ଦୁର୍ଗ ଭେଦିବାକୁ ଭାଜପାର କସରତ

ପରଜଙ୍ଗ, ୨୧।୪(ଡି.ଏନ.ଏ.) ରାଜ୍ୟ ରାଜନୀତିର ଅନ୍ୟତମ ଚର୍ଚ୍ଚିତ ଲୋକ ସଭା କ୍ଷେତ୍ର ଢେଙ୍କାନାଳରେ ତୃତୀୟ ପର୍ଯ୍ୟାୟ ନିର୍ବାଚନ ଏପ୍ରିଲ ୨୩ରେ ଅନୁଷ୍ଠିତ ହେଉଛି। ପ୍ରଚାର ସରିବାକୁ ପ୍ରାର୍ଥୀଙ୍କ ହାତରେ ମାତ୍ର କେଇଘଣ୍ଟା ଥିବାବେଳେ ଭୋଟରଙ୍କ ମୁଡ୍‌ ପରଖୁଛନ୍ତି ରାଜନୈତିକ ଦଳ। ମଇଦାନରେ କସରତ କରୁଥିବା ପ୍ରାର୍ଥୀ ଜନସାଧାରଣଙ୍କୁ ଅଜାଡୁଛନ୍ତି ଅଜସ୍ର ପ୍ରତିଶ୍ରୁତି। ଏସବୁ ଭିତରେ ବିଜେଡିର ଅଭେଦ୍ୟ ଦୁର୍ଗ କୁହାଯାଉଥିବା ପରଜଙ୍ଗ ନିର୍ବାଚନମଣ୍ଡଳୀ (୫୮) ଉପରେ ଅଟକିଛି ସମସ୍ତଙ୍କ ନଜର। ଏଠାରୁ କ୍ରମାଗତ ୨ଥର ବିଜୟୀ ହୋଇ ମନ୍ତ୍ରିମଣ୍ଡଳରେ ଗୁରୁତ୍ୱପୂର୍ଣ୍ଣ ସ୍ଥାନ ପାଇଥିବା ଡା. ନୃସିଂହ ଚରଣ ସାହୁଙ୍କ  ପାଇଁ ଚଳିତ ନିର୍ବାଚନ ମର୍ଯ୍ୟାଦାର ପ୍ରଶ୍ନ ହୋଇଛି। ସେହିପରି ଲଗାତାର ୨ଥର ପରାଜିତ ହୋଇଥିବା ଭାଜପା ପ୍ରାର୍ଥୀ ବିଭୂତି ଭୂଷଣ ପ୍ରଧାନ ବିଜେଡି ଦୁର୍ଗ ଭେଦିବାକୁ ଦିନରାତି ଏକ୍‌ କରିଦେଇଛନ୍ତି। ଅପରପକ୍ଷେ ମତଦାନକୁ ମାତ୍ର ଦିନ କେଇଟା ଥିବାବେଳେ କଂଗ୍ରେସରେ କିନ୍ତୁ ଗୋଷ୍ଠୀ କନ୍ଦଳ ଥମିବାର ନଁା ଧରୁନି। ଚଳିତ ନିର୍ବାଚନରେ ମହିଳା କାର୍ଡ ଖେଳି ନିର୍ବାଚନ ବୈତରଣୀ ପାରହେବାକୁ ଆଶା ରଖିଥିବା କଂଗ୍ରେସ ପାଇଁ ଏବେ ଦଳୀୟ ବିଦ୍ରୋହୀ ହିଁ କଣ୍ଟା ସାଜିଛନ୍ତି, ଯାହା ପ୍ରାର୍ଥୀଙ୍କ ପାଇଁ ଚିନ୍ତା ବଢ଼ାଇଛି।

