ଅଧାପନ୍‌ତରିଆ ହେଇ ପଡ଼ିଛେ ପ୍ରକଳ୍ପ: ପାଏନ୍‌ ଲାଗି ଡହକ୍‌ବିକଲ ଲରିଆବାହାଲବାସୀ

ଡୁଙ୍ଗୁରିପାଲି, ୩ା୬(ଡି.ଏନ୍‌.ଏ) : କେନ୍ଦ୍ର ଆର ରାଏଜ୍‌ ସରକାର ଗାଁଗଁଲିରୁ ସହର ତକ୍‌ ସବୁ ଲୁକ୍‌କୁ ନିରମଲ ପିଇଲା ପାଏନ୍‌ ଯୁଗେଇ ଦେବାକେ ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ ଦାଇତିଅରେ ଥିବାର ଅଧ୍‌କାରୀ, କରମ୍‌ଚାରୀ, ଜନପରତିନିଧିମାନକର ଆଁତରିକତା ଅଭାବୁ ସରକାରକଁର ଇ ମହତ୍‌ ଯୋଜନା ଅନେକ ଜାଗାରେ ବାଟବନା ହେଉଛେ। ଅନେକ୍‌ ଜାଗାରେ ଲୋକ୍‌ ବଛରକୁତା ପାନି ସମସିଆ ସଂଗେ ଯୁଝୁଥିଲାବେଲେ ଖରା ଦିନେ ସମସିଆଟା ଦୁଇଗୁନା ହେଇଯାଉଛେ। ଏନ୍‌ତା ଗୁଟେ ଉଦାହରନ୍‌ ଦେଖ୍‌ବାକେ ମିଲିଛେ ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ବୈଦୁପାଲି ପଁଚେତ୍‌ରେ।
ସୂଚନା ଅନ୍‌ସାରେ ବୈଦୁପାଲି ପଁଚେତ୍‌ ଲରିଆବାହାଲ ଗାଁ ୪ଟା ଓ୍ବାର୍ଡକେ ନେଇ ଗଠିତ। ଗାଁରେ ପାଖାପାଖି ୩ ହଜାରୁ ଅଧ୍‌କା ଲୋକ୍‌ ବାସ କରୁଛନ୍‌। ଲୁକ୍‌କର ପିଇଲା ପାଏନ୍‌ ସୁବିଧା ଲାଗି ଗାଁରେ ୫ଟା ନଲ୍‌ଚୁଆଁ ରହିଛେ। ହେଲେ ନଲ୍‌ଚୁଆଁମାନ୍‌କେ ଦୂଷିତ ପାଏନ୍‌ ବାହାରୁଥିଲାବେଲେ ଦରକାର ହିସାବେ ପାଏନ୍‌ ନାଇଁ ବାହାରବାର। ଇଆଡ଼େ ମୁଡ଼ଫଟା ଖରା ତାତିର ଲାଗି ଗାଁର ବଁଧ୍‌କଟା ଦରଶୁଖା ହେଇ ପାଏନ୍‌ ଗୁଲିଆ ହେଇଗଲାନ। ଏନ୍‌ତାଥି ଗାଁବାସୀ ଉପେ ଶୂଇନ୍‌ ହେଇ ବଁଧ୍‌କଟା, ଖୁଲାଚୁଆଁର ଦୂଷିତ୍‌ ପାଏନ୍‌ ବେଭାର କରୁଥିବାର ଓ୍ବାର୍ଡ ମେମ୍ବର ବନମାଳୀ ପୋଢ଼ କହିଛନ୍‌। ଇଆଡ଼େ ଗାଁବାସୀକର ପିଇଲା ପାଏନ୍‌ ସୁବିଧା ଲାଗି ଆର୍‌ଡବ୍ଲୁଏସ୍‌ଏସ୍‌ ବିଭାଗ ତରୁଫୁ ୨୦୧୮-୧୯ ଆର୍‌ଥିକ ବଛରରେ ଗୁଟେ ପାଏନ୍‌ ପ୍ରକଳ୍ପ କାମ ମୂଲ ହେଇଛେ। ହେଲେ ୩୦ ହଜାର ଲିଟର କ୍ଷମତାର ଓଭରହେଡ ଟ୍ୟାଙ୍କ ଆର ୫୦ ହଜାର ଟିଲର କ୍ଷମତା ଥିବାର ଗୁଟେ ଭୂତଲ ଟ୍ୟାଙ୍କ କାମ୍‌ ବହୁତ ଦିନ୍‌ ହେଲା ଅଧାପନତରିଆ ହେଇ ପଡ଼ିଛେ। ପ୍ରକଳ୍ପ ପୂରା ହେଲେ ଫଟାମୁଣ୍ଡାରେ ଥିବାର ଆରଡବ୍ଲୁଏସ୍‌ଏସ୍‌ ବିଭାଗର ବୋରିଂରୁ ପାଇପ୍‌ରେ ଲରିଆବାହାଲ ପକଳ୍ପକେ ପାଏନ୍‌ ଯୁଗେଇ ଦିଆଯିବା। ସେ ପାଏନ୍‌ ଭୂତଲ ଟ୍ୟାଙ୍କରେ ଜମା ହେଲା ଉତାରୁ ଓଭରହେଡ ଟ୍ୟାଙ୍କକେ ଚଢ଼େଇ ଗାଁବାସୀକୁ ପାଏନ୍‌ ଯୁଗେଇ ଦିଆଯିବାର ଯୋଜନା ରହିଛେ। ହେଲେ ଗାଁରେ ଚାଲିଥିବାର ପ୍ରକଳ୍ପରେ ସୂଚନା ଫଲକ ଅଭାବୁ ଗାଁବାସୀ ପ୍ରକଳ୍ପ ବାବ୍‌ଦେ ଅଁଧାରେ ରହିଛନ୍‌। ଇଟା କେତେ ଟଁକାର ପ୍ରକଳ୍ପ, କେଭେ ଆରମ୍‌ କେଭେ ଶେଷ୍‌ ଗାଁବାସୀ କିଛି ନାଇଁ ଜାନିପାରୁଥିବାର ଅଭିଯୋଗ କରିଛନ୍‌। ଇଆଡ଼େ ଖରା ଝାଉରେ ଗାଁବାସୀ ପିଇଲା ପାଏନ୍‌ ଲାଗି ନାନା ସମସିଆ ସଂଗେ ଯୁଝୁଛନ୍‌। ଇ ଘଟନା ବାବ୍‌ଦେ ଡୁଙ୍ଗୁରିପାଲି ବିଡିଓ ସହଦେବ ସମାଧିଆକୁଁ ପଚରାଲାରୁ ନିହାତି ଭାବେ ଗାଁବାସୀକର ପିଇଲା ପାଏନ୍‌ ସୁବିଧା କରାଯିବା, ଯଦି ନଲ୍‌ଚୁଆଁରୁ ଦରକାର ହିସାବେ ପାଏନ୍‌ ନାଇଁ ବାହାରବାର ଲୁକ୍‌କୁ ଟ୍ୟାଙ୍କରରେ ପିଇଲା ପାଏନ୍‌ ଯୁଗେଇ ଦେବାର ବେବସ୍‌ତା କରାଯିବା ବଲି ସେ କହିଥିଲେ। ସେନ୍‌ତା ଇ ବାବ୍‌ଦେ ଆର୍‌ଡବ୍ଲୁଏସ୍‌ଏସ୍‌ ବିଭାଗର କନିଷ୍ଠ ଯନ୍ତ୍ରୀ ରଞ୍ଜନ ପୁଟେଲକୁଁ ପଚରାଲାରୁ ପ୍ରକଳ୍ପ ପୂରା ହେବାକେ ଆର ୩ରୁ ୪ମାସ ସମିଆ ଲାଗ୍‌ବା, କାମ୍‌ ସଏଲେ ଲୋକ୍‌ ଠିକ୍‌ ହିସାବେ ପାଏନ୍‌ ପାଏବେ ବଲି ସେ କହିଥିଲେ।


