ବଜେଟ-୨୦୨୦: ବାଣିଜ୍ୟ-ଉଦ୍ୟୋଗ ପାଇଁ ୨୭,୩୦୦ କୋଟି

ଏପ୍ରିଲରୁ ସହଜ ଜିଏସ୍‌ଟି ରିଟର୍ନ ଦାଖଲ
ବାଣିଜ୍ୟ ଓ ଉଦ୍ୟୋଗର ବିକାଶ ଏବଂ ପ୍ରୋତ୍ସାହନ ପାଇଁ ଚଳିତ ବଜେଟ୍‌ରେ ୨୭ ହଜାର ୩୦୦ କୋଟି ଟଙ୍କାର ବ୍ୟୟବରାଦ ରଖାଯାଇଛି। ଏଥିରେ କ୍ଷୁଦ୍ର ଓ ଅଣୁ ଉଦ୍ୟୋଗ ପାଇଁ ସହାୟକ ଋଣ ବ୍ୟବସ୍ଥା ପାଇଁ ନୂଆ ଯୋଜନା ଆରମ୍ଭ ହେବ। ପ୍ରଧାନମନ୍ତ୍ରୀ କର୍ମଯୋଗୀ ମାନଧନ ଯୋଜନାରେ ୧.୫ କୋଟି ଟଙ୍କାରୁ କମ୍‌ କାରବାର କରୁଥିବା କ୍ଷୁଦ୍ର ବ୍ୟବସାୟୀଙ୍କୁ ପେନସନ ଲାଭ ମିଳିବ। ଏପ୍ରିଲ ୨୦୨୦ରୁ ଜିଏସ୍‌ଟି ରିଟର୍ନ ଦାଖଲ କରିବା ପାଇଁ ସହଜ ପ୍ରକ୍ରିୟା ଆରମ୍ଭ କରାଯିବ। ୫ଟି ନୂଆ ସ୍ମାର୍ଟସିଟି କରାଯିବା ପ୍ରସ୍ତାବ ରହିଛି, ଯାହା ପିପିପି (ପବ୍ଲିକ ପ୍ରାଇଭେଟ୍‌ ପାର୍ଟନରଶିପ୍‌)ରେ କରାଯିବ। ଏହା ଏଭଳି ସହର ହେବ ଯେଉଁଠି ନିବେଶକୁ ଅଧିକ ସୁଯୋଗ ଓ ଗୁରୁତ୍ୱ ମିଳିବ। ରପ୍ତାନି କାରବାରରେ ନୂଆ କରି ଏକ ଯୋଜନା ନିର୍ଭୀକ ବୀମା ବ୍ୟବସ୍ଥା ହେବ, ଯେଉଁଥିରେ କମ୍‌ ପ୍ରିୟିୟମ୍‌ରେ ଅଧିକ ସୁବିଧା ଓ ନିରାପତ୍ତା ମିଳିପାରିବ। ରପ୍ତାନି କ୍ଷେତ୍ରରେ ଡିଜିଟାଲ ରିଫଣ୍ଡ ସୁବିଧା ମିଳିବ। ବିଜୁଳି ବିଲ୍‌, ପରିବହନ ଖର୍ଚ୍ଚରେ ରିହାତି ଦେବାର ଯୋଜନା ଏଥର ଲାଗୁହେବ। ପ୍ରତି ଜିଲାରେ ଏକ୍ସପୋର୍ଟ ହବ୍‌ ପ୍ରତିଷ୍ଠା କରାଯିବାର ମଧ୍ୟ ପ୍ରସ୍ତାବ ରହିଛି। ପ୍ରଧାନମନ୍ତ୍ରୀ ଜିରୋ ଡିଫେକ୍ଟ ପଲିସି ବା ଶୂନ୍ୟ ପ୍ରଭାବ ନୀତି ଉପରେ ଗୁରୁତ୍ୱାରୋପ କରିଛନ୍ତି। ସବୁ ମନ୍ତ୍ରଣାଳୟ ଚଳିତ ବର୍ଷ କ୍ୱାଲିଟି ଷ୍ଟାଣ୍ଡାର୍ଡ଼ ଅର୍ଡର ଜାରି କରିବେ। ସେହିପରି ଇନଭେଷ୍ଟମେଣ୍ଟ କ୍ଲିୟରାନ୍ସ ସେଲ୍‌ର ପରିକଳ୍ପନା କରାଯାଇଛି, ଯେଉଁଥିରେ ନିବେଶ ସମ୍ପର୍କିତ ପରାମର୍ଶ ଓ ଲ୍ୟାଣ୍ଡ ବ୍ୟାଙ୍କ ସମ୍ପର୍କରେ ସୂଚନା ମିଳିପାରିବ। ଏହି ସେଲ୍‌ରେ ୫ଟି ନୂତନ ଇକୋନମିକ କରିଡର, ମ୍ୟାନୁଫାକ୍ଚରିଂ ୟୁନିଟ୍‌ସର ପ୍ରସ୍ତୁତି ସମ୍ପର୍କିତ ତଥ୍ୟ ରହିବ। ସେହିପରି ବ୍ୟବସାୟୀଙ୍କ ସୁବିଧା ପାଇଁ ଟିକସଦାତା ଚାର୍ଟର ଘୋଷଣା ହେବ। ମୋଦି ସରକାର ଟିକସଦାତାଙ୍କୁ ଯେକୌଣସି ପ୍ରକାର ଚିନ୍ତାରୁ ମୁକ୍ତ କରିବା ପାଇଁ ପ୍ରତିବଦ୍ଧ ବୋଲି ଅର୍ଥମନ୍ତ୍ରୀ କହିଛନ୍ତି। କମ୍ପାନିଗୁଡ଼ିକୁ ଆଶ୍ୱସ୍ତ କରିବା ପାଇଁ ଡିଭିଡେଣ୍ଡ ଡିଷ୍ଟ୍ରିବ୍ୟୁଶନ ଟାକ୍ସକୁ ସମାପ୍ତ କରିବା ପାଇଁ ଘୋଷଣା କରିଛନ୍ତି ଅର୍ଥମନ୍ତ୍ରୀ।

