ପ୍ରତିଭା ଦେଇଛି ସ୍ବତନ୍ତ୍ର ପରିଚୟ

ବାସୁଦେବପୁର,୨୧।୧(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ପୌରପାଳିକାର ଭୈରବପୁର ଗ୍ରାମର ଶିଳ୍ପୀ ରବୀନ୍ଦ୍ର ମହାରଣା। ନିଜର ପ୍ରତିଭା ବଳରେ ସମଗ୍ର ଜିଲା ଓ ରାଜ୍ୟରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି। ତାଙ୍କ ଶିଳ୍ପୀ ଜୀବନରେ ବର୍ତ୍ତମାନ ସୁଦ୍ଧା ପ୍ରାୟ ୩୦ରୁ ଊର୍ଦ୍ଧ୍ୱ ମନ୍ଦିରର ନିର୍ମାଣ କାର୍ଯ୍ୟ କରିବା ସହିତ ଶତାଧିକ ଦେବଦେବୀଙ୍କ ମୂର୍ତ୍ତି ନିର୍ମାଣ କରିଛନ୍ତି। ଯେକୌଣସି ଫଟୋଚିତ୍ରକୁ ଦେଖି ତା’ର ଅବିକଳ ମୂର୍ତ୍ତି ଆଙ୍କିବାରେ ସେ ମଧ୍ୟ ସିଦ୍ଧହସ୍ତ। ଏଭଳି କାରୁକାର୍ଯ୍ୟ ପାଇଁ ବିଭିନ୍ନ ସାରସ୍ବତ ଅନୁଷ୍ଠାନ ପକ୍ଷରୁ ତାଙ୍କୁ ସମ୍ବର୍ଦ୍ଧିତ କରାଯାଇଛି। ଆପ୍ରାଣ ଉଦ୍ୟମ ଓ ଅଧ୍ୟବସାୟ ହିଁ ତାଙ୍କୁ ସଫଳତା ଆଣିଦେଇଛି ବୋଲି ରବୀନ୍ଦ୍ର କହିଛନ୍ତି।
ରବୀନ୍ଦ୍ର କହନ୍ତି, ଏକ ଗରିବ ବଢ଼େଇ ପରିବାରରେ ତାଙ୍କର ଜନ୍ମ। ବାପା ଭୈରବ ଓ ମା’ ଦ୍ୱିତୀମଣିଙ୍କର ସେ ବଡ଼ପୁଅ। ମାଟ୍ରିକ ପର୍ଯ୍ୟନ୍ତ ସେ ପାଠ ପଢ଼ିଛନ୍ତି। ଘରର ଆର୍ଥିକ ଅବସ୍ଥା ଭଲ ନ ଥିବାରୁ ଅଧିକ ଶିକ୍ଷାଲାଭ କରିପାରିଲେ ନାହିଁ। ଫଳରେ କୌଳିକ ବୃତ୍ତି କାଠ କାମକୁ ଗ୍ରହଣ କରିନେଇ ଦୈନନ୍ଦିନ କାମରେ ଲାଗିପଡ଼ିଲେ। କାଠ କାମ ସହିତ ମୂର୍ତ୍ତି ଗଢ଼ା କାର୍ଯ୍ୟ କରିବାକୁ ତାଙ୍କର ଆଗ୍ରହ ଥିଲା। ଏଥିପାଇଁ ପ୍ରଥମେ ମାଟିରେ ବିଭିନ୍ନ ମୂର୍ତ୍ତି ନିର୍ମାଣ କାମ ଆରମ୍ଭ କରିଥିଲେ। ଜଣେ ସଫଳ ଶିଳ୍ପୀ ହେବା ଲକ୍ଷ୍ୟରେ ସେ ୧୯୮୩ରେ କଟକର ଚୌଦ୍ୱାରଠାରେ ଥିବା ଟ୍ରେନିଂ ସେଣ୍ଟରକୁ ଯାଇ ସେଠାରେ ଦୀର୍ଘ ୧୦ବର୍ଷ ରହି ମୂର୍ତ୍ତି ଶିକ୍ଷା ଲାଭ କରିଥିଲେ। କଟକ ଓ ଏହା ଆଖପାଖ ଅଞ୍ଚଳରେ ବିଭିନ୍ନ ଦେବଦେବୀଙ୍କ ମୂର୍ତ୍ତି ନିର୍ମାଣ କରି ବେଶ୍‌ ସଫଳତା ମଧ୍ୟ ପାଇଥିଲେ। ପରବର୍ତ୍ତୀ ସମୟରେ ଗଁାକୁ ଫେରି ଆସି ନିଜ ଅଞ୍ଚଳରେ ଏହି ମୂର୍ତ୍ତି ନିର୍ମାଣ କ୍ଷେତ୍ରରେ କିପରି ଭିତ୍ତିଭୂମି ସୁଦୃଢ଼ କରାଯାଇପାରିବ ସେ ଦିଗରେ ଧ୍ୟାନ ଦେଇଥିଲେ। ବାସୁଦେବପୁର ଅଞ୍ଚଳରେ ବିଭିନ୍ନ ପୂଜାପାର୍ବଣରେ ଦେବଦେବୀଙ୍କ ଆକର୍ଷଣୀୟ ମାଟି ମୂର୍ତ୍ତି ତିଆରି କରି ସମସ୍ତଙ୍କ ନଜରକୁ ଆସିଥିଲେ। ପରେ ବିଭିନ୍ନ ମନ୍ଦିର କାର୍ଯ୍ୟ, ମନ୍ଦିର ସିଂହାସନ ନିର୍ମାଣ, ଦେବଦେବୀଙ୍କ ସିମେଣ୍ଟ ମୂର୍ତ୍ତି ନିର୍ମାଣ କରିବାକୁ ଆରମ୍ଭ କଲେ।
ପ୍ରଥମେ ସେ ୩ ଟଙ୍କା ମଜୁରିରେ କାମ କରିଥିଲାବେଳେ ବର୍ତ୍ତମାନ ତାଙ୍କର ଦୈନନ୍ଦିନ ମଜୁରି ୭ଶହ ଟଙ୍କାରେ ପହଞ୍ଚିଛି। ବର୍ଷରେ ପ୍ରାୟ ୮/୯ ମାସ ବନ୍ଧା କାର୍ଯ୍ୟ ଭାବେ ବିଭିନ୍ନ ସ୍ଥାନରେ କାମ କରିଥାନ୍ତି। ଘରେ ମଧ୍ୟ ଅନ୍ୟ ସମୟରେ ବିଭିନ୍ନ ମୂର୍ତ୍ତି, ନର୍ତ୍ତକୀଙ୍କ ମୂର୍ତ୍ତି ନିର୍ମାଣ କରି ପର୍ବପର୍ବାଣିରେ ବେଶ୍‌ କିଛି ଟଙ୍କା ହାସଲ କରିଥାନ୍ତି। ଦୈନନ୍ଦିନ ୧୦ରୁ ୧୨ ଜଣ ସହକର୍ମୀଙ୍କୁ ମଧ୍ୟ ସେ କାର୍ଯ୍ୟ ଯୋଗାଇଥାନ୍ତି। ଏହି କାମରୁ ଯାହା ରୋଜଗାର ହୁଏ ସେଥିରେ ପରିବାର ପ୍ରତିପୋଷଣ କରନ୍ତି। ସ୍ତ୍ରୀ, ଦୁଇପୁଅ ଓ ଗୋଟିଏ ବୋହୂଙ୍କୁ ନେଇ ତାଙ୍କ ପରିବାର। ସ୍ତ୍ରୀ ସାବିତ୍ରୀ ତାଙ୍କୁ ଏ କ୍ଷେତ୍ରରେ ଉତ୍ସାହିତ କରିବା ସହିତ ସହଯୋଗ କରିଥାନ୍ତି। ମୂର୍ତ୍ତି କାରିଗର ଭାବେ ତାଙ୍କୁ ରାଜ୍ୟ ସରକାରଙ୍କ ପକ୍ଷରୁ ଭତ୍ତା ପ୍ରଦାନ କରାଯାଉଛି। ତେବେ ଏହି କାମକୁ ପରିବାର ଭିତ୍ତିରେ ବଞ୍ଚାଇ ରଖିବାକୁ ସାନପୁଅ ରାଜେନ୍ଦ୍ରଙ୍କୁ ମଧ୍ୟ ଟ୍ରେନିଂ ଦେଉଥିବା ରବୀନ୍ଦ୍ର କହିଛନ୍ତି।