ଦୀର୍ଘ ୧୦ବର୍ଷ ହେଲା ବିଜେଡି କବ୍‌ଜାରେ ରହିଛି ପରଜଙ୍ଗ ବିଧାନସଭା ଆସନ। ୨୦୦୯ରୁ ବିଭୂତିଙ୍କୁ ଭାଜପା ପ୍ରାର୍ଥୀ କରି ଆସୁଥିଲେ ମଧ୍ୟ ତାଙ୍କୁ ବିଜୟ ସୁଯୋଗ ଜୁଟିନାହିଁ। ନୃସିଂହ ଏଠାରୁ କ୍ରମାଗତ ବିଜୟ ହେବା ସହ ନବୀନ ସରକାରଙ୍କ ମନ୍ତ୍ରିମଣ୍ଡଳରେ ସ୍ଥାନ ମଧ୍ୟ ପାଇଛନ୍ତି। ତାଙ୍କ ଉପରେ ପୁଣି ଥରେ ଭରସା କରିଛି ଶାସକ ଦଳ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ପଞ୍ଚାୟତ ନିର୍ବାଚନରେ ନିର୍ବାଚନମଣ୍ଡଳୀ ଅଧୀନ ୭ ଜିଲା ପରିଷଦ ଜୋନ୍‌ ମଧ୍ୟରୁ ୪ଟି ଛଡ଼ାଇନେଇଛି ଭାଜପା। ଗ୍ରାମାଞ୍ଚଳରେ ମଧ୍ୟ ଭାଜପାର ପତିଆରା ପୂର୍ବାପେକ୍ଷା ବଢ଼ିଛି। ତେଣୁ ୨୦୧୯ ନିର୍ବାଚନ ନୃସିଂହଙ୍କ ପାଇଁ ଚ୍ୟାଲେଞ୍ଜ ପାଲଟିଛି। ବିଜେଡି ମୁଖିଆ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିତ୍ୱକୁ ପୁଞ୍ଜି କରି ନୃସିଂହ ଭୋଟରଙ୍କ ପାଖକୁ ଯାଉଛନ୍ତି।

ସେପଟେ ପରିବର୍ତ୍ତନ ନାରା ଦେଇ ଭାଜପା ପ୍ରଚାରକୁ ଜୋର୍‌ଦାର କରିଛି। ପ୍ରତିଦିନ ବାଇକ୍‌ ରାଲି, ରୋଡ ଶୋ କରି ବିଜେଡିର ଅଭେଦ୍ୟ ଦୁର୍ଗରେ ଗୈରିକ ପତାକା ଉଡ଼ାଇବାକୁ ଗୋଟି ଚଳାଇଛନ୍ତି ବିଭୂତି। ପୂର୍ବରୁ ଅନୁଷ୍ଠିତ ୨ଟି ନିର୍ବାଚନରେ ବିଭୂତି ଅଳ୍ପ ଭୋଟ ବ୍ୟବଧାନରେ ପରାଜିତ ହୋଇଥିଲେ। ଚଳିତ ନିର୍ବାଚନରେ ସେ ପୂର୍ବଭୁଲକୁ ନ ଦୋହରାଇ ମାପିଚୁପି ଆଗକୁ ବଢୁଛନ୍ତି। ବିଭୂତିଙ୍କ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଚଳଚ୍ଚିତ୍ର ତାରକା ଅନୁ ଚୌଧୁରୀ ଆସି ପ୍ରଚାର କରିଛନ୍ତି।

