ଟ୍ରି-ମ୍ୟାନ ପ୍ରଭାସଙ୍କ ଘରେ ଅଷ୍ଟ୍ରେଲୀୟ ଛାତ୍ରୀଛାତ୍ର

କଟକ ଅଫିସ,୧୪ା୧:ପ୍ରେମରେ ବନ୍ଧା ହୋଇଛି ସମଗ୍ର ବିଶ୍ୱ। ଖୁବ୍‌ କମ୍‌ ଲୋକ ଥାଆନ୍ତି, ଯେଉଁମାନେ ପ୍ରକୃତି ପ୍ରେମରେ ବାନ୍ଧି ହୋଇ ରୁହନ୍ତି। ଫୁଲନଖରା ସାଶୋଳ ଗ୍ରାମର ପ୍ରଭାସ ମଙ୍ଗରାଜ(୪୮)। ସକାଳୁ ଉଠିଲେ ଗଛକୁ ଧରି ବସନ୍ତି। ଗଛ ପ୍ରତି ତାଙ୍କର ରହିଛି ଅପୂର୍ବ ଆବିଳତା। ଏବେ ସୁଦ୍ଧା ୮୦ହଜାରରୁ ଅଧିକ ଗଛ ସେ ଲଗାଇ ସାରିଲେଣି। ଏଣୁ ସ୍ଥାନୀୟ ଅଞ୍ଚଳରେ ତାଙ୍କୁ ଟ୍ରି-ମ୍ୟାନ ଭାବେ ପରିଚୟ ମିଳିଛି। ଗତ ରବିବାର ଅଷ୍ଟ୍ରେଲିଆର ସ୍କଲାର ଛାତ୍ରୀଛାତ୍ର ପ୍ରଭାସଙ୍କ ଘରକୁ ଆସି ଜୈବିକ ପଦ୍ଧତିରେ ଚାଷ କିପରି ହୁଏ ସେ ବିଷୟରେ ପଚାରି ବୁଝିଥିଲେ।

୮ମ ଶ୍ରେଣୀ ପଢୁଥିବାବେଳେ ଗଛ ଲଗାଇବା ଆରମ୍ଭ କରିଥିଲେ ପ୍ରଭାସ। ପ୍ରଥମେ ଗଁା ସ୍କୁଲ, ମନ୍ଦିର ନିକଟରେ କିଛି ଗଛ ଲଗାଇଥିଲେ। ଏହି ଇଚ୍ଛା ଏବେ ଅଭ୍ୟାସ ପାଲଟିଯାଇଛି। ରାଜ୍ୟ ସାରା ବୁଲିବୁଲି ସେ ଗଛ ଲଗାଉଛନ୍ତି। କଟକ ସମେତ ଜଗତ୍‌ସିଂହପୁର, ଖୋର୍ଦ୍ଧା, ପୁରୀ ଅଞ୍ଚଳରେ ସେ ଗଛ ଲଗାଇଛନ୍ତି। ଅଷ୍ଟ୍ରେଲିଆର ‘ଏଭରେଷ୍ଟ’ ପ୍ରକଳ୍ପର ୧୪ଜଣ ସ୍କଲାର ଛାତ୍ରୀଛାତ୍ର ପ୍ରଭାସଙ୍କ ଘରେ ରବିବାର ସକାଳେ ପହଞ୍ଚିଥିଲେ। ଗ୍ରାମାଞ୍ଚଳରେ ଚାଷୀମାନେ କେଉଁ ପ୍ରକାର ସମସ୍ୟାର ସମ୍ମୁଖୀନ ହେଉଛନ୍ତି, ଜୈବିକ ପଦ୍ଧତିରେ କିପରି ଅଧିକ ଅମଳ କରିହେବ ସେ ସମ୍ପର୍କରେ ଦୀର୍ଘ ଘଣ୍ଟାର ଆଲୋଚନା ହୋଇଥିଲା ବୋଲି ପ୍ରଭାସ କହିଛନ୍ତି।
