ଏକାମ୍ର କ୍ଷେତ୍ରର ବିକାଶ ମାପଚୁପରେ ଲଟକିଛି

ପୁରୁଣା ଭୁବନେଶ୍ୱର,୩ା୨(ଡି.ଏନ୍‌.ଏ.): ଏକାମ୍ର କ୍ଷେତ୍ର ତଥା ଶ୍ରୀଲିଙ୍ଗରାଜ ମନ୍ଦିରର ବିକାଶ ଓ ସୌନ୍ଦର୍ଯ୍ୟକରଣ ନେଇ ବିରାଟ ପରିକଳ୍ପନାର ରୂପାୟନ ନେଇ ସନ୍ଦେହ ଦେଖାଦେଲାଣି। ଦୀର୍ଘ ୨୦ ଦିନ ହେବ କେବଳ ମାପଚୁପରେ ନିଜକୁ ସୀମିତ ରଖିଛନ୍ତି ମିଳିତ ଟିମ୍‌। ବିଏମ୍‌ସି, ରାଜସ୍ବ ବିଭାଗ, ଦେବୋତ୍ତର ବିଭାଗ କର୍ମଚାରୀ ବିଭିନ୍ନ ଭାଗରେ ବିଭକ୍ତ ହୋଇ ବିନ୍ଦୁସାଗର ନିକଟବର୍ତ୍ତୀ ସାହି ବସ୍ତି ସମେତ ଦୋକାନ ଘର ମାପଚୁପ ଜାରି ରଖିଛନ୍ତି। ରବିବାର ଏହି ମାପଚୁପ ସମୟରେ ଘୋର ବିରୋଧ କରାଯାଇଥିଲା। ଦୀର୍ଘଦିନ ଧରି କୌଣସି ନିର୍ଦ୍ଦିଷ୍ଟ ନକ୍ସା କିମ୍ବା ବିକାଶ ରୂପରେଖ ସାଧାରଣ ଲୋକଙ୍କୁ ବିଧିବଦ୍ଧ ଭାବେ ନ ଜଣାଇବା ଯୋଗୁ ଏପରି ବିରୋଧ ଭାବ ରବିବାର ଦେଖା ଦେଇଥିଲା।
ଭୂମି ଅଧିଗ୍ରହଣର ସମସ୍ତ ନୀତିନିୟମକୁ ଅଣଦେଖା ଅଭିଯୋଗ
ଜମିର ମାପଚୁପକୁ ବିରୋଧ ନେଇ ସାଧାରଣ ଜମି ମାଲିକଙ୍କ ମନରେ ସରକାରୀ କର୍ମଚାରୀ ଭୂମି ଅଧିଗ୍ରହଣର କେଉଁ ନିୟମ ଅନୁଯାୟୀ, ଏହା କରୁଛନ୍ତି, କିଏ ଉତ୍ତରଦାୟୀ ରହିବ, କ୍ଷତିପୂରଣ ଓ ଥଇଥାନ ନେଇ ଆମ୍ଭମାନଙ୍କୁ କୌଣସି ନିର୍ଦ୍ଦିଷ୍ଟ ଲିଖିତ ଦସ୍ତାବିଜ ଦେଖାଇବାକୁ ଲୋକେ କହିଥିଲେ। ପୁରୀ ଭଳି ଉଚ୍ଚନ୍ୟାୟାଳୟଙ୍କ ଆଦେଶ ଅନୁଯାୟୀ, ଭୂମି ଅଧିଗ୍ରହଣ ନେଇ ସମାନ ଧରଣର ପ୍ରକଳ୍ପରେ ଏହି ନିୟମ କାର୍ଯ୍ୟକାରୀ କରା ନ ଯିବା ଯୋଗୁ ବିରୋଧ କରାଯାଇଥିଲା।
ଓଡ଼ିଶା ରାଇଟ୍‌ ଟୁ ଫେୟାର କମ୍ପାନିସେଶନ ଆଣ୍ଡ ଟ୍ରାନ୍ସପରେନ୍ସି ଇନ୍‌ ଲ୍ୟାଣ୍ଡ ଆକ୍ୱିଜିଶନ ନିୟମ ୨୦୧୬ ଓ ଏହା ଅନ୍ତର୍ଗତ ଥଇଥାନ ବ୍ୟବସ୍ଥା କାର୍ଯ୍ୟକାରୀ କରିବାକୁ ଦାବି ହୋଇଛି। ସେହିଭଳି ସମଗ୍ର ଭାରତ ପାଇଁ ୨୭ ସେପ୍ଟେମ୍ବର ୨୦୧୩ରେ ଜମି ଅଧିଗ୍ରହଣ ନେଇ ସହମତି ଅନୁଯାୟୀ କାର୍ଯ୍ୟ କରିବାକୁ ନିୟମ ପ୍ରଣୟନ ହୋଇଛି।
ଏଥିରେ ଆଲୋଚନା ମାଧ୍ୟମରେ ଗ୍ରାମସଭା, ଭାଗୀଦାରି ମାଧ୍ୟମରେ ଏକ ସୌହାର୍ଦ୍ଦ୍ୟପୂର୍ଣ୍ଣ ବାତାବରଣ ସ୍ବଚ୍ଛତା ଅବଲମ୍ବନ କରାଯିବା ଦରକାର। ଶିଳ୍ପର ବିକାଶ, ସହରୀକରଣ ଓ ବିଭିନ୍ନ କ୍ଷେତ୍ରରେ ଭିତ୍ତିଭୂମି ଉନ୍ନତ କରିବା ନେଇ ଜମି ହରାଇଥିବା ଲୋକଙ୍କୁ ସର୍ବନିମ୍ନ କ୍ଷତି ନ ପହଞ୍ଚାଇ ସେମାନଙ୍କୁ ଉପଯୁକ୍ତ ଥଇଥାନ କରି କ୍ଷତିପୂରଣ ଦିଆଯିବ। ଏଥିସହ ପରବର୍ତ୍ତୀ ସମୟରେ ସେମାନେ ସାମାଜିକ ନିରପତ୍ତା ଓ ଅର୍ଥନୈତିକ ଅଭିବୃଦ୍ଧି ପ୍ରତି ଦୃଷ୍ଟି ଦେବାକୁ ନିୟମ ରହିଛି।
ଏ ନେଇ ସାମାଜିକ କର୍ମୀ ଲିଙ୍ଗରାଜ ହାତୀ କୁହନ୍ତି, ମୁଖ୍ୟମନ୍ତ୍ରୀ ଓ ୫-ଟି ସଚିବଙ୍କ ସୌନ୍ଦଯ୍ୟକରଣ ଓ ବିକାଶ ଯୋଜନାକୁ ଭଣ୍ଡୁର କରିବାକୁ କେତେଜଣ ପ୍ରଭାବଶାଳୀ ସେମାନଙ୍କ ଅନୁଗତଙ୍କୁ ହାତ କରି ଏଭଳି ଭୟର ବାତାବରଣ ସୃଷ୍ଟି କରିବାକୁ ଚାହୁଁଛନ୍ତି। ଏଣୁ ସଚିବ ସ୍ତରୀୟ ଅଧିକାରୀ ସମସ୍ତ ଜମି ମାଲିକ କିମ୍ବା ତାଙ୍କ ପ୍ରତିନିଧିଙ୍କୁ ନେଇ ନିଦ୍ଦିଷ୍ଟ ଭାବେ ଲିଖିତ ଆଶ୍ୱସନା ଦେଲେ ଏସବୁର ସମାଧାନ ହୋଇପାରନ୍ତା। ଜମି ମାଲିକ ପ୍ରହଲ୍ଲାଦ ବିଷୋୟୀ କୁହନ୍ତି, ଅନେକ କ୍ଷେତ୍ରରେ ସରକାରୀ ଯୋଜନା ପୂର୍ଣ୍ଣାଙ୍ଗ ରୂପ ନେବା ପୂର୍ବରୁ ଆଇନ ଅଦାଲତ ଯୋଗୁ ଅଟକି ରହିଯାଏ। ଏଣୁ ଆମମାନଙ୍କୁ ପ୍ରଥମେ କ୍ଷତିପୂରଣ, ଥଇଥାନ କରି ସରକାର ଜମି ଓ ଘର ନେଇ ଯାଆନ୍ତୁ। ପରବର୍ତ୍ତୀ ସମୟରେ ଯାହା ଇଚ୍ଛା ତାହା କରନ୍ତୁ ଆମର କିଛି କହିବାର ନାହିଁ ବୋଲି ସେ କହିଥିଲେ।

