ଶ୍ରେଷ୍ଠ ପାଞ୍ଚ ଜଳବିଦ୍ୟୁତ ପ୍ରକଳ୍ପ

ବାଲିମେଳା

ମାଲକାନଗିରି ଜିଲା କୋରକୁଣ୍ଡା ବ୍ଲକ୍‌ ଅନ୍ତର୍ଗତ ବାଲିମେଳାଠାରେ ୧୯୭୩ ମସିହାରେ ବାଲିମେଳା ଜଳବିଦ୍ୟୁତ୍‌ ପ୍ରକଳ୍ପ ସ୍ଥାପିତ ହୋଇଛି । ଏହାର ଆରମ୍ଭରୁ ୬ଟି ଟର୍ବାଇନ୍‌ ଲାଗିଥିଲା ବେଳେ ୬୦ ମେଗାଓ୍ବାଟ୍‌ ଉତ୍ପାଦନ କ୍ଷମତା ରହିଥିଲା। ବର୍ତ୍ତମାନ ନୂତନ ଭାବେ ୨ଟି ନିର୍ମାଣ ହେବା ପରେ ଏହାର କ୍ଷମତା ୭୫ ମେଗାଓ୍ବାଟ୍‌କୁ ବୃଦ୍ଧି ପାଇଛି। ପୂର୍ବରୁ ୩୬୦ ମେଗାଓ୍ବାଟ୍‌ର ବିଦ୍ୟୁତ୍‌ଶକ୍ତି ବାହାରୁ ଥିବାବେଳେ ଏବେ ୫୧୦ ମେଗାଓ୍ବାଟ୍‌ ବିଦ୍ୟୁତ୍‌ ଉତ୍ପାଦନ ହେଉଛି। ଏଠାରେ ଏସିଆର ଦ୍ୱିତୀୟ ମାଟିବନ୍ଧ ଚିତ୍ରକୋଣ୍ଡା ଡ୍ୟାମ୍‌ ଅଛି। ସିଲେରୁ ନଦୀ ଉପରେ ଏହି ବାଲିମେଳା ଜଳବିଦ୍ୟୁତ୍‌ ପ୍ରକଳ୍ପ ନିର୍ମିତ ହୋଇଛି।

ଇନ୍ଦ୍ରାବତୀ

କଳାହାଣ୍ଡି ଜିଲା ମୁଖିଗୁଡ଼ାରେ ଇନ୍ଦ୍ରାବତୀ ଜଳବିଦ୍ୟୁତ୍‌ ପ୍ରକଳ୍ପ ରହିଛି। ଇନ୍ଦ୍ରାବତୀ, ମୁରନା, କପୁର, ପୋଡାଗଡ ଡ୍ୟାମର ପାଣିକୁ ସଂରକ୍ଷିତ କରାଯାଇ ମୁଖିଗୁଡାଠାରେ ଇନ୍ଦ୍ରାବତୀ ବିଦ୍ୟୁତ୍‌ ପ୍ରକଳ୍ପ କରାଯାଇଛି। ୧୯୯୯ ମସିହାରୁ ବିଦ୍ୟୁତ୍‌ ଉତ୍ପାଦନ ଆରମ୍ଭ ହୋଇଛି। ଏଥିରେ ୧୫୦ ମେଗାଓ୍ବାଟର ୪ଟି ଟର୍ବାଇନ ବ୍ୟବହୃତ ହୋଇ ୬୦୦ ମେଗାଓ୍ବାଟର ବିଦ୍ୟୁତ୍‌ ଉତ୍ପାଦନ ହେଉଛି। କଳହାଣ୍ଡି ଜିଲା ମହୁଲପାଟଣା ନିକଟରେ ଟନେଲର ମୁହାଣ ରହିଛି।

ଅପରକୋଲାବ

କୋରାପୁଟରୁ ୧୫ କିମି ଦୂର କେରେଙ୍ଗା ପଞ୍ଚାୟତରେ ରହିଛି ଅପରକୋଲାବ ଜଳବିଦ୍ୟୁତ୍‌ ପ୍ରକଳ୍ପ। ୧୯୮୫ ମସିହାରୁ ଏହା କାର୍ଯ୍ୟକ୍ଷମ ହୋଇଛି। ଏଥିରୁ ଦୈନିକ ହାରାହାରି ୫୦ ମେଗାଓ୍ବାଟ୍‌ ବିଦ୍ୟୁତ୍‌ ଉତ୍ପାଦନ ହେଉଛି। ଏଠାକୁ ଯିବା ପାଇଁ କୋରାପୁଟ ଦେବୀଘାଟ ଛକ ଠାରୁ ଗାଡ଼ିର ସୁବିଧା ଅଛି। ବିଶେଷ କରି ଡିସେମ୍ବର ଓ ଜାନୁୟାରୀରେ ପର୍ଯ୍ୟଟକଙ୍କ ଭିଡ଼ ଜମେ। କୋଲାବରେ ଡ୍ୟାମ୍‌ ସହ ପିଲାଙ୍କ ପାଇଁ ସାଇନ୍ସ ପାର୍କ ରହିଛି।