All Right Reserved By Dharitri.Com

ଭୁବନେଶ୍ୱର ବିମାନବନ୍ଦରରେ ଚାଲିବ ମରାମତି କାର୍ଯ୍ୟ : ପର୍ଯ୍ୟାୟକ୍ରମେ ଆଠମାସ ବନ୍ଦ ରହିବ ରନ୍‌ଓ୍ବେ

ଭୁବନେଶ୍ୱର,୧୮ା୯(ବ୍ୟୁରୋ) : ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ କେତେକ ମରାମତି କାର୍ଯ୍ୟ କରାଯିବ। ନଭେମ୍ବର ୧ରୁ ଆସନ୍ତାବର୍ଷ ଜୁନ୍‌ ୩୦ ପର୍ଯ୍ୟନ୍ତ ରନ୍‌ଓ୍ବେର...

ବିଜେପୁରରେ ପୁଣି ରୀତା, ମୁଖ୍ୟମନ୍ତ୍ରୀ ଜଣାଇଲେ ଶୁଭେଚ୍ଛା

ବରଗଡ଼ ଅଫିସ/ପଦ୍ମପୁର,୨୪।୧୦: ବରଗଡ଼ ଜିଲା ବିଜେପୁର ଉପନିର୍ବାଚନରେ ବାଜିମାତ କଲେ ବିଜେଡି ପ୍ରାର୍ଥୀ ରୀତା ସାହୁ। ରେକର୍ଡ ବ୍ୟବଧାନରେ ରୀତା ଭାଜପା ପ୍ରାର୍ଥୀ ସନତ ଗଡ଼ତିଆଙ୍କୁ...

