ରସୁଲପୁର ପଞ୍ଚାୟତ ସମିତିର ୬ଷ୍ଠ ସାଧାରଣ ବୈଠକ: ଯୋଗଦେଲେନି ବିଧାୟକ, ଏମ୍‌ପି

ରସୁଲପୁର,୨୩ା୧(ଡି.ଏନ୍‌.ଏ.): ବିଧାୟକ ଓ ମନ୍ତ୍ରୀମାନେ ଗାଁକୁ ଯିବେ। ଲୋକଙ୍କ ସମସ୍ୟା ବୁଝିବେ। ଗାଁରେ ରାତି କାଟିବେ। ସରକାରୀ ଯୋଜନା ଠିକ୍‌ ଭାବେ କାର୍ଯ୍ୟ ହେଉଛି କି ନାହିଁ ସେଥିପ୍ରତି ଧ୍ୟାନ ଦେବେ। ସରକାରଙ୍କ ନୂଆ ଯୋଜନା ୫-ଟି ଓ ମୋ ସରକାର ଜନାଭିମୁଖି ହୋଇପାରୁଛି କି ନାହିଁ ତାର ସ୍ଥିତି ପରଖିବେ। ଏହିଭଳି ଦାଇତ୍ୱବୋଧର ପାଠ ପଢାଇଛନ୍ତି ଖୋଦ ମୁଖ୍ୟମନ୍ତ୍ରୀ। ହେଲେ ଏହି ନିର୍ଦ୍ଦେଶ କେମିତି ପାଳନ ହେଉଛି ତାର ଏକ ଉଦାହରଣ ଦେଖିବାକୁ ମିଳିଛି ବୁଧବାର ଅନୁଷ୍ଠିତ ଯାଜପୁର ଜିଲା ରସୁଲପୁର ବ୍ଲକର ୬ଷ୍ଠତମ ପଂଚାୟତ ସମିତି ସାଧାରଣ ବୈଠକରେ। ବୈଠକରେ ଯାଜପୁର ଏମ୍‌ପି ଶର୍ମିଷ୍ଠା ସେଠୀ, ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାଏ, କୋରେଇ ବିଧାୟକ ଅଶୋକ କୁମାର ବଳ ଯୋଗ ଦେଇ ନ ଥିବାବେଳେ ବରୀ ବିଧାୟିକା ସୁନନ୍ଦା ଦାସ ବୈଠକର ଅଧାରୁ ଉଠି ଚାଲିଯାଇଥିଲେ। ଗାଁ ଗଣ୍ଡାରୁ ଲୋକଙ୍କ ସମସ୍ୟା ଉପସ୍ଥାପନ କରିବା ପାଇଁ ପ୍ରତିନିଧିଙ୍କ ପାଇଁ ସମିତି ବୈଠକ ଏକ ବଳିଷ୍ଠ ମାଧ୍ୟମ। ଏହି ବୈଠକ ଜରିଆରେ ଆସୁଥିବା ପ୍ରସ୍ତାବଗୁଡିକୁ ଜିଲପରିଷଦ ବୈଠକ ଓ ପରେ ରାଜ୍ୟ ସରକାରଙ୍କ ଉଦ୍ଦେଶ୍ୟରେ ପ୍ରେରଣ କରାଯିବା ହେଉଛି ତ୍ରିସ୍ତରୀୟ ପଞ୍ଚାୟତରାଜ ବ୍ୟବସ୍ଥାର ଏକ ଅଂଶ ବିଶେଷ। ଏହି କାରଣରୁ ପ୍ରତ୍ୟେକ ବିଧାନସଭା ଓ ସଂସଦ ଅଧିବେଶନ ଆରମ୍ଭ ପୂର୍ବରୁ ପଞ୍ଚାୟତ ସମିତି, ଜିଲାପରିଷଦ ବୈଠକ ଗୁଡିକ ଆହୁତ ହୁଏ। ବିଧାୟକ ଓ ଏମ୍‌ପିଙ୍କ କାର୍ଯ୍ୟ ବ୍ୟସ୍ତତାକୁ ଧ୍ୟାନ ଦିଆଯାଇ ସମିତି ବୈଠକ ଦିନ ଧାର୍ଯ୍ୟ କରାଯାଇ ଥାଏ। ଯାହା ଏଠାରେ ବି କରାଯାଇ ଥିଲା ା ୫ମ ସାଧାରଣ ପରିଷଦ ବୈଠକ ଜୁଲାଇ,୨୦୧୯ରେ ଅନୁଷ୍ଠିତ ହୋଇଥିଲା ା ୬ଷ୍ଠ ବୈଠକ ଦୁଇ ମାସ ଅନ୍ତରରେ ଡକାଯିବା ବଦଳରେ ୬ମାସ ପରେ ଡକାଯାଇଥିଲା। ତା ପରେ ବି ଏହି ବୈଠକରେ ବିଧାୟକ ଓ ଏମ୍‌ପିମାନେ ଯୋଗଦେଇ ପାରିଲେ ନାହିଁ କି ଜନପ୍ରତିନିଧିଙ୍କ ସମସ୍ୟାକୁ ସମାଧାନ ବାଟ ଫିଟାଇବାର ଭାଗିଦାରୀ ସାଜି ପାରିଲେ ନାହିଁ। ବୈଠକର ଯଥେଷ୍ଟ ପୂର୍ବରୁ ସୂଚଜନା ଦିଅଯାଇଥିଲେ ସୁଦ୍ଧା ଯୋଗ ନ ଦେବାକୁ ରାଜନୈତିକ ମହଲ୍‌ରେ ବିଭିନ୍ନ ଆଲୋଚନା ହେଉଛି।
ଲାଇନ ଡିପାର୍ଟମେଣ୍ଟ ଅଧିକାରୀଙ୍କ ଅନୁପସ୍ଥିତିକୁ ନେଇ ଅସନ୍ତୋଷ
ବିଧିମୁତାବକ ସମିତି ବୈଠକରେ ବ୍ଲକର ଓ ପଞ୍ଚାୟତ ଅଧୀନସ୍ଥ ସମସ୍ତ କର୍ମଚାରୀ ଓ ଜନପ୍ରତିନିଧି ଯୋଗଦେବା ବ୍ୟତିତ ଲାଇନ ଡିପାର୍ଟମେଣ୍ଟ ଯଥା-ଗ୍ରାମ୍ୟ ଉନ୍ନୟନ, ଜଳସେଚନ, ପୂର୍ତ୍ତ, ଉଠା ଜଳସେଚନ, ମେଗା ଜଳସେଚନ, ଡ୍ରନେଜ୍‌, କ୍ଷୁଦ୍ର ଜଳସେଚନ, ଜଳ ବିଭାଜିକା ଇତ୍ୟାଦି ବିଭାଗର ଅଧିକାରୀ ବୈଠକରେ ଯୋଗଦେବା ଜରୁରୀ। ତେବେ ବିଭାଗୀୟ ଅଧିକାରୀମାନେ କ୍ରମାଗତ ଭାବରେ ବୈଠକରେ ଯୋଗଦେଉ ନ ଥିବା ପରଲ୍ଲକ୍ଷିତ ହେଉଛି। ୫ମ ସାଧାରଣ ବୈଠକରେ ଏହା ଜାଣି ଖୋଦ୍‌ ଏମ୍‌ପି ସେଠୀ ୫ମ ସାଧାରଣ ବୈଠକରେ ତୀବ୍ର ଅସନ୍ତୋଷବ୍ୟକ୍ତ କରିଥିଲେ। ଏହାସତ୍ୱେ ବି ସ୍ଥିତିରେ କୌଣସି ପରିବର୍ତ୍ତନ ଘଟି ନ ଥିଲା। ଚଳିତ ବୈଠକରେ ମଧ୍ୟ ସମାନ ସ୍ଥିତି ସୃଷ୍ଟି ହୋଇଛି। ଏନେଇ ଜିଲାପାଳଙ୍କୁ ଅବଗତ କରାଯିବ ବୋଲି ବୈଠକରେ ନିଷ୍ପତି ହୋଇଛି।
ପ୍ରଧାନମନ୍ତ୍ରୀ ଆବାସ ହିତାଧିକାରୀ ଚୟନ ସାଜିଲା ମୁଖ୍ୟ ଆଲୋଚନା ପ୍ରସଙ୍ଗ
ପ୍ରଧାନମନ୍ତ୍ରୀ ଆବାସ ହିତାଧିକାରୀ ଚୟନ ଓ ୨୦୧୯-୨୦/୨୧ ଆର୍ଥତ୍କ ବର୍ଷ ପାଇଁ ଅଗ୍ରାଧିକାରୀ ତାଲିକା ଚୟନକୁ ନେଇ ଟଣାଓଟରା ଲାଗି ରହିଛି। ଯୋଗ୍ୟ ତାଲିକାରେ ଯୋଡ଼ି ହେବାପାଇଁ ବ୍ଲକର ୨୮ଟି ପଞ୍ଚାୟତରୁ ୭୦୦୦ରୁ ଉର୍ଦ୍ଧ୍ୱ ହିତାଧିକାରୀ କ’ ଫର୍ମରେ ଆବେଦନ କରିଛନ୍ତି। ସେହି ତାଲିକା ଚୂଡାନ୍ତ ହେବା ନେଇ ଜନପ୍ରତିନିଧି ଓ ବ୍ଲକ ପ୍ରଶାସନ ମଧ୍ୟରେ ଟଣାଓଟରା ପରିସ୍ଥିତି ଉପୁଜିଛି। ସରପଞ୍ଚମାନେ ହିତାଧିକାରୀଙ୍କୁ ସନ୍ତୁଷ୍ଟ କରିବାକୁ ଲକ୍ଷ୍ୟ ରଖୁଥିବାବେଳେ ପ୍ରଶାସନିକ ଅଧିକାରୀ ତଦନ୍ତରେ ସ୍ବଚ୍ଛତା ଅବଲମ୍ବନ କରିବାକୁ ଲକ୍ଷ୍ୟ ରଖୁଛନ୍ତି। ଏହିଭଳି ଭାବରେ ଉକ୍ତ ପ୍ରସଙ୍ଗ ଆଜିର ବୈଠକର ମୁଖ୍ୟ ଆଲୋଚନାର ପ୍ରସଙ୍ଗ ସାଜିଥିଲା।