ଭାରତରେ ଉତ୍ପାଦନକୁ ଗୁରୁତ୍ୱ: ସ୍ଥାପନ ହେବ ନ୍ୟାଶନାଲ ଟେକନିକାଲ ଟେକ୍ସଟାଇଲ ମିଶନ

ଭାରତରେ ଘରୋଇ ବିନିର୍ମାଣର ଆବଶ୍ୟକତା ଥିବାବେଳେ ଇଲେକ୍ଟ୍ରୋନିକ ମାନୁଫାକ୍ଚରିଂ କ୍ଷେତ୍ରରେ ନିବେଶକୁ ପ୍ରୋତ୍ସାହନ ଦିଆଯିବାର ଆବଶ୍ୟକତା ରହିଛି। ତେଣୁ ଭାରତରେ ଯଥେଷ୍ଟ ମେଡିକାଲ ଉପକରଣ ପ୍ରସ୍ତୁତି ଉପରେ ସରକାର ଗୁରୁତ୍ୱ ଦେବେ। ଏଥିପାଇଁ ଯୋଜନା ଶୀଘ୍ର ଘୋଷଣା କରାଯିବ। ଇଲେକ୍ଟ୍ରୋନିକ୍ସ ମ୍ୟାନୁଫାକ୍ଚରିଂ ଇଣ୍ଡଷ୍ଟ୍ରି ବା ବୈଦ୍ୟୁତିକ ଉତ୍ପାଦନ ଉଦ୍ୟୋଗକୁ ପ୍ରୋତ୍ସାହନ ଦିଆଯିବ। ମୋବାଇଲ ଫୋନ୍‌, ବୈଦ୍ୟୁତିକ ଉପକରଣ ଏବଂ ସେମିକଣ୍ଡକ୍ଟର ପ୍ୟାକେଜିଂର ଉତ୍ପାଦନ ବଢ଼ାଇବା ଭଳି ଯୋଜନାର ଘୋଷଣା ହେବ। ଆଗାମୀ ୪ ବର୍ଷରେ ଆମଦାନୀ କମାଇବା ପାଇଁ ନ୍ୟାସନାଲ ଟେକନିକାଲ ଟେକ୍ସଟାଇଲ ମିଶନ ସ୍ଥାପନ କରିବାକୁ ପ୍ରସ୍ତାବ ରହିଛି, ଯେଉଁଥିରେ ୧୪୮୦ କୋଟି ଟଙ୍କାର ବ୍ୟୟବରାଦ କରାଯାଇଛି।

କର୍ପୋରେଟ୍‌ ଟାକ୍ସ କୋହଳ
ଭାରତରେ ନିବେଶ ପାଇଁ ନିବେଶକଙ୍କୁ ଆକର୍ଷିତ କରିବାକୁ କର୍ପୋରେଟ୍‌ ଟାକ୍ସ କୋହଳ କରାଯିବ। ନୂଆ କମ୍ପାନିଗୁଡ଼ିକ ପାଇଁ କର୍ପୋରେଟ୍‌ ଟାକ୍ସକୁ ହ୍ରାସ କରାଯାଇ ୧୫ ପ୍ରତିଶତ କରାଯାଇଛି। ଚାଲୁ ରହିଥିବା କମ୍ପାନିଗୁଡ଼ିକ ପାଇଁ ଏହି ଟାକ୍ସ କମାଯାଇ ୨୨ ପ୍ରତିଶତ କରାଯାଇଛି।

ଷ୍ଟାର୍ଟଅପ୍‌କୁ ଗୁରୁତ୍ୱ, ବଢ଼ିଲା ଟର୍ନଓଭର ଲିମିଟ୍‌
ଚଳିତ ବଜେଟ୍‌ରେ ଷ୍ଟାର୍ଟଅପ୍‌କୁ ଗୁରୁତ୍ୱ ଦେଇ ଅର୍ଥମନ୍ତ୍ରୀ ନିର୍ମଳା ସୀଥାରାମନ କହିଛନ୍ତି- ଷ୍ଟାର୍ଟଅପ୍‌ ହେଉଛି ବିକାଶର ଇଞ୍ଜିନ। ଷ୍ଟାର୍ଟଅପ୍‌ ପାଇଁ ରହିଥିବା ଟର୍ନଓଭର ଲିମିଟ୍‌ ୨୫ କୋଟିରୁ ବୃଦ୍ଧି କରାଯାଇ ୧୦୦ କୋଟି କରାଯିବାର ପ୍ରସ୍ତାବ ରହିଛି। ସେହିପରି ୫ ବର୍ଷ ପାଇଁ ଷ୍ଟାର୍ଟଅପ୍‌କୁ ଶୁଳ୍କ ପଇଠରେ ମହଲତ ଦିଆଯିବ। ଷ୍ଟାର୍ଟଅପ୍‌ ପାଇଁ ବିକଶିତ ହେବ ଡିଜିଟାଲ ପ୍ଲାଟଫର୍ମ। ଦେଶବ୍ୟାପୀ ଡାଟା ସେଣ୍ଟର ପାର୍କ କରାଯିବ।

ସ୍କିଲ୍‌ ଇଣ୍ଡିଆ ପାଇଁ ୩ ହଜାର କୋଟି
ଦେଶର ଯୁବପିଢ଼ିଙ୍କୁ ବିଭିନ୍ନ ପ୍ରକାର ଦକ୍ଷତା ତାଲିମ ଦେବା ପାଇଁ ‘ସ୍କିଲ ଇଣ୍ଡିଆ’ ଯୋଜନାରେ ୩ ହଜାର କୋଟି ଟଙ୍କାର ବ୍ୟୟବରାଦ କରିଛନ୍ତି ସରକାର। ବିଦେଶରେ ଶିକ୍ଷକ, ପାରାମେଡିକାଲ କର୍ମଚାରୀ, ସେବିକାଙ୍କ ବିପୁଳ ଚାହିଦା ରହିଛି। କିନ୍ତୁ ସେମାନଙ୍କ ଦକ୍ଷତା ନିଯୁକ୍ତିଦାତାଙ୍କ ଚାହିଦା ମୁତାବକ ହୋଇପାରୁ ନାହିଁ। ତେଣୁ ସରକାର ସେମାନଙ୍କର ଦକ୍ଷତା ବିକାଶ ପାଇଁ ୩ ହଜାର କୋଟି ଟଙ୍କା ଖର୍ଚ୍ଚ କରିବାକୁ ପ୍ରସ୍ତାବ ରଖିଛନ୍ତି।


All Right Reserved By Dharitri.Com

ଆଇବିସି ସଂଶୋଧନକୁ ସୁପ୍ରିମକୋର୍ଟଙ୍କ ସମର୍ଥନ;ଘର କ୍ରେତାଙ୍କୁ ମିଳିବ ଋଣଦାତାର ମାନ୍ୟତା

ନୂଆଦିଲ୍ଲୀ,୧୦-୮: ଘର କ୍ରେତାଙ୍କୁ ଆଶ୍ୱସ୍ତ କରି ସୁପ୍ରିମକୋର୍ଟ ଶୁକ୍ରବାର ଇନ୍‌ସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍‌(ଆଇବିସି)ରେ ସଂଶୋଧନକୁ କାଏମ ରଖିଛନ୍ତି। ଘର କ୍ରେତାଙ୍କୁ ଋଣପ୍ରଦାନକାରୀ ବ୍ୟାଙ୍କ ଭଳି...

