ଲୋପପାଉଛି ତାଳଗଛ, ବଢୁଛି ବଜ୍ରପାତ ଦୁର୍ଘଟଣା

ରସୁଲପୁର,୨୫ା୧(ଡିଏନଏ)

ଗ୍ରୀଷ୍ମ ଋତୁରେ ବଜ୍ରପାତର ଆଶଙ୍କା ଅଧିକ ରହୁଛି। ବଜ୍ରାଘାତ ଯୋଗୁ ବହୁ ଧନଜୀବନ ହାନୀ ଘଟୁଛି। ୧ ଏପ୍ରିଲ,୨୦୧୫ରୁ ବଜ୍ରପାତଜନିତ ଦୁର୍ଘଟଣାକୁ ପ୍ରାକୃତିକ ବିପର୍ଯ୍ୟୟଭାବେ ଧରାଯାଉଛି। ବନ୍ୟା, ବାତ୍ୟା, ଭୂମିକମ୍ପକୁ ରାଜ୍ୟ ସରକାର ପ୍ରାକୃତିକ ବିପର୍ଯ୍ୟୟ ବୋଲି ଘୋଷଣା କରିଛନ୍ତି। ଏଥିରେ କ୍ଷତିଗ୍ରସ୍ତ ପରିବାରକୁ କ୍ଷତିପୂରଣ ଦିଆଯାଉଛି। ବଜ୍ରପାତ ସମ୍ଭାବନା ଥିବା ଅଞ୍ଚଳରେ ପାଣିପାଗ ବିଭାଗ ପକ୍ଷରୁ ଆଗୁଆ ସୂଚନା ପ୍ରଦାନ କରାଯାଉଛି। ମାତ୍ର ଏହାର ପ୍ରଭାବ ପୃଥିବୀ ପୃଷ୍ଠରେ କେମିତି କମ୍‌ କରାଯାଇ ପାରିବ, ସେ ନେଇ ଜନସଚେତନତା ସୃଷ୍ଟି କରାଯାଇ ପାରୁନାହିଁ। ଘରବାଡିରେ ଥିବା ତାଳଗଛ ଯେ ପୃଥିବୀର ଆର୍ଥତ୍ଂ ଭାବେ କାର୍ଯ୍ୟକରେ ଏହା ସାଧାରଣ ଲୋକଙ୍କ ଚିନ୍ତା ଚେତନା ବାହାରେ ରହିଛି। ଦିନକୁ ଦିନ ତାଳଗଛ ପ୍ରତି ଆଦର କମି କମି ଯାଉଛି। ଜନବସତି ଅଞ୍ଚଳରୁ ତାଳଗଛ କ୍ରମଶଃ ଲୋପ ପାଇଯାଉଛି। ଫଳରେ ବଜ୍ରପାତ ହାର କ୍ରମଶଃ ବଢିବାରେ ଲାଗଥିବା ଆଉ ଏକ କାରଣ ବୋଲି କୁହାଯାଇ ପାରେ। ଏ ଦିଗରେ ସଚେତନ କରାଯିବା ସହ ଜନବସତି ଅଞ୍ଚଳ, କୃଷିକ୍ଷେତ, ନଦୀକୂଳ, ନଦୀବନ୍ଧ ପାର୍ଶ୍ୱ, ଅବ୍ୟବହୃତ ସରକାରୀ ଜାଗାଗୁଡ଼ିକରେ ବ୍ୟାପକ ତାଳବଣ ସୃଷ୍ଟି କରିବା ଦିଗରେ ପଦକ୍ଷେପ ନିଆଯିବା ନେଇ ବୁଦ୍ଧିଜୀବୀଙ୍କ ମହଲରେ ମତ ପ୍ରକାଶ ପାଇଛି।
ପ୍ରାଚୀନ କାଳରେ ତାଳଗଛ ଉପତ୍ାଦିତ ସାମଗ୍ରୀ ଜନସାଧାରଣଙ୍କ ବ୍ୟବହାର ଉପଯୋଗୀ ଥିଲା। ଏହିଗଛ ଡାଳରୁ ନଇ (ଚାଳଘର ବାଉଁଶ ରୁଅ ବାନ୍ଧିବା) ପ୍ରସ୍ତୁତ କରାଯାଇ ଚାଳଘର ନିର୍ମାଣରେ ବ୍ୟବହାର ହେଉଛି। ତାଳବରଡା ତାଟି ଘରର ଛାମୁଣ୍ଡିଆଭାବେ ବ୍ୟବହାର କରାଯାଇଥାଏ। ଏପରିକି ଗୃହପାଳିତ ପଶୁମାନଙ୍କ ଗୁହାଳ ଛପର ଆଦି ତାଳପତ୍ରରେ ନିର୍ମାଣ କରାଯାଏ। ଏଥିରୁ ବାହାରୁଥିବା ଅନ୍ୟ ଅବ୍ୟବହୃତ ସାମଗ୍ରୀକୁ ଜାଳେଣି ଭାବେ ବ୍ୟବହାର କରାଯାଏ। ତାଳ ଟାକୁଆରୁ ଗଜା, ପାଚିଲା ତାଳ ରସରୁ ପିଠା ଓ ରୁଟି ଆଦି ପ୍ରସ୍ତୁତ କରାଯାଇ ଖାଦ୍ୟ ରୂପରେ ବ୍ୟବହାର କରାଯାଇ ଥାଏ। ଯାହାକି ସ୍ବାସ୍ଥ୍ୟପାଇଁ ଲାଭଦାୟକ ହୋଇଥାଏ। ମାତ୍ର