ଅନ୍ୟପଟେ ଚଳିତ ନିର୍ବାଚନରେ କଂଗ୍ରେସ ମହିଳା କାର୍ଡ ଖେଳିଛି। ଜିଲା ଉପସଭାପତି ସନ୍ତୋଷ ରାଉତଙ୍କ ସ୍ତ୍ରୀ ଯଶସ୍ବିନୀ ରାଉତଙ୍କୁ ଟିକେଟ ଦେଇଛି ଦଳ। ୨୦୧୪ରେ ସନ୍ତୋଷ ବିଧାୟକ ପ୍ରାର୍ଥୀ ହୋଇଥିଲେ। ସେତେବେଳେ ତାଙ୍କ ପ୍ରାର୍ଥତ୍ତ୍ୱକୁ ବିରୋଧ କରି ଅନେକେ ଦଳ ଛାଡ଼ିଥିଲେ। ହେଲେ ଏବେ ସ୍ତ୍ରୀ ଯଶସ୍ବିନୀଙ୍କୁ ଟିକେଟ ମିଳିଥିବାରୁ ସନ୍ତୋଷ ଦଳୀୟ ସଙ୍ଗଠକଙ୍କୁ ନେଇ ପ୍ରଚାର କରୁଛନ୍ତି। ତେବେ ଦଳ ପାଇଁ କଣ୍ଟା ସାଜିଛନ୍ତି ଟିକେଟ ଆଶାୟୀ। ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ବିମଳ ବେହେରା, ଆଇନଜୀବୀ ରମେଶ ବେହେରା, ଭାଜପା ଛାଡି କଂଗ୍ରେସରେ ମିଶିଥିବା ପୂର୍ବତନ ଜିଲା ପରିଷଦ ସଭ୍ୟ ନିରାକାର ପ୍ରଧାନ ଟିକେଟ ଦୌଡ଼ରେ ଥିଲେ। ସେମାନେ ନିଜ ନିଜ ସ୍ତରରେ ସଙ୍ଗଠନ ପାଇଁ କାମ କରୁଥିଲେ। ହେଲେ ଟିକେଟରୁ ବଞ୍ଚତ୍ତ ହେବା ପରେ ନିରାକାର ବିଜେଡି ପ୍ରାର୍ଥୀ ନୃସିଂହଙ୍କ ସହ ହାତ ମିଳାଇଛନ୍ତି। ତାଙ୍କୁ ଅନେକ ସମୟରେ ବିଜେଡି ପ୍ରଚାର ଶୋଭାଯାତ୍ରାରେ ଦେଖିବାକୁ ମିଳୁଛି। ସେହିପରି ଟିକେଟ ଆଶାରେ ଥିବା ରମେଶ ନିରାଶ ହେବା ପରେ ସ୍ବାଧୀନ ପ୍ରାର୍ଥୀଭାବେ ନାମାଙ୍କନ ଦାଖଲ କରିଥିଲେ। ଯଦିଓ ସେ ପରେ ପ୍ରାର୍ଥିପତ୍ର ପ୍ରତ୍ୟାହାର କରି ନେଇଛନ୍ତି, ତଥାପି ଦଳ ପାଇଁ ପ୍ରଚାର କରୁନାହାନ୍ତି। ବିମଳଙ୍କ କ୍ଷେତ୍ରରେ ମଧ୍ୟ ସମାନ କଥା ଦେଖିବାକୁ ମିଳିଛି। ତାଙ୍କୁ କେହି ପ୍ରଚାର ପାଇଁ ଡାକୁ ନ ଥିବା କହି ସେ ନିଜକୁ ସଙ୍ଗଠନଠାରୁ ଦୂରେଇ ରଖିଛନ୍ତି। ସବୁଥର ଏପରି ଦଳୀୟ କନ୍ଦଳ ପାଇଁ କଂଗ୍ରେସକୁ ବହୁମୂଲ୍ୟ ଦେବାକୁ ପଡ଼ିଛି। ଟିକେଟ ଦୌଡ଼ରେ ଥିବା ଆଶାୟୀଙ୍କ ଏପରି ଖୋଲାଖୋଲି ବିଦ୍ରୋହ କଂଗ୍ରେସକୁ ମହଙ୍ଗା ପଡ଼ିପାରେ ବୋଲି ଆଲୋଚନା ହେଉଛି।