ଖରାଦିନରେ ପାନୀୟ ଜଳ ସମସ୍ୟା ଦୂର ପାଇଁ ପଦକ୍ଷେପ ନେବାକୁ ପରାମର୍ଶ
ଖରାଦିନ ଆସୁଛି। ପାନୀୟ ଜଳ ବିଭାଗ ସଜାଗ ରହିବାକୁ ପରାମର୍ଶ ଦିଆଯାଇଛି। ପଞ୍ଚାୟତର ୪ର୍ଥ ରାଜ୍ୟ ଓ ୧୪ତମ କେନ୍ଦ୍ରୀୟ ଅନୁଦାନରୁ ପାନୀୟ ଜଳ ସମସ୍ୟା ଦୂର କରାଯାଇ ପାରିବ। ସେଥିପ୍ରତି ଧ୍ୟାନ ଦେବା ସହ ଏବେଠାରୁ ସତର୍କତାମୂଳକ ପଦକ୍ଷେପ ଗ୍ରହଣ କରିବାକୁ ସୂଚନା ପ୍ରଦାନ କରାଯିବା ଅସମ୍ପୂର୍ଣ୍ଣ ପାନୀୟଜଳ ପ୍ରକଳ୍ପଗୁଡିକର ପୂର୍ଣ୍ଣାଙ୍ଗୀକରଣ ଉପରେ ଗୁରୁତ୍ୱ ଦିଆଯାଇଛି। ଏଦିଗରେ ବିଭାଗୀୟ ଅଧିକାରୀମାନେ ତପତ୍ରତା ଅବଲମ୍ବନ କରାଯିବାକୁ କୁହାଯାଇଛି।
ରସୁଲପୁର ପଂଚାୟତ ସମିତି ଅଧ୍ୟକ୍ଷା ସାରତୀ ଜେନାଙ୍କ ପୌରହିତ୍ୟରେ ଅନୁଷ୍ଠିତ ଏହି ବୈଠକରେ ଜିଲାପରିଷଦ ସଭାପତି ନରେଶ ଚନ୍ଦ୍ର ମହାନ୍ତି, ରସୁଲପୁର ବିଡିଓ ଉମାକାନ୍ତ ପରିଡା, ଏବିଡିଓ ଉପେନ୍ଦ୍ର କୁମାର ଜେନା, ଉପାଧ୍ୟକ୍ଷ ଯତିନ୍ଦ୍ର ମୋହନ ସାହୁ, ଏମ୍‌ପିଙ୍କ ପ୍ରତିନିଧି ପ୍ରକାଶ ଚନ୍ଦ୍ର ସାମଲ, ସହକାରୀ ନିର୍ବାହୀ ଯନ୍ତ୍ରୀ ନମିତା ହାଁସଦା, ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ, ବିଭିନ୍ନ ପଞ୍ଚାୟତର ଜନ ପ୍ରତିନିଧି, ଜିଲାପରିଷଦ ସଭ୍ୟାସଭ୍ୟ, ପଞ୍ଚାୟତ ନିର୍ବାହୀ ଅଧିକାରୀ, ବ୍ଲକ ଜନସ୍ବାସ୍ଥ୍ୟ ଅଧିକାରୀ, ମହିଳା ଶିଶୁ ମଙ୍ଗଳ ଅଧିକାରିଣୀ, ସହକାରୀ ଶିକ୍ଷାଧିକାରୀ, ସହକାରୀ କୃଷି ଅଧିକାରୀ, କିନଷ୍ଠ ଯନ୍ତ୍ରୀ ପ୍ରମୁଖ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ବ୍ଲକ ଅଞ୍ଚଳର ଶିକ୍ଷା, ସ୍ବାସ୍ଥ୍ୟ, କୃଷି, ଉଦ୍ୟାନ କୃଷି, ମହିଳା ଓ ଶିଶୁ ବିକାଶ ଆଦି ବିଭାଗ ଉପରେ ଆଲୋଚନା ହୋଇଥିଲା।


