ସରକାରୀ ଯୋଜନା ବାଟ୍‌ବନା: ୨୫ ବଛର ହେଲା ଜଂଗଲରେ ନୀଳ

ସଇଁତଲା, ୧୭।୧ (ଡି.ଏନ୍‌.ଏ)- ବଲାଙ୍ଗୀର ଜିଲା ସଇଁତଳା ବ୍ଲକ ସଦର ପଁଚେତ୍‌ ଅଧୀନ କର୍ଲାବାହାଲି ଗାଁ ର ନୀଳ ନାଏକ(୬୦)। ସେ ଝନେ ନିହାତି ଗରିବ୍‌, ଗାଁ ରେ ଘରଦୁଆର ବଲି କିଛି ନାଇଁ। ବାପ୍‌ଅଜା ଗାଁ ତରେ ଥିବାର ଜଂଗଲ ପାସେ ଜମିଟିକେ ଘିନିଥିଲେ। ନୀଳ ସେଠାନେ ନଡ଼ାଛପର କୁରିଆଟେ କରି ଅନେକ ବଛର ହେଲା ରହିଆସୁଛନ୍‌। ଆଏଜ୍‌ତକ ସେ ଅନେକ ସରକାରୀ ସୁବିଧା ସୁଯୋଗରୁ ବଁଚିତ୍‌ ହେଇ ରହିଛନ୍‌।
ସୂଚନା ଅନ୍‌ସାରେ କର୍ଲାବାହାଲି ନୀଳ ନାଏକ। ସେ ବିହାଚୁରା ହେଇଥିଲେ। ହେଲେ ବିହାର ଦିନାକେତେ ଉତାରୁ ମାଏକିନା ଆରପାରକେ ଚାଲିଗଲେ। ସେଦିନ୍‌ଠାନୁ ନୀଳ ଏକ୍‌ଟିଆ ଜୀବନ୍‌ ବିତଉଛନ୍‌। ଗାଁ ରେ ଘରଦୁଆର ନାଇଁଥିବାର ଲାଗି ନୀଳ ଆଏଜ୍‌କେ ୨୫ ବଛର ହେଲା ଗାଁ ରୁ ଖଁଡ଼େଦୂରେ ଜଂଗଲ ତରେ ଥିବାର ନିଜର ଜମିରେ ନଡ଼ାଛପର କୁରିଆଟେ କରି ରହି ଆସୁଛନ୍‌। ହେଲେ ସେ କୁରିଆର ଅବସ୍‌ତା ଏନ୍‌ତା ଯେ, କେତେବେଲେ ଧୁକାଗରେଲ, ବରଷାରେ ମାଡ଼ିବସ୍‌ବା। ସ୍ବଚ୍ଛ ଭାରତ ମିଶନ ଯୋଜନାରେ ନୀଳକଁର ଲାଗି ଗୁଟେ ପାଇଖାନା ତିଆର ହେଇଛେ। ହେଲେ ସେ ପାଇଖାନାକେ ନୀଳ ନିଜର ଭଁଡ଼ାର ଘର ହିସାବେ ବେଭାର କରୁଛନ୍‌। ପାଇଖାନାରେ ନିଜର ବ୍ୟାଙ୍କ ପାସବୁକ, ରାଶନକାର୍ଡ, ଆଧାରକାର୍ଡ, ଗାଁ ବାସୀ ଦେଇଥିବାର ଚାଉଲଗଉଲ ରଖି ତାଲାଟେ ପକେଇଛନ୍‌। ସେନ୍‌ତା ନୀଳ ଫିମାସ ପଁଚେତ୍‌ରୁ ୫ କେ.ଜି. ଚାଉଲ ପାଉଥିଲାବେଲେ ଆଏଜ୍‌ତକ ବୁଢ଼ାବୁଢ଼ି ଭତା ଆର ଆବାସ ଯୋଜନାରେ ଘରଖଁଡ଼େ ପାଏବାରୁ ବଁଚିତ୍‌ ହେଇ ରହିଛନ୍‌। ଗାଁ ର ବିରଞ୍ଚତ୍ ସର୍ବକଁର କହେବାର ହିସାବେ ମାସ୍‌କେତେ ତଲେ ନୀଳକଁର ନଁାରେ ଗୁଟେ ପକାଘର ଆସିଥିଲା। ପଁଚେତ୍‌ର କେତେ ଅଧ୍‌କାରୀ ଆସି ତାକର କାଗଜପତର କରବାର ସଂଗେ ଘର ମିଲିଛେ ଆକାଉଣ୍ଟରେ ଟଁକା ଜମା ହେଲେ ଘର ତିଆରି କରବ ବଲି କହିଥିଲେ। ହେଲେ ଆଏଜ୍‌ତକ ସେ ପକାଘରର ଖୋଜଖବର ନଁାଇଁନ। ସେନ୍‌ତା ଗାଁ ର କପୁର ପୁଟା କହିଛନ୍‌ ଯେ, ନୀଳ ଜଂଗଲ ତରେ ପୂରା ଅସୁରକ୍ଷିତ ଅବସ୍‌ତାରେ ରହୁଥିଲାବେଲେ ତାକର ବଲ୍‌ବଏସ୍‌ ବି ଖସି ଗଲାନ। ଏନ୍‌ତାଥି ତାହାକୁ ନିହାତି ଗୁଟେ ପକାଘର ଦରକାର ବଲି କହିଛନ୍‌। ଗାଁ ର ପିଣ୍ଟୁ ସାହୁ ଦିନାକେତେ ତଲେ ସାଂଗ୍‌ସାଥି ସଂଗେ ଜଂଗଲକେ ବୁଲି ଯାଇଥିଲାବେଲେ ନୀଳକଁର ଦୁରଦଶା ଦେଖିଥିଲେ। ସେ ତାକର ଫଟୋ, ଘରର ଫଟୋ ଉଠେଇ ସୋସିଆଲ ମିଡିଆରେ ଛାଡ଼ିଥିଲେ ଆର ଥାନୀଅ ଧରିତ୍ରୀ ପରତିନିଧିକୁଁ ଇ ବାବ୍‌ଦେ ସୂଚନା ଦେଇଥିଲେ। ସେନ୍‌ତା ନୀଳକୁଁ ମାସିକ୍‌ ୩୫ କେ.ଜି. ଚାଉଲ ଆର ବୁଢ଼ାବୁଢ଼ି ଭତା ଯୁଗେଇ ଦେବାକେ ସେ ଦାବି କରିଛନ୍‌। ଇ ବାବ୍‌ଦେ ଥାନୀଅ ବିଡିଓ ପ୍ରଦୀପ କୁମାର ପଟ୍ଟନାୟକକୁଁ ପଚ୍‌ରାଲାରୁ ଇ ବାବ୍‌ଦେ ମୁଇଁ କିଛି କହି ନାଇଁପାରେଁ। କାରନ୍‌ ଆମକୁ ଗଣମାଧ୍ୟମ ଆଘେ କେହେନ୍‌ସି ବିଷେରେ କହିବାର ଲାଗି ବାରନ୍‌ କରାଯାଇଛେ। ଇ ବାବ୍‌ଦେ ଜିଲାପାଳ କହିପାରବେ ବଲି ସେ କହିଥିଲେ।


