୪୦୪ ସ୍କୁଲରେ ନାହିଁ ରୋଷେଇ ଘର

ଫୁଲବାଣୀ ଅଫିସ, ୧୭ା୧- ବିଦ୍ୟାଳୟରେ ଛାତ୍ରୀଛାତ୍ରଙ୍କୁ ମଧ୍ୟାହ୍ନଭୋଜନ ଦେବାପାଇଁ ବିଦ୍ୟାଳୟ ପରିସରରେ ରୋଷେଇ ଗୃହ ନିର୍ମାଣ ପାଇଁ ନିର୍ଦ୍ଦେଶ ରହିଛି। ହେଲେ କନ୍ଧମାଳ ଜିଲାରେ ଚାଲିଛି ମନମୁଖୀ କାର୍ଯ୍ୟ। କେତେକ ବିଦ୍ୟାଳୟରେ ଅସ୍ବାସ୍ଥ୍ୟକର ପରିବେଶରେ ମଧ୍ୟାହ୍ନ ଭୋଜନ ପ୍ରସ୍ତୁତ ହେଉଛି। ବିଭାଗୀୟ ଅଧିକାରୀଙ୍କ ଉଦାସୀନତା, ସମନ୍ବୟ ଅଭାବ ଯୋଗୁ ଏହା ଫଳପ୍ରଦ ହୋଇପାରୁନାହିଁ। ପର୍ଯ୍ୟାପ୍ତ ଅର୍ଥ ଥିଲେ ମଧ୍ୟ କାହିଁକି ରୋଷେଇ ଘର ନିର୍ମାଣ ହୋଇପାରୁନାହିଁ ତାହା ପ୍ରଶ୍ନବାଚୀ ସୃ୍‌ଷ୍ଟି କରିଛି। ଅନ୍ୟପକ୍ଷରେ ଏବେ ବିଦ୍ୟାଳୟର ବିଲ୍ଡିଂ ହେଉ ଅବା ଅନ୍ୟ କୌଣସି କାମ ସବୁ ପଞ୍ଚାୟତ କରିବ ବୋଲି ନିୟମ ହୋଇଛି। ପଞ୍ଚାୟତକୁ କୋଟି କୋଟି ଟଙ୍କା ଆସୁଥିଲେ ମଧ୍ୟ ବିଦ୍ୟାଳୟରେ ରୋଷେଇ ଗୃହ ନିର୍ମାଣ ପ୍ରତି ଦୃଷ୍ଟି ଦିଆଯାଉନାହିଁ। ଜିଲାରେ ୧୮୭୧ଟି ସରକାରୀ ବିଦ୍ୟାଳୟ ମଧ୍ୟରୁ ୧୪୬୭ଟିରେ ରୋଷେଇ ଘର ନିର୍ମାଣ କରାଯାଇଛି। ଅନ୍ୟ ୪୦୪ଟି ବିଦ୍ୟାଳୟରେ ରୋଷେଇ ଘର ନ ଥିବାରୁ କେଉଁଠି ଗଛମୂଳେ ତ ଆଉ କେଉଁଠି ଖୋଲା ପରିତ୍ୟକ୍ତ ସ୍ଥାନରେ ମଧ୍ୟାହ୍ନଭୋଜନ ପ୍ରସ୍ତୁତ କରାଯାଉଛି। ବର୍ଷାଦିନ ଆସିଲେ ଏସବୁ ବିଦ୍ୟାଳୟରେ ବହୁ ସମସ୍ୟା ଉପୁଜିଥାଏ। ରୋଷେଇ ଘର ପାଇଁ କମ୍‌ ଅର୍ଥ ଅନୁଦାନ ଦିଆ ଯାଉଥିବାରୁ ଠିକାଦାରମାନେ ଏହି କାର୍ଯ୍ୟ କରିବାକୁ ଇଚ୍ଛା ପ୍ରକାଶ କରୁଥିବା ଜାଣିବାକୁ ମିଳିଛି।ମିଳିଥିବା ସୂଚନା ଅନୁସାରେ, କେବଳ ଦାରିଙ୍ଗବାଡି ବ୍ଲକର ସମସ୍ତ ସ୍କୁଲରେ ମଧ୍ୟାହ୍ନ ଭୋଜନ ଗୃହ ନିର୍ମାଣ କାର୍ଯ୍ୟ ସରିଛି। ବାଲିଗୁଡା ବ୍ଲକରେ ୧୯୯ ବିଦ୍ୟାଳୟ ମଧ୍ୟରୁ ୧୭୧ଟିରେ ରୋଷେଇ ଗୃହ କାମ ସରିଛି। ୨୮ଟିରେ ନିର୍ମାଣ ହୋଇନାହିଁ। ସେହିପରି ଜି.ଉଦୟଗିରି ବ୍ଲକରେ ୯୮ ବିଦ୍ୟାଳୟ ମଧ୍ୟରୁ ୪୨ଟି, କ.