ପରିଚୟପତ୍ର, ନୋଟିସ ଓ ମହିଳା କର୍ମଚାରୀ ନ ଥିବାରୁ ବିରୋଧ
ପୁରୁଣା ଭୁବନେଶ୍ୱର ଶ୍ରୀଲିଙ୍ଗରାଜ ମନ୍ଦିର ପୂର୍ବ ତଥା ସମ୍ମୁଖରେ ଡାକରା ବିଭୀଷଣେଶ୍ୱର ମନ୍ଦିର ପର୍ଯ୍ୟନ୍ତ ପୁନର୍ବାର କେତେଜଣ ଜମି ମାଲିକଙ୍କୁ ଡକା ଯାଇଥିଲା। ଦେବୋତ୍ତର ଜମିରେ ବ୍ୟବସାୟ ପ୍ରତିଷ୍ଠାନ କରିଥିବା କେତେଜଣଙ୍କୁ ଉଚ୍ଛେଦ ହେବାର ମୌଖିକ ଭାବେ ଜଣାଯିବା ଯୋଗୁ ସେମାନଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି। ସେହିଭଳି ହାଟସାହିଠାରୁ ପୁରୁଣା ଆର୍‌ଆଇ ଅଫିସ ପର୍ଯ୍ୟନ୍ତ ଅଞ୍ଚଳ, ହାଟ ସହ ଅନ୍ୟ ଦେବୋତ୍ତର ଜମି ମିଶାଇ ମାପଚୁପ ଆରମ୍ଭ କରାଯାଇଛି। ଶ୍ରୀଲିଙ୍ଗରାଜ ମନ୍ଦିର ଉତ୍ତର ଦ୍ୱାର ନିକଟରେ ମିଳିତ ଟିମ୍‌ ପକ୍ଷରୁ ମାପଚୁପ କରାଯାଉଥିବାବେଳେ ଅଧିକାଂଶ ଦୋକାନୀ ଓ ଗୃହ ମାଲିକ ଆପତ୍ତି ଜଣାଇଥିଲେ। କର୍ମଚାରୀଙ୍କୁ ସେମାନଙ୍କ ପରିଚୟପତ୍ର, ମାପଚୂପ ନେଇ ଅନୁମତି ପତ୍ର ଓ ନିର୍ଦ୍ଦିଷ୍ଟ ଭାବେ କୌଣସି ନୋଟିସ ନ କରି ରବିବାର ଛୁଟିଦିନରେ ମାପଚୁପର ଯଥାର୍ଥତା ନେଇ ଲୋକେ ପ୍ରଶ୍ନ କରିଥିଲେ। ଏହା ଉପରୁ ଆଦେଶ ରହିଛି ଆମେ କିଛି କହିପାରିବୁନି କହି ଅଜବ ଯୁକ୍ତି ମିଳିତ ଟିମ୍‌ର ସଦସ୍ୟମାନେ କରିଥିଲେ। ସେହିଭଳି କେତେଜଣଙ୍କ ଘର ମାପ ବେଳେ କେବଳ ଗୃହିଣୀ ଉପସ୍ଥିତ ଥିବାରୁ କେଉଁ କାରଣରୁ କୌଣସି ମହିଳା କର୍ମଚାରୀ ନ ଆଣି ଏବଂ ଲିଖିତ ଭାବେ ନ ଜଣାଇ ମାପଚୁପ କରିବାକୁ ଆସିଛନ୍ତି କହି ଲୋକେ ବିରୋଧ କରିଥିଲେ।


