ବଳଶାଳୀ ବିଲ୍‌ଡରଙ୍କ ବଡ଼ କାରନାମା: ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକୁ ବେଖାତିର, ପୁଣି ଜବରଦଖଲ ଉଦ୍ୟମ

ଭୁବନେଶ୍ୱର,୧୯।୧(ବ୍ୟୁରୋ): ଭୁବନେଶ୍ୱରରେ ଏବେ ଜମି ଦର ଆକାଶଛୁଆଁ। ଜଣେ ସାଧାରଣ ବର୍ଗର ଲୋକ ପାଇଁ ଭୁବନେଶ୍ୱରରେ ଜମି କିଣିବା ସ୍ବପ୍ନ। ଏପରି ସ୍ଥଳେ କେତେକ ଅସାଧୁ ଅଫିସରଙ୍କ ସହାୟତାରେ ଜାଲ ନକ୍ସା ତିଆରି କରି ଏକରରୁ ଊର୍ଦ୍ଧ୍ୱ ଜଳାଶୟ ଜମି ଓ ଡ୍ରେନ ଯାଉଥିବା ରାସ୍ତାକୁ କବ୍‌ଜା କରିବାକୁ ବସିଛନ୍ତି ବଳଶାଳୀ ବିଲଡର୍‌। ସ୍ଥାନୀୟ ଲୋକଙ୍କୁ ଧମକଚମକ ଦେବା ସହ ଭୟଭୀତ କରିବା ଓ ଆର୍ଥିକ ପ୍ରଲୋଭନ ଦେଖାଇ ଜବରଦଖଲ କରିବାକୁ ଚେଷ୍ଟା ଚଳାଇଛନ୍ତି ସମ୍ପୃକ୍ତ ବିଲଡର। ଏପରି ଘଟଣା ଦେଖିବାକୁ ମିଳିଛି ସ୍ଥାନୀୟ ପାଇକ ନଗର ଅଞ୍ଚଳରେ।
ପାଇକ ନଗର ଓ୍ବେଲ ଫେୟାର ଆସୋସିଏସନ୍‌ ନିକଟରେ ଥିବା ପ୍ଲଟ୍‌ ନଂ ୨୨୭, ୨୨୮ ସରକାରୀ ଜମି ଓ ପ୍ଲଟ ନଂ ୨୩୩ ଜଳାଶୟ ଜମିରେ ଜବରଦଖଲ ହୋଇଛି। ବଡ଼ କଥା ହେଲା ୨୦୦୬ ମସିହାରୁ ବିଧାନସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଜମିକୁ ସରକାରୀ ଜମି କହୁଥିବା ବେଳେ ୨୦୦୯ରେ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ), ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଓ ସାଧାରଣ ପ୍ରଶାସନ(ଜିଏ) ବିଭାଗ ଉକ୍ତ ବେଆଇନ ଜବରଦଖଲ ଉଚ୍ଛେଦ କରିଥିଲା। ହେଲେ ଏବେ ପୁଣି ସମ୍ପୃକ୍ତ ବିଲ୍‌ଡଲ ଜଣକ ପୁନର୍ବାର ଜବରଦଖଲ କରି ଜମି ହାତେଇବା ପାଇଁ ପ୍ରୟାସ ଆରମ୍ଭ କରିଛନ୍ତି। ଏପରି ସ୍ଥିତିରେ ସ୍ଥାନୀୟ ଲୋକେ ଥାନା ଓ କୋର୍ଟ ଦ୍ୱାରସ୍ଥ ହେବା ସହ ଭୁବନେଶ୍ୱର ଜିଲା ଦୌରାଜଜ୍‌ଙ୍କଠାରୁ ଉକ୍ତ ଜମିରେ ନିର୍ମାଣରେ ରୋକ୍‌ ଲଗାଇବା ପାଇଁ ସ୍ଥଗିତାଦେଶ ଆଣିବାରୁ ଘଟଣାସ୍ଥଳରେ ନିର୍ମାଣ କାମ ବନ୍ଦ ପଡ଼ିଥିବା ଦେଖିବାକୁ ମିଳିଛି।