ନୂଆଗାଁ ବ୍ଲକରେ ୧୩୮ ମଧ୍ୟରୁ ୬୦ଟି, ଖଜୁରିପଡା ବ୍ଲକରେ ୧୪୦ ବିଦ୍ୟାଳୟ ମଧ୍ୟରୁ ୫୫ ବିଦ୍ୟାଳୟରେ ରୋଷେଇ ଘରନାହିଁ। କୋଟଗଡ ବ୍ଲକରେ ୧୬୨ ବିଦ୍ୟାଳୟ ମଧ୍ୟରୁ ୫୨ଟରେ ରୋଷେଇ ଘର ନ ଥିବା ବେଳେ ଫିରିଙ୍ଗିଆରେ ୨୧୫ ବିଦ୍ୟାଳୟରୁ ୮, ଫୁଲବାଣୀରେ ୧୩୯ ବିସ୍ୟାଳୟରୁ ୭ଟି, ଟିକାବାଲିରେ ୧୦୨ ବିଦ୍ୟାଳୟରୁ ୯ଟି, ତୁମୁଡିବନ୍ଧରେ ୧୫୩ ବିଦ୍ୟାଳୟରୁ ୧୯ଟି, ରାଇକିଆ ବ୍ଲକରେ ୧୨୯ ବିଦ୍ୟାଳୟ ମଧ୍ୟରୁ ୯୪ଟି ଏବଂ ଚକାପାଦ ବ୍ଲକରେ ୧୨୩ ବିଦ୍ୟାଳୟ ମଧ୍ୟରୁ ୩୦ ବିଦ୍ୟାଳୟରେ ରୋଷେଇ ଘର ନାହିଁ। ଏ ସମ୍ପର୍କରେ ଜଣେ ପ୍ରଶାସନିକ ଅଧିକାରୀ କହିଛନ୍ତି, ସରକାର ଗତବର୍ଷ ସ୍କୁଲ ନିର୍ମାଣ, ମରାମତି ଦାୟିତ୍ୱ ପଞ୍ଚାୟତକୁ ହସ୍ତାନ୍ତର କରିଛନ୍ତି। ପ୍ରାଥମିକ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟର କାର୍ଯ୍ୟ ପଞ୍ଚାୟତ ଦ୍ୱାରା କରାଯିବ। ଉଚ୍ଚ ବିଦ୍ୟାଳୟ କାର୍ଯ୍ୟ ଆର୍‌ଡି ବିଭାଗ କରିବ। କାର୍ଯ୍ୟ ପାଇଁ ଗଣଶିକ୍ଷା ବିଭାଗ ପକ୍ଷରୁ କୌଣସି ଫଣ୍ଡ(ଅର୍ଥ) ଦିଆଯାଇନାହିଁ। ରାଜ୍ୟ ସରକାରଙ୍କ ଚତୁର୍ଦ୍ଦଶ ଅର୍ଥ କମିଶନରୁ କିଛି ଟଙ୍କା ଏ ବାବଦରେ ରଖାଯାଇଛି। ବିଭାଗ ପକ୍ଷରୁ ଅର୍ଥ ବ୍ୟୟବରାଦ ହେଲେ କାମ ଆରମ୍ଭ ହେବ। ଅନ୍ୟପକ୍ଷରେ ଜିଲା ଗ୍ରାମ ଉନ୍ନୟନ ବିଭାଗ ପ୍ରକଳ୍ପ ନିର୍ଦ୍ଦେଶକ ବିଶ୍ୱନାଥ ବାରିକଙ୍କୁ ପଚାରିବାରୁ ବିଡିଓମାନଙ୍କୁ ପଚାରି ବୁଝିବା ପରେ କହିବେ ବୋଲି ସେ କହିଛନ୍ତି। ସୂଚନାଯୋଗ୍ୟ, ବିଗତ ଦିନରେ ଖୋଲାରେ ଓ ଅସ୍ବାସ୍ଥ୍ୟକର ପରିବେଶରେ ମଧ୍ୟାହ୍ନଭୋଜନ ରନ୍ଧାଯିବା ଫଳରେ ସେଥବରେ ପୋକ, ଝିଟିପିଟି ଆଦି ପଡିବା ଓ ତାହାକୁ ଖାଇ ଛାତ୍ରୀଛାତ୍ର ଅସୁସ୍ଥ ହୋଇଥିବା ନଜିର ରହିଛି। ତେଣୁ ପିଲାମାନଙ୍କ ସ୍ବାର୍ଥକୁ ଦୃଷ୍ଟିରେ ରଖି ବିଭାଗୀୟ ଅଧିକାରୀ, ସରପଞ୍ଚ, ସମିତି ସଭ୍ୟମାନେ ତୁରନ୍ତ ଯେଭଳି ରୋଷେଇ ଘର ନିର୍ମାଣ କରାଯିବ ସେ ନେଇ କାର୍ଯ୍ୟ କରିବାକୁ ଦାବି ହେଉଛି।


