ଘରେ ଥାଇ ପାଇପାରିବେ ସଜ ପନିପରିବା

ଭୁବନେଶ୍ୱର, ୮ା୨(ବ୍ୟୁରୋ): ଆଗ୍ରହୀ ଗ୍ରାହକଙ୍କୁ ମନପସନ୍ଦର ସଜ ପନିପରିବା ଉଚିତ୍‌ ଦାମରେ ଯୋଗାଇ ଦେବା ଲାଗି ପନିପରିବା ଡଟ୍‌ କମ୍‌ ପକ୍ଷରୁ ଏକ ଅନନ୍ୟ ପ୍ରୟାସ ଆରମ୍ଭ ହୋଇଛି। ଏଥିପାଇଁ PaniPariba.com ପୋର୍ଟାଲ ଆରମ୍ଭ କରାଯାଇଛି। ଲୋକମାନେ ଏହି ପୋର୍ଟାଲକୁ ଯାଇ ଯେଉଁ ପରିବା କିଣିବାକୁ ଚାହୁଁଥିବେ ଅର୍ଡର ଦେଇପାରିବେ। ଅତିକମ୍‌ରେ ୨୦୦ଟଙ୍କାର ପରିବା କିଣିଲେ ବିନା ଚାର୍ଜରେ ହୋମ୍‌ ଡେଲିଭରି ହେବ। ଏହାଠାରୁ କମ୍‌ ଟଙ୍କାରେ ପରିବା କିଣିଲେ ଡେଲିଭରି ଚାର୍ଜ ୩୦ଟଙ୍କା ରହିଛି। ପରିବା ଘରେ ପହଞ୍ଚିବା ପରେ ଯାଇ ଗ୍ରାହକଙ୍କଠାରୁ ଟଙ୍କା ନିଆଯିବ। ତେବେ ଏହା ବର୍ତ୍ତମାନ କେବଳ ଭୁବନେଶ୍ୱରରେ ଆରମ୍ଭ ହେବାକୁ ଯାଉଛି। ଆସନ୍ତା ସୋମବାରଠାରୁ ଭୁବନେଶ୍ୱରବାସୀ ଏହି ସୁବିଧାର ଲାଭ ଉଠାଇପାରିବେ। ଭବିଷ୍ୟତରେ ଓଡ଼ିଶା ସହ ଦେଶର ୫୬ ସହରରେ ଏହି ସେବା ଯୋଗାଇବାକୁ ଲକ୍ଷ୍ୟ ରହିଥିବା କହିଛନ୍ତି ପନିପରିବା ଡଟ କମ୍‌ ପ୍ରତିଷ୍ଠାତା ରଞ୍ଜନ କୁମାର ସାହୁ। ଶୁକ୍ରବାର ପ୍ରେସ୍‌ କ୍ଲବ୍‌ରେ ପୋର୍ଟାଲର ଶୁଭାରମ୍ଭ ହୋଇଯାଇଛି। ସାମାଜିକକର୍ମୀ ଭି.ଭି. ଅମରନାଥ ଗିରି ମୁଖ୍ୟଅତିଥି ଭାବେ ଯୋଗଦେଇ ପୋର୍ଟାଲକୁ ଉନ୍ମୋଚନ କରିଥିଲେ। ଏହି ଅବସରରେ ରଞ୍ଜନ କୁମାର ସାହୁ କହିଛନ୍ତି, ଭୁବନେଶ୍ୱର ଓ ଆଖପାଖ ଅଞ୍ଚଳରୁ ପ୍ରାୟ ୫୦ ଚାଷୀଙ୍କୁ ଏଥିରେ ସମ୍ପୃକ୍ତ କରାଯାଇଛି। ସେମାନଙ୍କ ପାଖରୁ ସିଧାସଳଖ ପରିବା କିଣାଯାଇ ସେଥିରୁ ଠିକ ଗୁଣମାନର ପନିପରିବା ବାଛି ଲୋକଙ୍କୁ ଯୋଗାଇ ଦିଆଯିବ। ଚାଷୀଙ୍କଠାରୁ ସିଧାସଳଖ ପରିବା କିଣାଯାଉଥିବାରୁ ମଧ୍ୟସ୍ଥଙ୍କ ଜରିଆରେ ଚାଷୀର ଶୋଷଣ ବନ୍ଦ ହୋଇ ସେମାନଙ୍କୁ ଉଚିତ୍‌ ମୂଲ୍ୟ ମିଳି ପାରିବ। ଯେହେତୁ ଏହା ଲୋକଙ୍କୁ ସିଧାସଳଖ ପନିପରିବା ପହଞ୍ଚାଇବାରେ ବିଶ୍ୱାସ ରଖେ ତେଣୁ ଏହା କୌଣସି କୋଲ୍ଡ ଷ୍ଟୋରେଜ୍‌ ସହିତ ସମ୍ପର୍କରେ ନାହିଁ। ପ୍ରତ୍ୟହ ଠିକ ସମୟରେ ଚାଷୀଙ୍କଠାରୁ ପରିବା ଆଣି ଠିକ ସମୟରେ ତାଜା ତାଜା ଲୋକଙ୍କୁ ଯୋଗାଇଦିଆଯିବ। ପନିପରିବା ଡଟ୍‌ କମ୍‌ ଏହାର ସାମାଜିକ ପ୍ରତିଶ୍ରୁତିକୁ ପୂରଣ କରିବା ପାଇଁ ତାଜା ରଖିବାକୁ ପନିପରିବାରେ କୌଣସି ରାସାୟନିକର ବ୍ୟବହାର କରିବ ନାହିଁ। ସେହିପରି ଏହାର ପ୍ୟାକେଜିଂ ପାଇଁ ସବୁବେଳେ ପରିବେଶ ଉପଯୋଗୀ ତଥା ସହଜରେ ମାଟିରେ ମିଶିଯାଉଥିବା ସାମଗ୍ରୀର ବ୍ୟବହାର କରାଯିବ।


