ଜିପସମ୍‌ ପରିବହନକୁ ନେଇ ବିବାଦ: ପିପିଏଲ୍‌ କାରଖାନା ଆଗରେ ଜେସିସିର ଧାରଣା

ପାରାଦୀପ,୪ା୨(ସ୍ବ.ପ୍ର.): ପାରାଦୀପରେ ଥିବା ଶିଳ୍ପ ସଂସ୍ଥାର ପଣ୍ୟ ପରିବହନକୁ ନେଇ ବର୍ଷେ ହେଲା ଚାଲିଥିବା ବିବାଦ ସୋମବାର ଭିନ୍ନମୋଡ଼ ନେଇଛି। ଅର୍ଥାତ୍‌ ୩ଟି ଟ୍ରକ ମାଲିକ ସଂଘକୁ ନେଇ ଗଠିତ ଜେସିସି (ଜଏଣ୍ଟ କୋଅର୍ଡିନେସନ୍‌ କମିଟି)ର ସଦସ୍ୟମାନେ ସୋମବାର ପିପିଏଲ୍‌ କାରଖାନା ରେଳଲାଇନ୍‌ ଗେଟ୍‌ ଆଗରେ ଧାରଣା ଦେଇଛନ୍ତି। ୨୦୧୪ର ଆରଡିସିସ୍ତରୀୟ ବୈଠକ ଚୁକ୍ତି ଅନୁସାରେ ରୋଡ ଟ୍ରାନ୍ସପୋର୍ଟର ୩୦ ପ୍ରତିଶତ ୩ଟି ଟ୍ରକ ମାଲିକ ସଂଘକୁ ଦେବା ପାଇଁ ସେମାନଙ୍କର ଦାବି ରହିଛି। ୩ଟି ଟ୍ରକ ମାଲିକ ସଂଘ ହେଲେ ପାରାଦୀପ ଟ୍ରକ ମାଲିକ ସଂଘ, ଜଗନ୍ନାଥ ଟ୍ରକ ମାଲିକ ସଂଘ ଓ ଜଗତ୍‌ସିଂହପୁର ଜିଲା ଟ୍ରକ ମାଲିକ ସଂଘ।
ଜେସିସି ସଦସ୍ୟ ପ୍ରକାଶ ଚନ୍ଦ୍ର ଜେନାଙ୍କ ସୂଚନା ଅନୁସାରେ ପିପିଏଲ୍‌ ୨୦୧୪ରେ ଏହି ୩ଟି ମାଲିକ ସଂଘକୁ ୩୦ ପ୍ରତିଶତ ଜିପସମ୍‌ ପରିବହନ ପାଇଁ ଦେବ ବୋଲି ଚୁକ୍ତି ହୋଇଥିଲା। କିନ୍ତୁ କମ୍ପାନୀ ଗତ ୨ ବର୍ଷରେ ୩୦ ପ୍ରତିଶତ ଜିପସମ୍‌ ଟ୍ରକ ମାଲିକ ସଂଘକୁ ଦେଇନାହିଁ। ସେଥିପାଇଁ ଆମ୍ଭେ କମ୍ପାନୀ ବିରୋଧରେ ସେହି ୩୦ ପ୍ରତିଶତ ପରିବହନ ପାଇଁ ଧାରଣା ଦେଇଛୁ। ଏହି ଧାରଣା ପ୍ରସଙ୍ଗରେ ଆମ୍ଭେ ଜିଲା ପ୍ରଶାସନକୁ ଅବଗତ କରିଛୁ। ଯେପର୍ଯ୍ୟନ୍ତ ଦାବି ପୂରଣ ନ ହୋଇଛି ଧାରଣା ବଳବତ୍ତର ରହିବ ବୋଲି ସେ କହିଥିଲେ। ଏ ସମ୍ପର୍କରେ କମ୍ପାନୀ କର୍ତ୍ତୃପକ୍ଷ କହିଛନ୍ତି, ସେମାନଙ୍କ ଦାବି ଅମୂଳକ ଓ ଅବାସ୍ତବ। କାରଣ ଆମ୍ଭର୨୦୧୬/୧୭ରେ ରୋଡ ଟ୍ରାନ୍ସପୋର୍ଟ ୧ ଲକ୍ଷ ୧୬ ମେଟ୍ରିକ ଟନ୍‌ ଓ ୨୦୧୮/୧୯ ବର୍ଷରେ ୧.୭୦ ଲକ୍ଷ ମେଟ୍ରିକ ଟନ୍‌ ପରିବହନ ହୋଇଛି। ଜିପସମ୍‌ ପରିବହନ କ୍ଷମତା ଡିଲରଙ୍କର। ଡିଲରମାନେ କେଉଁ ଟ୍ରକ ସଂଘକୁ ପରିବହନ ପାଇଁ ସ୍ବୀକୃତି ଦେବେ ତାହା ସେମାନଙ୍କ କାମ। ଯଦି ତାଙ୍କର ରୋଡ ଟ୍ରାନ୍ସପୋର୍ଟ କମିଥିଲା, ସେମାନେ ପୂର୍ବରୁ କେବେ ଜଣାଇନାହାନ୍ତି। ଏବେ ଏକ ନୂଆ ପ୍ରତିଯୋଗୀ ସଂଘ ପରିବହନ କରିବା ଯୋଗୁ ଏମାନଙ୍କ ଦାବି କଥା ଉଠୁଛି। ତଥାପି ମଙ୍ଗଳବାର ପ୍ରଶାସନିକ ଆଲୋଚନା ପାଇଁ ପ୍ରୟାସ ଚାଲିଛି। ଏ ସମ୍ପର୍କରେ ଜିଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ପଚାରିବାରେ ସେ କହିଥିଲେ, ଟ୍ରକ ସଂଘ ଓ କମ୍ପାନୀର ଏହା ବ୍ୟବସାୟିକ ସ୍ବାର୍ଥ ପ୍ରସଙ୍ଗ। ମୋତେ କେହି ଏ ବିଷୟରେ ଜଣାଇନାହାନ୍ତି। ତେଣୁ ପ୍ରଶାସନ ଏଥିରେ ହସ୍ତକ୍ଷେପ କରିବ ନାହିଁ ବୋଲି ସେ ରୋକ୍‌ଠୋକ୍‌ ଭାବେ କହିଥିଲେ।