All Right Reserved By Dharitri.Com

ସମସିଆ ଘେରରେ କମେଇମୁଣ୍ଡା ଉନ୍ନୀତ ହାଇସ୍କୁଲ

କଣ୍ଟାବାଞ୍ଜି, ୩ା୩ (ଡି.ଏନ୍‌.ଏ.)- ଶିକ୍ଷାର ପରସାର ଲାଗି ରାଏଜ୍‌ ସରକାର ଯେନ୍‌ ପଁଚେତ୍‌ରେ ହାଇସ୍କୁଲ ନଁାଇଁନ ସେ ପଁଚେତ୍‌ରେ ହାଇସ୍କୁଲ ଖୁଲବାକେ ଅନୁମତି ଦେଇଥିଲେ। ସେନ୍‌ତା...

‘ସଫଳ ଚିତ୍ରଶିଳ୍ପୀ ହେବା ଲକ୍ଷ୍ୟ’

ବାସୁଦେବପୁର,୨୬।୧୨(ଡି.ଏନ.ଏ.)- ଚିତ୍ରକଳା କ୍ଷେତ୍ରରେ ଉତ୍କର୍ଷ ପାଇଁ ସେ ନିଜ ଅଞ୍ଚଳ ଲାଗି ଗର୍ବ ଓ ଗୌରବ ପାଲଟିଛନ୍ତି। ବିଭିନ୍ନ ସଚେତନତା ବାର୍ତ୍ତା ଦେଉଥିବା ଚିତ୍ର ଆଙ୍କି...

