Posted inଖେଳ

ଇଣ୍ଡିଆନ୍‌ ସୁପର୍‌ ଲିଗ୍‌: ଲଢ଼େଇ କରି ହାରିଲା ଓଡ଼ିଶା ଏଫ୍‌ସି

ଭୁବନେଶ୍ୱର, ୩୦।୧ (ସ୍ପୋଟର୍‌ସ ବ୍ୟୁରୋ)- ଇଣ୍ଡିଆନ ସୁପର୍‌ ଲିଗ୍‌ (ଆଇଏସ୍‌ଏଲ୍‌)ରେ ବୁଧବାର ସ୍ଥାନୀୟ କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ସିଜନର ୬୯ତମ ମ୍ୟାଚ୍‌ରେ ଏଫ୍‌ସି ଗୋଆ ୪-୨ ଗୋଲରେ ଘରୋଇ ଓଡ଼ିଶା ଏଫ୍‌ସିକୁ ପରାସ୍ତ କରିଛି। ପ୍ରଥମାର୍ଦ୍ଧରେ ୦-୩ରେ ପଛୁଆ ରହିଥିବା ଓଡ଼ିଶା କିନ୍ତୁ ମ୍ୟାଚ୍‌ର ଦ୍ୱିତୀୟାର୍ଦ୍ଧରେ ଲଢ଼େଇ କରିଥିଲେ ମଧ୍ୟ ପରାଜୟରୁ ବର୍ତ୍ତି ପାରି ନ ଥିଲା। ୧୫ତମ ମ୍ୟାଚ୍‌ରୁ ୯ମ ବିଜୟ ସହ ଭ୍ରମଣକାରୀ ଏଫ୍‌ସି ଗୋଆ ୩୦ ପଏଣ୍ଟ ପାଇ ଟେବୁଲ ତାଲିକାର ଶୀର୍ଷ ସ୍ଥାନକୁ ଫେରିଛି। ଅପରପକ୍ଷରେ ଓଡ଼ିଶା ୧୫ ମ୍ୟାଚ୍‌ରୁ ୬ ଲେଖାଏ ବିଜୟ ଓ ପରାଜୟ ଏବଂ ୩ଟି ଡ୍ର ସହ ୨୧ ପଏଣ୍ଟରେ ପୂର୍ବବତ୍‌ ୪ର୍ଥ ସ୍ଥାନରେ ଅପରିବର୍ତ୍ତିତ ରହିଛି। ସେମିଫାଇନାଲରେ ପ୍ରବେଶ ଲକ୍ଷ୍ୟରେ ରହିଥିବା ଓଡ଼ିଶା ପରବର୍ତ୍ତି ପର୍ଯ୍ୟାୟରେ ମୁମ୍ବାଇ ସିଟି (୨୦ ପଏଣ୍ଟ) ଓ ଚେନ୍ନାଇନ୍‌ ଏଫ୍‌ସି (୧୮) ସହ କଡ଼ା ସଂଘର୍ଷ କରିବାର ସମ୍ଭାବନା ରହିଛି।
ପ୍ରଥମାର୍ଦ୍ଧରେ ଗୋଆ ପଲା ଭାରି:
ବୁଧବାର ସନ୍ଧ୍ୟାରେ ଖେଳାଯାଇଥିବା ଏହି ମ୍ୟାଚ୍‌ର ପ୍ରଥମାର୍ଦ୍ଧରେ ଗୋଆ ୩ଟି ଗୋଲସ୍କୋର ସହ ପ୍ରଭାବ ବିସ୍ତାର କରି ଖେଳିଥିଲା। ପ୍ରାରମ୍ଭରୁ ଗୋଆ ପାଖାପାଖି ଅଧା ଡଜନ ପେନାଲ୍ଟି କର୍ନର ସୁଯୋଗ ପାଇଥିଲେ ମଧ୍ୟ ଗୋଟିଏ ହେଲେ ଗୋଲରେ ରୂପାନ୍ତରିତ କରିପାରି ନ ଥିଲା। ଏହାପରେ ୭ ମିନିଟ୍‌ ଅନ୍ତରରେ ଗୋଆ ୩ଟି ଗୋଲ ଦେଇ ଓଡ଼ିଶାକୁ ବ୍ୟାକ୍‌ଫୁଟ୍‌କୁ ଠେଲି ଦେଇଥିଲା। ୨୧ତମ ମିନିଟ୍‌ରେ ‘ଡି’ ବାହାରେ ଓଡ଼ିଶା ଏଫ୍‌ସି ଖେଳାଳିଙ୍କ ଫାଉଲ ଯୋଗୁ ଗୋଆକୁ ଫ୍ରି-କିକ୍‌ ମିଳିଥିଲା। ଏଡୁ ବେଡିଆଙ୍କ ଏହି ଫ୍ରି-କିକ୍‌ ଓଡ଼ିଶା ଦଳର ପ୍ରମୁଖ ଖେଳାଳି ଭିନିତ ରାଇଙ୍କ ଦେହରେ ବାଜି ଗୋଲପୋଷ୍ଟ ମଧ୍ୟକୁ ଚାଲିଯାଇଥିଲା। ଫଳରେ ଭିନିତଙ୍କ ଆତ୍ମଘାତୀ ଗୋଲ ବଳରେ ଗୋଆ ୧-୦ରେ ଅଗ୍ରଣୀ ଲାଭ କରିଥିଲା। ଏହାପରେ ଗୋଆର ୧୨ ନମ୍ବର ଜର୍ସି ପରିଧାନ କରିଥିବା ଜ୍ୟାକ୍‌ଚାନ୍ଦ ସିଂ (୨୪ତମ ଓ ୨୭ତମ)ଲଗାତର ୨ଟି ଗୋଲ ଦେଇ ଭ୍ରମଣକାରୀ ଦଳକୁ ୩-୦ ଗୋଲରେ ଅଗ୍ରଣୀ କରାଇଥିଲେ। ଓଡ଼ିଶା ପାଇଁ ପ୍ରଥମ ମ୍ୟାଚ୍‌ ଖେଳୁଥିବା ମାନୁଏଲ ଓନୁ ୩୨ତମ ମିନିଟ୍‌ରେ ଗୋଲ ଦେଇଥିଲେ ମଧ୍ୟ ରେଫରି ଏହାକୁ ଅଫ୍‌ ସାଇଡ୍‌ ଘୋଷଣା କରିଥିଲେ।
ମାନୁଏଲ୍‌ଙ୍କ ଡବଲ ଗୋଲ୍‌
୩-୦ ଗୋଲରେ ପଛୁଆ ରହିଥିବା ଓଡ଼ିଶା କିନ୍ତୁ ଦ୍ୱିତୀୟାର୍ଦ୍ଧ ପ୍ରାରମ୍ଭରୁ ଆକ୍ରମଣାତ୍ମକ ଖେଳ ଖେଳିଥିଲା। ଆରିଡାନେ ସାଣ୍ଟାନାଙ୍କ ବଦଳରେ ଲୋନ୍‌ରେ ଆସିଥିବା ସ୍ପାନିଶ ଫର୍‌ଓ୍ବାର୍ଡ ମାନୁଏଲ୍‌ ଓନୁ ଓଡ଼ିଶା ପାଇଁ ୬ ମିନିଟ୍‌ ଅନ୍ତରରେ ୨ଟି ଗୋଲ ଦେଇ ଓଡ଼ିଶା ଶିବିରରେ ଆଶା ସଞ୍ଚାର କରିଥିଲେ। ମାନୁଏଲ୍‌ ୫୯ତମ ଓ ୬୫ତମ ମିନିଟ୍‌ରେ ଏହି ଦୁଇଟି ଗୋଲ ଦେଇଥିଲେ। ଏହାପରେ ନିର୍ଦ୍ଧାରିତ ସମୟରେ ଆଉ କୌଣସି ଗୋଲ ହୋଇ ନ ଥିଲା। ତେବେ ଅତିରିକ୍ତ ସମୟର ପ୍ରଥମ ମିନିଟ୍‌ରେ ଫେରାନ୍‌ କୋରିମିନାସ (୯୦+୧)ଙ୍କ ଗୋଲ ବଳରେ ଗୋଆ ୪-୨ରେ ବିଜୟୀ ହୋଇଥିଲା।


All Right Reserved By Dharitri.Com

Posted inଖେଳ View All

କୋହଲିଙ୍କଠୁ ଆଗରେ ରୋହିତ

ବିଶାଖାପାଟଣା,୧୮।୧୨- ଏଠାରେ ଓ୍ବେଷ୍ଟଇଣ୍ଡିଜ ବିପକ୍ଷରେ ଚାଲିଥିବା ଅନ୍ତର୍ଜାତୀୟ ଦିନିକିଆ ମ୍ୟାଚ୍‌ରେ ଭାରତୀୟ ଓପନର ରୋହିତ ଶର୍ମା ଚଳିତ ବର୍ଷ ସର୍ବାଧିକ ଦିନିକିଆ ରନ୍‌ କରିବାରେ ଅଧିନାୟକ...

୨୦ କିମି ରେସ୍‌ରେ ବାଜି ମାରିଲେ ଜୁନେଦ୍‌

ଭୁବନେଶ୍ୱର, ୧ା୩ (ସ୍ପୋର୍ଟ୍ସ ବ୍ୟୁରୋ)- ପୁରୁଷ ୨୦ କିମି ରେସ୍‌ରେ ମାଙ୍ଗାଲୋର ବିଶ୍ୱବିଦ୍ୟାଳୟର ଜୁନେଦ୍‌ ବାଜିମାତ୍‌ କରିନେଇଛନ୍ତି। କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ରେସ୍‌ରେ ଜୁନେଦ୍‌ ୧...