ସମୟ ବଦଳିବା ସହ ତାଳଗଛର ଆବଶ୍ୟକତା କମିକମି ଯାଉଛି। ଗାଁଗଣ୍ଡା କୋଠାଘରମୟ ହୋଇଉଠିଛି। ବାସଗୃହଠାରୁ ଆରମ୍ଭ କରି ଗୁହାଳଘର ନିର୍ମାଣ ପାଇଁ ସରକାରୀ ଅନୁଦାନ ପ୍ରଦାନ କରାଯାଉଛି। ଫାଷ୍ଟଫୁଡ୍‌ ଓ ଜଙ୍କଫୁଡ୍‌ ଯୁଗରେ ପାଚିଲା ତାଳ ରସରେ ପ୍ରସ୍ତୁତ ଖାଦ୍ୟ ସାମଗ୍ରୀ ଚାହିଦା କମି ଯାଉଛି। ସିଜିନ ଫଳ ଭାବେ ଏହାର ଆଦର କମିକମି ଯାଉଛି। ଘର ହାଣ୍ଡିଶାଳରେ ଜାଳେଣି ବଦଳରେ ଗ୍ୟାସ ବ୍ୟବହାର ହେଉଛି। ଏସବୁ କାରଣରୁ ତାଳଗଛର ଆଦର ହୁଏତ କମିଯାଉଛି ବୋଲି କୁହାଯାଇପାରେ। ହେଲେ ତାଳଗଛର ଅସଲ ଗୁଣ ଏବେ ଜନସାଧାରଣଙ୍କ ଅଜ୍ଞତାରେ ରହିଛି। ଏହି ଗଛର ସବୁଠାରୁ ବଡ ଉପକାରୀ ଗୁଣ ହେଉଛି ଝଡତୋଫାନ ସମୟରେ ହେଉଥିବା ବଜ୍ରପାତ ପୃଥିବୀ ପୃଷ୍ଠକୁ ଛୁଇଁବା ପୂର୍ବରୁ ତାଳଗଛକୁ ଆଘାତ ଦେଇଥାଏ। ତାଳଗଛ ଅଧିକ ଉଚ୍ଚତା ବିଶିଷ୍ଟ ହେବା ସହ ତା ଭିତରେ ଥିବା ତନ୍ତୁଗୁଡିକ ଜଳୀୟ ବାଷ୍ପପୂର୍ଣ୍ଣ ହୋଇଥାଏ। ବିଜୁଳିକୁ ସହଜରେ ଅବଶୋଷଣ କରିନେବା ସହ କରେଣ୍ଟକୁ ମାଟି ଭିତରକୁ ଛାଡି ଦେଇଥାଏ। ଅଧିକ ତାଳଗଛ ଥିବା ଜନବସତି ଅଞ୍ଚଳରେ ବଜ୍ରପାତ କ୍ଷୟକ୍ଷତି ହେବାର ସମ୍ଭାବନା କମ୍‌ଥାଏ ବୋଲି ବିଶେଷଜ୍ଞମାନେ ମତ ରଖିଛନ୍ତି। ଏହାଛଡା ନଦୀପଠାରେ ତାଳଗଛକୁ ଲଗାଯାଇ ମାଟି ଅବକ୍ଷୟକୁ ରୋକାଯାଇଥାଏ। ନଦୀବନ୍ଧକୁ ସଦୃଢୀକରଣ କରିବା ପାଇଁ ବନ୍ଧପାର୍ଶ୍ୱରେ ତାଳଗଛ ଚାରାରୋପଣ କରାଯାଏ। ମାତ୍ର ଏବେ ସେଭଳି ଘଟୁଥିବା ଭଳି ମନେହେଉ ନାହିଁ। ଯଦିଓ ଓଡ଼ିଶା ବନବିଭାଗ ପକ୍ଷରୁ ଖାଲିଥିବା ରାସ୍ତାକଡରେ,ବନାଞ୍ଚଳ ଚତୁଃପାର୍ଶ୍ୱରେ, ଜବସତି ଅଞ୍ଚଳରେ, ସରକାରୀ ଖୋଲା ଜାଗାରେ ତାଳବଣ ସୃଷ୍ଟି କରିବା ପାଇଁ ନିଷ୍ପତି ନିଆଯାଇଛି। ତେବେ ଏ ଦିଗରେ ବିଭାଗ ପକ୍ଷରୁ କୌଣସି ଆଖିଦୃଶିଆ ପଦକ୍ଷେପ ନିଆଯାଇ ନାହିଁ। ଜନସଚେତନତା ସୃଷ୍ଟି କରିବାରେ ବିଭାଗ ଆଦୌ ଆନ୍ତରିକତା ଦେଖାଉଥିବା ଭଳି ମନେହେଉ ନାହିଁ। ଏ ଦିଗରେ ଚଣ୍ଡିଖୋଲ ରେଞ୍ଜର ବନାଧିକାରୀ ଶଶିକାନ୍ତ ବେହେରାଙ୍କୁ ପଚାରିବାରୁ, ଏ ନେଇ ସରକାରୀ ନିଷ୍ପତି ହୋଇଛି। ତାଳବଣ ସୃଷ୍ଟି କରିବା ପାଇଁ ଚିଠି ଆସିଛି। ମାତ୍ର ଏ ନେଇ ଅନୁଦାନ ଆସିବା ପରେ କାର୍ଯ୍ୟକ୍ରମ ହାତକୁ ନିଆଯିବ ବୋଲି ପ୍ରକାଶ କରିଛନ୍ତି।


