ବିଏମ୍‌ସିର ମଣ୍ଡପ ସିଲ୍‌ ପ୍ରକ୍ରିୟା ବନ୍ଦ ହୋଇଯିବ

ଭୁବନେଶ୍ୱର, ୮ା୨(ବ୍ୟୁରୋ): ବିନା ବିଲଡିଂ ପ୍ଲାନ୍‌ ଅନୁମୋଦନରେ କୋଠା ନିର୍ମାଣ, ବିନା ଟ୍ରେଡ୍‌ ଲାଇସେନ୍ସରେ ବ୍ୟବସାୟ କରୁଥିବା, ହୋଲ୍ଡିଂ ଟିକସ ଫାଙ୍କୁଥିବା, ପାର୍କିଂ ସୁବିଧା ନ ଥିବା କଲ୍ୟାଣ ମଣ୍ଡପକୁ ବିଏମ୍‌ସିି ପକ୍ଷରୁ ଜାରି ରହିଥିବା ସିଲ୍‌ ପ୍ର୍ରକ୍ରିୟା ଶୁକ୍ରବାର ହୋଇ ପାରିନାହିଁ। କେତେଗୋଟି ମଣ୍ଡପ କର୍ତ୍ତୃପକ୍ଷ କୋର୍ଟଙ୍କ ଦ୍ୱାରସ୍ଥ ହୋଇ ସ୍ଥଗତାଦେଶ ଆଣିଛନ୍ତି। ଆଉ ୪୦ରୁ ଊର୍ଦ୍ଧ୍ୱ ମଣ୍ଡପ କର୍ତ୍ତୃପକ୍ଷ ଶୁକ୍ରବାର କୋର୍ଟ ଦ୍ୱାରସ୍ଥ ହୋଇଥିବା ବିଶେଷ ସୂତ୍ରରୁ ଜଣାପଡିଛି। ବିଡିଏ, ବିଏମ୍‌ସିର ମିଳିତ ସ୍କ୍ବାଡର ଜଣେ ବରିଷ୍ଠ ଅଧିକାରୀଙ୍କଠାରୁ ମିଳିଥିବା ସୂଚନା ଅନୁସାରେ, ବେଆଇନ ଭାବେ ଚାଲିଥିବା ମଣ୍ଡପଗୁଡିକୁ ସିଲ୍‌ ନ କରାଯିବା ଲାଗି ଏବେ ମାଲିକମାନେ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ଏଥିସହ ବିଡିଏର ସର୍ବକ୍ଷମା ଯୋଜନାରେ ମଧ୍ୟ ବିଲ୍ଡିଂ ପ୍ଲାନ ଆବେଦନ କରିବା ସହ ନିୟମ ଅନୁଯାୟୀ ଜରିମନା ଦେବାକୁ ପ୍ରସ୍ତୁତ ଅଛନ୍ତି। ଶୁକ୍ରବାର ପାଖା ପାଖି ୧୫ ମଣ୍ଡପ କର୍ତ୍ତୃପକ୍ଷ ସର୍ବକ୍ଷମା ଯୋଜନାରେ ଆବେଦନ କରିଥିବା ଚର୍ଚ୍ଚା ହେଉଛି। ହେଲେ ଏ ନେଇ ବିଡିଏ ସୂତ୍ରରୁ କୌଣସି ସୂଚନା ଦିଆଯାଇନାହିଁ। ମାତ୍ର ସର୍ବକ୍ଷମାରେ ସାମିଲ ହେବାକୁ ଥିବା ମଣ୍ଡପ ମଧ୍ୟରୁ ୩ ମଣ୍ଡପ କୋର୍ଟରୁ ସ୍ଥଗିତାଦେଶ ଆଣିଥିବା ବେଳେ ୪୩ ମଣ୍ଡପ ପକ୍ଷରୁ ସ୍ଥଗିତାଦେଶ ଆଣିବାକୁ କୋର୍ଟରେ ଆବେଦନ କରାଯାଇଥିବା ସୂଚନା ମିଳିଛି। ଏପରି ସ୍ଥଳେ ସ୍ଥଗିତାଦେଶ ମିଳିଲେ ବିଏମ୍‌ସି ଉକ୍ତ ମଣ୍ଡପ ଗୁଡିକୁ ସିଲ କରିପାରିବ ନାହିଁ। ନ ହେଲେ ବିଏମ୍‌ସି ପକ୍ଷରୁ ଏହି ଷ୍ଟେ ଅର୍ଡର ବିରୋଧରେ ହାଇକୋର୍ଟ ଅବା ସୁପ୍ରିମ୍‌କୋର୍ଟରେ ଚ୍ୟାଲେଞ୍ଜ କରାଯିବ। ଯଦି ଏଥିରେ ବିଏମ୍‌ସି ସପକ୍ଷରେ ରାୟ ଯାଏ ତେବେ ପୁନର୍ବାର ସିଲ୍‌ ପ୍ରକ୍ରିୟା ଆରମ୍ଭ ହେବ। କିନ୍ତୁ ଏହି ନ୍ୟାୟିକ ପ୍ରକ୍ରିୟା ଶେଷହେବାକୁ ଅଧିକ ସମୟ ଲାଗିବ ବୋଲି ଆଶା କରାଯାଉଥିବା ବେଳେ ଚିନ୍ତାରେ ବିଏମ୍‌ସି ପଡିଛି। ତେବେ ମଣ୍ଡପରେ ବିବାହ ପାଇଁ ପୂର୍ବରୁ ବୁକିଂ ରହିଥିବା ବେଳେ ଏବେ ମଣ୍ଡପ ସିଲ୍‌ ହେଲେ ଲୋକମାନେ ଅସୁବିଧାରେ ପଡିବେ ବୋଲି ଦର୍ଶାଇ ହାଇକୋର୍ଟରୁ ୩ଟି ମଣ୍ଡପ ସ୍ଥଗିତାଦେଶ ଆଣିଛନ୍ତି। ସିଲ୍‌ ମଣ୍ଡପ ଅବା ସିଲ୍‌ ହେବାକୁ ଥିବା ମଣ୍ଡପର କର୍ତ୍ତୃପକ୍ଷମାନଙ୍କର ବିଏମ୍‌ସିର ବଡ ଅଧିକାରୀ ଏବଂ ନେତାମାନଙ୍କ ସହ ସମ୍ପର୍କ ରହିଛି। ତେଣୁ ଉକ୍ତ ମଣ୍ଡପଗୁଡିକୁ ସିଲ୍‌ କରାଯାଉନାହିଁ ବୋଲି ପୂର୍ବତନ କର୍ପୋରେଟରମାନେ ଅଭିଯୋଗ କରିଛନ୍ତି। ଉଲ୍ଲେଖଯୋଗ୍ୟ, ଏହି ପ୍ରକ୍ରିୟା ଚାଲିଥିବା ବେଳେ ୪ ଦିନରେ ସିଲ୍‌ ହୋଇଥିବା ୧୬ଟି ମଣ୍ଡପ ଭିତରୁ ଅଧିକାଂଶ ଖୋଲାସରିଛି। କେତେଜଣ ବଳଶାଳୀ ବ୍ୟକ୍ତି ଓ ସରକାରୀ କର୍ମଚାରୀ ଏହି ସିଲ୍‌ ଖୋଲିବା ପଛରେ ରହିଥିବା ନଜରକୁ ଆସିଛି। ବିଏମ୍‌ସି ଏ ନେଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ପ୍ରତିକ୍ରିୟ। ପ୍ରକାଶ ପାଇଛି।

