫସଲରେ କ୍ଷତି ହେବ ବୋଲି ଚାଷୀମାନେ ଆକଳନ କରୁଛନ୍ତି। ବର୍ଷା ସାଙ୍ଗକୁ ୩/୪ଦିନ ହେବ କୋହଲା ପାଗ ଲାଗି ରହିଛି। ଫଳରେ ପରିବା ଫସଲକୁ ପୋକ ଖାଇଯିବେ ବୋଲି କୁହାଯାଉଛି। ଏଥିରୁ ମୁକୁଳିବା ପାଇଁ ଚାଷୀଙ୍କୁ ଆହୁରି ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ। ଡାଲିଜାତୀୟ ଫସଲ ବାଦାମ ଫସଲରେ ଗଛ ବହୁତ ବଢିବ। ମୂଳରେ ଖରା ନ ପଡ଼ିଲେ ବାଦାମ ଚେରେଇ ଯିବ। ଅମଳ ପ୍ରଭାବିତ ହେବ। କୋଡ଼ାଖୁସା ହୋଇଥିବା ବାଦାମ ଫସଲକୁ ପୁଣି କୋଡ଼ିବା ଆବଶ୍ୟକ ହେବ। ବର୍ଷାରେ ବାଦାମ ଗଛମୂଳ ଟାଣ ହୋଇଗଲେ ଉପାଡ଼ିବା ସମୟରେ ବାଦାମକୁ ତାଡ଼ିବାକୁ ପଡିବ। ଏଥିରେ ବି ଚାଷୀକୁ ଅଧିକ ଖର୍ଚ୍ଚାନ୍ତ ହେବାକୁ ପଡ଼ିବ। ଏସବୁ ସ୍ଥିତିରେ ଅଦିନିଆ ବର୍ଷାରେ ଚାଷୀକୂଳ ଉପରେ କୁପ୍ରଭାବ ପକାଇବା ଥୟ ବୋଲି ଚାଷୀ ପଦ୍ମନାଭ ସାହୁ, ସଞ୍ଜୟ ରାଉତ, ଅମୂଲ୍ୟ ରାଉତ, ପରମାନନ୍ଦ ଆଏଚ, ବାବାଜୀ ନାୟକଙ୍କ ସମେତ ବହୁ ଚାଷୀ ମତ ରଖିଛନ୍ତି। ଏହି ବର୍ଷାରେ କ୍ଷତି ହୋଇଥିବା ପରିବା ଓ ରବି ଫସଲ ସ୍ଥିତି ଆକଳନ କରାଯାଇ କ୍ଷତିପୂରଣ ତୁରନ୍ତ ପ୍ରଦାନ କରିବାକୁ ଚାଷୀ ମହଲରେ ଦାବି ହେଉଛି।


All Right Reserved By Dharitri.Com

ମାନସିକ ବିକାରଗ୍ରସ୍ତ ଯୁବତୀଙ୍କୁ ବଳାତ୍କାର, ଅଭିଯୁକ୍ତ ଅଟକ

  ପୁରୁଷୋତ୍ତମପୁର,୩୧ା୧୨ (ଡି.ଏନ.ଏ.)-ପୁରୁଷୋତ୍ତମପୁର ଥାନା ଅଞ୍ଚଳରେ ଜଣେ ମାନସିକ ବିକାରଗ୍ରସ୍ତ ଯୁବତୀଙ୍କୁ ବଳାତ୍କାର କରାଯାଇଥିବା ସୋମବାର ଥାନାରେ ଅଭିଯୋଗ ହୋଇଛି। ଅଭିଯୁକ୍ତଙ୍କୁ ପୋଲିସ ଅଟକ ରଖି...

ଡ୍ରେନ୍‌ ନ ହେଲେ ଅବରୋଧ ଚେତାବନୀ

କୋଲାବନଗର,୩୦।୪(ଡି.ଏନ୍‌.ଏ.): କୋରାପୁଟ ସଦର ବ୍ଲକ ଅନ୍ତର୍ଗତ ବଡ଼କେରେଙ୍ଗା ପଞ୍ଚାୟତରେ ଡ୍ରେନ୍‌ ଅଭାବରୁ ଅସୁବିଧା ଭୋଗୁଛନ୍ତି ମାଦଳାସାହୀ ଗ୍ରାମବାସୀ। ପ୍ରଧାନମନ୍ତ୍ରୀ ସଡ଼କ ଯୋଜନାରେ ସ୍ଥାନୀୟ ହନୁମାନ ମନ୍ଦିରରୁ...