All Right Reserved By Dharitri.Com

ଡାଉନ୍‌ଷ୍ଟ୍ରିମ ଶିଳ୍ପ ପ୍ରତି ଅନାଗ୍ରହ ବୁଡ଼ିବାକୁ ବସିଛି କଳିଙ୍ଗନଗର ଶିଳ୍ପ ସ୍ଥାନୀୟ ନେତୃତ୍ୱ, ସରକାରଙ୍କ ଅସହଯୋଗ ଦାୟୀ

ଯାଜପୁର ଅଫିସ,୩ା୯- କୃଷି ପରେ ଦେଶର କର୍ମ ନିଯୁକ୍ତି କ୍ଷେତ୍ରରେ ବଡବଡ ଶିଳ୍ପ ସମେତ ଲଘୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (ଏମ୍‌ଏସ୍‌ଏମ୍‌ଇ) ବଡ଼ ଭାଗିଦାରୀ...

ବସ୍‌ରୁ ୨୨କେଜି ଗଞ୍ଜେଇ ଜବତ, ୨ଗିରଫ

ଯାଜପୁର ଟାଉନ,୧୫।୩(ଡିଏନଏ): ଅବକାରୀ ବିଭାଗ ପକ୍ଷରୁ ଚଢ଼ାଉ କରାଯାଇ ୨୨ କେଜି ଗଞ୍ଜେଇ ଜବତ କରାଯିବା ସହ ୨ଜଣଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତ କଲିକତାର...