ତଳେ କଲ୍ୟାଣ ମଣ୍ଡପ, ଉପରେ ଘର
ଗୁରୁବାର ବିଏମ୍‌ସି, ବିଡିଏ ପକ୍ଷରୁ ପୁରୁଣା ଭୁବନେଶ୍ୱରରେ ଥିବା ସରସ୍ବତୀ ମଣ୍ଡପକୁ ଯାଞ୍ଚ କରାଯିବା ସହ କାଗଜପତ୍ର ଠିକ୍‌ ନ ଥିବାରୁ ପୂର୍ବାହ୍ନ ୧୦ଟାରେ ମଣ୍ଡପକୁ ସିଲ୍‌ କରିବା ସହ ଗେଟ୍‌ରେ ତାଲା ଦେଇ ଜଉମୁଦ ମାରିଥିଲେ। ମାତ୍ର ଏହାର କିଛି ସମୟ ମଧ୍ୟରେ ଅର୍ଥାତ ଅପରାହ୍ନ ୪ଟାରେ ଉକ୍ତ ମଣ୍ଡପକୁ ଖୋଲାଯିବା ସହ ସେଥିରେ କାର୍ଯ୍ୟକ୍ରମ କରାଯାଇଥିବା ଦେଖିବାକୁ ମିଳିଥିଲା। ଏହି ଘଟଣା ଏବେ ବିଏମ୍‌ସିର ପାରିବାପଣିଆ ସାମ୍ନାକୁ ଆସିଛି। ସମ୍ପୃକ୍ତ ମଣ୍ଡପ ମାଲିକ ଆବାସିକ ଘର ଦେଖାଇ ସେଠାରେ ବ୍ୟବସାୟ କରୁଥିବା ଜଣାପଡିଛି। ଗୁରୁବାର ମଧ୍ୟ ମଣ୍ଡପ କର୍ତ୍ତୃପକ୍ଷଙ୍କ ଘର ଲୋକ ସେଠାରେ ବନ୍ଦୀ ହୋଇଯାଇଥିବାରୁ କଲ୍ୟାଣ ମଣ୍ଡପ ଖୋଲାଯାଇଥିବା ଜୋନାଲ ଡେପୁଟି କମିଶନର ରୂପକ ପଟ୍ଟନାୟକ ସୂଚନା ଦେଇଛନ୍ତି। ବିଏମ୍‌ସି ଜାଣି ଏପରି ଆବାସିକ ଘରେ ବ୍ୟବସାୟ ପ୍ରତିଷ୍ଠାନ ଚଳାଇବାକୁ ଅନୁମତି ଦେଇଛି କି ନାହିଁ, ସେ ନେଇ ଏବେ ବଡ ପ୍ରଶ୍ନବାଚୀ ସୃଷ୍ଟି ହୋଇଛି। ଏ ନେଇ ବିଏମ୍‌ସି କମିଶନରଙ୍କୁ ସୂଚାଇ ଦିଆଯାଇଥିବା ବେଳେ ଖୁବ୍‌ଶୀଘ୍ର ପଦକ୍ଷେପ ନିଆଯିବ ବୋଲି ଜୋନାଲ ଡେପୁଟି କମିଶନର ପଟ୍ଟନାୟକ ସୂଚନା ଦେଇଥିଲେ।


