Posted inଖେଳ

ସ୍ମରଣୀୟ ସିରିଜ

ଟି୨୦ ଫର୍ମାଟ୍‌ରେ ପ୍ରଥମ ଦଳ ଭାବେ ଭାରତ ୫-୦ରେ ସିରିଜ୍‌ କ୍ଲିନ୍‌ ସୁଇପ୍‌ କରି ରେକର୍ଡ କରିଛି। ନ୍ୟୁଜିଲାଣ୍ଡକୁ ହରାଇ ଟିମ୍‌ ଇଣ୍ଡିଆ ର଼୍ୟାଙ୍କିଙ୍ଗ୍‌ରେ ଗୋଟିଏ ସ୍ଥାନ ଉପରକୁ ଉଠି ଚତୁର୍ଥ ସ୍ଥାନ ଅଧିକାର କରିଛି। ଏଥି ସହିତ ଭାରତ ଆଗାମୀ ଟି୨୦ ବିଶ୍ୱକପ୍‌ ପାଇଁ ପ୍ରସ୍ତୁତି ଜୋର୍‌ଦାର କରିଛି।

ଟିମ୍‌ ଇଣ୍ଡିଆର ସୁପର ଶୋ’ ଅବ୍ୟାହତ ରହିଛି। କେବଳ ନିଜ ମାଟିରେ ନୁହେଁ, ବିଦେଶ ମାଟିରେ ମଧ୍ୟ ସିରିଜ ବିଜୟୀ ହେବାର ଧାରା ବଜାୟ ରଖିଛି। ଏଥର ଟି୨୦ ସ୍ପେଶାଲିଷ୍ଟ ରୂପେ ପରିଚିତ ନ୍ୟୁଜିଲାଣ୍ଡକୁ ତା’ ନିଜ ମାଟିରେ ୫-୦ରେ ପରାସ୍ତ କରି ଐତିହାସିକ ବିଜୟ ହାସଲ କରିଛି ଭାରତ। କ୍ରିକେଟ୍‌ ସମୀକ୍ଷକମାନଙ୍କ ଅଙ୍କକୁ ଭୁଲ୍‌ ପ୍ରମାଣିତ କରିବା ସହିତ ଟିମ୍‌ ଇଣ୍ଡିଆ ଇତିହାସ ସୃଷ୍ଟି କରିଛି। ଭାରତ କ୍ରିକେଟ ଇତିହାସରେ ଗୋଟିଏ ପରେ ଗୋଟିଏ ବ୍ୟକ୍ତିଗତ ଏବଂ ଦଳଗତ ରେକର୍ଡ ସ୍ଥାପନ କରିବା ସହିତ କ୍ୱିଇ ଦଳ ବିପକ୍ଷରେ କ୍ଲିନ୍‌ ସୁଇପ୍‌ କରି ନିଜ ଦକ୍ଷତା ପ୍ରତିପାଦନ କରିଛି। ବ୍ୟାକ୍‌ ଟୁ ବ୍ୟାକ୍‌ ସିରିଜ ବିଜୟ ସହିତ ବିଶ୍ୱକପ୍‌ ପାଇଁ ଏକ ସନ୍ତୁଳିତ ଦଳ ଗଠନ କରିବାକୁ ଭାରତ ସଫଳ ହୋଇଛି। ଟି୨୦ରେ ନ୍ୟୁଜିଲାଣ୍ଡ ସହିତ ଥିବା ଖରାପ ରେକର୍ଡକୁ କିଛିମାତ୍ରାରେ ସୁଧାରିଛି ଏହି ସିରିଜ ବିଜୟ। ଘରୋଇ ସିରିଜ୍‌ରେ ଶ୍ରୀଲଙ୍କା ଏବଂ ୱେଷ୍ଟଇଣ୍ଡିଜ୍‌କୁ ପରାସ୍ତ କରିବା ପରେ ଟିମ୍‌ ଇଣ୍ଡିଆ ପାଇଁ ଏହି ଗସ୍ତ ଏସିଡ୍‌ ଟେଷ୍ଟ ସହ ସମାନ ଥିଲା। ସାଧାରଣତଃ ୫ଟି ଟି୨୦ ମ୍ୟାଚ୍‌ ଥିବା ଦ୍ୱିପାକ୍ଷିକ ସିରିଜ ବହୁତ କମ୍‌ ଖେଳାଯାଇଥାଏ। ନ୍ୟୁଜିଲାଣ୍ଡକୁ ସୁପର ଓଭରର ଝଟକା ବିଶ୍ୱକପ୍‌ ମ୍ୟାଚ୍‌ଠାରୁ ଆରମ୍ଭ କରି ଏହି ସିରିଜ ପର୍ଯ୍ୟନ୍ତ ଲାଗିଥିବା ଦେଖାଯାଇଥିଲା। ଟି୨୦ରେ ନ୍ୟୁଜିଲାଣ୍ଡ ଦଳ ମୋଟ୍‌ ୮ଟି ସୁପର ଓଭର ଖେଳିଥିବା ବେଳେ ୭ଟିରେ ପରାସ୍ତ ହୋଇ ଏକ ଅଲୋଡ଼ା ରେକର୍ଡର ଅଧିକାରୀ ହୋଇଛି। ଅନେକ ରେକର୍ଡ ସ୍ଥାପନ ହୋଇଛି ଏହି ଟି୨୦ ସିରିଜରେ। ହିଟ୍‌ ମ୍ୟାନ୍‌ ରୂପେ ପରିଚିତ ରୋହିତ ଶର୍ମା ଟି୨୦ ମ୍ୟାଚ୍‌ରେ ସର୍ବପ୍ରଥମେ ସର୍ବାଧିକ ୨୫ଟି ଅର୍ଦ୍ଧଶତକ ହାସଲ କରିଛନ୍ତି, ଯାହା ବିରାଟ କୋହଲିଙ୍କୁ ପଛରେ ପକାଇ ଦେଇଛି। ବିଦେଶ ମାଟିରେ ଅଷ୍ଟ୍ରେଲିଆ, ୱେଷ୍ଟଇଣ୍ଡିଜ୍‌ ଏବଂ ନ୍ୟୁଜିଲାଣ୍ଡ ସହିତ ସିରିଜ କ୍ଲିନ୍‌ ସୁଇପ୍‌ କରିଛି ଟିମ୍‌ ଇଣ୍ଡିଆ। ୫-୦ରେ ସିରିଜ ବିଜୟ ହାସଲ କରିବା ଟି୨୦ ଫର୍ମାଟ୍‌ର ପ୍ରଥମ ଘଟଣା।