ଉଲ୍ଲେଖଯୋଗ୍ୟ, ବିଲଡର ଜଣକ ୨୦୦୬ରୁ ବଳପୂର୍ବକ ପାଇକ ନଗରରେ ଥିବା ଜଳାଶୟ ସମେତ ଡ୍ରେନ ଓ ଅନ୍ୟଜମିକୁ ମାଟି ପକାଇ ପୋତି ଦେଇଥିଲେ। ସେହି ସମୟରେ ସ୍ଥାନୀୟ ଲୋକଙ୍କ ବିରୋଧ ଏବଂ ବିଧାନସଭାରେ ଏହା ଉପରେ ପ୍ରଶ୍ନ ଉଠିବା ପରେ କାର୍ଯ୍ୟ ବନ୍ଦ ହୋଇଥିଲା। ତତ୍‌କାଳୀନ ବିଧାୟକ ନିହାର ରଞ୍ଜନ ମହାନନ୍ଦ, ଦେବୀ ପ୍ରସନ୍ନ ଚାନ୍ଦ, ଯୋଗେଶ ସିଂଙ୍କ ପ୍ରଶ୍ନର ଉତ୍ତର ଦେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ, ଉକ୍ତ ୭ ଟି ପ୍ଲଟରେ ଥିବା ସରକାରୀ ଜମି ଜବରଦଖଲ କରାଯାଇଛି। ମୁଖ୍ୟମନ୍ତ୍ରୀ ପଟ୍ଟନାୟକ ଏହା ସ୍ବୀକାର କରିବା ସହ ଏହାକୁ ଉଚ୍ଛେଦ କରାଯିବ ବୋଲି କହିଥିଲେ। ପରେ ୨୦୦୯ରେ ଉକ୍ତ ପ୍ଲଟରୁ ଜବରଦଖଲ ଉଚ୍ଛେଦ ହୋଇଥିଲା।
କିନ୍ତୁ ଗତ ଡିସେମ୍ବର ୨୭ରୁ ପୁନର୍ବାର ଉକ୍ତ ଜମି ଜବରଦଖଲ କରାଯାଉଛି। ବିଲଡର ଜଣକ ରାତାରାତି ସେଠାରେ ବାଲି ଗୋଡ଼ି ପକାଇ ଡ୍ରୋଜର ଜରିଆରେ ଜମି ଖୋଳାକାମ ଆରମ୍ଭ କରିଛନ୍ତି। ଗତ ୫ ତାରିଖରେ ସେଠାରେ କାର୍ଯ୍ୟ ଚାଲିଥିବା ବେଳେ ସ୍ଥାନୀୟ ଲୋକେ ବିରୋଧ କରିଥିଲେ। ସ୍ଥାନୀୟବାସିନ୍ଦା ଏନେଇ ନୟାପଲ୍ଲୀ ଥାନା ଘେରାଉ କରିବା ପରେ ପୋଲିସ କାର୍ଯ୍ୟ ବନ୍ଦ କରିଥିଲା ଓ ଡିସିପିଙ୍କ କୋର୍ଟ ଏକ ମାମଲା ଦାଏର କରି ଜମି ଉପରେ ୧୪୪ ଧାରା ଜାରି କରିଛି। ହେଲେ ବାରମ୍ବାର ସ୍ଥାନୀୟ ଲୋକଙ୍କୁ ଏବେ ବିନା ଶୁଣାଣିରେ ଫେରିବାକୁ ପଡ଼ୁଛି। ପୋଲିସ ମାମଲାରେ ନିରପେକ୍ଷତା ନଦେଖାଇ ଏଯାବତ୍‌ ଚାର୍ଜଶିଟ୍‌ ଦାଖଲ କରୁନାହିଁ। ଫଳରେ ଡିସିପିଙ୍କ କୋର୍ଟରେ ମାମଲାର ଶୁଣାଣି ହୋଇପାରୁନାହିଁ ବୋଲି ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି। ସେହିପରି ବିଲ୍‌ଡର ଜଣକ ବିଭିନ୍ନ ସମୟରେ ସ୍ଥାନୀୟ ଲୋକଙ୍କୁ ଧମକ ଚମକ ଦେଉଥିବା କଥା ସ୍ଥାନୀୟ ଲୋକ କହିଛନ୍ତି। ଡୁମ୍‌ଡୁମା, ବଡ଼ଗଡ଼ରୁ ପିଲା ଆଣି ଏ ଏରିଆରେ କାହାକୁ ରଖେଇ ଦେବିନି ପରି ଧମକ ଦେଉଥିବାର କଥା ଅଞ୍ଚଳବାସୀ ଅଭିଯୋଗ କରିଛନ୍ତି।

