Posted inଜାତୀୟ

ତାମିଲନାଡୁ ପରେ ପଶ୍ଚିମବଙ୍ଗ: ବାଧ୍ୟତାମୂଳକ ହିନ୍ଦୀ ଶିକ୍ଷାକୁ ବିରୋଧ

କୋଲକାତା,୩ା୬(ଆଇଏଏନ୍‌ଏସ୍‌): ଜାତୀୟ ଶିକ୍ଷାନୀତି ଚିଠା ପ୍ରସ୍ତାବରେ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ହିନ୍ଦୀକୁ ବାଧ୍ୟତାମୂଳକ ଭାବେ ଶିକ୍ଷା ଦେବା ପାଇଁ ସୁପାରିସ କରାଯାଇଥିବାବେଳେ ଏହାକୁ ତାମିଲନାଡୁ ସମେତ ବିଭିନ୍ନ ରାଜ୍ୟରେ ବିରୋଧ ଆରମ୍ଭ ହୋଇଯାଇଛି। ରବିବାର ପଶ୍ଚିମବଙ୍ଗର ଶିକ୍ଷାବିତ୍‌ ଓ ସାହିତି୍ୟକମାନେ କେନ୍ଦ୍ରର ଏଭଳି ଉଦ୍ୟମକୁ ବିରୋଧ କରିଛନ୍ତି। କୌଣସି ଭାଷାକୁ ଜୋରଜବରଦସ୍ତ ଲଦିଦେବା ଲାଗି ଉଦ୍ୟମକୁ ସବୁଦିଗରୁ ବିରୋଧ କରାଯିବ ବୋଲି ସେମାନେ କହିଛନ୍ତି।
ରବୀନ୍ଦ୍ର ଭାରତୀ ବିଶ୍ୱବିଦ୍ୟାଳୟର ପୂର୍ବତନ କୁଳପତି ତଥା ଭାଷାବିତ୍‌ ପବିତ୍ର ସର୍କାର କହିଛନ୍ତି, ହିନ୍ଦୀ ଶିକ୍ଷାକୁ ବାଧ୍ୟତାମୂଳକ କରିବା ଲାଗି କେ. କସ୍ତୁରିରଙ୍ଗନ୍‌ କମିଟିର ପ୍ରସ୍ତାବ ପ୍ରାଥମିକ ଶ୍ରେଣୀର ଛାତ୍ରୀଛାତ୍ରଙ୍କ ଉପରେ ଅଧିକ ଚାପ ପକାଇବ। ଷଷ୍ଠରୁ ଅଷ୍ଟମ ଶ୍ରେଣୀର ପିଲାଙ୍କୁ ହିନ୍ଦୀ ଶିକ୍ଷା ଦିଆଯାଇପାରେ। କିନ୍ତୁ ପ୍ରଥମ ଶ୍ରେଣୀ ପିଲାଙ୍କ ପାଇଁ ଏହି ଭାଷାକୁ ବାଧ୍ୟତାମୂଳକ କରାଯିବା ଠିକ୍‌ ନୁହେଁ। ବର୍ତ୍ତମାନର ଶିକ୍ଷା ବ୍ୟବସ୍ଥା ପିଲାମାନଙ୍କ ପାଇଁ ବୋଝ ହୋଇଥିବାବେଳେ ଏହାକୁ ଆହୁରି ବଢ଼ାଇବାକୁ ଦିଆ ନ ଯାଉ ବୋଲି ସେ କହିଛନ୍ତି। ଏଭଳି ପ୍ରସ୍ତାବକୁ ଦକ୍ଷିଣ ଭାରତୀୟ ରାଜ୍ୟଗୁଡ଼ିକରେ ଜୋରଦାର ବିରୋଧ କରାଗଲାଣି। ଅନ୍ୟପକ୍ଷରେ ଅଣହିନ୍ଦୀଭାଷୀ ରାଜ୍ୟରେ ବସବାସ କରୁଥିବା ହିନ୍ଦୀଭାଷୀ ଲୋକମାନେ ସେଠାର ମୁଖ୍ୟ ଆଞ୍ଚଳିକ ଭାଷା ଶିକ୍ଷା କରିବା ଉଚିତ ବୋଲି ସର୍କାର କହିଛନ୍ତି। ଉଦାହରଣ ସ୍ବରୂପ ପଶ୍ଚିମବଙ୍ଗରେ ରହୁଥିବା ହିନ୍ଦୀଭାଷୀ ଲୋକେ ବଙ୍ଗଳା ଶିଖନ୍ତୁ। ଆଞ୍ଚଳିକ ଭାଷାର ପ୍ରସାରରେ ଏହା ସହାୟକ ହେବ ବୋଲି ସେ କହିଛନ୍ତି।
