ଗୋଷ୍ଠୀ ଗଠନ କରି ଲୁଟିଛନ୍ତି ଆଇଏଫ୍‌ଆଇଏନ୍‌; ଚାର୍ଜସିଟ୍‌ ଦାଖଲ କଲା ଏସ୍‌ଏଫ୍‌ଆଇଓ

ନୂଆଦିଲ୍ଲୀ,୩-୬: ପ୍ରାୟ ୯୦ ହଜାର କୋଟି ଟଙ୍କା ଋଣରେ ବୁଡ଼ି ଯାଇଥିବା ଇନ୍‌ଫ୍ରାଷ୍ଟ୍ରକ୍‌ଚର ଲିଜିଂ ଆଣ୍ଡ ଫାଇନାନ୍ସିଆଲ ସର୍ଭିସେସ୍‌(ଆଇଏଲ୍‌ଆଣ୍ଡଏଫ୍‌ଏସ୍‌)ର ମୂଳ ତଥା ଏକାଧିକ ସହଯୋଗୀ କମ୍ପାନୀରେ ଅନିୟମିତତା ହୋଇଛି। ଏହାର ତଦନ୍ତ କରୁଥିବା ସିରିୟସ ଫ୍ରଡ୍‌ ଇନ୍‌ଭେଷ୍ଟିଗେଶନ ଅଫିସ୍‌(ଏସ୍‌ଏଫଆଇଓ) ଏକ ସହଯୋଗୀ କମ୍ପାନୀ ଆଇଏଫ୍‌ଆଇଏନ୍‌ର ଯାଞ୍ଚ କରିଥିଲା। ଯାଞ୍ଚରୁ ଚକିତ କଲା ଭଳି ତଥ୍ୟ ସାମ୍ନାକୁ ଆସିଛି। ଟପ୍‌ ମ୍ୟାନେଜମେଣ୍ଟ, ଅଡିଟର ଏବଂ ସ୍ବାଧୀନ ନିର୍ଦ୍ଦେଶକମାନେ ଏକ ଗୋଷ୍ଠୀ ଗଠନ କରି କମ୍ପାନୀକୁ ଲୁଟିଥିଲେ ବୋଲି ଦାଖଲ ଚାର୍ଜସିଟ୍‌ରେ ଦର୍ଶାଯାଇଛି।
ଏସ୍‌ଏଫ୍‌ଆଇଓର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, ଏହି ଗୋଷ୍ଠୀ ମିଳିମିଶି କମ୍ପାନୀକୁ ନିଜର ଘରୋଇ ବ୍ୟବସାୟ ମନେ କରି ପରିଚାଳନା କରୁଥିଲେ ଏବଂ ଅନିୟମିତତାରେ ସହଭାଗୀ ଥିଲେ ବୋଲି ଯାଞ୍ଚରୁ ଜଣାପଡିଛି। ସେ କହିଛନ୍ତି ଯେ ଆଇଏଲ୍‌ଆଣ୍ଡଏଫ୍‌ଏସ୍‌ ଫାଇନାନ୍ସିଆଲ ସର୍ଭିସେସ୍‌ ଲିମିଟେଡ ମାମଲା ମହାଦୁର୍ନୀତିର କେବଳ ଏକ ନମୁନା ମାତ୍ର। ଆଇଏଲଆଣ୍ଡଏଫ୍‌ଏସ୍‌ ଗ୍ରୁପ୍‌ ଏବେ ୯୦ ହଜାର କୋଟି ଟଙ୍କାର ବକେୟା ଋଣ ଫେରସ୍ତ କରିବାକୁ ବାଧ୍ୟ। ଏସ୍‌ଏଫ୍‌ଆଇଓର ପ୍ରଥମ ଚାର୍ଜସିଟ୍‌ରେ କେବଳ ଏକ ସହଯୋଗୀ କମ୍ପାନୀ ଆଇଏଫ୍‌ଆଇଏନ୍‌ ସମ୍ପର୍କରେ ଉଲ୍ଲେଖ କରାଯାଇଛି। ଗ୍ରୁପ୍‌ର ମୂଳ କମ୍ପାନୀ ଆଇଏଲ୍‌ଆଣ୍ଡଏଫ୍‌ଏସ୍‌ ଲିମିଟେଡ ଓ ଅନ୍ୟ ସହଯୋଗୀ କମ୍ପାନୀରେ ହୋଇଥିବା ଦୁର୍ନୀତିର ତଦନ୍ତ ଚାଲିଛି। ଅଧିକାରୀ ଜଣକ କହିଛନ୍ତି ଯେ, ଆଇଏଫ୍‌ଆଇଏନ୍‌ର ପୂର୍ବତନ ଏକ୍‌ଜିକ୍ୟୁଟିଭ ଏବଂ ସ୍ବାଧୀନ ନିର୍ଦ୍ଦେଶକମାନଙ୍କୁ ଅପରାଧି ଭାବେ ଦର୍ଶାଇ ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ନିଆଯାଉଛି। ସେମାନଙ୍କ ସ୍ଥାବର ଓ ଅସ୍ଥାବର ସମ୍ପତ୍ତିକୁ ଅନ୍ତରୀଣ ଭାବେ ବାଜ୍ୟାପ୍ତ କରିବାକୁ ଏସ୍‌ଏଫ୍‌ଆଇଓ ପ୍ରସ୍ତୁତି ଚଳାଇଛି। ଏଥିରେ ବ୍ୟାଙ୍କ ଲକର, ଆକାଉଣ୍ଟ ଆଦିକୁ ସାମିଲ କରାଯାଇଛି। ଏହାଛଡ଼ା ଆଇଏଫ୍‌ଆଇଏନ୍‌ ଦ୍ୱାରା ବ୍ୟାଙ୍କଠାରୁ ନିଆଯାଇଥିବା ସମସ୍ତ ପ୍ରକାର ଋଣ ସମ୍ପର୍କରେ ତଥ୍ୟ ସଂଗ୍ରହ କରୁଛି ଏସ୍‌ଏଫ୍‌ଆଇଓ। ଏହାବାଦ୍‌ ବ୍ୟାଙ୍କ ଅଧିକାରୀ, କ୍ରେଡିଟ ରେଟିଂ ଏଜେନ୍ସିର ଭୂମିକା ମଧ୍ୟ ଯାଞ୍ଚ ଘେରରେ ରହିଛି ବୋଲି ଅଧିକାରୀ ପ୍ରକାଶ କରିଛନ୍ତି। ଏସ୍‌ଏଫ୍‌ଆଇଓର ପ୍ରଥମ ଚାର୍ଜସିଟ୍‌ରେ ୪୦୦ରୁ ଅଧିକ ସଂସ୍ଥାର ଆକାଉଣ୍ଟର ଯାଞ୍ଚ ସହ ଫରେନ୍ସିକ୍‌ ଅଡିଟ କରାଯାଇଥିବା ରିପୋର୍ଟ, ଆଇଏଲ୍‌ଆଣ୍ଡଏଫ୍‌ଏସ୍‌ କାର୍ଯ୍ୟାଳୟର କମ୍ପ୍ୟୁଟରରୁ ପ୍ରାପ୍ତ ତଥ୍ୟକୁ ସାମିଲ କରାଯାଇଛି। ଏଥିସହିତ ଗ୍ରୁପ୍‌ କମ୍ପାନୀର ସର୍ଭରରୁ ବାହାର କରାଯାଇଥିବା ଇ-ମେଲ୍‌, ଆର୍‌ବିଆଇର ଯାଞ୍ଚ ରିପୋର୍ଟ, ବୈଠକ ସମ୍ପର୍କିତ ତଥ୍ୟ ଓ ଅନ୍ୟ ଦସ୍ତାବିଜକୁ ଏଥିରେ ଯୋଡାଯାଇଛି। ନଗଦ ସଙ୍କଟ କାରଣରୁ ଆଇଏଲ୍‌ଆଣ୍ଡଏଫ୍‌ଏସ୍‌ ଗତବଷର୍ର୍ ଋଣ ପରିଶୋଧ କରିପାରିବାରୁ ମହାଦୁର୍ନୀତିର ପର୍ଦ୍ଦାଫାଶ ହୋଇଥିଲା। ଏସ୍‌ଏଫ୍‌ଆଇଓ ତାଙ୍କ ଅଭିଯୋଗ ପତ୍ରରେ ଦର୍ଶାଇଛି ଯେ, ଟପ୍‌ ମ୍ୟାନେଜମେଣ୍ଟ, ସ୍ବାଧୀନ ନିର୍ଦ୍ଦେଶକ ଓ ଅଡିଟର ମିଳିମିଶି ରିଜର୍ଭ ବ୍ୟାଙ୍କର ନିର୍ଦ୍ଦେଶକୁ ଅଣଦେଖା କରି ବେନିୟମ କାର୍ଯ୍ୟରେ ଲିପ୍ତ ଥିଲେ। ରବି ପାର୍ଥସାରଥୀ, ହରିଶଙ୍କରନ, ଅରୁଣ ସାହା, ରମେଶ ବାବା, ବିଭବ କପୁର ଓ କେ.ରାମଚନ୍ଦ୍ର ଏହି ଦୁର୍ନୀତିରେ ସାମିଲ ଥିଲେ ବୋଲି ଚାର୍ଜସିଟ୍‌ରେ ଦର୍ଶାଯାଇଛି। ଏନ୍‌ବିଏଫ୍‌ସି କମ୍ପାନୀ ରୂପରେ ଆଇଏଫ୍‌ଆଇଏନ୍‌ ଶିବା, ଏବିଜି, ଏ୨ଜେଡ୍‌, ପାର୍ଶ୍ୱନାଥ ଡେଭଲପର୍ସ ତଥା ଅନ୍ୟ କେତେକ କମ୍ପାନୀଙ୍କୁ ଋଣ ଦେଇଥିଲା। ଯେଉଁମାନେ ଠିକ୍‌ ସମୟରେ ଋଣ ପରିଶୋଧ କରିପାରି ନ ଥିଲେ।