ସୂଚନାଯୋଗ୍ୟ, ପାରାଦୀପର ଏହି ୩ଟି ସଂଘ ୧୫ ବର୍ଷ ହେଲା ପଣ୍ୟ ପରିବହନ କରୁଥିଲେ। ସଂଘଗୁଡିକ ସେମାନଙ୍କ ସଦସ୍ୟଙ୍କ ମଧ୍ୟରେ ଗାଡିସଂଖ୍ୟା ବୃଦ୍ଧି କରୁଥିବାବେଳେ ନୂଆଗାଡି ମାଲିକଙ୍କୁ ସଦସ୍ୟଭାବେ ଗ୍ରହଣ କରୁ ନ ଥିଲେ। ଯେଉଁଥିପାଇଁ ଅସନ୍ତୋଷ ଲାଗିଥିଲା। ବର୍ଷେ ହେଲା ସୃଷ୍ଟ ଏକ ୪ଟି ସଂଘ (ଟ୍ରକ ଟିପ୍ପଲର ଟ୍ୟାଙ୍କର ଟ୍ରେଲର) ଏଥିରେ ପଶି ପଣ୍ୟ ପରିବହନ ପାଇଁ ଉଦ୍ୟମ ଚଳାଇଥିଲେ ହେଁ ଜେସିସିର କର୍ମକର୍ତ୍ତାମାନେ ତାହା କରାଇ ଦେଉ ନ ଥିଲେ। ଶେଷରେ ୪ଟି ସଂଘ ହାଇକୋର୍ଟଙ୍କ ଦ୍ୱାରସ୍ଥ ହେବା ପରେ ତାଙ୍କ ସପକ୍ଷରେ ନିଷ୍ପତ୍ତି ଯାଇଥିଲା। ଗତ ସପ୍ତାହରେ ଏହି ସଂଘ ଜିପସମ୍‌ ପରିବହନ କାମ ଆରମ୍ଭ କରିଛି। ଜେସିସି ନ୍ୟାୟିକ ପ୍ରକ୍ରିୟାରେ ବିଫଳ ହେବା ପରେ ଏବେ ଧାରଣାକୁ ଓହ୍ଲାଇଛି ବୋଲି ଚର୍ଚ୍ଚା ହେଉଛି। ଯାହାକି ଶୃଙ୍ଖଳିତ ଭାବେ ଚାଲିଥିବା କମ୍ପାନୀ ପାଇଁ ବୁମେରାଂ ସାଜିଛି।
ସଂଗ୍ରାମକୁ ଯିବା ପୂର୍ବରୁ ଏକତାରେ ଫାଟ
ଏହି ଟ୍ରକ ସଂଘ ଧାରଣା ଦେବାର ଅବବ୍ୟହିତ ପୂର୍ବରୁ ଜଗନ୍ନାଥ ଟ୍ରକ ମାଲିକ ସଂଘରେ ସଦସ୍ୟ ଓ ସଂଘ କର୍ମକର୍ତ୍ତାଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା। ଜଣେ ମାଲିକଙ୍କ ସଦସ୍ୟତାକୁ କଳାତାଲିକାଭୁକ୍ତ ଓ ନିଲମ୍ବନ କରିବା ପ୍ରତିବାଦରେ ୫୦ରୁ ଊର୍ଦ୍ଧ୍ୱ ମାଲିକମାନେ ସଂଘ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ। ଏପରି କି ଜଣେ ମାଲିକ ଦେହରେ କିରାସିନ ଢ଼ାଳି ନିଅଁା ଲଗାଇବାକୁ ଉଦ୍ୟମ କରୁଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହାପରେ କର୍ମକର୍ତ୍ତା ନିଲମ୍ବନ ଉଠାଇଥିବା ଜଣାଯାଇଛି। ସଂଘର କର୍ମକର୍ତ୍ତାଥିବା ଲୋକଙ୍କ ଗାଡି ଅଧିକ ଭଡ଼ା ଥିବା ଜାଗାକୁ ଯିବା, କଳା ତାଲିକାଭୁକ୍ତ କରିବାରେ ପାତରଅନ୍ତର, ଆୟବ୍ୟୟ ହିସାବ ମାଗିବା, କୋଇଲା ପରିବହନ କମ୍ପାନୀକୁ ମୂଲ୍ୟରେ ରିହାତି ନ ଦେବାରୁ ସେମାନେ ଟ୍ରେନ୍‌ରେ ପରିବହନ କରିବା ଆଦି ଘଟଣାକୁ ନେଇ ସଂଘ ଭିତରେ ଅସନ୍ତୋଷ କୁହୁଳିବାରେ ଲାଗିଛି। ସୋମବାର ଧାରଣା ପୂର୍ବରୁ ଏପରି ଘଟଣା ବିବାଦକୁ ନେଇ ପ୍ରାୟ ୫ ହଜାର ଟ୍ରକ ମାଲିକଙ୍କ ମଧ୍ୟରେ ଚର୍ଚ୍ଚା ଜାରି ରହିଛି। ଏପରି କି ଧାରଣାସ୍ଥଳରେ ସଂଘ ମୁଖିଆ ଅନୁପସ୍ଥିତ ରହିବା ଅନ୍ୟତମ ଚର୍ଚ୍ଚାର କାରଣ ହୋଇଛି।