ଖ୍ୟାତନାମା ବଙ୍ଗଳା ଲେଖକ ଶୀର୍ଷେନ୍ଦୁ ମୁଖୋପାଧ୍ୟାୟ କହିଛନ୍ତି ଦକ୍ଷିଣ ଭାରତରେ କେନ୍ଦ୍ର ସରକାରଙ୍କ ନୂଆ ଶିକ୍ଷାନୀତିକୁ ବିରୋଧ କରାଗଲାଣି। ପଶ୍ଚିମବଙ୍ଗରେ ଏହାକୁ ବିରୋଧ କରାଯିବା ନେଇ ସେ ଆଶାବାଦୀ ବୋଲି କହିଛନ୍ତି। କୌଣସି ଜିନିଷ ଲଦିଦିଆଯିବା ଠିକ୍‌ ନୁହେଁ। ଜଣେ କେଉଁ ଭାଷା ପଢ଼ିବେ, ସେ ନିଷ୍ପତ୍ତି ତାଙ୍କର ବ୍ୟକ୍ତିଗତ ହେବା ଉଚିତ ବୋଲି ଶୀର୍ଷେନ୍ଦୁ କହିଛନ୍ତି। ଜାତୀୟ ଶିକ୍ଷାନୀତି ଚିଠା ପ୍ରସ୍ତାବ ଶିକ୍ଷାର ଗୈରିକୀକରଣ ଲାଗି କେନ୍ଦ୍ର ପ୍ରୟାସର ଅଂଶବିଶେଷ କି ପ୍ରଶ୍ନ ଉପରେ ସେ କୌଣସି ଉତ୍ତର ନ ଦେଇ ଏଡାଇ ଯାଇଛନ୍ତି। ଯଦି ହିନ୍ଦୀ ଶିକ୍ଷାକୁ ବାଧ୍ୟତାମୂଳକ କରାଯିବ ତେବେ ବଙ୍ଗଳାକୁ କାହିଁକି ନୁହେଁ ବୋଲି ଖ୍ୟାତନାମା କବି ତଥା ଶିକ୍ଷାବିତ୍‌ ସୁବୋଧ ସର୍କାର ପ୍ରଶ୍ନ କରିଛନ୍ତି। ଭାରତରେ ଅନେକ ଭାଷା ପ୍ରଚଳିତ ଥିବାବେଳେ ହିନ୍ଦୀକୁ ବାଧ୍ୟତାମୂଳକ କରାଯିବା ଗ୍ରହଣୀୟ ନୁହେଁ ବୋଲି ସେ କହିଛନ୍ତି।
କମିଟିର ଜାତୀୟ ଶିକ୍ଷାନୀତି ପ୍ରସ୍ତାବରେ ତ୍ରିଭାଷୀ ସୂତ୍ର ସମ୍ପର୍କରେ ଜଣାପଡିବା ପରେ ତାମିଲନାଡୁରେ ଏହାକୁ ଜୋରଦାର ବିରୋଧ କରାଯାଇଛି। ଏଭଳି ଶିକ୍ଷା ବ୍ୟବସ୍ଥା ଦେଶକୁ ବିଭାଜିତ କରିଦେବ ବୋଲି ଡିଏମ୍‌କେ ଅଧ୍ୟକ୍ଷ ଏମ୍‌.କେ. ଷ୍ଟାଲିନ ଶନିବାର କହିବା ସହ ଏହା କାର୍ଯ୍ୟକାରୀ ହେଲେ ବିପର୍ଯ୍ୟୟ ସୃଷ୍ଟି ହେବ ବୋଲି ଚେତାବନୀ ଦେଇଥିଲେ। ତ୍ରିଭାଷୀ ନୀତିକୁ ଡିଏମ୍‌କେ ପକ୍ଷରୁ ଆଗାମୀ ପାର୍ଲାମେଣ୍ଟ ଅଧିବେଶନରେ ବିରୋଧ କରାଯିବ ବୋଲି ଦଳୀୟ ଏମ୍‌ପି କାନିମୋଝି କହିଥିଲେ। ଦକ୍ଷିଣ ଭାରତୀୟ ରାଜ୍ୟର ବିଭିନ୍ନ ରାଜନୈତିକ ଦଳ ଏଭଳି ଶିକ୍ଷାନୀତି ପ୍ରସ୍ତାବକୁ ବିରୋଧ କରିଛନ୍ତି।


