ଖଣ୍ଡଗିରି ଯାତ୍ରାରେ ପୁଣି ଅଶ୍ଳୀଳ ନୃତ୍ୟ

ଭୁବନେଶ୍ୱର, ୮ା୨(ବ୍ୟୁରୋ): କଟକଣା ସତ୍ତ୍ୱେ ଚଳିତବର୍ଷ ଖଣ୍ଡଗିରି କୁମ୍ଭମେଳା ଯାତ୍ରା ମଞ୍ଚରେ ପୁଣି ପରିବେଷଣ ହୋଇଛି ଅଶ୍ଳୀଳ ନୃତ୍ୟ। ଏଭଳି ନୃତ୍ୟ ପ୍ରଦର୍ଶନକୁ ନେଇ ବିବାଦ ଘେରକୁ ଆସିଛନ୍ତି ଆଉ ଜଣେ ଅଭିନେତ୍ରୀ। ଅନ୍ୟପକ୍ଷରେ ଏହି ଘଟଣାକୁ କଳିଙ୍ଗ ସେନା ତୀବ୍ର ବିରୋଧ କରିବା ସହ କାର୍ଯ୍ୟାନୁଷ୍ଠାନ ଦାବିରେ ଖଣ୍ଡଗିରି ଥାନାରେ ଶୁକ୍ରବାର ଏତଲା ଦେଇଛି।
ଖଣ୍ଡଗିରି କୁମ୍ଭମେଳା ଯାତ୍ରାମଞ୍ଚରେ ଜଣେ ଅଭିନେତ୍ରୀ ଅଶ୍ଳୀଳ ନୃତ୍ୟ ପ୍ରଦର୍ଶନ କରି ଚର୍ଚ୍ଚାକୁ ଆସିଥିଲେ। ତାଙ୍କୁ ବିରୋଧର ସାମ୍ନା ମଧ୍ୟ କରିବାକୁ ପଡ଼ିଥିଲା। ଯେଉଁଥି ପାଇଁ ଚଳିତବର୍ଷ ଖଣ୍ଡଗିରି ମେଳାକୁ ସମ୍ପୃକ୍ତ ଯାତ୍ରା ଅନୁଷ୍ଠାନ ଯାତ୍ରା ସଚ୍ଚିଦାନନ୍ଦମ୍‌ ଏବଂ ଉକ୍ତ ଅଭିନେତ୍ରୀଙ୍କୁ ବ୍ୟାନ୍‌ କରାଯାଇଛି। ଏହାପରେ ବିଏମ୍‌ସି ଏବଂ କମିଶନରେଟ ପୋଲିସକୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ଖଣ୍ଡଗିରି ମେଳାରେ ନଗ୍ନ ନୃତ୍ୟ ପରିବେଷଣ କରାଯିବ ନାହିଁ ବୋଲି ଏଥିରେ ନିଷ୍ପତ୍ତି ନିଆଯାଇଥିଲା। ଏ ନେଇ ଆୟୋଜକଙ୍କୁ ନିର୍ଦ୍ଦେଶ ଦିଆଯାଇଥିଲା। କିନ୍ତୁ ଏହି ନିର୍ଦ୍ଦେଶ ଏବେ ପାଣିର ଗାର ପାଲଟିଛି। ଜଣେ ବିଧାୟକଙ୍କ ଯାତ୍ରାପାର୍ଟିରେ ଜଣେ ମହିଳା ଡ୍ୟାନ୍ସର ମଞ୍ଚରେ ଅଶ୍ଳୀଳ ନୃତ୍ୟ ପ୍ରଦର୍ଶନ କରି ପୁଣି ଚର୍ଚ୍ଚାକୁ ଆସିଥିବାବେଳେ କଟକଣାକୁ ବେଖାତିର କରିଥିବା ଅଭିଯୋଗ ହେଉଛି। ଏ ନେଇ କଳିଙ୍ଗ ସେନା ପକ୍ଷରୁ ଶୁକ୍ରବାର ଖଣ୍ଡଗିରି ଥାନାରେ ଲିଖିତ ଅଭିଯୋଗ କରାଯାଇଛି। କମିଶନରେଟ ପୋଲିସର କଡ଼ା ନିର୍ଦ୍ଦେଶ ଓ କଟକଣା ସତ୍ତ୍ୱେ କିଭଳି ଗତ ୫ତାରିଖରେ ଖଣ୍ଡଗିରି ଯାତ୍ରାରେ ଏକ ନିର୍ଦ୍ଦିଷ୍ଟ ଯାତ୍ରାପାର୍ଟି ପକ୍ଷରୁ ଅଶ୍ଳୀଳ ନୃତ୍ୟ ପରିବେଷଣ କରାଗଲା ସେ ନେଇ ସେନା ପ୍ରଶ୍ନ ଉଠାଇଛି। ଏହି ନୃତ୍ୟ ଏବେ ସୋସିଆଲ ମିଡିଆରେ ପ୍ରଚାର ହେଉଛି। ସର୍ବସାଧାରଣରେ ଅଶ୍ଳୀଳ ନୃତ୍ୟ କରିବା ଆଇପିସି ଧାରା ୨୯୪ ଅନୁଯାୟୀ ଦଣ୍ଡନୀୟ। ତେଣୁ ଏଭଳି ନୃତ୍ୟ ପ୍ରଦର୍ଶନ କରିଥିବାରୁ ଆୟୋଜକ, ସମ୍ପୃକ୍ତ ଯାତ୍ରାପାର୍ଟି ମାଲିକ ଏବଂ ଡ୍ୟାନ୍ସରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ କଳିଙ୍ଗ ସେନା ସାଧାରଣ ସମ୍ପାଦକ ବିଜୟ ରାଜ ଦାବି କରିଛନ୍ତି। ନଚେତ ସେନା ରାସ୍ତାକୁ ଓହ୍ଲାଇବ ବୋଲି ସେ ଚେତାବନୀ ଦେଇଛନ୍ତି। ଓଡ଼ିଶା ନାରୀ ସଚେତନ ମଞ୍ଚର ସଭାପତି ଡଲି ରଥ କହିଛନ୍ତି, ଖଣ୍ଡଗିରି କୁମ୍ଭମେଳା ଏକ ଧାର୍ମିକ ମେଳା। କିନ୍ତୁ ଯାତ୍ରାରେ ଅଶ୍ଳୀଳ ନୃତ୍ୟ ପ୍ରଦର୍ଶନ କରିବା ନିନ୍ଦନୀୟ। ଏଭଳି ନଗ୍ନ ନୃତ୍ୟକୁ ଆମେ ବାରମ୍ବାର ବିରୋଧ କରିବା ସତ୍ତ୍ୱେ ତାହା ବନ୍ଦ ହେଉନାହିଁ। ଯଦି ଏଭଳି ନୃତ୍ୟ ପ୍ରଦର୍ଶନକୁ ପ୍ରଶାସନ ପ୍ରଶ୍ରୟ ଦେଉଛି ତେବେ ଆୟୋଜକମାନେ ଯାତ୍ରା ପାର୍ଟିର ଗେଟ୍‌ରେ କେବଳ ବୟସ୍କ (ଆଡଲ୍ଟ) ଙ୍କ ପାଇଁ ଉଦ୍ଦିଷ୍ଟ ବୋଲି ଲେଖିଦିଅନ୍ତୁ। ପରିବାର ସହିତ କେହି ସେଠାକୁ ଯିବେ ନାହିଁ।