All Right Reserved By Dharitri.Com

ଚିକିତ୍ସା ଅବହେଳାରୁ ସ୍ବାମୀଙ୍କ ମୃତ୍ୟୁ ଘଟିଥିବା ଅଭିଯୋଗ ଆଣିଲେ ସ୍ତ୍ରୀ

ରଣପୁର,୩୧।୧୦(ସ୍ବ.ପ୍ର.): ନୟାଗଡ଼ ଜିଲା ଚାନ୍ଦପୁରରେ ଥିବା ବସନ୍ତ ମଞ୍ଜରୀ ସ୍ବାସ୍ଥ୍ୟ ନିବାସରେ ବୁଧବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଚିକିତ୍ସାରେ ଅବହେଳା ଯୋଗୁ ଜଣେ...

ଦୁର୍ଘଟଣାଗ୍ରସ୍ତ ମହିଳାଙ୍କ ପ୍ରାଥମିକ ଚିକିତ୍ସା କଲେ ରଞ୍ଜୀବ

ଭୁବନେଶ୍ୱର,୨୨।୨(ବ୍ୟୁରେ): ରାଜଧାନୀର ବିଭିନ୍ନ ଛକରେ ଡ୍ୟୁଟି କରୁଥିବା ଟ୍ରାଫିକ ପୋଲିସ ଖରା, ବର୍ଷାକୁ ଖାତିର ନ କରି ନିଜ ଦାୟିତ୍ୱ ତୁଲାଉଛନ୍ତି। ଅନେକ ସମୟରେ ସେମାନେ...

ଅଣସରରେ ହୁଅନ୍ତି ନୂଆ ଦଇତାପତି

ପୁରୀ ଅଫିସ, ୨୫।୬: ଦଇତାପତି। ଶ୍ରୀମନ୍ଦିରର ସେବକ। ବର୍ଷର ବିଭିନ୍ନ ସମୟରେ ମହାପ୍ରଭୁଙ୍କ ସେବା ଥିଲେ ମଧ୍ୟ ଏମାନଙ୍କ ମୁଖ୍ୟସେବା ଜ୍ୟେଷ୍ଠ ଶୁକ୍ଳ ତ୍ରୟୋଦଶୀରୁ ନିଳାଦ୍ରୀବିଜେ...