ମାଛକୁଣ୍ଡ

ଆନ୍ଧ୍ର ଓ ଓଡିଶା ସୀମାନ୍ତର କୋରାପୁଟ ଜିଲା ଲମ୍‌ତା ବ୍ଲକର ଅନକାଡେଲି ପଞ୍ଚାୟତରେ ରହିଛି ମାଛକୁଣ୍ଡ ଜଳବିଦ୍ୟୁତ୍‌ ପ୍ରକଳ୍ପ। ଏହା ୧୯୫୫ ମସିହାରୁ କାର୍ଯ୍ୟକ୍ଷମ ହୋଇଛି। ଏଥିରେ ୬ଟି ଟର୍ବାଇନ ରହିଛି। ଏହାର ୧୨୦ ମେଗାଓ୍ବାଟ୍‌ ବିଦ୍ୟୁତ୍‌ ଉତ୍ପାଦନର କ୍ଷମତା ଅଛି। ୩ଟିରେ ୧୭ ମେଗାଓ୍ବାଟ୍‌ ଉତ୍ପାଦନ ହେଉଥିବା ବେଳେ ଆଉ ୩ଟିରେ ୨୩ ମେଗାଓ୍ବାଟ୍‌ ଲେଖାଏ ବିଦ୍ୟୁତ୍‌ ଉତ୍ପାଦନ ହେଉଛି। ପର୍ଯ୍ୟଟକଙ୍କ ବୁଲିବା ପାଇଁ ରହିଛି ସୁନ୍ଦର ପରିବେଶ। ସେଥିମଧ୍ୟରୁ ଡୁଡୁମା ଜଳପ୍ରପାତ ଅନ୍ୟତମ।

ହୀରାକୁଦ

ସମ୍ବଲପୁର ଜିଲାରେ ରହିଛି ଏସିଆର ବୃହତ୍ତମ ନଦୀବନ୍ଧ ହୀରାକୁଦ। ଏହା ସମ୍ବଲପୁର ସହରଠାରୁ ୧୫ କି.ମି. ଦୂରରେ ଅବସ୍ଥିତ। ୧୯୪୮ ମସିହାରେ ଏହି ବହୁମୁଖୀ ନଦୀବନ୍ଧ ଯୋଜନା ଆରମ୍ଭ ହୋଇଥିଲା। ଏହାର ଦୈର୍ଘ୍ୟ ୧୫,୭୪୮ ଫୁଟ। ଏଥିମଧ୍ୟରୁ ମାଟି ବନ୍ଧର ଦୈର୍ଘ୍ୟ ୧୧,୯୮୦ ଫୁଟ ଓ କଂକ୍ରିଟ ବନ୍ଧର ଦୈର୍ଘ୍ୟ ୩,୭୬୮ ଫୁଟ ରହିଛି। ଏହି ବିଶାଳ ଜଳଭଣ୍ଡାରର ଆୟତନ ୭୪୩ ବର୍ଗ କିଲୋମିଟର। ଏଠାକାର ଜଳବିଦ୍ୟୁତ୍‌ ପ୍ରକଳ୍ପର ବୁର୍ଲା ପାଓ୍ପାର ପ୍ଲାଣ୍ଟର ୭ଟି ୟୁନିଟରେ ଦୈନିକ ୨୭୫.୮୬ ମେଗାଓ୍ବାଟ ଓ ଚିପିଲିମା ପାଓ୍ବାର ପ୍ଲାଣ୍ଟରୁ ୩ଟି ୟୁନିଟ୍‌ରେ ଦୈନିକ ୭୨ ମେଗାଓ୍ବାଟ ବିଦ୍ୟୁତ୍‌ ଉତ୍ପାଦନ ହେବାର କ୍ଷମତା ରହିଛି। ମାତ୍ର ବର୍ତ୍ତମାନ ସବୁ ୟୁନିଟ ଚାଲୁ ନ ଥିବାରୁ ବୁର୍ଲାରେ ଦୈନିକ ୧୯୫ ମେଗାଓ୍ବାଟ ଓ ଚିପିଲିମାରେ ୪୪ ମୋଗାଓ୍ବାଟ ବିଦ୍ୟୁତ୍‌ ଉତ୍ପାଦନ ହେଉଛି। ସୂଚନାଯୋଗ୍ୟ ଯେ, ୧୯୫୭ ଜାନୁୟାରୀ ୧୩ ତାରିଖରେ ତତ୍କାଳୀନ ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ଏହି ବହୁମୁଖୀ ଯୋଜନାକୁ ଉଦ୍‌ଘାଟନ କରିଥିଲେ।


All Right Reserved By Dharitri.Com

ଶ୍ରେଷ୍ଠ ପାଞ୍ଚ ଷ୍ଟାଡିୟମ

ଡ୍ରିମ୍ସ ଗ୍ରାଉଣ୍ଡ କଟକର ଟାଙ୍ଗୀଠାରେ ରହିଛି ଡ୍ରିମ୍‌ସ ଷ୍ଟାଡିୟମ। ଏଠାରେ ବିସିସିଆଇର ଅନେକ ଘରୋଇ କ୍ରିକେଟ ଟୁର୍ନାମେଣ୍ଟ ଖେଳାଯାଇଛି। ଗତ ୨୦୧୩ ମସିହାରେ ଭାରତରେ ହୋଇଥିବା...