ବର୍ଷାଜଳ ନିଷ୍କାସନ ପାଇଁ ରାସ୍ତା ଅବରୋଧ: ଜିଲାପାଳଙ୍କ ପ୍ରତିଶ୍ରୁତି ପରେ ହଟିଲା ଅବରୋଧ

ବିଞ୍ଝାରପୁର, ୧୪|୮(ଡି.ଏନ୍‌.ଏ.)- ବିଞ୍ଝାରପୁର ବ୍ଲକ ଅନ୍ତର୍ଗତ କପିଳା- ପରବଦା ଅଞ୍ଚଳରେ ଚାଷ ଜମିରୁ ଜଳ ନିଷ୍କାସିତ ହୋଇପାରୁ ନାହଁି। ଫଳରେ ଶହଶହ ହେକ୍ଟର ଚାଷଜମିରୁ ଧାନ...

ବ୍ରାହ୍ମଣୀ ନଦୀରୁ ଯୁବକଙ୍କ ମୃତଦେହ ଉଦ୍ଧାର

ରତ୍ନଗିରି,୧୮ା୯(ଡି.ଏନ୍‌.ଏ.): ଯାଜପୁର ଜିଲା ବରୀ ବ୍ଲକ  ରାମଚନ୍ଦ୍ରପୁର ଥାନା ଅନ୍ତର୍ଗତ ଅନ୍ୟାସିପୁର ଖରଦାସାହି ନିକଟସ୍ଥ ବ୍ରାହ୍ମଣୀ ନଦୀରୁ ମଙ୍ଗଳବାର ଏକ ଯୁବକଙ୍କ ମୃତଦେହକୁ ପୋଲିସ ଉଦ୍ଧାର...

ରେଳବଜେଟରେ ଯାଜପୁର ନିରାଶ

ଯାଜପୁର ଅଫିସ,୬ା୨: ରେଳବଜେଟ ୨୦୨୦-୨୧ ଓଡ଼ିଶା ଏବଂ ବିଶେଷକରି ଯାଜପୁର ଜିଲା ପାଇଁ ନିରାଶଜନକ ହୋଇଛି। ଯାଜପୁର-କେନ୍ଦୁଝରରୋଡ ରେଳଷ୍ଟେଶନରୁ ଧାମରା(ଭାୟା-ବିରଜାକ୍ଷେତ୍ର ଓ ଆରଡି)କୁ ସିଧାସଳଖ ଟ୍ରେନ...

ପିଇଓଙ୍କ ରହସ୍ୟଜନକ ମୃତ୍ୟୁ ଘଟଣା : ସିବିଆଇ ତଦନ୍ତ ଦାବିରେ ଭାଜପାର ଯାଜପୁର ବନ୍ଦ

ଯାଜପୁର ଅଫିସ,୨୧।୧୦: ଯାଜପୁର ଜିଲା ଧର୍ମଶାଳା ବ୍ଲକ ହରିଦାସପୁର ପଞ୍ଚାୟତର ପିଇଓ (ପଞ୍ଚାୟତ ନିିର୍ବାହୀ ଅଧିକାରୀ) ସ୍ମିତାରାଣୀ ବିଶ୍ବାଳଙ୍କ ରହସ୍ୟଜନକ ମୃତ୍ୟୁ ଘଟଣାର ସିବିଆଇ ତଦନ୍ତ...

ଅବସରପ୍ରାପ୍ତ କର୍ମଚାରୀ ମହାସଂଘ ପକ୍ଷରୁ ଚାରାରୋପଣ

ଧର୍ମଶାଳା,୧୬ା୯(ଡି.ଏନ୍‌.ଏ.)- ରାଜ୍ୟ ଅବସରପ୍ରାପ୍ତ ସରକାରୀ କର୍ମଚାରୀ ମହାସଂଘ ଧର୍ମଶାଳା ଶାଖା ପକ୍ଷରୁ ରବିବାର ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ଜଗନ୍ନାଥ ସଡ଼କର ଉଭୟ...

୬ ମାସ ବିତିଲା, ଚିହ୍ନଟ ହୋଇପାରିଲାନି ଜମି

ଯାଜପୁର ଅଫିସ,୧୯।୩: ଯାଜପୁର ଜିଲା ରସୁଲପୁର ବ୍ଲକର ଗୋପାଳପୁର ଗ୍ରାମ ହସ୍ତତନ୍ତ ଶିଳ୍ପ ପାଇଁ ବେଶ ପ୍ରସିଦ୍ଧି ଲାଭ କରିଛି। ତେଣୁ ଗୋପାଳପୁର ଗ୍ରାମକୁ ହସ୍ତତନ୍ତ...

Leave a comment

Your email address will not be published. Required fields are marked *