ଏହି ସିରିଜ୍‌ରେ ଇନ୍‌ଫର୍ମ ବ୍ୟାଟ୍ସ୍ୟାନ୍‌ ରୂପେ ରୋହିତ ଶର୍ମା, ଲୋକେଶ ରାହୁଲ, ବିରାଟ କୋହଲି ଏବଂ ଚତୁର୍ଥ ସ୍ଥାନରେ ବ୍ୟାଟିଂ କରିଥିବା ଶ୍ରେୟାସ ଆୟାର ଚମକତ୍ାରିତା ଦେଖାଇଥିବା ବେଳେ ବୋଲିଂରେ ଯଶ୍‌ପ୍ରୀତ ବୁମ୍‌ରା, ମହମ୍ମଦ ସାମି ଏବଂ ଶାର୍ଦ୍ଦୂଳ ଠାକୁର ଏବଂ ସ୍ପିନର ରୂପେ ଅଭିଜ୍ଞ ରବୀନ୍ଦ୍ର ଜାଡେଜା ବେଶ୍‌ ପରିପକ୍ୱତା ଦେଖାଇଥିଲେ। ଯଶ୍‌ପ୍ରୀତ ବୁମ୍‌ରାଙ୍କ ବୋଲିଂରେ ସର୍ବାଧିକ କ୍ୟାଚ୍‌ ଛାଡ଼ିଥିଲେ ଭାରତୀୟ ଫିଲ୍‌ଡରମାନେ। ସାରା ସିରିଜ୍‌ରେ ଉଚ୍ଚକୋଟୀର ପ୍ରଦର୍ଶନ କରି ଲୋକେଶ ରାହୁଲ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ହୋଇଥିଲେ।
ଏହି ଟି୨୦ ସିରିଜ୍‌ ବ୍ୟାଟିଂରେ କେନ୍‌ ଓ୍ବିଲିୟମ୍‌ସନ, ବିରାଟ କୋହଲି, ରସ୍‌ ଟେଲର ଏବଂ ରୋହିତ୍‌ ଶର୍ମାଙ୍କ ପ୍ରଦର୍ଶନ ଉଚ୍ଚକୋଟୀର ଥିଲା। ସେହିପରି ବୋଲିଂରେ ଟିମ୍‌ ସୌଦି, ମହମ୍ମଦ ସାମି, ମିଚେଲ ସାଣ୍ଟ୍‌ନର ଏବଂ ରବୀନ୍ଦ୍ର ଜାଡେଜାଙ୍କ ମଧ୍ୟରେ ପ୍ରତିଦ୍ୱନ୍ଦିତା ଦେଖିବାକୁ ମିଳିଥିଲା। ମାତ୍ର ଯଶ୍‌ପ୍ରୀତ ବୋଲିଂରେ ଏବଂ ବ୍ୟାଟିଂରେ ରାହୁଲ ଉନ୍ନତ ପ୍ରଦର୍ଶନ କରିଥିଲେ। ଚଳିତ ଟି୨୦ ସିରିଜ୍‌ରେ ରାହୁଲ ଦୁଇଟି ଅର୍ଦ୍ଧଶତକ ସହିତ ମୋଟ୍‌ ୫ଟି ମ୍ୟାଚ୍‌ରୁ ୨୨୪ ରନ୍‌ ସଂଗ୍ରହ କରିଥିବା ବେଳେ ଟି୨୦ରେ ୪୦୦୦ ରନ୍‌ ଅତିକ୍ରମ କରିଛନ୍ତି। ସମଗ୍ର ସିରିଜରେ ବୋଲିଂ କରି ଟିମ୍‌ ଇଣ୍ଡିଆର ଷ୍ଟ୍ରାଇକ୍‌ ବୋଲର ଯଶ୍‌ପ୍ରୀତ ବୁମ୍‌ରା ସର୍ବାଧିକ ୭ଟି ଉଇକେଟ ନେଇଥିବା ବେଳେ ଅନ୍ତିମ ଟି୨୦ରେ ୩ଟି ଉଇକେଟ ନେଇ ତାଙ୍କର ବୋଲିଂ ଏକାଗ୍ରତା ଫେରିପାଇଥିଲେ। ନ୍ୟୁଜିଲାଣ୍ଡ ପକ୍ଷରୁ ଅଧିନାୟକ କେନ୍‌ ୱିଲିୟମ୍‌ସନ୍‌ ସର୍ବାଧିକ ରନ୍‌ ସ୍କୋର କରିଥିବା ବେଳେ ବୋଲିଂରେ ସ୍ପିନର ସୋଧିଙ୍କ ବୋଲିଂ ବେଶ୍‌ ପ୍ରଭାବଶାଳୀ ରହିଥିଲା।
ଭାରତର ଏହି ସିରିଜ୍‌ ବିଜୟ ବେଶ୍‌ ରୋମାଞ୍ଚକ ଏବଂ ଆକର୍ଷଣୀୟ ଥିଲା। ନ୍ୟୁଜିଲାଣ୍ଡର ଛୋଟ ଗ୍ରାଉଣ୍ଡ ଏବଂ ପରିବେଶ ଆଦୌ ସହାୟକ ନ ଥିଲା। ନ୍ୟୁଜିଲାଣ୍ଡର ଖେଳାଳିମାନଙ୍କୁ ବେଶ୍‌ ସୁହାଉଥିବା ଏହି ଗ୍ରାଉଣ୍ଡଗୁଡ଼ିକରେ ୫-୦ରେ ସିରିଜ ବିଜୟୀ ହେବା ଏକପ୍ରକାର ଅସମ୍ଭବ ଥିଲା। ବିରାଟ ବାହିନୀ ଏହି ସଫଳତା ଆଗକୁ ବଜାୟ ରଖିବ ବୋଲି ଆଶା କରାଯାଉଛି।