All Right Reserved By Dharitri.Com

ପଞ୍ଚମ ଥର ଲାଗି ବିଜେଡି କବ୍ଜାରେ କାକଟପୁର: କଂଗ୍ରେସ ପ୍ରାର୍ଥୀ ବିଶ୍ୱଭୂଷଣଙ୍କୁ ହରାଇ ତୁଷାରକାନ୍ତି ହେଲେ ବିଧାୟକ

କାକଟପୁର,୨୪।୫(ଡି.ଏନ୍‌.ଏ.): ନାନା କଳ୍ପନା ଜଳ୍ପନା ସତ୍ତ୍ୱେ କାକଟପୁରରେ ପୁଣି ଥରେ ବାଜିମାତ୍‌ କରିଛି ବିଜେଡି। ଲଗାତାର ୫ମଥର ଲାଗି କାକଟପୁର ବିଧାନସଭା ନିର୍ବାଚନମଣ୍ଡଳୀକୁ କବ୍ଜାକୁ ନେଇଛି...

ବାହାରୁ ଆସୁଥିବା ଲୋକଙ୍କ ପାଇଁ ୧୦୦ ମନିଟରିଂ ଟିମ୍‌ ମୁତୟନ: ସଂଗରୋଧ ସହ ସ୍ବାସ୍ଥାବସ୍ଥା ଉପରେ ନଜର ରଖିବାକୁ କରୁଛନ୍ତି ଯୋଗାଯୋଗ

ଭୁବନେଶ୍ୱର, ୨୭।୩(ବ୍ୟୁରୋ): କରୋନା କବଳରେ ଏବେ ବିଶ୍ୱର ୧୮୯ ଦେଶ । ଗୁରୁବାର ସୁଦ୍ଧା ଆକ୍ରାନ୍ତଙ୍କ ସଂଖ୍ୟା ୪ଲକ୍ଷ ୭୪ ହଜାର ୯୬୮ ଥିବା ବେଳେ...