ଜବରଦଖଲକୁ ବିରୋଧ କରି ଧାରଣା:

ନୟାପଲ୍ଲୀ ଥାନା ଅନ୍ତର୍ଗତ ପାଇକ ନଗର ଅଞ୍ଚଳରେ ଥିବା ସରକାରୀ ଜମିରେ ଜବରଦଖଲକୁ ବିରୋଧ କରି ସ୍ଥାନୀୟବାସିନ୍ଦା ଜାତୀୟ ରାଜପଥରେ ଧାରଣା ଦେଇଛନ୍ତି। ବଳଶାଳୀ ବିଲଡରଙ୍କ ଦୌରାତ୍ମ୍ୟ ସହ ନୟାପଲ୍ଲୀ ଥାନା ଅଧିକାରୀଙ୍କ ମନମାନୀ କାର୍ଯ୍ୟକଳାପକୁ ବିରୋଧ କରି ସ୍ଥାନୀୟ ବାସିନ୍ଦା ଶେଷରେ ଧାରଣା ପନ୍ଥା ବାଛିଛନ୍ତି ବୋଲି କହିଛନ୍ତି। ଉକ୍ତ ଜମିରେ ପୂର୍ବରୁ ଜଳାଶୟ ଥିବା ବେଳେ ବଳପୂର୍ବକ ଉକ୍ତ ଜଳାଶୟକୁ ପୋତି ଜାଲ ନକ୍ସାରେ ବିଲଡର ଜଣଙ୍କ ତାକୁ ନିଜର ସ୍ଥିତିବାନ ଜମି ବୋଲି ଦର୍ଶାଉଛନ୍ତି। ଏହି ଜମିକୁ ନେଇ ୨୦୦୯ରେ ବିଲଡରଙ୍କ ସହ ସ୍ଥାନୀୟ ବାସିନ୍ଦାଙ୍କ ବିବାଦ ଲାଗିରହିଥିବା ବେଳେ ଶନିବାର ଏହାକୁ ନେଇ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି। ଶନିବାର ବିଲଡର ଜଣକ ପୁନର୍ବାର ସେଠାରେ କାର୍ଯ୍ୟ ଆରମ୍ଭ କରିଥିଲେ। ସ୍ଥାନୀୟ ଲୋକେ ତାଙ୍କୁ ବିରୋଧ କରିଥିଲେ ମଧ୍ୟ ବିଲଡର ଜଣଙ୍କ କିଛି ଶୁଣି ନ ଥିଲେ। ଫଳରେ ସ୍ଥାନୀୟ ବାସିନ୍ଦା ନୟାପଲ୍ଲୀଠାରେ ଜାତୀୟ ରାଜପଥକୁ ବନ୍ଦ କରିବା ସହ ଧାରଣାରେ ବସିଥିଲେ। ଘଟଣା ସ୍ଥଳରେ ନୟାପଲ୍ଲୀ ଥାନା ଅଧିକାରୀ ଅରୁଣ ସ୍ବାଇଁ ପହଞ୍ଚି ସ୍ଥାନୀୟ ଲୋକଙ୍କୁ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା। ପରେ ଉଭୟ ପକ୍ଷରୁ କିଛି ମୁରବୀ ଲୋକଙ୍କୁ ନେଇ ପୋଲିସ ଆଲୋଚନା କରିଥିଲା। ଆଲୋଚନାରେ ସ୍ଥାନୀୟ ଏସିପି ଅନିଲ ମିଶ୍ର ମଧ୍ୟ ଉପସ୍ଥିତ ଥିଲେ। ଆଲୋଚନା ପରେ ସୋମବାର ଏହି ଜମି ଉପରେ ମାପଚୁପ କରାଯିବ। ମାପ ହେବା ପରେ ବିଲଡରଙ୍କ ଜମି ସେ ନେବେ ସରକାରୀ ଜମି ଛାଡିଦେବେ ବୋଲି ନିଷ୍ପତ୍ତି ହୋଇଛି।