All Right Reserved By Dharitri.Com

ନନ୍ଦନକାନନକୁ ଦୀପାବଳି ଭେଟି:ଉପହାରରେ ମିଳିଲା ୮ ହଳଦିଆ ଆନ୍ନାକୋଣ୍ଡା, ନାଇଲ କୁମ୍ଭୀର

ବାରଙ୍ଗ,୨୩-୧୦(ଡି.ଏନ.ଏ.):ନନ୍ଦନକାନନକୁ ମିଳିଛି ଦୀପାବଳି ଭେଟି। ଏହି ଅବସରରେ ନୂଆ ଅତିଥି ଭାବେ ୮ ହଳଦିଆ ଆନ୍ନାକୋଣ୍ଡା ଓ ୩ ନାଇଲ କୁମ୍ଭୀର ମଙ୍ଗଳବାର ସନ୍ଧ୍ୟାରେ ନନ୍ଦନକାନନରେ...

ଓଜେଇଇ ୨୦୧୯କୁ ନେଇ ଖବରକାଗଜରେ ଜାଲ୍‌ ବିଜ୍ଞାପନ

ଭୁବନେଶ୍ୱର,୨୬।୬(ବ୍ୟୁରୋ): ଛାତ୍ରୀଛାତ୍ରଙ୍କୁ ବିଭ୍ରାନ୍ତ କରିବା ପାଇଁ ଖବରକାଗଜରେ ଆସୁଛି ଜାଲ୍‌ ବିଜ୍ଞାପନ। ଉଚ୍ଚଶିକ୍ଷାରେ ନାମ ଲେଖାଇବା ପାଇଁ ଖବରକାଗଜରେ ଭୁଲ ବିଜ୍ଞାପନ ପ୍ରକାଶ ପାଉଛି। ତେଣୁ...