ନିର୍ମଳ କୁମାର ମିଶ୍ର


All Right Reserved By Dharitri.Com

Posted inଖେଳ View All

ପ୍ରଥମେ ବ୍ୟାଟିଂ କରିବ ଭାରତ

ଲଣ୍ଡନ,୯ା୬: ଏଠାରେ ଅଷ୍ଟ୍ରେଲିଆ ବିପକ୍ଷରେ ଖେଳାଯିବାକୁ ଥିବା ବିଶ୍ୱକପ୍‌ ମ୍ୟାଚ୍‌ରେ ଭାରତୀୟ ଦଳ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ପିଚ୍‌ରେ ଘାସ...

ଫ୍ରେଞ୍ଚ୍‌ ଓପନ୍‌ ବ୍ୟାଡ୍‌ମିଣ୍ଟନ: ସିନ୍ଧୁ ଆଉଟ

ପ୍ୟାରିସ, ୨୭।୧୦ (ପି.ଟି.)- ଏଠାରେ ଚାଲିଥିବା ୭ଲକ୍ଷ ଆମେରିକୀୟ ଡଲାର ପୁରସ୍କାର ରାଶିବିଶିଷ୍ଟ ଫ୍ରେଞ୍ଚ୍‌ ଓପନ ବ୍ୟାଡ୍‌ମିଣ୍ଟନ ଟୁର୍ନାମେଣ୍ଟରୁ ଆଉ ଜଣେ ଭାରତୀୟ ମହିଳା ତାରକା...