ବୃକ୍ଷରୋପଣ ପାଲଟିଛି ପ୍ରହସନ

ଚମ୍ପୁଆ, ୨।୧୦(ଡି.ଏନ.ଏ.)-ଜୀବ ଜଗତ ବଞ୍ଚିରହିବା ତଥା ପରିବେଶର ସୁରକ୍ଷା ପାଇଁ ଜଙ୍ଗଲ ସୃଷ୍ଟି କରିବା ଅତ୍ୟନ୍ତ ଆବଶ୍ୟକ ହୋଇ ପଡିଥିବା ବେଳେ ସରକାରୀ ଓ ବେସରକାରୀ...

ମାନସିକ ରୁଗୀକଁର ସେବାରେ ସମରପିତ ଅକ୍ଷୟ

ଘଣ୍ଟାପଡ଼ା, ୪।୧୨(ଡି.ଏନ୍‌.ଏ.)- ନର ସେବା ହିଁ ନାରାୟଣ ସେବା, ଇ କଥାଟାକେ କାମ୍‌ରେ କରି ଦେଖେଇ ପାରିଛନ୍‌ କଣ୍ଟାମାଳ ବ୍ଲକ ଖୁଣ୍ଟିଗୋରା ପଁଚେତ୍‌ ଗୋଛାଗୋରା ଗଁାର...

ସ୍ବାମୀଙ୍କୁ ହତ୍ୟା କଲା ସ୍ତ୍ରୀ

ମୁନିଗୁଡ଼ା,୩।୧(ଡି.ଏନ୍‌.ଏ.) – ରାୟଗଡ଼ା ଜିଲା ମୁନିଗୁଡ଼ାର ଗୁପ୍ତା କଲୋନୀରେ ଜଣେ ଯୁବକଙ୍କୁ ତାଙ୍କ ସ୍ତ୍ରୀ ନୂଆବର୍ଷରେ ହତ୍ୟା କରିବା ଭଳି ଅଭାବନୀୟ ଘଟଣା ଘଟିଛି। ମୃତକ...

ରାଜ୍ୟ ବାହାରକୁ କାମ କରିବାକୁ ଯାଉଥିବା ୨୭ ଦାଦନ ଶ୍ରମିକ ଉଦ୍ଧାର: ମହିଳା ଦଲାଲ ଅଟକ

ଭଦ୍ରକ ଅଫିସ ,୧୫।୩: ରାଜ୍ୟ ବାହାରକୁ କାମ କରିବାକୁ ଯିବା ପୂର୍ବରୁ ଆଦିବାସୀ ନାବାଳିକା ଓ ନାବାଳକ ଦାଦନ ଶ୍ରମିକଙ୍କୁ ଶନିବାର ରାତିରେ ପୋଲିସ ଉଦ୍ଧାର...

ମାଓବାଦୀପ୍ରବଣ, ସୀମାନ୍ତ ଅଞ୍ଚଳ ପ୍ରତି ସ୍ବତନ୍ତ୍ର ନଜର

ଛତ୍ରପୁର,୧୮ା୪(ଡି.ଏନ.ଏ)- ଗଞ୍ଜାମ ଜିଲାରେ ଗୁରୁବାର  ଦ୍ୱିତୀୟ ପର୍ଯ୍ୟାୟରେ ଆସିକା ଲୋକ ସଭା ଆସନ ଓ ଏହା ଅଧୀନରେ ଥିବା ଆସିକା, କବିସୂର୍ଯ୍ୟନଗର, ସୋରଡା, ସାନଖେମୁଣ୍ଡି, ହିଞ୍ଜିଳି,...

ବିଦ୍ୟୁତ୍‌ କେବୁଲ ପାଇଁ ମାଟି ଖୋଳା ଫାଟିଲା ପାଣିପାଇପ୍‌ : ଯୋଡ଼ା ସହରରେ ୩ ଦିନ ଧରି ଜଳ ଯୋଗାଣ ବନ୍ଦ

ଯୋଡ଼ା, ୮।୯(ଡି.ଏନ.ଏ.)- କେନ୍ଦୁଝର ଜିଲା ଯୋଡ଼ା ସହରରେ ଟାଟା କମ୍ପାନୀ ପକ୍ଷରୁ ବିଦ୍ୟୁତ୍‌ କେବୁଲ ସଂଯୋଗ ପାଇଁ ମାଟି ଖୋଳାଯାଉଥିବାବେଳେ ଜନସ୍ବାସ୍ଥ୍ୟ ବିଭାଗ ପକ୍ଷରୁ ବିଛା...

Leave a comment

Your email address will not be published. Required fields are marked *