କରୋନା: ତଥ୍ୟ ଦେବେ ଘରୋଇ ହସ୍ପିଟାଲ, ହୋଟେଲ,ଏସ୍‌ଓପି ଜାରି କଲା ବିଏମ୍‌ସି

ଭୁବନେଶ୍ୱର,୧୬।୩(ବ୍ୟୁରୋ): କରୋନା ମୁକାବିଲା ପାଇଁ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ପକ୍ଷରୁ ରାଜଧାନୀରେ ଥିବା ଘରୋଇ ହସ୍ପିଟାଲ ଓ ହୋଟେଲ କର୍ତ୍ତୃପକ୍ଷଙ୍କ ପାଇଁ ନୂଆ ଏସ୍‌ଓପି...

CORONAVIRUS UPDATE: ରାଜ୍ୟରେ ଆଉ ୨୪ କରୋନା ଆକ୍ରାନ୍ତ ସୁସ୍ଥ, ମୋଟ୍‌ ସୁସ୍ଥ ହେଲେଣି ୨୨୦

ଭୁବନେଶ୍ୱର,୧୭ା୫(ବ୍ୟୁରୋ): ରବିବାର ରାଜ୍ୟରେ ଆଉ ୨୪ କରୋନା ଆକ୍ରାନ୍ତ ସୁସ୍ଥ ହୋଇଥିବା ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ସୁସ୍ଥ...

ପୂଜା ମଣ୍ଡପରେ ଭକ୍ତଙ୍କୁ ଚାରା ବଣ୍ଟନ

ଭୁବନେଶ୍ୱର, ୭ା୧୦(ବ୍ୟୁରୋ)- ପରିବେଶ ସନ୍ତୁଳନ ରହିଲେ ମାନବଜାତି ଶୃଙ୍ଖଳିତ ଜୀବନଯାପନ କରିପାରିବ। ଏଥିପାଇଁ ପର୍ଯ୍ୟାପ୍ତ ପରିମାଣର ବୃକ୍ଷରୋପଣ ଜରୁରୀ ହୋଇପଡ଼ିଛି। ଏଭଳି ବାର୍ତ୍ତା ଦେଇ ଭକ୍ତଙ୍କୁ...

ଭିଜିଲାନ୍ସ ଜାଲରେ ୯ ଆଇଏଏସ୍‌, ୨୨୭ ଓଏଏସ୍‌

ଭୁବନେଶ୍ୱର,୧୬।୭(ବ୍ୟୁରୋ): ରାଜ୍ୟରେ ତଳୁ ଉପର ଯାଏ ଦୁର୍ନୀତି ଖୁନ୍ଦି ହୋଇ ରହିଛି। କେବଳ ତଳିଆ କର୍ମଚାରୀ ଯେ ହାତଗୁଞ୍ଜା ନେଉଛନ୍ତି ତାହା ନୁହେଁ, ବଡ଼ ବାବୁମାନେ ମଧ୍ୟ...

ପଲିଥିନ ବଣ୍ଟନରେ ଅନିୟମିତତା ଅଭିଯୋଗ: ତହସିଲଦାରଙ୍କୁ ନ ପାଇ ବିଡିଓଙ୍କୁ ଘେରିଲେ ଗ୍ରାମବାସୀ

କଣ୍ଟାପଡା,୧୫।୫(ଡି.ଏନ୍‌.ଏ.): ସାମୁଦ୍ରିକ ବାତ୍ୟା ଫନୀରେ କ୍ଷତିଗ୍ରସ୍ତ କଣ୍ଟାପଡା ବ୍ଲକ ଅନ୍ତର୍ଗତ ପାଟସୁନ୍ଦରପୁର ପଞ୍ଚାୟତରେ ବାତ୍ୟା ବିପନ୍ନଙ୍କୁ ପଲିଥିନ ବଣ୍ଟନରେ ଅନିୟମିତତା ହୋଇଥିବା ପାଟସୁନ୍ଦରପୁର ଗ୍ରାମବାସୀଙ୍କ ପକ୍ଷରୁ...

ତାତିରେ ସିଝୁଛି ସାରା ଓଡ଼ିଶା: ଭୁବନେଶ୍ୱରରେ ସର୍ବାଧିକ ତାପମାତ୍ରା ୪୧.୭ ଡିଗ୍ରୀ

ଭୁବନେଶ୍ୱର,(ବ୍ୟୁରୋ)/ଧାମନଗର,୧୮।୪(ଡି.ଏନ୍‌.ଏ.): ଡହଡହ ଖରାରେ ସିଝୁଛି ସାରା ଓଡ଼ିଶା। ସକାଳ ୮ଟା ବେଳୁ ଖରାର ପ୍ରଭାବ ଦେଖିବାକୁ ମିଳୁଛି। ଲୋକେ ପୂର୍ବାହ୍ନ ୧୦ଟାରୁ ଅପରାହ୍ନ ୪ଟା ଯାଏ...

Leave a comment

Your email address will not be published. Required fields are marked *