୭୭ ବର୍ଷରେ ଯୋଗ: ପାଣିରେ ପଦ୍ମାସନ-ଶବାସନ କରି ଚର୍ଚ୍ଚାରେ ଶିବାଜୀ

କଟକ ଅଫିସ,୨୧।୬: ଶୁକ୍ରବାର ଦେଶ ତଥା ରାଜ୍ୟର ବିଭିନ୍ନ ସ୍ଥାନରେ ପାଳିତ ହେଉଛି ଅନ୍ତର୍ଜାତୀୟ ଯୋଗ ଦିବସ। ଏହି ଅବସରରେ କଟକ ଚାନ୍ଦିନିଚୌକ ବ୍ରାହ୍ମଣସାହିର ଜଣେ...

ପର୍ବତାରୋହୀ ଲିପିକା ସେଠଙ୍କୁ ସମ୍ବର୍ଦ୍ଧନା

ଭେଡ଼େନ, ୧୯।୭ (ଡ଼ି.ଏନ.ଏ)-ଭେଡ଼େନ ବ୍ଲକ ଡ଼ାଳବ ଗ୍ରାମର ଯୁବ ପର୍ବତାରୋହିଣୀ ଲିପିକା ସେଠଙ୍କୁ ଭେଡ଼େନ ତହସିଲଦାର ସୀମା ସବିତା କୁଲୁ ଗୁରୁବାର ସମ୍ବର୍ଦ୍ଧିତ କରିଛନ୍ତି ।...

ଜେଲ୍‌ ଗଲେ ସ୍ତ୍ରୀ ହତ୍ୟାକାରୀ ଗଣେଶ, ହତ୍ୟା ପରେ କଟା ମୁଣ୍ଡକୁ ଧରି ଆତ୍ମସମର୍ପଣ କରିଥିଲେ

କାକଟପୁର, ୨୭।୮(ଡି.ଏନ୍‌.ଏ.)-ଚରିତ୍ର ଉପରେ ସନ୍ଦେହ କରି ନିଜ ସ୍ତ୍ରୀଙ୍କୁ ନୃଶଂସ ଭାବେ ପିଟିପିଟି ହତ୍ୟା କରି ମୁଣ୍ଡଗଣ୍ଡି ଅଲଗା କରି କଟା ମୁଣ୍ଡକୁ ଧରି ଥାନାରେ...

ସୂର୍ଯ୍ୟୋପରାଗ: ପଠାଣି ସାମନ୍ତ ପ୍ଲାନେଟାରିୟମରେ ଦର୍ଶକଙ୍କ ଗହଳି, ଆକାଶ ମେଘାଚ୍ଛନ୍ନ ଲାଗି ଦେଖିବାରୁ ବଞ୍ଚିତ

ଭୁବନେଶ୍ୱର, ୨୬।୧୨(ବ୍ୟୁରୋ): ଆରମ୍ଭ ହୋଇଛି ଚଳିତ ବର୍ଷର ତୃତୀୟ ତଥା ବିରଳ ସୂର୍ଯ୍ୟୋପରାଗ। ଏହି ମହାଜାଗତିକ ଦୃଶ୍ୟ ଦେଖିବା ଲାଗି ରାଜ୍ୟର ବିଭିନ୍ନ ସ୍ଥାନରେ ସ୍ବତନ୍ତ୍ର...

ଆଜିଠୁ ଭିତରକନିକା ବନ୍ଦ

ରାଜନଗର,୨୬ା୧୨ (ଡି.ଏନ.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକରେ ଥିବା ଭିତରକନିକା ଜାତୀୟ ଉଦ୍ୟାନ ଆସନ୍ତାକାଲି ଠାରୁ ଜାନୁୟାରୀ ୪ ତାରିଖ ପର୍ଯ୍ୟନ୍ତ ବନ୍ଦ ରହିବ। ଏଥିପାଇଁ...

ଭୁଶୁଡ଼ିଲା ବିଦ୍ୟାଳୟର ନବ ନିର୍ମିତ କୋଠା

ରଣପୁର, ୭।୯(ସ୍ବ.ପ୍ର.): ନୟାଗଡ଼ ଜିଲା ରଣପୁର ବାଳିକା ଉଚ୍ଚ ବିଦ୍ୟାଳୟର ନବ ନିର୍ମିତ କୋଠାର ନିମିଟାଲ ଓ ତାଜା ଶନିବାର ସକାଳେ ହଠାତ୍‌ ଭୁଶୁଡି ପଡ଼ିଛି।...

Leave a comment

Your email address will not be published. Required fields are marked *