ଓଡ଼ିଶାର ଶ୍ରେଷ୍ଠ ପାଞ୍ଚ ଜଳ ପ୍ରପାତ

ସାନଘାଗରା ଜଳପ୍ରପାତ କେନ୍ଦୁଝର ସହରଠାରୁ ମାତ୍ର ୬ କି.ମି. ଦୂରରେ ରହିଛି ସାନଘାଘରା ଜଳପ୍ରପାତ। ସାନମାଛ କାନ୍ଦଣା ନଦୀର ଜଳ ଏଠାରେ ତଳକୁ ବିରାଟକାୟ ସ୍ରୋତରେ...

ଶ୍ରେଷ୍ଠ ପାଞ୍ଚ ସଂଗ୍ରହାଳୟ

ଆଞ୍ଚଳିକ ପ୍ରାକୃତିକ ସଂଗ୍ରହାଳୟ ରିଜିଓନାଲ ମ୍ୟୁଜିୟମ ଅଫ୍‌ ନାଚୁରାଲ ହିଷ୍ଟ୍ରି(ଆଞ୍ଚଳିକ ପ୍ରାକୃତିକ ସଂଗ୍ରହାଳୟ)। ଭୁବନେଶ୍ୱରର ସଚିବାଳୟ ମାର୍ଗରେ ଆଚାର୍ଯ୍ୟ ବିହାର ଛକ ନିକଟରେ ଅବସ୍ଥିତ। କେନ୍ଦ୍ର...

କଟକ ଦହିବରା ଆଳୁଦମ

ବାରବାଟୀ ଷ୍ଟାଡିୟମର ରମେଶ ଗୋଛି ସକାଳ ୭ଟାରୁ ଆରମ୍ଭ କରି ରାତି ୧୦ଟା ଯାଏ ବାରବାଟୀ ଷ୍ଟାଡିୟମ ନିକଟରେ ରମେଶଙ୍କ ଷ୍ଟଲ ଖୋଲିଥାଏ। ପରିବାରର ସବୁ...

ଶ୍ରେଷ୍ଠ ପାଞ୍ଚ ପୁରୀର ମଠ

ହାତୀ ଆଖଡ଼ା ମଠ ପୁରୀ ବଳଗଣ୍ଡି ନିକଟରେ ବଡ଼ଦାଣ୍ଡର ମୁଖ୍ୟ ରାସ୍ତାରେ ହାତୀ ଆଖଡା ମଠ ଅବସ୍ଥିତ। ଶ୍ରୀରାମାନନ୍ଦୀ ସମ୍ପ୍ରଦାୟର ନିର୍ବାଣୀ ଆଖଡା ରୂପେ ଏହା...

ଶ୍ରେଷ୍ଠ ପାଞ୍ଚ ପୁଷ୍କରିଣୀ

ଚନ୍ଦନେଶ୍ୱର ଜୀଉଙ୍କ ନୀଳ, ମଣ୍ଡନ ଓ ହାକାଣ୍ଡ ପୋଖରୀ ବାଲେଶ୍ୱର ଜିଲା ଭୋଗରାଇରେ ଅବସ୍ଥିତ ଚନ୍ଦନେଶ୍ୱର ଜୀଉଙ୍କ ପ୍ରସିଦ୍ଧ ଶୈବପୀଠ। ମନ୍ଦିର ଇଶାନ କୋଣରେ ଅଛି...

ଶ୍ରେଷ୍ଠ ପାଞ୍ଚ ଓଡ଼ିଶାର ପ୍ରସିଦ୍ଧ ଶୈବପୀଠ

ହରିଶଙ୍କର ବଲାଙ୍ଗୀରଠାରୁ ୮୦ କି.ମି. ଦୂରରେ ଗନ୍ଧମାର୍ଦ୍ଦନ ପର୍ବତ ପାଦଦେଶରେ ଅବସ୍ଥିତ ପ୍ରସିଦ୍ଧ ତୀର୍ଥ ତଥା ଶୈବପୀଠ ହରିଶଙ୍କର। ଏଠାକାର ମନ୍ଦିରର ପରିବେଶ ଏବଂ ଆକର୍ଷଣୀୟ...

ଶ୍ରେଷ୍ଠ ପାଞ୍ଚ ଭୁବନେଶ୍ୱର ରସଗୋଲା

ଛପନ ଭୋଗ ବିଭିନ୍ନ ପ୍ରକାର ମିଠା ବିଶେଷକରି ବଙ୍ଗଳା ମିଠା ପାଇଁ ପ୍ରସିଦ୍ଧି ଲାଭ କରିଥିବା ଜୟଦେବ ବିହାର ଛକସ୍ଥିତ ଛପନ ଭୋଗ ସୁଇଟ୍ସ ବିଭିନ୍ନ...

Leave a comment

Your email address will not be published. Required fields are marked *