All Right Reserved By Dharitri.Com

ବରଯାତ୍ରୀ ସହ କନ୍ୟାଘରେ ପହଞ୍ଚିଲେ ମହାଦେବ:ଦେବଦମ୍ପତିଙ୍କ ବିବାହ ସମ୍ପନ୍ନ

ସମ୍ବଲପୁର, ୮ା୬ (ବ୍ୟୁରୋ): ଜ୍ୟେଷ୍ଠ ମାସ ଶୁକ୍ଲପକ୍ଷ ପଞ୍ଚମୀ ତିଥିରେ ଦେବ ଦେବ ମହାଦେବ ବରାତିରେ ନଗର ପରିକ୍ରମା କରି କନ୍ୟାଘରେ ପହଞ୍ଚିଥିଲେ। ଏଥିସହ ଷଷ୍ଠୀ...

ସାମୂହିକ ଉଦ୍ୟମ ଦ୍ୱାରା ମ୍ୟାଲେରିଆ ମୂଳୋତ୍ପାଟନ ସମ୍ଭବ

ସୋନପୁର,୨୬।୪(ନି.ପ୍ର.) ସୁବର୍ଣ୍ଣପୁର ଜିଲା ମୁଖ୍ୟ ଚିକିତ୍ସାଳୟ ପରିସରରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଯାଇଛି। ଏହି ଅବସରରେ ଜିଲା ମୁଖ୍ୟ ଚିକିତ୍ସା ଓ ଜନସ୍ବାସ୍ଥ୍ୟ ଅଧିକାରୀ...