All Right Reserved By Dharitri.Com

ନରସିଂହପୁର ଇଲେକ୍ଟ୍ରି ଡିଜିଏମ୍‌ଙ୍କ ଘରେ ଭିଜିଲାନ୍ସ ଚଢାଉ: ୧.୩୬ କୋଟିର ସମ୍ପତ୍ତି ଠାବ

କଟକ ଅଫିସ, ୧୯।୯: କଟକ ଜିଲା ନରସିଂହପୁର ଇଲେକ୍ଟ୍ରି ଗ୍ରୀଡ୍‌ର ଡେପୁଟି ଜେନେରାଲ ମ୍ୟାନେଜର (ଡିଜିଏମ୍‌) ରାମେଶ୍ୱର ମହଲାଙ୍କ ଘରୁ ଭିଜିଲାନ୍ସ ବିଭାଗ ୧ କୋଟି...

ବିଦ୍ୟୁତ୍‌ ସଂଯୋଗ ନ ଥାଇ ଆସିଲା ବିଲ୍‌

କେନ୍ଦ୍ରାପଡା ଅଫିସ, ୯ା୯- କେନ୍ଦ୍ରାପଡା ବ୍ଲକ ଘିଘିଡିଆ ଗ୍ରାମର ୩୦ରୁ ଊର୍ଦ୍ଧ୍ୱ ହିତାଧିକାରୀ ସୌଭାଗ୍ୟ ଯୋଜନାରେ ସାମିଲ ହୋଇଛନ୍ତି ।ଅଦ୍ୟାବଧି ଏହି ହିତାଧିକାରୀଙ୍କୁ ବିଦ୍ୟୁତ ସଂଯୋଗ...

କଟକରେ ଭାଇଚାରା ସବୁବେଳେ ମିଳିବ

କଟକ ସହ ସମ୍ପର୍କ ଯୋଡ଼ିବା ଲୋକେ ଖୁବ୍‌ କମ୍‌। ହେଲେ ଯିଏ ସମ୍ପର୍କ ଯୋଡ଼ିଛି ସେ ଏହାର ଅସଲି ମଜା ପାଇଛି। ଏହି ସହର ଓ...