୧୭ ବର୍ଷରୁ କମ୍‌ ମହିଳା ଫୁଟ୍‌ବଲ ବିଶ୍ୱକପ୍‌ : ଡେନର୍ବି ଭାରତୀୟ ଦଳର ମୁଖ୍ୟ କୋଚ୍‌

ନୂଆଦିଲ୍ଲୀ, ୯ା୧୧ (ପି.ଟି.)- ସ୍ବିଡେନର ଥୋମାସ ଡେନର୍ବି ଶନିବାର ୧୭ ବର୍ଷରୁ କମ୍‌ ଫିଫା ବିଶ୍ୱକପ୍‌ ପାଇଁ ଭାରତୀୟ ମହିଳା ଫୁଟ୍‌ବଲ ଦଳର କୋଚ୍‌ ଭାବେ...

ହର୍ଡଲ୍ସ ତାରକା ସାଲି ପିୟରସନଙ୍କ ଅବସର ଘୋଷଣା

ସିଡନୀ,୬।୮(ଏଏଫ୍‌ପି)- ଅଷ୍ଟ୍ରେଲିଆ ମହିଳା ହର୍ଡଲ୍ସ ବିଶ୍ୱଚାମ୍ପିୟନ ସାଲି ପିୟରସନ ମଙ୍ଗଳବାର ଅବସର ଘୋଷଣା କରିଛନ୍ତି। କ୍ରମାଗତ ଭାବେ ଇଞ୍ଜୁରିର ଶିକାର ହେବା କାରଣରୁ ସେ ସମସ୍ତଙ୍କୁ...

ଅନ୍ତିମ ଟି୨୦: ସିରିଜ ବିଜୟ ଲକ୍ଷ୍ୟରେ ଭାରତ

ନାଗପୁର, ୧୦।୧୧(ପି.ଟି.)- ଚଳିତ ସେସନରେ ଭାରତ ଘରୋଇ ପରିବେଶରେ ତା’ର ପ୍ରଥମ ଟି୨୦ ସିରିଜ ବିଜୟ ହାସଲ କରିବା ଲକ୍ଷ୍ୟରେ ରହିଛି। ସ୍ଥାନୀୟ ବିଦର୍ଭ କ୍ରିକେଟ...

ଭାରତ ବିପକ୍ଷ ଟି୨୦ରେ ଖେଳିପାରିବେ ନାହିଁ ଲଥାମ

ଅକ୍‌ଲାଣ୍ଡ, ୯।୧- ନ୍ୟୁଜିଲାଣ୍ଡ ବ୍ୟାଟ୍ସମ୍ୟାନ ଟମ୍‌ ଲଥାମ ଭାରତ ବିପକ୍ଷ ଆଗାମୀ ଟି୨୦ ସିରିଜ ଖେଳିପାରିବେ ନାହିଁ। ଅଷ୍ଟ୍ରେଲିଆ ବିପକ୍ଷ ଅନ୍ତିମ ତଥା ୩ୟ ଟେଷ୍ଟ...

କ୍ରିକେଟର ଉନ୍ନତିରେ ୧ ବିଲିୟନ ଖର୍ଚ୍ଚ କରିବ ୟୁଏସ୍‌ଏ

ଓ୍ବାଶିଂଟନ,୨୫।୫(ଏଏଫ୍‌ପି)- ଆଇସିସି ସ୍ବୀକୃତି ମିଳିବା ୬ ମାସ ପରେ ୟୁଏସ୍‌ଏ କ୍ରିକେଟ ବୋର୍ଡ ଏକ ବଡ଼ ଘୋଷଣା କରିଛି। ଦେଶରେ କ୍ରିକେଟର ଭିତ୍ତିଭୂମୀ ବିକାଶ, ଆଞ୍ଚଳିକ...

ଦେଶର ଅନ୍ତର୍ଜାତୀୟ ଶୁଟିଂ ସେଣ୍ଟରରେ ନାହିଁ ଶୁଟରଙ୍କ ରହଣି ବ୍ୟବସ୍ଥା

ନୂଆଦିଲ୍ଲୀ,୭।୯- ଦେଶର ଜଣାଶୁଣା ଅନ୍ତର୍ଜାତୀୟ ଶୁଟିଂ ସେଣ୍ଟର ଡ. କାର୍ନି ସିଂ ଶୁଟିଂ ରେଞ୍ଜଠାରେ ଭାରତୀୟ ଶୁଟରଙ୍କ ଲାଗି ରହଣି ବ୍ୟବସ୍ଥା ନାହିଁ। ଏଥିଯୋଗୁ ଅଲିମ୍ପିକ୍ସ...

Leave a comment

Your email address will not be published. Required fields are marked *