‘ସମସ୍ତଙ୍କ ପାଇଁ ଆଇନ ସମାନ ହେଉ’

ଏଭଳି ନଗ୍ନ ନୃତ୍ୟକୁ ନେଇ ଗତବର୍ଷ ବିବାଦକୁ ଆସିଥିବା ଅଭିନେତ୍ରୀ ଜଣକ ପ୍ରଶ୍ନ ଉଠାଇଛନ୍ତି। ସେ ଏକ ଭିଡିଓ କରି ସୋସିଆଲ ମିଡିଆରେ ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଯେ, ଅଶ୍ଳୀଳ ନୃତ୍ୟ ପ୍ରଦର୍ଶନ କରୁଥିବା ଅଭିଯୋଗରେ ମୋତେ ଏବଂ ଯାତ୍ରା ସଚ୍ଚିଦାନନ୍ଦମ୍‌କୁ ଖଣ୍ଡଗିରି ମେଳାକୁ ବ୍ୟାନ୍‌ କରାଗଲା। ଜଣେ ବିଧାୟକଙ୍କ ଇଙ୍ଗିତରେ ପ୍ରଶାସନ, ଆୟୋଜକ, କେତେକ ପ୍ରଯୋଜକ, କମିଶନରେଟ ପୋଲିସ ଏବଂ ବିଏମ୍‌ସି ମିଶି ମୋତେ ଏବଂ ଯାତ୍ରା ପାର୍ଟିକୁ ବ୍ୟାନ୍‌ କରାଯାଇଛି। କିନ୍ତୁ ବର୍ତ୍ତମାନ ଯେଉଁ କାର୍ଯ୍ୟ ଖଣ୍ଡଗିରି ମଞ୍ଚ ଉପରେ ହେଉଛି, ତାହା କେତେ ଦୂର ଶାଳୀନତାରେ ଯାଉଛି ବୋଲି ପ୍ରଶ୍ନ କରିଛନ୍ତି। ସେ କହିଛନ୍ତି, ଆଇନ ସମସ୍ତଙ୍କ ପାଇଁ ସମାନ ହେବା ଦରକାର। ମୋତେ ଦାଣ୍ଡରେ ବଦନାମ କଲେ। ଲକ୍ଷ ଲକ୍ଷ ଦର୍ଶକଙ୍କ ଆଗରେ ମୋ’ ମୁଣ୍ଡ ତଳକୁ କରିଦେଲେ। ଏବେ ଯାହା ପରିବେଷଣ କରାଯାଉଛି, ତାହାକୁ କ’ଣ ଦର୍ଶକ ଦେଖୁନାହାନ୍ତି। ଏଭଳି ନୃତ୍ୟ ପରିବେଷଣ ପାଇଁ ପ୍ରଶ୍ରୟ କିଏ ଦେଇଛି, କାହା ମାର୍ଫତରେ ଆଇଟମ ଡ୍ୟାନ୍ସର ଏଠାକୁ ଆସିଛନ୍ତି। ଯଦି ଏସବୁ ନୃତ୍ୟ କରାଯାଉଛି ତେବେ ମୋତେ କାହିଁକି ଖଣ୍ଡଗିରିକୁ ବ୍ୟାନ କରାଗଲା, କାହିଁକି ବଦନାମ କରାଗଲା ବୋଲି ସମ୍ପୃକ୍ତ ଅଭିନେତ୍ରୀ ପ୍ରଶ୍ନ କରିଛନ୍ତି। ସେହିପରି ତାଙ୍କ ଘଟଣା ସମୟରେ ଯେଉଁ ସଙ୍ଗଠନମାନେ ପ୍ରତିବାଦର ସ୍ବର ଉଠାଇଥିଲେ ସେମାନେ ଏବେ କୁଆଡେ ଗଲେ। ଏପରିକି କମିଶନରେଟ ପୋଲିସ ଆଖିକୁ କ’ଣ ଏସବୁ ଦେଖାଯାଉନି ବୋଲି ସେ ପ୍ରଶ୍ନ କରିଛନ୍ତି।


All Right Reserved By Dharitri.Com

ଯାଜପୁର-କେନ୍ଦୁଝରରୋଡ ରେଳଷ୍ଟେଶନ: ଲୋକ ସଭାରେ ଉଠିଲା ଡିଭିଜନ ମାନ୍ୟତା ଦାବି

ଯାଜପୁର ଅଫିସ,୫ା୧୨: ଲୋକ ସଭାର ଚଳିତ ଶୀତ ଅଧିବେଶନରେ ଯାଜପୁର ଏମ୍‌ପି ଶର୍ମିଷ୍ଠା ସେଠୀ ବୁଧବାର ଯାଜପୁର-କେନ୍ଦୁଝରରୋଡ ଷ୍ଟେଶନକୁ ସ୍ବତନ୍ତ୍ର ରେଳ ଡିଭିଜନ ମାନ୍ୟତା ଦେବାକୁ...

ଦାୟିତ୍ୱ ନେଲେ ମେହେର୍ଦ୍ଦା

ଭୁବନେଶ୍ୱର,୧୨ା୩(ବ୍ୟୁରୋ): ୧୯୯୭ ବ୍ୟାଚ୍‌ ଆଇଏଏସ୍‌ ଅଫିସର ପ୍ରମୋଦ ମେହେର୍ଦ୍ଦା ବୁଧବାର ରାଜ୍ୟପାଳଙ୍କ ସଚିବଭାବେ ଦାୟିତ୍ୱ ଗ୍ରହଣ କରିଛନ୍ତି। ମେହେର୍ଦ୍ଦା ରାଜଭବନ ଯାଇ ପ୍ରଥମେ ରାଜ୍ୟପାଳ ଗଣେଶୀ...