ଆମାଜନରୁ କିଣିହେବ ଫାଷ୍ଟାଗ୍‌

ନୂଆଦିଲ୍ଲୀ,୩୧-୫: ଫାଷ୍ଟାଗ୍‌ ଏବେ ଇ-କମର୍ସ ପ୍ଲାଟଫର୍ମ ଆମାଜନରେ ଉପଲବ୍ଧ ହେବ। ଟୋଲ ପ୍ଲାଜାଗୁଡ଼ିକରେ ଟୋଲ୍‌ ଟିକସ ଦେବା ସମୟରେ ଲମ୍ବା ଲାଇନର ସମ୍ମୁଖୀନ ହେଉଥିବା ଗାଡ଼ିଗୁଡ଼ିକ...

ଅଜିମ ପ୍ରେମଜୀଙ୍କ ବଦାନ୍ୟତା;ପରୋପକାର ଲାଗି ବିକିଲେ ୭,୩୦୦ କୋଟିର ଶେୟାର

ନୂଆଦିଲ୍ଲୀ, ୧୩-୯: ନିଜ ସମ୍ପତ୍ତିର ଏକ ବୃହତ୍‌ ଅଂଶକୁ ପରୋପକାର କାର୍ଯ୍ୟ ଲାଗି ଖର୍ଚ୍ଚ କରିବାକୁ ବିଶିଷ୍ଟ ଶିଳ୍ପପତି ଅଜିମ ପ୍ରେମଜୀ ଚଳିତ ବର୍ଷ ଘୋଷଣା...

ନୀରବ ମୋଦିଙ୍କ ହାଜତ ମିଆଦ ସେପ୍ଟେମ୍ବର ୧୯ ଯାଏ ବୃଦ୍ଧି

ଲଣ୍ଡନ,୨୩-୮: ପଳାତକ ହୀରା ବ୍ୟବସାୟୀ ନୀରବ ମୋଦିଙ୍କ ଜେଲ୍‌ ହାଜତ ମିଆଦ ସେପ୍ଟେମ୍ବର ୧୯ ଯାଏ ବୃଦ୍ଧି ପାଇଛି। ଭାରତକୁ ପ୍ରତ୍ୟର୍ପଣ ନେଇ ଆଗତ ମାମଲାର...

ବନ୍ଦ ହୋଇଯିବ ଗରିବ ରଥ ଏକ୍ସପ୍ରେସ

ନୂଆଦିଲ୍ଲୀ,୧୯-୭: ଗରିବଙ୍କୁ ଶସ୍ତାରେ ଏସି ଟ୍ରେନରେ ଯାତ୍ରା କରିବାର ଆନନ୍ଦ ଦେବା ଲାଗି ତତ୍କାଳୀନ ରେଳମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ପକ୍ଷରୁ ଗରିବ ରଥ ଏକ୍ସପ୍ରେସ୍‌କୁ...

୨୫ରେ ଜିଏସ୍‌ଟି କାଉନ୍‌ସିଲ ବୈଠକ

ନୂଆଦିଲ୍ଲୀ,୨୨ା୭: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ଙ୍କ ଅଧ୍ୟକ୍ଷତାରେ ଆସନ୍ତା ୨୫ରେ ଜିଏସ୍‌ଟି କାଉନସିଲ୍‌ର ୩୬ତମ ବୈଠକ ଅନୁଷ୍ଠିତ ହେବ। ଏହି ବୈଠକରେ ଇଲେକ୍ଟ୍ରିକ୍‌ ଗାଡ଼ି(ଇ-ଯାନ) ଉପରେ...

ଡ୍ୟୁକର ନୂଆ ସମର ୨୦୧୯ କଲେକ୍ସନ

ଭୁବନେଶ୍ୱର,୨୬-୫ : ଡ୍ୟୁକ ଫ୍ୟାସନ୍ସ ଲିମିଟେଡ ପକ୍ଷରୁ ନୂଆ ସମର କଲେକ୍ସନ ୨୦୧୯ ଶୁଭାରମ୍ଭ ହୋଇଛି। ବିଭିନ୍ନ ଷ୍ଟାଇଲ ଏବଂ ରଙ୍ଗରେ ଏହି କଲେକ୍ସନଗୁଡିକ ବଜାରରେ...

ଜନଧନ ଆକାଉଣ୍ଟରେ ଜମା ୧ ଲକ୍ଷ କୋଟି ଟପିଲା

ନୂଆଦିଲ୍ଲୀ,୧୮-୮: ସମାଜର ଗରିବ ଶ୍ରେଣୀ ନିକଟରେ ବ୍ୟାଙ୍କକୁ ପହଞ୍ଚାଇବା ଲାଗି ୫ ବର୍ଷ ପୂର୍ବେ ଏନ୍‌ଡିଏ ସରକାର ଆରମ୍ଭ କରିଥିଲେ ପ୍ରଧାନମନ୍ତ୍ରୀ ଜନଧନ ଯୋଜନା। ଏବେ...

Leave a comment

Your email address will not be published. Required fields are marked *