ଅନେକଙ୍କୁ ଦେଇଛି ରୋଜଗାର: ଭୋଗରାଇ ଆଳୁଦମ୍‌

ଭୋଗରାଇ, ୩।୬(ପ୍ରଦୀପ ଦାସ)-ବାଲେଶ୍ୱର ଜିଲାରେ ଆଳୁଦମ୍‌ ଓ ଆଳୁକଷାର ପ୍ରସିଦ୍ଧି ରହିଛି। ସକାଳ ଓ ସନ୍ଧ୍ୟାରେ ଲୋକେ ମୁଢ଼ି ସହିତ ଆଳୁକଷା ବା ଆଳୁଦମ୍‌ ଖାଇବାକୁ ଅଧିକ ପସନ୍ଦ କରନ୍ତି। ଏହା ଅଞ୍ଚଳରେ ଏକ ସ୍ବତନ୍ତ୍ର ଖାଦ୍ୟ ରୁଚିର ପରିଚୟ ସୃଷ୍ଟି କରିଛି। ତେବେ ଭୋଗରାଇ ଦେଉଳାହାଟ ଅଞ୍ଚଳରେ ବିକ୍ରି ହେଉଥିବା ସ୍ବାଦିଷ୍ଟ ଆଳୁଦମ୍‌ ଓ ଆଳୁକଷାର ଚାହିଦା ନିଆରା। ଏହା ଭୋଗରାଇ ଆଳୁଦମ୍‌ ଭାବେ ପ୍ରସିଦ୍ଧି ଲାଭ କରିଛି। କେବଳ ସ୍ଥାନୀୟ ଲୋକ ନୁହନ୍ତି, ପଡ଼ୋଶୀ ପଶ୍ଚିମବଙ୍ଗର ଉପାନ୍ତ ଅଞ୍ଚଳ ସମେତ ବାଲିଆପାଳ ଓ ଜଳେଶ୍ୱରରୁ ଅନେକ ଲୋକ ଆସି ଏଠାରେ ଆଳୁଦମ୍‌ କିଣି ନେଇଥାନ୍ତି। ଏହି ଲୋକପ୍ରିୟ ଖାଦ୍ୟ ସ୍ଥାନୀୟ ଅଞ୍ଚଳରେ ଅନେକଙ୍କୁ ଦେଇଛି ରୋଜଗାର ପନ୍ଥା। ସେମାନେ ସାଇକେଲରେ ଆଳୁଦମ୍‌ ହାଣ୍ଡି ରଖି ଗାଁ ଗାଁ ବୁଲି ବିକ୍ରି କରିଥାନ୍ତି। ହାଟ ବଜାରରେ ବିଭିନ୍ନ ଦୋକାନରେ ଆଳୁଦମ୍‌ ଓ ଆଳୁକଷା ବିକ୍ରି ହୋଇଥାଏ। ଲୋକେ ବନ୍ଧୁବାନ୍ଧବ ଓ ଆତ୍ମୀୟସ୍ବଜନଙ୍କ ଘରକୁ ଗଲେ ସାଙ୍ଗରେ ଆଳୁଦମ୍‌ କିଣି ନେବାକୁ ପଛାନ୍ତି ନାହଁି। ଏହି ଅଞ୍ଚଳରେ ଯାନିଯାତ୍ରାରେ ଏହି ଖାଦ୍ୟର ଆଦର ବାରି ହୋଇପଡିଥାଏ।
ବର୍ତ୍ତମାନ ବଜାରରେ ଛୋଟ ସାଇଜ୍‌ ଆଳୁର ଦାମ୍‌ କେଜି ପ୍ରତି ୧୦ରୁ ୧୨ଟଙ୍କା ରହିଛି। ଏଥିରୁ ପ୍ରସ୍ତୁତ ହେଉଥିବା ଆଳୁଦମ୍‌ କେଜି ପ୍ରତି ୨୦ରୁ ୩୦ଟଙ୍କାରେ ବିକ୍ରି କରାଯାଉଛି। ଏଥିଲାଗି ମସଲା ପ୍ରସ୍ତୁତ କରି ସ୍ବତନ୍ତ୍ର ଶୈଳୀରେ ବେପାରୀମାନେ ଏହାକୁ ପ୍ରସ୍ତୁତ କରିଥାନ୍ତି। ଭୋଗରାଇର ଚୌକି ବଜାରରେ ଆଳୁଦମ୍‌ ବିକ୍ରି କରୁଥିବା ଭୁବନଚନ୍ଦ୍ର ଜେନା କୁହନ୍ତି, ୪୦ବର୍ଷ ଧରି ସେ ଏହି ବେପାର କରି ଆସୁଛନ୍ତି। ତାଙ୍କ ବାପା ଆଳୁଦମ୍‌ ବିକ୍ରି କରି ପରିବାର ପ୍ରତିପୋଷଣ କରୁଥିଲେ। ତାଙ୍କ ବେଉସାକୁ ସେ ଆଦରି ନେଇଛନ୍ତି। ବାଉଁଶଡ଼ିହାର ଆଳୁଦମ୍‌ ଦୋକାନୀ ନୀଳାଦ୍ରି ଭଞ୍ଜ କୁହନ୍ତି, ସେ ଦୀର୍ଘବର୍ଷ ଧରି ବିଭିନ୍ନ ହାଟ ଓ ବଜାରକୁ ଯାଇ ଆଳୁଦମ୍‌ ବେପାର କରି ଆସୁଛନ୍ତି। ଖାଉଟିଙ୍କ ନିକଟରେ ସେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ସ୍ଥାନୀୟ ହାଇସ୍କୁଲର ନୋଡ଼ାଲ ଅଫିସର ରାଜେନ୍ଦୁ ବିକାଶ ପାତ୍ର କୁହନ୍ତି, ବର୍ତ୍ତମାନ ବଜାରରେ ବିକ୍ରି ହେଉଥିବା କେମିକାଲ ରଙ୍ଗମିଶା ଆଳୁଦମ୍‌ ସ୍ବାସ୍ଥ୍ୟ ପାଇଁ କ୍ଷତିକାରକ। ଖାଦ୍ୟ ବିଭାଗ ନିୟମିତ ଏହାର ମାନ ଯାଞ୍ଚ କରିବା ଜରୁରୀ। ଏ ସମ୍ପର୍କରେ ଭୋଗରାଇ ଯୋଗାଣ ବିଭାଗର ଅଫିସର ଓମ୍‌ପ୍ରକାଶ ମହାପାତ୍ରଙ୍କୁ ପଚାରିବାରୁ ରଙ୍ଗମିଶା ଆଳୁଦମ୍‌ ବିକ୍ରି ବନ୍ଦ ପାଇଁ ଉଭୟ ଖାଉଟି ଓ ବେପାରୀ ସଚେତନ ରହିବା ଆବଶ୍ୟକ ବୋଲି କହିଛନ୍ତି।