ଆଜି ବିଧାନସଭା ଘେରିବେ ୫୦ ହଜାର ବସ୍ତିବାସିନ୍ଦା

ଭୁବନେଶ୍ୱର,୨୨ା୧୧(ବ୍ୟୁରୋ) : ଗୌଡ ବସ୍ତି, ବୀରବସ ବସ୍ତି, ଲକ୍ଷ୍ମୀପୁର ବସ୍ତି ଓ ଶ୍ରୀକ୍ରିଷ୍ଣ ନଗର ବସ୍ତିରେ ଥିବା ୫୦ ହଜାରରୁ ଊର୍ଦ୍ଧ୍ୱ ବସ୍ତିବାସିନ୍ଦା ଶୁକ୍ରବାର ଗୋଟିଏ...

ଜିରୋ ଆଓ୍ବାର ପାଳନ ପ୍ରସ୍ତୁତି ଜୋର୍‌ଦାର: ବଲିଉଡ ଗାୟକଙ୍କ ସହ ରସିଆନ୍‌ ବେଲି ଡ୍ୟାନ୍ସ

କଟକ ଅଫିସ, ୩୦।୧୨- ବୁଧବାର ନୂଆବର୍ଷ। ପୁରୁଣା ବର୍ଷକୁ ବିଦାୟ ଦେବା ସହ ନୂତନ ବର୍ଷକୁ ଧୁମ୍‌ଧାମ୍‌ରେ ସ୍ବାଗତ କରିବେ ସହରବାସୀ। ଏଥିପାଇଁ କଟକର ବିଭିନ୍ନ...

ବସ୍‌ରେ ଆଦିବାସୀ ନାବାଳିକାଙ୍କୁ ବଳାତ୍କାର ଘଟଣା: ଡ୍ରାଇଭର, ହେଲ୍‌ପରଙ୍କ ଲାଇସେନ୍ସ ରଦ୍ଦ

ପୁରୀ ଅଫିସ/କଟକ ଅଫିସ, ୧୧।୭: ପୁରୀ ବସ୍‌ଷ୍ଟାଣ୍ଡ ପରିସରସ୍ଥ ଏକ ଘରୋଇ ବସ୍‌ ଭିତରେ ଜଣେ ଆଦିବାସୀ ନାବାଳିକାଙ୍କୁ ବଳାତ୍କାର ଘଟଣାକୁ ବିଭିନ୍ନ ମହଲରେ ଦୃଢ...

ସିଲ୍‌ ହେଲା ହୋଟେଲ ଦେବଭୂମି

ପୁରୀ ଅଫିସ,୨୫ା୩: କରୋନା ଭାଇରସ୍‌ର ଭୟାବହତାକୁ ଦେଖି ରାଜ୍ୟ ସରକାର ସବୁ ଜିଲାକୁ ଲକ୍‌ଡାଉନ ଘୋଷଣା କରିଛନ୍ତି। ଲକ୍‌ଡାଉନ ବେଳେ କେବଳ ଅତ୍ୟାବଶ୍ୟକ ସାମଗ୍ରୀ ବିକ୍ରି...

ଲାଞ୍ଜିଗଡ଼, ନର୍ଲାରେ ବିଜେଡି ଆଗୁଆ

ଭବାନୀପାଟଣା,୨୩।୫: ଲାଞ୍ଜିଗଡ଼ ବିଧାନସଭା ଆସନରେ ବିଜେଡି ପ୍ରାର୍ଥୀ ପ୍ରଦୀପ ଦିଶରି ଆଗୁଆ ରହିଛନ୍ତି। ସେହିପରି ନର୍ଲା ବିଧାନସଭାରେ ବିଜେଡିର ଭୂପିନ୍ଦର ସିଂ ଆଗରେ ଥିବା ସୂଚନା...

ବିଜୟ ଶର୍ମା ହୋଇପାରନ୍ତି ପୋଲିସ ଡିଜି

ଭୁବନେଶ୍ୱର, ୧୪।୭(ବ୍ୟୁରୋ): ବର୍ତ୍ତମାନର ପୋଲିସ ମହାନିର୍ଦ୍ଦେଶକ(ଡିଜିପି) ଡା. ରାଜେନ୍ଦ୍ର ପ୍ରସାଦ ଶର୍ମାଙ୍କୁ ଲୋକାୟୁକ୍ତ ସଦସ୍ୟ ଭାବେ ରାଜ୍ୟ ସରକାର ମନୋନୀତ କରିଥିବା ନେଇ ଚର୍ଚ୍ଚା ହେଉଛି।...

Leave a comment

Your email address will not be published. Required fields are marked *