ସ୍ଥିତପ୍ରଜ୍ଞ ମିଶ୍ର


All Right Reserved By Dharitri.Com

ରାଜ୍ୟରେ କରୋନା ଆକ୍ରାନ୍ତ ସଂଖ୍ୟା ୪୨: ୨ ସୁସ୍ଥ, ୧ ମୃତ

ଭୁବନେଶ୍ୱର, ୭।୪( ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ମଙ୍ଗଳବାର ସୁଦ୍ଧା ୪୨ରେ ପହଞ୍ଚିଛି। ସେଥିମଧ୍ୟରୁ ୨ଜଣ ସୁସ୍ଥ ହୋଇ ହସ୍ପିଟାଲରୁ ଘରକୁ ଫେରିଥିବା ବେଳେ...

କୋଣାର୍କ ହେବ ‘ସୂର୍ଯ୍ୟ ନଗରୀ’: ସ୍ଥାପନ ହେବ ୧୦ ମେଗାଓ୍ବାଟର ସୌର ଶକ୍ତି ପ୍ଲାଣ୍ଟ 

ଭୁବନେଶ୍ୱର,୨୦।୫(ବ୍ୟୁରୋ): ପୁରୀ ଜିଲାର କୋଣାର୍କ ଅଞ୍ଚଳକୁ ସୂର୍ଯ୍ୟ ନଗରୀରେ ପରିଣତ କରାଯିବ। କୋଣାର୍କ ମନ୍ଦିର ସମେତ ଏହାର ଚତୁଃପାର୍ଶ୍ୱ ଏବଂ ଏଠାରେ ଗଢି ଉଠିଥିବା ସହର...

୧୦ଜଣଙ୍କୁ ଦଧୀଚି ପ୍ରତିଭା ସମ୍ମାନ

ଭୁବନେଶ୍ୱର,୪ା୯(ବ୍ୟୁରୋ):ଦଧୀଚି ଏଜୁକେଶନାଲ୍‌ ଟ୍ରଷ୍ଟ ଆନୁକୂଲ୍ୟରେ ମଙ୍ଗଳବାର ସ୍ଥାନୀୟ ଏକ ହୋଟେଲରେ ୨ୟ ଦଧୀଚି ପ୍ରତିଭା ସମ୍ମାନ-୨୦୧୯ ଅନୁଷ୍ଠିତ ହୋଇଯାଇଛି। ହ୍ବାଇଟ୍‌ କାନ୍‌ଭାସ୍‌ ସହଯୋଗରେ ଆୟୋଜିତ ଏହି...