ସୂଚନାଯୋଗ୍ୟ, ପରଜଙ୍ଗ ନିର୍ବାଚନମଣ୍ଡଳୀରେ ଡା. ନୃସିଂହ ଚରଣ ସାହୁ (ବିଜେଡି), ବିଭୂତି ଭୂଷଣ ପ୍ରଧାନ (ଭାଜପା), ଯଶସ୍ବିନୀ ରାଉତ (କଂଗ୍ରେସ), ଦିବ୍ୟଜ୍ୟୋତି ନାୟକ (ହିନ୍ଦୁସ୍ଥାନ ନିର୍ମାଣ ଦଳ), ନିର୍ମଳା ମିଶ୍ର  (ଆମ୍ବେଦକର ନ୍ୟାଶନାଲ କଂଗ୍ରେସ), ଲମ୍ବୋଦର ନାଏକ (ଆମ୍ବେଦକର ପାର୍ଟି ଅଫ ଇଣ୍ଡିଆ) ପ୍ରାର୍ଥୀ ହୋଇଛନ୍ତି।


All Right Reserved By Dharitri.Com

ତାଳଚେରରେ ବ୍ରଜକିଶୋର ୧୬୨୬୦ ଭୋଟରେ ଆଗୁଆ

ତାଳଚେର, ୨୩ା୫(ନି.ପ୍ର.)- ତାଳଚେର ବିଧାନସଭା ନିର୍ବାଚନମଣ୍ଡଳୀରେ ୨୦ତମ ରାଉଣ୍ଡ ଶେଷ ସୁଦ୍ଧା ବିଜେଡିର ବ୍ରଜକିଶୋର ପ୍ରଧାନ ୧୬୨୬୦ ଖଣ୍ଡ ଭୋଟରେ ଆଗରେ ଅଛନ୍ତି। ଏହି ରାଉଣ୍ଡରେ...

ଇଣ୍ଡିଆନ ବ୍ୟାଙ୍କ ଡକାୟତି ଘଟଣାକୁ ପୂରିଲା ବର୍ଷେ; ଏଯାଏ ଧରାପଡ଼ିନାହାନ୍ତି ୪ ଡକାୟତ

ଅନୁଗୋଳ ଅଫିସ, ୮।୭:  ଗତବର୍ଷ ଅନୁଗୋଳର ଦୁଇଟି ବ୍ୟାଙ୍କରେ କଳାକନା ବୁଲାଇଥିଲେ ଡକାୟତ। ପ୍ରଥମେ ୨୦୧୮ ଏପ୍ରିଲ ୬ରେ ସହରର ଶଙ୍କର ସିନେମା ହଲ ନିକଟ ଆନ୍ଧ୍ର...

ବିଭିନ୍ନ ପ୍ରତିଷ୍ଠାନ, ବ୍ୟାଙ୍କ କର୍ମଚାରୀଙ୍କ ସହ ପୋଲିସର ବୈଠକ: ସିସିଟିଭି ଲଗାଅ, ସନ୍ଦିଗ୍ଧଙ୍କ ସୂଚନା ଦିଅ

ଅନୁଗୋଳ ଅଫିସ, ୧୪।୭ – ଅନୁଗୋଳରେ ଡକାୟତି, ଲୁଟ୍‌ପାଟ ବୃଦ୍ଧି ଏବେ ପୋଲିସ ମୁଣ୍ଡବିନ୍ଧାର କାରଣ ପାଲଟିଛି। ଜିଲା ଏପରିକି ରାଜ୍ୟ ବାହାରର ଲୁଟେରା ଏଠାକୁ...

ସାତକୋଶିଆରେ ହେବ ଶମ୍ବର ପ୍ରଜନନ କେନ୍ଦ୍ର

ବନ୍ତଳା,୨୪ା୭-ସାତକୋଶିଆ ବ୍ୟାଘ୍ର ପ୍ରକଳ୍ପ ପାଇଁ ଖୁସି ଖବର। ଅନ୍ୟ ତୃଣଭୋଜୀ ଅପେକ୍ଷା ଶମ୍ବର ଶିକାର ବାଘର ପ୍ରଥମ ପସନ୍ଦ ହୋଇଥିବାରୁ ଏଠାରେ ଏକ ଶମ୍ବର ପ୍ରଜନନ...