All Right Reserved By Dharitri.Com

ନିଆରା ଢଙ୍ଗରେ ଦୀପାବଳି: ବାଣ ଫୁଟା ନ ଯାଇ ବାଳାଶ୍ରମ, ବୃଦ୍ଧାଶ୍ରମ ଅନ୍ତେବାସୀଙ୍କ ଉନ୍ନତିରେ ଖର୍ଚ୍ଚ ପାଇଁ ଦିଆଗଲା ଅର୍ଥ

ହାଟଡ଼ିହୀ,୨୮।୧୦(ସ୍ବ.ପ୍ର./ଡି.ଏନ୍‌.ଏ.): କେନ୍ଦୁଝର ଜିଲା ହାଟଡ଼ିହୀ ବ୍ଲକର ବିଶିଷ୍ଟ ସାମାଜିକ ସଂଗଠନ ‘ସର୍ଭ ଫର ଫିପୁଲ’ ତରଫରୁ ଦୀପାବଳି ଉତ୍ସବ ନିଆରା ଢଙ୍ଗରେ ପଳିତ ହୋଇଯାଇଛି। ଏହି...

ଫେରାର ୨ ପିଲେଟ ଚୋର ଗିରଫ

ଯୋଡ଼ା, ୨୯।୪ (ଡି.ଏନ.ଏ.): କେନ୍ଦୁଝର ଜିଲା ଯୋଡା ଖଣିମଣ୍ଡଳର ବଡବିଲସ୍ଥିତ ଆରିୟା ଷ୍ଟିଲ କାରଖାନାରୁ ପରିବହନ ବେଳେ ପିଲେଟ ଚୋରି କରିଥିବା ଦୁଇ ଫେରାର ଅଭିଯୁକ୍ତଙ୍କୁ...