All Right Reserved By Dharitri.Com

ସୁପ୍ରିମକୋର୍ଟଙ୍କ ଉପରେ ବିଶ୍ୱାସ ଅଛି, ଫେବୃୟାରୀ ୧ରେ ଦୋଷୀଙ୍କୁ ଦିଆଯିବ ଫାଶୀ: ନିର୍ଭୟାଙ୍କ ମା’

ନୂଆଦିଲ୍ଲୀ,୨୯।୧: ବହୁ ଚର୍ଚ୍ଚିତ ନିର୍ଭୟା ଗଣବଳାତ୍କାର ଓ ହତ୍ୟା ମାମଲାରେ ଫାଶୀଖୁଣ୍ଟରେ ଝୁଲିବାକୁ ଥିବା ୪ ଅଭିଯୁକ୍ତ ନୂଆ ନୂଆ ଭେଳିକି ଦେଖାଉଛନ୍ତି। ଆସନ୍ତା ଫେବୃଆରୀ...

ଲୋ-ବ୍ଲଡ୍‌ ପ୍ରେସରରୁ ଦୂରେଇ ରହିବା ପାଇଁ ସକାଳେ ଖାଆନ୍ତୁ …

ପେସ୍ତା ବାଦାମ ଶରୀର ପାଇଁ ବହୁ ଉପକାରୀ। ପ୍ରତିଦିନ ସକାଳେ ଏହାକୁ ଲହୁଣୀ ସହିତ ମିଶାଇ ଖାଇଲେ ଅନେକ ଫାଇଦା ମିଳିଥାଏ। ଏ ସମ୍ପର୍କରେ ଆୟୁର୍ବେଦରେ...

ଉତ୍ତରପୂର୍ବରେ ନିଆଁ

ଅଗରତାଲା/ଗୁଆହାଟୀ/ନୂଆଦିଲ୍ଲୀ, ୧୨ା୧୨(ପି.ଟି./ଆଇଏଏନ୍‌ଏସ୍‌): ନାଗରିକତ୍ୱ ସଂଶୋଧନ ବିଲ୍‌ ଲୋକ ସଭାରେ ପାସ୍‌ ହୋଇ ବୁଧବାର ରାତିରେ ରାଜ୍ୟ ସଭାରେ ପରୀକ୍ଷାରେ ଉତ୍ତୀର୍ଣ୍ଣ ହୋଇଛି। ସ୍ବରାଷ୍ଟ୍ରମନ୍ତ୍ରୀ ଅମିତ୍‌ ଶାହା...

ପରଲୋକରେ ଓମ ପ୍ରକାଶ ଚୌତାଲାଙ୍କ ସ୍ତ୍ରୀ

ହରିୟାଣା,୧୨।୮: ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଓମ ପ୍ରକାଶ ଚୌତାଲାଙ୍କ ସ୍ତ୍ରୀ ସ୍ନେହଲତାଙ୍କର ରବିବାର ପରଲୋକ ହୋଇଛି। କିଛିଦିନ ହେବ ଅସୁସ୍ଥ ଥିବା ସ୍ନେହଲତାଙ୍କର ୮୧ ବର୍ଷ...

ମୃତ ପୁଅର ପ୍ରେମିକାଙ୍କୁ ବିବାହ ଦେଲେ ମା’

ମିରଠ,୮।୧୨: ଉତ୍ତର ପ୍ରଦେଶ ମିରଠରୁ ଏମିତି ଏକ ଘଟଣା ଆସିଛି ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପୁଅ ମରିଯିବା ପରେ ତାଙ୍କ ପ୍ରେମିକାକୁ ଝିଅ ଭାବେ...

କୋର୍ଟରେ ହାଜର ହେଲେ ରାହୁଲ

ନୂଆଦିଲ୍ଲୀ,୧୦।୧୦: ବିଦେଶ ଗସ୍ତରେ ଥିବା କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଭାରତ ଫେରିବା ପରେ ଗୁଜରାଟର ସୁରଟଠାରେ ଥିବା ଏକ କୋର୍ଟରେ ମାନହାନୀ ମାମଲାରେ...

ଜମ୍ମୁ-କଶ୍ମୀରରେ ପ୍ରତିବନ୍ଧକ ସତ୍ତ୍ୱେ ଗିଲାନୀଙ୍କ ଇଣ୍ଟରନେଟ୍‌ ଚାଲିଥିଲା: ସନ୍ଦେହ ଘେରରେ ୨ ବିଏସ୍‌ଏନ୍‌ଏଲ୍‌ ଅଧିକାରୀ

ଶ୍ରୀନଗର, ୧୯।୮: ଅନୁଚ୍ଛେଦ ୩୭୦ ଉଚ୍ଛେଦ ପରେ ଜମ୍ମୁ-କଶ୍ମୀରରେ ସୁରକ୍ଷା ଦୃଷ୍ଟିରୁ ୧୪୪ ଧାରା ଜାରି ରହିବା ସହିତ ମୋବାଇଲ୍‌ ତଥା ଇଣ୍ଟରନେଟ୍‌ ସେବାକୁ ସାମୟିକ...

ପୁଣି ବୁଡିଲା ମୁମ୍ବାଇ: ବିମାନ ସେବା ବାଧାପ୍ରାପ୍ତ

ମୁମ୍ବାଇ,୨୭।୭: ମାୟାନଗରୀ ପୁଣି ବୁଡି ଯାଇଛି। ଗୁରୁବାର ରାତିରେ ହୋଇଥିବା ପ୍ରବଲ ବର୍ଷାରେ ଅଧିକାଂଶ ସ୍ଥାନରେ ବନ୍ୟା ଭଳି ପରିସ୍ଥିତି ସୃଷ୍ଟି ହେବା ସହ ଟ୍ରେନ୍‌...

Leave a comment

Your email address will not be published. Required fields are marked *