ରାଜ୍ୟସ୍ତରୀୟ କବିତା ଆବୃତ୍ତି, ଆଦିକ୍‌ ତୃତୀୟ

ଢେଙ୍କାନାଳ ଅଫିସ,୭ା୭- ରାଜ୍ୟ ସରକାରଙ୍କ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ଅଧୀନ ଓଡ଼ିଶା ସାହିତ୍ୟ ଏକାଡେମୀ ଦ୍ୱାରା ଆୟୋଜିତ ରାଜ୍ୟସ୍ତରୀୟ କବିତା ଆବୃତ୍ତି...

ଜିଲାର ବିଭିନ୍ନ ସ୍ଥାନରେ କାଳବୈଶାଖୀ ତାଣ୍ଡବ: ଘରେ ପଶିଲା ପାଉଁଶ, କୋଇଲା ଗୁଣ୍ଡ

ବଅଁରପାଳ/କଣିହାଁ/ଛେଣ୍ଡିପଦା/ପବିତ୍ରନଗର/ପାଲଲହଡ଼ା, ୧ା୬(ଡି.ଏନ.ଏ.): ଅନୁଗୋଳ ଜିଲାର ବିଭିନ୍ନ ସ୍ଥାନରେ ଶୁକ୍ରବାର ଅପରାହ୍ନରେ କାଳବୈଶାଖୀ ତାଣ୍ଡବ ରଚିଛି। ଜୋରଦାର ପବନ ଯୋଗୁ ଦୀର୍ଘ ସମୟ ଧରି ନାଲ୍‌କୋ, ଏନ୍‌ଟିପିସି...

ଭାଲୁ ଆକ୍ରମଣରେ ବୃଦ୍ଧ ଗୁରୁତର, ଅଞ୍ଚଳବାସୀ ଆତଙ୍କିତ

କାମାକ୍ଷାନଗର,୩୧।୫(ଡି.ଏନ.ଏ.)-କାମାକ୍ଷାନଗର ଏନ୍‌ଏସି ୧୦ ନମ୍ବର ଓ୍ବାର୍ଡରେ ଶୁକ୍ରବାର ଏକ ଭାଲୁ ଆକ୍ରମଣରେ ଭୁଲୁ ନାଏକଙ୍କ(୬୫) ଗୁରୁତର ହୋଇଛନ୍ତି। ତାଙ୍କୁ ଚିକିତ୍ସା ପାଇଁ କାମାକ୍ଷାନଗର ଉପଖଣ୍ଡ ଡାକ୍ତରଖାନାରେ...

ଭରତପୁର କୋଇଲାଖଣି ଦୁର୍ଘଟଣା ପରେ ଏନ୍‌ଟିପିସି ବିଦ୍ୟୁତ୍‌ ପ୍ରକଳ୍ପରେ କୋଇଲା ସଙ୍କଟ: ବନ୍ଦ ୟୁନିଟ୍‌ ସଂଖ୍ୟା ୪କୁ ବୃଦ୍ଧି

ତାଳଚେର,୩।୮(ନି.ପ୍ର.): ଅନୁଗୋଳ ଜିଲା ଭରତପୁର କୋଇଲାଖଣି ଦୁର୍ଘଟଣା ପରେ ୩ ହଜାର ମେଗାୱାଟ ବିଶିଷ୍ଟ ମହାରତ୍ନ କମ୍ପାନୀ କଣିହଁାସ୍ଥିତ ଏନ୍‌ଟିପିସି ବିଦ୍ୟୁତ୍‌ ପ୍ରକଳ୍ପରେ କୋଇଲା ସଙ୍କଟ...

Leave a comment

Your email address will not be published. Required fields are marked *