All Right Reserved By Dharitri.Com

ଘର ଘର ବୁଲି ସଂଗ୍ରହ ହେବ ବର୍ଜ୍ୟବସ୍ତୁ : କୃଷିବିଜ୍ଞାନ କେନ୍ଦ୍ରରେ ପ୍ରକ୍ରିୟାକରଣ

ଭଦ୍ରକ ଅଫିସ, ୧୫।୬ – ଆଉ ଡଷ୍ଟବିନ୍‌ରେ କେହି ଅଳିଆ ପକାଇବେ ନାହିଁ। ଘର ଘର ବୁଲି ପୌରପାଳିକାର ସଫେଇ କର୍ମଚାରୀ ବର୍ଜ୍ୟବସ୍ତୁ ସଂଗ୍ରହ କରିବେ।...

କିରୋସିନ ବାଟମାରଣା ଅଭିଯୋଗରେ ଡିଲର ନିଲମ୍ବିତ

ବାଲେଶ୍ୱର ଅଫିସ, ୧୩।୩: ବାଲେଶ୍ୱର ସଦର ବ୍ଲକ ଅଧୀନ ଗୁଡ଼ ପଞ୍ଚାୟତର ଡିଲର ହିତାଧିକାରୀଙ୍କୁ କିରୋସିନ ନ ଦେଇ ହେରଫେର କରିଥିବା ନେଇ ୬ ମାସ...