ଅଲଗା ଅଧିନାୟକ, କୋଚ୍‌ ସପକ୍ଷରେ ପିସିବି

କରାଚି, ୨୨।୭ (ପି.ଟି.)- ଶେଷ ହୋଇଥିବା ଆଇସିସି ବିଶ୍ୱକପ୍‌ରେ ନୈରାଶ୍ୟଜନକ ପ୍ରଦର୍ଶନ ପରେ ପାକିସ୍ତାନ କ୍ରିକେଟ୍‌ ବୋର୍ଡ (ପିସିବି) ଉଭୟ ଦିନିକିଆ ଓ ଟେଷ୍ଟ ଫର୍ମାଟ୍‌...

ଆଇସିସିର ଆକସ୍ମିକ ଯୋଜନା ବୈଠକ ଆଜି

ନୂଆଦିଲ୍ଲୀ, ୨୬ା୩ (ପି.ଟି.)- କୋଭିଡ୍‌-୧୯ ସଂକ୍ରମଣ ବିଶ୍ୱ କ୍ରୀଡ଼ାଜଗତକୁ ସ୍ଥିର କରିଦେଇଛି। ଏହିପରିପ୍ରେକ୍ଷୀରେ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ବୋର୍ଡର ଏକ ଗୁରୁତ୍ୱପୂର୍ଣ୍ଣ ବୈଠକ ଶୁକ୍ରବାର...

ଦୁଲୀପ ଟ୍ରଫି: ଇଣ୍ଡିଆ ଗ୍ରୀନ- ରେଡ୍‌ ମ୍ୟାଚ୍‌ ଡ୍ର

ବେଙ୍ଗାଲୁରୁ,୧।୯(ପି.ଟି.)- ଅଲୁରସ୍ଥିତ କର୍ନାଟକ ଷ୍ଟେଟ କ୍ରିକେଟ ଆସୋସିଏଶନ (କେଏସ୍‌ସିଏ) ଗ୍ରାଉଣ୍ଡରେ ଇଣ୍ଡିଆ ଗ୍ରୀନ୍‌ ଓ ଇଣ୍ଡିଆ ରେଡ୍‌ ମଧ୍ୟରେ ଅନୁଷ୍ଠିତ ୪ ଦିନିଆ ଦୁଲୀପ ଟ୍ରଫି...

ଭାରତୀୟ କ୍ରିକେଟ ଦଳର ‘ସୁପର୍‌ ଫ୍ୟାନ୍‌’ଙ୍କ ପରଲୋକ, ଦିନେ ବିରାଟଙ୍କୁ କରିଥିଲେ ଆଶୀର୍ବାଦ

ନୂଆଦିଲ୍ଲୀ,୧୬।୧: ଇଂଲଣ୍ଡରେ ଆୟୋଜିତ ହୋଇଥିବା ୨୦୧୯ କ୍ରିକେଟ ବିଶ୍ୱକପରେ ଭାରତୀୟ ଦଳକୁ ଚିୟର୍‌ କରିବା ପାଇଁ ଷ୍ଟାଡିୟମରେ ଉପସ୍ଥିତ ରହୁଥିଲେ ୮୭ ବର୍ଷୀୟା ଚାରୁଲତା ପଟେଲ।...

‘କୋହଲି ନୁହେଁ, ଏବେ ବି ଧୋନୀ ଶ୍ରେଷ୍ଠ ଅଧିନାୟକ’

ନୂଆଦିଲ୍ଲୀ,୫।୯:ଓ୍ବେଷ୍ଟଇଣ୍ଡିଜରେ ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ କେବଳ ଟେଷ୍ଟ ସିରିଜ୍‌ ଜିତିନାହିଁ ବରଂ ଟେଷ୍ଟରେ ଭାରତର ସବୁଠୁ ସଫଳତମ ଅଧିନାୟକ ହେବାର ମଧ୍ୟ ସୌଭାଗ୍ୟଲାଭ...

ଟ୍ରମ୍ପଙ୍କୁ ଭେଟିଲେ ଗାଭାସ୍କର

ନୂଆଦିଲ୍ଲୀ,୨୩।୮(ପିଟି): କିମ୍ବଦନ୍ତୀ ଭାରତୀୟ ବ୍ୟାଟ୍ସମ୍ୟାନ ସୁନୀଲ ଗାଭାସ୍କର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିଛନ୍ତି। ଗାଭାସ୍କର ଏକ ଚ୍ୟାରିଟି ପାଉଣ୍ଡେଶନ ପାଇଁ ସେ ଅର୍ଥ ଯୋଗାଡ଼...

Leave a comment

Your email address will not be published. Required fields are marked *