ପ୍ରବାସୀ ଓଡ଼ିଆଙ୍କୁ ରନ୍ଧାଖାଦ୍ୟ ଯୋଗାଉଛି ପୋଲିସ

ଭଦ୍ରକ ଅଫିସ,୧୭ା୫: ମହାମାରୀ କରୋନା ଯୋଗୁ ବିପଦରେ ପଡ଼ିଛି ଜୀବନ ଜୀବିକା। ଡହଡହ ଖରାରେ ରାଜରାସ୍ତାରେ ଶହ ଶହ କିଲୋମିଟର ପାଦରେ ଚାଲିଚାଲି ଘରମୁହାଁ ହୋଇଛନ୍ତି...

ଭେଣ୍ଡର ରସିଦ୍‌ ଦାବିରେ ସମବାୟ ସମିତିରେ ତାଲା

ଭଣ୍ଡାରିପୋଖରୀ, ୨୬।୬ (ଡି.ଏନ.ଏ.) : ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ସରସଦା ସେବା ସମବାୟ ସମିତିରେ ଗତ ଖରିଫ୍‌ ଧାନ ବିକ୍ରିର ଶେଷ ପର୍ଯ୍ୟାୟରେ ଧାନ...

ଏସ୍‌ପିଙ୍କ ଅଫିସ ସମ୍ମୁଖରେ ନିର୍ଯାତିତା ମା’ ଝିଅଙ୍କ ଧାରଣା

ଭଦ୍ରକ ଅଫିସ, ୧୨।୬: ପୋଲିସ ଅଭିଯୋଗକୁ ଗୁରୁତ୍ୱ ନ ଦେବାରୁ ଜଣେ ନିର୍ଯାତିତା ମହିଳା ଓ ତାଙ୍କ ୫ ବର୍ଷର ଝିଅ ବୁଧବାର ଭଦ୍ରକ ଜିଲା...

ନୂତନ କ୍ୱାରାଣ୍ଟାଇନ୍‌ କେନ୍ଦ୍ର ସ୍ଥିତି ପରଖିଲେ ଜିଲାପାଳ

ଚୌଦ୍ୱାର,୨୫ା୪(ଡି.ଏନ୍‌.ଏ.) : କଟକ ଜିଲା ଚୌଦ୍ୱାର ସହାରାଞ୍ଚଳରେ ଗାନ୍ଧିଛକସ୍ଥିତ ଟାଉନ୍‌ହଲରେ ୬୦ ଶଯ୍ୟା ବିଶିଷ୍ଟ କ୍ୱାରାଣ୍ଟାଇନ ସେଣ୍ଟର ଚାଲୁ ରହିଛି। ଆସନ୍ତା ମେ’ ୩ ତାରିଖ...

ପେଣ୍ଠକଟାର ସ୍ବଚ୍ଛତା ଉପରେ ଜିଲାପାଳଙ୍କ ଗୁରୁତ୍ୱ

ପୁରୀ ଅଫିସ, ୮ା୮:  ବାତ୍ୟା ଫନୀରେ ପୁରୀ ସହରସ୍ଥ ବସ୍ତିଗୁଡ଼ିକ ମଧ୍ୟରୁ ସମୁଦ୍ର ଉପକୂଳ ପେଣ୍ଠକଟା ବସ୍ତି ଅଧିକ କ୍ଷତିଗ୍ରସ୍ତ ହୋଇଥିଲା। ଏଠାରେ ବ୍ୟାପକ ସଂଖ୍ୟାରେ...

ଓ୍ବେଲଫେୟାର କମିଟିର ସହଯୋଗ

ବଅଁରପାଳ, ୨୨ା୯(ଡି.ଏନ.ଏ.) – ଅନୁଗୋଳ ଜିଲା ନାଲ୍‌କୋନଗରରେ ଚାଲିଥିବା ବିଶ୍ୱକମର୍ର୍ା ପୂଜାରେ ଜନ ସମାଗମ ଲାଗି ରହିଛି। ୨୩ ମଣ୍ଡପରେ ପ୍ରଭୁଙ୍କ ପୂଜା ଚାଲିଛି। ଶାନ୍ତି...

Leave a comment

Your email address will not be published. Required fields are marked *