All Right Reserved By Dharitri.Com

ସୁବର୍ଣ୍ଣ ଜୟନ୍ତୀ ଲୋଗୋ ଉନ୍ମୋଚନ ଉତ୍ସବ: ତାଳଚେର କଲେଜକୁ ୟୁନିଭରସିଟି କରିବାକୁ ଦାବି

ତାଳଚେର,୧୯ା୧୨(ନି.ପ୍ର.) – ତାଳଚେର ସ୍ବୟଂଶାସିତ ମହାବିଦ୍ୟାଳୟର ସୁବର୍ଣ୍ଣ ଜୟନ୍ତୀ ପ୍ରତୀକ (ଲୋଗୋ) ଉନ୍ମୋଚନ ଉତ୍ସବ ବୁଧବାର କଲେଜ ପରିସରରେ ଅନୁଷ୍ଠିତ ହୋଇଯାଇଛି। ମୁଖ୍ୟ ଅତିଥିଭାବେ ରାଜ୍ୟ...

ପଦ୍ମପୁରରେ ଶ୍ରମ କମିଶନର

ପଦ୍ମପୁର, ୧୩।୯ (ଡି.ଏନ.ଏ): ରାଜ୍ୟ ଶ୍ରମ କମିଶନର ନିରଞ୍ଜନ ସାହୁ ଶୁକ୍ରବାର ଦିନିକିଆ ପଦ୍ମପୁର ଗସ୍ତରେ ଆସି ଦାଦନ ଶ୍ରମିକ ସମ୍ପର୍କିତ ଏକ ସମୀକ୍ଷା ବୈଠକରେ...

ନାକଚଣା ଦ୍ୱାରରେ ତିନିରଥ

ପୁରୀ ଅଫିସ,୧୦।୭: ଶ୍ରୀଗୁଣ୍ଡିଚା ମନ୍ଦିର ନାକଚଣା ଦ୍ୱାରରେ ପ୍ରସ୍ତୁତ ତିନି ରଥ। ମଙ୍ଗଳବାର ବଡ଼ଠାକୁର ବଳଭଦ୍ରଙ୍କ ତାଳଧ୍ୱଜ ରଥ ଏବଂ ଦେବୀ ସୁଭଦ୍ରାଙ୍କ ଦର୍ପଦଳନ ରଥ...