ଶନିବାର ହାଇକୋର୍ଟରେ ବସିବ ସ୍ବତନ୍ତ୍ର ବେଞ୍ଚ

କଟକ ଅଫିସ,୬।୩: ଓଡ଼ିଶା ପୋଲିସ ଆନୁକୂଲ୍ୟରେ ‘ପୋଲିସରେ ମହିଳା’ ଶୀର୍ଷକ ଦିନିକିଆ ସମ୍ମିଳନୀ ଶୁକ୍ରବାର ଓଏସ୍‌ଏପି ଷଷ୍ଠ ବାଟାଲିୟନଠାରେ ଅନୁଷ୍ଠିତ ହେବ। ମହିଳା ପୋଲିସ ଅଧିକାରୀ...

ବାତ୍ୟା: ୧୮ରୁ ଉପକୂଳରେ ବର୍ଷା, ପବନ

ଭୁବନେଶ୍ୱର, ୧୫।୫(ବ୍ୟୁରୋ): ଦକ୍ଷିଣ ପୂର୍ବ ବଙ୍ଗୋପସାଗର ଏବଂ ଏହାର ଆଖପାଖ ଅଞ୍ଚଳରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇଛି। ଏହା ଆହୁରି ଘନୀଭୂତ ହୋଇ ୧୬...

ନୀତି ଆୟୋଗ ର଼୍ୟାଙ୍କିଙ୍ଗ ଉପରେ ଗୁରୁତ୍ୱ ପାଇଁ ପ୍ରସ୍ତାବ

ଭୁବନେଶ୍ୱର,୧୦।୯(ବ୍ୟୁରୋ): ସ୍ବାସ୍ଥ୍ୟ, ଶିକ୍ଷା ଓ ଅନ୍ୟାନ୍ୟ ସାମାଜିକ କ୍ଷେତ୍ରରେ ବିକାଶକୁ ନେଇ ରାଜ୍ୟଗୁଡିକର ର଼୍ୟାଙ୍କିଙ୍ଗ ପ୍ରସ୍ତୁତ କରାଯାଉଛି। ଯେଉଁ ବିଷୟବସ୍ତୁକୁ ଆଧାର କରି ର଼୍ୟାଙ୍କିଙ୍ଗ ପ୍ରସ୍ତୁତ...

ହାତ ବାନ୍ଧି ବସିଛନ୍ତି ଘରୋଇ ଗାଡି ଚାଳକ

ଖପ୍ରାଖୋଲ, ୧୫ା୪(ଡି.ଏନ.ଏ.): ଲକ୍‌ଡାଉନ ବେଳେ ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଘରୋଇ ଗାଡି ଚାଳକମାନେ ହାତ ବାନ୍ଧି ବସଛନ୍ତି। ଏଥିଯୋଗୁ ସେମାନଙ୍କ ପରିବାର ହାହୁତାଶ ମଧ୍ୟରେ...

ଜୁଲାଇ ୧ରୁ ଖୋଲିବ ଇଞ୍ଜିନିୟରିଂ କଲେଜ: ବାକି ଥିବା ପରୀକ୍ଷା ସହ ନାମଲେଖା ନେଇ ଚିଠି

ଭୁବନେଶ୍ୱର, ୩।୫(ବ୍ୟୁରୋ): ଦେଶର ସମସ୍ତ ଇଞ୍ଜିନିୟରିଂ କଲେଜ ଓ ପ୍ରଫେସନାଲ ଏଜୁକେଶନ ଇନ୍‌ଷ୍ଟିଚ୍ୟୁଟ୍‌ ଆସନ୍ତା ଜୁଲାଇ ୧ରୁ ଖୋଲିବ। ଏନେଇ ଅଲ୍‌ ଇଣ୍ଡିଆ କାଉନ୍‌ସିଲ ଫର୍‌...

Leave a comment

Your email address will not be published. Required fields are marked *