All Right Reserved By Dharitri.Com

ଜିଓ ସହ ହାତ ମିଳାଇଲା ମାଇକ୍ରୋସଫ୍ଟ

ରିଲାଏନ୍ସ ଜିଓ ଇନ୍‌ଫୋକମ୍‌ ଲିମିଟେଡ ସହ ମାଇକ୍ରୋସଫ୍ଟ ହାତମିଳାଇଛି। ଏଥିଯୋଗୁ ଦେଶକୁ ଡିଜିଟାଲ ଟ୍ରାନ୍ସଫର୍ମେଶନ ଆଡକୁ ନେଇଯିବା ଦ୍ରୁତ ହେବ। ଆର୍‌ଆଇଏଲ୍‌ର ଏଜିଏମ୍‌ରେ ମୁକେଶ କହିଛନ୍ତି...

ଜେଟ୍‌ ଏୟାରଓ୍ବେଜ୍‌କୁ ଉଦ୍ଧାର କରିବେ କର୍ମଚାରୀ

ନୂଆଦିଲ୍ଲୀ,୨୯-୬: ଆର୍ଥିକ ସଙ୍କଟ କାରଣରୁ ଅସ୍ଥାୟୀ ଭାବେ ବନ୍ଦ ହୋଇଯାଇଥିବା ଜେଟ୍‌ ଏୟାରଓ୍ବେଜ୍‌ ଉଦ୍ଧାର କରିବା ଲାଗି ଏହାର କର୍ମଚାରୀମାନେ ଆଗେଇ ଆସିଛନ୍ତି। ଏୟାରଲାଇନ୍ସର ୭୫%...

ପାଇକାରୀ ମୁଦ୍ରାସ୍ଫୀତି ୦.୩୩%

ନୂଆଦିଲ୍ଲୀ,୧୫-୧୦: ଚଳିତ ବର୍ଷ ସେପ୍ଟେମ୍ବରରେ ପାଇକାରି ମୂଲ୍ୟ ଭିତ୍ତିକ ମୁଦ୍ରାସ୍ଫୀତି(ଡବ୍ଲ୍ୟୁପିଆଇ) ୦.୩୩% ସ୍ତରରେ ରହିଛି। ଏହା ଅଗଷ୍ଟରେ ୧.୦୮% ରହିଥିବା ସୋମବାର ସରକାରୀ ଡାଟାରୁ ଜଣାପଡିଛି।...