ଅଭିଯୁକ୍ତ ଗିରଫ, ବନ୍ଧୁକ ଜବତ

ବିଶୋଇ,୧୦ା୧୨(ଡି.ଏନ୍‌.ଏ.)- ମୟୂରଭଞ୍ଜ ଜିଲା ବିଶୋଇ ଥାନା ଅଞ୍ଚଳରେ ଶନିବାର ରାତିରେ ଗୁଳିକରି ମହିଳାଙ୍କୁ ହତ୍ୟା ଉଦ୍ୟମ ଘଟଣାର ପର୍ଦ୍ଦାଫାଶ ହୋଇଛି। ଭଜଣା ମୃତ୍ୟୁର ପ୍ରତିଶୋଧ ନେବା...

ଭିସୁଟ୍‌ରେ ଆନ୍ଦୋଳନ ମହଙ୍ଗା ପଡ଼ିଲା: ଅଧ୍ୟାପକ ବହିଷ୍କୃତ,୨ ନିଲମ୍ବିତ; ୧୫ ଜଣଙ୍କୁ କାରଣ ଦର୍ଶାଅ ନୋଟିସ

ସମ୍ବଲପୁର,୧୧।୮(ବ୍ୟୁରୋ): ସମ୍ବଲପୁର ବୁର୍ଲାସ୍ଥିତ ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱବିଦ୍ୟାଳୟ (ଭିସୁଟ୍‌)ରେ ଆନ୍ଦୋଳନ ଚଳାଇଥିବା ଅଧ୍ୟାପକମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ରାଜ୍ୟପାଳ ତଥା କୁଳାଧିପତିଙ୍କ...

ଚମ୍ପୁଆରେ ବିଜେଡି ପ୍ରାର୍ଥୀ ମିନାକ୍ଷୀ ବିଜୟୀ

ଚମ୍ପୁଆ, ୨୩।୫(ଡି.ଏନ.ଏ.)- କେନ୍ଦୁଝର ଜିଲା ଚମ୍ପୁଆ ବିଧାନସଭା ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ମିନାକ୍ଷୀ ମହାନ୍ତ ତାଙ୍କ ନିକଟତମ ପ୍ରତିଦ୍ୱନ୍ଦ୍ୱୀ ଭାଜପା ପ୍ରାର୍ଥୀ ମୁରଲୀ...

ଫୁଲ ଚାଷ ଆଣିଛି ନୂଆ ଆଶା

କେନ୍ଦୁଝର, ୫ା୩ (ସ୍ବ.ପ୍ର.)-ପାରମ୍ପରିକ କୃଷିଠାରୁ ଚାଷୀମାନେ ମୁହଁ ଫେରାଇ କ୍ରମେ ଅଣପାରମ୍ପରିକ କୃଷି ପ୍ରତି ମନ ବଳାଉଛନ୍ତି। ଜଳବାୟୁ ପରିବର୍ତ୍ତନ, ଅନିୟମିତ ବର୍ଷା ଆଦି କାରଣରୁ...

ଦେବକୁଣ୍ଡରେ ପିକ୍‌ନିକ୍‌ ପାର୍ଟିଙ୍କ ଭିଡ଼

ଉଦଳା,୨୬ା୧୨(ଡି.ଏନ୍‌.ଏ.) – ବଡ଼ଦିନ ଉପଲକ୍ଷେ ପର୍ଯ୍ୟଟନସ୍ଥଳୀ ଦେବକୁଣ୍ଡରେ ବୁଧବାର ପିକ୍‌ନିକ୍‌ ପାର୍ଟିଙ୍କ ଭିଡ଼ ଜମିଥିଲା। ଦେବକୁଣ୍ଡର ପ୍ରଥମ ବୁଢାମରା ଗେଟ୍‌ରେ ଇକୋ ଟୁରିଜିମ୍‌ ସହାୟତାରେ ନିର୍ମାଣ...

Leave a comment

Your email address will not be published. Required fields are marked *