ସଚେତନତା ରୋକିପାରିବ କରୋନା ସଂକ୍ରମଣ: ମୁଖ୍ୟମନ୍ତ୍ରୀ

ଭୁବନେଶ୍ୱର, ୪।୪(ବ୍ୟୁରୋ): କରୋନା ସଂକ୍ରମଣକୁ କେବଳ ସଚେତନତା ଦ୍ୱାରା ରୋକାଯାଇପାରିବା। କରୋନାକୁ ଡରିବାର ନାହିଁ। ଏଥିପ୍ରତି ଆମକୁ ସାବଧାନ ହେବାକୁ ପଡ଼ିବ ବୋଲି ମୁଖ୍ୟମନ୍ତ୍ରୀ ନବୀନ...

କରୋନାକୁ ରୋକିବାରେ ଆଦର୍ଶ ଭୂମିକା ନେବ ଓଡ଼ିଶା; ଲଢ଼ିବା ପାଇଁ ପ୍ରସ୍ତୁତ ରୁହ: ରାଜ୍ୟପାଳ

ଭୁବନେଶ୍ୱର, ୧୮।୩(ବ୍ୟୁରୋ): କରୋନା ପାଇଁ ଭୟଭୀତ ନ ହୋଇ ଲଢ଼ିବା ପାଇଁ ପ୍ରସ୍ତୁତ ରହିବାକୁ ରାଜ୍ୟପାଳ ପ୍ରଫେସର ଗେଣେଶୀ ଲାଲ ବୁଧବାର ପରାମର୍ଶ ଦେଇଛନ୍ତି। ସୁରକ୍ଷୀତ...

କୁଳପତିମାନଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ: ଠିକ୍‌ ସମୟରେ ପରୀକ୍ଷା, ଫଳ ପ୍ରକାଶ କର

ଭୁବନେଶ୍ୱର, ୮।୩(ବ୍ୟୁରୋ): ବିଶ୍ୱବିଦ୍ୟାଳୟରେ ଠିକ୍‌ ସମୟରେ ପରୀକ୍ଷା କରାଯିବ। ସେହିପରି ପରୀକ୍ଷା ଫଳ ମଧ୍ୟ ନିର୍ଦ୍ଧାରିତ ସମୟରେ ପ୍ରକାଶ ପାଇବ। ଆସନ୍ତା ଶିକ୍ଷାବର୍ଷରୁ କୌଣସି ବିଳମ୍ବକୁ...

ଓ୍ବାନ ନେଶନ, ଓ୍ବାନ ରାଶନ:ବଦଳିବ ରାଶନ କାର୍ଡ

ଭୁବନେଶ୍ୱର,୨୫ା୧୨(ବ୍ୟୁରୋ):କେବଳ ରାଜ୍ୟ ନୁହେଁ, ଦେଶର ଯେ କୌଣସି ସ୍ଥାନରୁ ଜାତୀୟ ଖାଦ୍ୟ ସୁରକ୍ଷା ଆଇନ(ଏନ୍‌ଏଫ୍‌ଏସ୍‌ଏ)ରେ ସାମିଲ ହୋଇଥିବା ହିତାଧିକାରୀମାନେ ସେମାନଙ୍କର ରାଶନ ନେଇପାରିବେ। ସମଗ୍ର ଦେଶ...

ଲିଙ୍ଗରାଜ ମନ୍ଦିର ପାର୍ଶ୍ୱ ସର୍ଭେ ୩ଦିନ ବଢ଼ିଲା

ପୁରୁଣା ଭୁବନେଶ୍ୱର/ ଭୁବନେଶ୍ୱର ୧୭।୧୦(ବ୍ୟୁରୋ): ରାଜ୍ୟର ଅନ୍ୟତମ ଐତିହ୍ୟ ତଥା ପ୍ରମୁଖ ପର୍ଯ୍ୟଟନସ୍ଥଳୀ ଶୈବପୀଠ ଶ୍ରୀଲିଙ୍ଗରାଜ ମନ୍ଦିର ପାର୍ଶ୍ୱରୁ ଜବରଦଖଲ ଉଚ୍ଛେଦ ହେବ। ଏଥିପାଇଁ ମଙ୍ଗଳବାରଠାରୁ...

Leave a comment

Your email address will not be published. Required fields are marked *