୪୦ ଲକ୍ଷ ଟଙ୍କାର ବ୍ରାଉନ ସୁଗାର ଜବତ: ୨ ଗିରଫ

ବାଲେଶ୍ୱର ଅଫିସ,୭।୩- କ୍ରାଇମବ୍ରାଞ୍ଚ ଏସଟିଏଫର ଏକ ଟିମ୍‌ ଶୁକ୍ରବାର ବାଲେଶ୍ୱର ସହରର ଅରଡ ବଜାରରେ ଚଢାଉ କରି ବିପୁଳ ପରିମାଣର ବ୍ରାଉନ ସୁଗାର ଜବତ କରିବା...

ଭାରସାମ୍ୟ ହରାଇ ଓଲଟିଲା ଟାଟା ଏସିଇ: ୨ ମହିଳା ଶ୍ରମିକ ମୃତ, ୫ ଗୁରୁତର

ସଜନାଗଡ଼, ୧୦।୭(ଡି.ଏନ୍‌.ଏ.): ବାଲେଶ୍ୱର ଜିଲା ୧୯ନଂ. ରାଜ୍ୟ ରାଜପଥର ସତ୍‌ସଙ୍ଗବିହାର ନିକଟରେ ବୁଧବାର ଭାରସାମ୍ୟ ହରାଇ ଏକ ଟାଟା ଏସିଇ ଓଲଟି ପଡ଼ିବାରୁ ୨ ମହିଳା...

କାଜୁ ତୋଳିବାକୁ ଆସି ଯୁବକଙ୍କ ଜୀବନ ଗଲା

ପାଟଣା,୨୪।୫(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ସିଲିପଦା ଗ୍ରାମର ଅଭିମନ୍ୟୁ ପାତ୍ର ନାମକ ଜଣେ ବ୍ୟକ୍ତି ଗାଁରେ ଥିବା ନିଜ କାଜୁ ପଡିଆକୁ ଗୁରୁବାର କାଜୁ...

ନୋଟିସ୍‌ ପରେ ଦୋକାନ ସ୍ଥାନାନ୍ତର କଲେ ବ୍ୟବସାୟୀ

ଆନନ୍ଦପୁର,୫ା୬(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ବ୍ରିଜ୍‌ଛକ ରାସ୍ତା ନିର୍ମାଣରେ ସୃଷ୍ଟି ହେଉଥିବା ସମସ୍ୟା ନେଇ ସରକାରୀ ଜାଗାରେ ଗଢ଼ି ଉଠିଥିବା ବ୍ୟବସାୟ ପ୍ରତିଷ୍ଠାନଗୁଡ଼ିକୁ ଉଚ୍ଛେଦ ନିମନ୍ତେ...

ଖନ୍ତାପଡ଼ା ଥାନା ଘେରାଉ ଘଟଣା: ଆଇନକୁ ହାତକୁ ନ ନେବା ପାଇଁ ପୋଲିସର ପରାମର୍ଶ

ବାହାନଗା, ୩୦ା୯(ଡି.ଏନ.ଏ.)-ମଦ ବିରୋଧୀ ମହିଳାଙ୍କ ଦ୍ୱାରା ରବିବାର ସନ୍ଧ୍ୟାରେ ଖନ୍ତାପଡା ଥାନା ଘେରାଉ ଘଟଣା ପରେ ସୋମବାର ମହିଳା ସଦସ୍ୟାମାନଙ୍କ ସହିତ ପୋଲିସ୍‌ର ବୈଠକ ଅନୁଷ୍ଠିତ...

ବୋରିଂ ହେବାର ବର୍ଷେ ବିତିଲାଣି: ଅଧାରେ ଅଟକିଛି ପାନୀୟ ଜଳ ପ୍ରକଳ୍ପ କାର୍ଯ୍ୟ

ବାହାନଗା, ୩।୬(ଅରୂପ କୁମାର ଦାସ)-ବାଲେଶ୍ୱର ଜିଲା ବାହାନଗା ବ୍ଲକ କରଞ୍ଜାବିନ୍ଧା ଗ୍ରାମରେ ଶୁଦ୍ଧ ପାନୀୟଜଳ ଯୋଗାଇ ଦେବା ଲାଗି ପ୍ରଶାସନ ତରଫରୁ ଏକ ବୋରିଂ କରାଯାଇଥିଲା।...

Leave a comment

Your email address will not be published. Required fields are marked *