ଧାନ ବିକ୍ରି ପାଇଁ ଜିଲାପାଳଙ୍କୁ ଭେଟିଲେ ଚାଷୀ: ଟାର୍ଗେଟ ଆସିଲେ ଧାନ ଉଠିବ

ନୂଆପଡା ଅଫିସ,୨୭ା୬: ଆଗାମୀ ୩୦ ତାରିଖରେ ନୂଆପଡ଼ା ଜିଲାରେ ଧାନ କିଣା ଶେଷ ହେବ ବୋଲି ଜିଲା ଯୋଗାଣ ବିଭାଗ କହୁଥିବା ବେଳେ ମିଲର୍ସ ହଜାର...

ଉପହାସ କରୁଛେ ସରକାରୀ ଯୋଜନା:ଆବାସ ଯୋଜନାରୁ ବଁଚିତ୍‌ ବୁରୁଧ୍‌ କନ୍ଦର୍ପ

କେସିଙ୍ଗା, ୩।୭ (ଡି.ଏନ୍‌.ଏ.): କେନ୍ଦ୍ର ଆର ରାଏଜ୍‌ ସରକାର ଗରିବ୍‌ଦୁଖି, ଭୂମିହୀନ, ବାସହୀନମାନକର ଲାଗି ଅନେକ ଯୋଜନା କାଯ୍‌କାରୀ କରୁଛନ୍‌। ହେଲେ କେନ୍‌ଠାନେ ଭୂମିହୀନ ଘରଡିହ...

ଟାଙ୍ଗିଆରେ ମା’ଙ୍କୁ ହତ୍ୟା

ଚୌଦ୍ୱାର, ୧୬। ୭(ଡି.ଏନ୍‌.ଏ.): ଚୌଦ୍ୱାର ଥାନା ଅନ୍ତର୍ଗତ କଖଡି ପଞ୍ଚାୟତ ଗୋପୀନାଥପଡା ଗ୍ରାମରେ ରବିବାର ବିଳମ୍ବିତ ରାତିରେ ଜଣେ ଯୁବକ ନିଜ ମା’ଙ୍କୁ ଟାଙ୍ଗିଆରେ ହାଣି...

ପଡ଼ିଆ ପଡ଼ିଛି ଚାଷଜମି: ବର୍ଷା ପାଇଁ କଟଙ୍ଗପାଣି ପଞ୍ଚାୟତରେ ଇନ୍ଦ୍ରପୂଜା

ଜମନକିରା, ୨୯ା୭ (ଡି.ଏନ୍‌.ଏ): ସମ୍ବଲପୁର ଜିଲା ଜମନକିରା ବ୍ଲକ୍‌ କଟଙ୍ଗପାଣି ପଞ୍ଚାୟତରେ ସୋମବାର ଜଳ ବର୍ଷା ପାଇଁ ସ୍ଥାନୀୟ ଭୂତେଲ ଟୁଙ୍ଗରୀଠାରେ ୫ ଗାଁର ଗ୍ରାମବାସୀ...

‘ଖୁବ୍‌ଶୀଘ୍ର ଆଉ ୩ ମେଡିକାଲ କଲେଜ’

ଭୁବନେଶ୍ୱର/ସମ୍ବଲପୁର/,୮।୭(ବ୍ୟୁରୋ): ରାଜ୍ୟରେ ଖୁବ୍‌ଶୀଘ୍ର ଆଉ ୩ଟି ମେଡିକାଲ କଲେଜ ପ୍ରତିଷ୍ଠା କରାଯିବ। ସୁନ୍ଦରଗଡ଼, ପୁରୀ ଓ ତାଳଚେରରେ ମେଡିକାଲ କଲେଜ ସ୍ଥାପନ କରିବାକୁ ରାଜ୍ୟ ସରକାର...

ସମ୍ବଲପୁର ଲୋକ ମହୋତ୍ସବ ଉଦ୍‌ଘାଟିତ

ସମ୍ବଲପୁର,୫।୧(ବ୍ୟୁରୋ): ଆମର୍‌ ସଂସ୍କୃତି ଆରମ୍‌ ଟେକ୍‌ ଅଟେ । ସଂସ୍କୃତି, ପରମ୍ପରାକୁ ବଞ୍ଚାଇ ରଖିଲେ, ଜାତିର ସମ୍ମାନ ବୃଦ୍ଧି ହୋଇଥାଏ। ତେଣୁ ପ୍ରତ୍ୟେକସ୍ତରରୁ ଲୋକ ସଂସ୍କୃତିକୁ...

Leave a comment

Your email address will not be published. Required fields are marked *