ପାଇପ୍‌ ଫାଟି ମାଡ଼ିଗଲା ପାଉଁଶ ପାଣି

ତାଳଚେର,୭ା୩(ନି.ପ୍ର.) – ଏନ୍‌ଟିପିସି ପରିଚାଳନାଧୀନ ତାଳଚେର ଥର୍ମାଲ ପାଓ୍ବାର ଷ୍ଟେଶନ (ଟିଟିପିଏସ୍‌)ର ଆଶ୍‌ ପାଇପ୍‌ ଶୁକ୍ରବାର ଜଗନ୍ନାଥପୁର ଗ୍ରାମ ନିକଟରେ ଫାଟି ଯିବାରୁ କେତେଜଣଙ୍କ ଘର...

ବାଣଫୁଟାକୁ ନେଇ ଗୋଷ୍ଠୀ ସଂଘର୍ଷ

ଜୟପୁର,୨୮ା୧୦(ନି.ପ୍ର.): ଜୟପୁରରେ ବାଣଫୁଟାକୁ କେନ୍ଦ୍ରକରି ୨ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି। ରବିବାର ଦୀପାବଳୀ ରାତିରେ ବାଣଫୁଟା ଚାଲିଥିବା ବେଳେ ବିଜୁ ନଗର ଓ ଖ୍ରୀଷ୍ଟିଆନ...

୪ ବର୍ଷ ପରେ ଘରକୁ ଫେରିଲେ ହଜିଲା ପୁଅ

ଓଡ଼ଗାଁ,୧୫ା୧୧(ସ୍ବ.ପ୍ର.): ୪ ବର୍ଷ ପରେ ଘରକୁ ଫେରିଲେ ହଜିଲା ପୁଅ ।  ପୁଅର ପତ୍ତା ନ ପାଇ ଦୁଃଖ ଓ ଯନ୍ତ୍ରଣାରେ ଦିନ କାଟୁଥିଲେ ପରିବାର...

ସ୍ତ୍ରୀ, ପିଲାଙ୍କୁ ଛାଡ଼ି କାଠଯୋଡ଼ିକୁ ଡେଇଁଲେ ଯୁବକ

କଟକ ଅଫିସ/ଫୁଲନଖରା, (ଡି.ଏନ.ଏ.)୯ା୧୦:  ବୁଧବାର ଅପରାହ୍ନରେ କାଠଯୋଡ଼ି ନଦୀକୁ ଡେଇଁ ଜଣେ ଯୁବକ ନିଖୋଜ ହୋଇଯାଇଛନ୍ତି। ସେ ହେଲେ ନିଆଳି ଥାନା ଅଧୀନ କରଞ୍ଜ ଗ୍ରାମର...

ବିଧାୟକ ଜ୍ୟୋତିରୀନ୍ଦ୍ର ନାଥ ମିତ୍ର ଅସୁସ୍ଥ : ହସ୍ପିଟାଲରେ ଭର୍ତ୍ତି

ଖୋର୍ଦ୍ଧା ଅଫିସ,୭।୮: ଖୋର୍ଦ୍ଧା ବିଧାୟକ ଜ୍ୟୋତିରୀନ୍ଦ୍ର ନାଥ ମିତ୍ର ଅସୁସ୍ଥ ହୋଇ ପଡ଼ିଛନ୍ତି। ତାଙ୍କୁ ପ୍ରଥମେ ଭୁବନେଶ୍ୱର କେଆର ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଅଧିକ...

ଅଲ୍‌ ଓଡ଼ିଶା ବାର୍‌ ଆସୋସିଏଶନ ବୈଠକ: ଯୋଗଦେଲେ ୯୩ ବାର୍‌ ଆସୋସିଏଶନ କର୍ମକର୍ତ୍ତା

କଟକ ଅଫିସ, ୧୯ା୧୦: ରାଜ୍ୟର ବିଭିନ୍ନ ଅଦାଲତରେ ଖାଲି ପଡ଼ିଥିବା ବିଚାରପତି ପଦବୀ ପୂରଣ, ହାଇକୋର୍ଟ ପକ୍ଷରୁ ରୁଜୁ ଅଦାଲତ ଅବମାନନା ମାମଲାକୁ ନେଇ ଶୁକ୍ରବାର...

Leave a comment

Your email address will not be published. Required fields are marked *