ଏମ୍‌ଜିଏନ୍‌ଆର୍‌ଇଜିଏସ୍‌ କାମ ବନ୍ଦ ପ୍ରତିବାଦରେ ବ୍ଲକ ଘେରାଉ

ବାଙ୍ଗିରିପୋଷି,୩୦ା୫(ଡି.ଏନ.ଏ.)- ଏମ୍‌ଜିଏନ୍‌ଆର୍‌ଇଜିଏସ୍‌ କାମ ବନ୍ଦ ପ୍ରତିବାଦରେ ମୟୂରଭଞ୍ଜ ଜିଲା ବାଙ୍ଗିରିପୋଷି ବ୍ଲକ ବୁଢୀଖମାରୀ ପଞ୍ଚାୟତ ଅନ୍ତର୍ଗତ ଯୋକା (ଆତନାବେଡା) ଗ୍ରାମର ଶତାଧିକ ମହିଳା ଓ ପୁରୁଷ...

ଗଞ୍ଜାମ ଜିଲାର ୧୧୬୭ କ୍ୱାରାଣ୍ଟାଇନ ସେଣ୍ଟର ଉପରେ ନଜର ରଖୁଛି ୫୮ ପୋଲିସ ମୋବାଇଲ ଟିମ୍‌ , ରହିଛନ୍ତି ୫୫୦୨୫ ପ୍ରବାସୀ

ଛତ୍ରପୁର, ୧୯।୫(ଡି.ଏନ୍‌.ଏ.): ଗଞ୍ଜାମ ଜିଲାର ବିଭିନ୍ନ ଥାନା ଅଞ୍ଚଳରେ ୧୧୬୭ଟି କ୍ୱାରାଣ୍ଟାଇନ ସେଣ୍ଟର ରହିଛି। ଉକ୍ତ ସେଣ୍ଟରଗୁଡିକର ବାହାରେ ପୋଲିସ ଫୋର୍ସ ମୁତୟନ ଅଛନ୍ତି। ଏଥିସହ...

ଡିସେମ୍ବର ୧ରୁ ଦୁଇଦିନିଆ ସବୁଜ ସମାରୋହ : ଯୋଗଦେବେ ୫୦ ଦେଶର ପ୍ରତିନିଧି

ଭୁବନେଶ୍ୱର,୩୦।୮(ବ୍ୟୁରୋ) : ପରିବେଶ ପ୍ରଦୂଷଣ, ଜଳବାୟୁ ପରିବର୍ତ୍ତନ, ଉତ୍ତାପ ବୃଦ୍ଧି, ଅତିବୃଷ୍ଟି, ଅନାବୃଷ୍ଟି ଆଦି ସମ୍ପର୍କରେ ଜନସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଆସନ୍ତା ଡିସେମ୍ବର ୧ରୁ...

ଖଡିଆଳ ପୋଲିସର ଅଭିନବ ପ୍ରୟାସ:ଟ୍ରାଫିକ୍‌ ନିୟମ ଉପରେ ଶିଶୁ କଲେ ସଚେତନ

ନୂଆପଡା ଅଫିସ/ଖଡିଆଳ,୭।୯(ଡି.ଏନ.ଏ.) ସରକାର ଯାନବାହନ ଚଳାଚଳ ଉପରେ ଥିବା ୧୯୮୮ ଅଧିନିୟମରେ ପରିବର୍ତ୍ତନ କରି ପରିବର୍ତ୍ତିତ ନିୟମକୁ ବର୍ତ୍ତମାନ କାର୍ଯ୍ୟକାରୀ କରିଛନ୍ତି । ଏଥିରେ ଚାଳକ,...

ବଡ଼ଚଣା ପୋଲିସର ସଡ଼କ ସୁରକ୍ଷା ସଚେତନତା

ଚଣ୍ଡିଖୋଲ,୧୧-୯(ଡି.ଏନ.ଏ)- ନୂଆ ମୋଟରଯାନ ଆଇନ କଡ଼ାକଡ଼ି ଲାଗୁ ହେବା ପରଠାରୁ ମୋଟରସାଇକେଲ ଆରୋହୀମାନେ ବିଶେଷଭାବେ ଭୟଭିତ ହୋଇପଡ଼ିଛନ୍ତି। ବହୁ ଗାଡ଼ିର କାଗଜପତ୍ର ଠିକ୍‌ ନ ଥିବା...

Leave a comment

Your email address will not be published. Required fields are marked *