୨୦୨୦ରେ ମାଡି ଆସୁଛି ମାନ୍ଦାବସ୍ଥା

ନୂଆଦିଲ୍ଲୀ,୨୦-୮: ଆସନ୍ତା ଏକ ବର୍ଷ ମଧ୍ୟରେ ୮ବର୍ଷରେ ସବୁଠାରୁ ଭୟଙ୍କର ମାନ୍ଦାବସ୍ଥା ମାଡିଆସୁଛି। ଏକ ତୃତୀୟାଂଶ ଗ୍ଲୋବାଲ ଫଣ୍ଡ ମ୍ୟାନେଜର ଏ ସମ୍ପର୍କରେ ଅନୁମାନ ଦର୍ଶାଇଛନ୍ତି।...

ଏନ୍‌ପିଏ ହୋଇଛି ମୁଦ୍ରାର ୩% ଋଣ

ନୂଆଦିଲ୍ଲୀ, ୪-୧୨: ପ୍ରଧାନମନ୍ତ୍ରୀ ମୁଦ୍ରା ଯୋଜନାରେ ପ୍ରଦାନ କରାଯାଇଥିବା ମୋଟ ୬ ଲକ୍ଷ କୋଟି ଋଣ ମଧ୍ୟରୁ ୩% ଋଣ ଅନାଦାୟ ଋଣ(ଏନ୍‌ପିଏ) ହୋଇଥିବା ସରକାର...

ଜନଧନ ଜମା ୧ ଲକ୍ଷ କୋଟି ଟଙ୍କା ଟପିଲା

ନୂଆଦିଲ୍ଲୀ,୧୧-୭: ଜନଧନ ଯୋଜନାରେ ଖୋଲାଯାଇଥିବା ଆକାଉଣ୍ଟଗୁଡିକରେ ଜମା ପରିମାଣ ୧ ଲକ୍ଷ କୋଟି ଟଙ୍କା ଛୁଇଁଛି। ଏହି ଯୋଜନା ୫ ବର୍ଷ ତଳେ ଆରମ୍ଭ କରାଯାଇଥିଲା।...

ରିୟଲ ଇଷ୍ଟେଟରେ କମିନି ନଗଦ ନେଣଦେଣ

ନୂଆଦିଲ୍ଲୀ,୨୬-୧୧: ବିମୁଦ୍ରୀକରଣ ପରେ ଡିଜିଟାଲ କାରବାରକୁ ସରକାର ପ୍ରୋତ୍ସାହିତ କରୁଛନ୍ତି। ଏପଟେ ନଗଦ ପ୍ରତି ଭାରତୀୟଙ୍କ ଭଲ ପାଇବେ ଏବେ ମଧ୍ୟ ଗଭୀର ଥିବା ବଜାର...

୪୦୦ ଜିଲାରେ ଆୟୋଜିତ ହେବ ଋଣ ମେଳା;୨୦୨୦ ମାର୍ଚ୍ଚ ପର୍ଯ୍ୟନ୍ତ ଏନ୍‌ପିଏ ଘୋଷିତ ହେବନି ଏମ୍‌ଏସ୍‌ଏମ୍‌ଇ ଋଣ

ନୂଆଦିଲ୍ଲୀ,୨୦-୯: ସୁକ୍ଷ୍ମ, ଲଘୁ ଓ ମଧ୍ୟମ ଉଦ୍ୟୋଗ(ଏମ୍‌ଏସ୍‌ଏମ୍‌ଇ) ସେକ୍ଟରରେ ଦେଖାଦେଇଥିବା ମାନ୍ଦାବସ୍ଥାକୁ ଦୂରକରିବା ଲକ୍ଷ୍ୟରେ ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଗୁରୁବାର ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଘୋଷଣା କରିଛନ୍ତି।...

Leave a comment

Your email address will not be published. Required fields are marked *