ଆସନ୍ତା ଜାନୁୟାରୀ ୨୦ରୁ ଭୁବନେଶ୍ୱର-ସୁରଟ ମଧ୍ୟରେ ଉଡିବ ବିମାନ

ଭୁବନେଶ୍ୱର,୨୩।୧୧(ବ୍ୟୁରୋ): ଆସନ୍ତା ଜାନୁୟାରୀ ୨୦ ତାରିଖରୁ ଭୁବନେଶ୍ୱର-ସୁରଟ ମଧ୍ୟରେ ବିମାନ ଚଳାଚଳ ହେବ। ଏୟାର ଇଣ୍ଡିଆ ପକ୍ଷରୁ ଏହି ସେବା ଯୋଗାଇ ଦିଆଯିବ। ସୋମବାର ଓ...

ଏବେ ବି ବିପଦସଙ୍କୁଳ ଅବସ୍ଥାରେ ହଷ୍ଟେଲ କୋଠା

ବ୍ରହ୍ମପୁର ଅଫିସ ୭ା୯-ବ୍ରହ୍ମପୁର ବିଶ୍ୱବିଦ୍ୟାଳୟ ପରିସରରେ ଥିବା ସାବେରୀ ଛାତ୍ରୀନିବାସର ୩ ମହଲା ବିଶିଷ୍ଟ ଶୌଚାଳୟ କୋଠା ଭୁଶୁଡିବା ଘଟଣା ଏକମାସରୁ ଊର୍ଦ୍ଧ୍ୱ ବିତିଲାଣି। ତଥାପି...

ସୂର୍ଯ୍ୟମନ୍ଦିର ସଂରକ୍ଷଣ, ରକ୍ଷଣାବେକ୍ଷଣକୁ ଗୁରୁତ୍ୱ

କୋଣାର୍କ, ୨୯।୨(ଡି.ଏନ୍‌.ଏ.): କୋଣାର୍କ ସୂର୍ଯ୍ୟମନ୍ଦିରର ସଂରକ୍ଷଣ ଓ ରକ୍ଷଣାବେକ୍ଷଣ ନେଇ ଶୁକ୍ରବାର ଭାରତ ସରକାରଙ୍କ ପ୍ରତ୍ନତତ୍ତ୍ୱ ସର୍ବେକ୍ଷଣ ସଂସ୍ଥା ଆନୁକୂଲ୍ୟରେ ଦୁଇଦିନିଆ ଜାତୀୟ କର୍ମଶାଳା ଉଦ୍‌ଘାଟିତ...

ଚତୁର୍ଦ୍ଦଶ ତୋଷାଳି ଜାତୀୟ ହସ୍ତଶିଳ୍ପ ମେଳା: ଦିନରେ ଲୋକକଳା, ରାତିରେ ନୃତ୍ୟ, ସଙ୍ଗୀତ

ଭୁବନେଶ୍ୱର,୧୯।୧୨(ବ୍ୟୁରୋ): ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଦ୍ୱାରା ଜନତା ମଇଦାନଠାରେ ଚାଲିଥିବା ଚତୁର୍ଦ୍ଦଶ ତୋଷାଳି ଜାତୀୟ ହସ୍ତଶିଳ୍ପ ମେଳାରେ ଆକର୍ଷଣ ସାଜୁଛି ମନଛୁଆଁ ସାଂସ୍କୃତିକ...

ନର୍ସିଂ ଛାତ୍ରୀଙ୍କୁ ଜଙ୍ଗଲରେ ଗଣବଳାତ୍କାର -ଭିଡିଓ ଭାଇରାଲ ପରେ ପୀଡିତା ଥାନାରେ ଅଭିଯୋଗ କଲେ

ଜୁନାଗଡ଼,୨୪।୯(ଡି.ଏନ.ଏ.) କଳାହାଣ୍ଡି ଜିଲାରେ ଏକ ଗଣ ବଳାତ୍କାର ଘଟଣା ଘଟିଛି। ଜଣେ ନର୍ସିଂ ଛାତ୍ରୀଙ୍କୁ ଲିଫ୍ଟ ଦେବା ଆଳରେ ଜଙ୍ଗଲକୁ ନେଇ ଗଣବଳାକତ୍ାର କରାଯାଇଛି ା...

ସୁଆର ମହାସୁଆର ନିଯୋଗ ନିର୍ବାଚନ: ପ୍ରାର୍ଥିପତ୍ର ଯାଞ୍ଚ ସରିଲା, ଆଜି ପ୍ରତ୍ୟାହାର

ପୁରୀ ଅଫିସ, ୨୭ା୭: ଆସନ୍ତା ଅଗଷ୍ଟ ୧୦ ତାରିଖରେ ଶ୍ରୀମନ୍ଦିରର ସୁଆର ମହାସୁଆର ନିଯୋଗ ନିର୍ବାଚନ ଅନୁଷ୍ଠିତ ହେବ। ଏଥିପାଇଁ ଗତ ୨୧ ତାରିଖରେ ନାମାଙ୍କନପତ୍ର...

Leave a comment

Your email address will not be published. Required fields are marked *