ପ୍ରଭାସଙ୍କ ସମ୍ପର୍କରେ ଅଷ୍ଟ୍ରେଲୀୟ ଛାତ୍ରୀଛାତ୍ରମାନେ ବହୁ ଆଗରୁ ଅବଗତ ଥିଲେ। ବୃକ୍ଷଲତା ବିଷୟରେ ପ୍ରଭାସଙ୍କର ବିଶେଷ ଜ୍ଞାନ ରହିଥିବା ଖବରପାଇ ସେମାନେ କିଛି ଦିନ ପୂର୍ବେ ଯୋଗାଯୋଗ କରିଥିଲେ। ଅଷ୍ଟ୍ରେଲିଆର ‘ଏଭରେଷ୍ଟ’ ପ୍ରକଳ୍ପର ଅନେକ ବରିଷ୍ଠ ଅଧିକାରୀଙ୍କ ସହ ମଧ୍ୟ ପ୍ରଭାସ କଥାବାର୍ତ୍ତା ହୁଅନ୍ତି। ଅଷ୍ଟ୍ରେଲୀୟ ସ୍କଲାରମାନେ ଅଧିକ ମାତ୍ରାରେ ଜୈବିକ ପଦ୍ଧତି ଚାଷ ପ୍ରଣାଳୀ ଜାଣିବାକୁ ଚାହୁଁଥିଲେ ବୋଲି ପ୍ରଭାସ କହିଛନ୍ତି। ରାସାୟନିକ ସାର ବ୍ୟବହାର ନ କରି କିପରି ଭଲ ଚାଷ କରିହେବ ତାହା ଜାଣିବାକୁ ସେମାନେ ଅଧିକ ଆଗ୍ରହୀ ଥିଲେ। ଏହାଛଡ଼ା ପାଣିର ସ୍ତର କମିବା ପରେ ଚାଷ କାର୍ଯ୍ୟରେ କ’ଣ ପ୍ରଭାବ ପଡ଼ିବ ସେ ବିଷୟରେ ମଧ୍ୟ ସେମାନେ ପ୍ରଶ୍ନ ପଚାରିଥିଲେ। ଆଗାମୀ ଦିନରେ ‘ଏଭରେଷ୍ଟ’ ପ୍ରକଳ୍ପର ଅନ୍ୟ ସ୍କଲାର ଛାତ୍ରୀଛାତ୍ର ମଧ୍ୟ ଆସିବା ନିମନ୍ତେ ଯୋଜନା ରହିଛି ବୋଲି ପ୍ରଭାସ କହିଛନ୍ତି। ତେବେ ପରିବାରର ସମସ୍ତେ ସାମରିକ ବାହିନୀରେ କାର୍ଯ୍ୟ କରୁଥିଲାବେଳେ ଆପଣ ଗଛ ପାଇଁ ଏପରି ଭଲ ପାଇବା କିପରି ହେଲା ବୋଲି ପଚାରିବାରୁ ସେ କହିଥିଲେ, ବାପା ସ୍ବର୍ଗତଃ ରାମଚନ୍ଦ୍ର ମଙ୍ଗରାଜ ଦୁଇଟି ଯୁଦ୍ଧରେ ଭାରତୀୟ ଆର୍ମିରେ ସାମିଲ ହୋଇଥିଲେ। ମା’ ମେନକା ସୁନ୍ଦରୀ ମଙ୍ଗରାଜ ଜଣେ ଗୃହିଣୀ। ଦୁଇ ଭାଇ ରମେଶ ଓ ପରେଶ ଫ୍ଲାଇଙ୍ଗ ଅଫିସର ଭାବେ ଇଣ୍ଡିଆନ ଏୟାରଫୋର୍ସରେ କାର୍ଯ୍ୟ କରନ୍ତି। ହେଲେ ପ୍ରକୃତି ପ୍ରତି ସମସ୍ତଙ୍କର ଅଳ୍ପବହୁତ ଭଲପାଇବା ଥିଲା, ଯାହାର ପ୍ରଭାବ ମୋ ଉପରେ ଅଧିକ ପଡ଼ିଛି। ପିଲାଟି ବେଳୁ ପକେଟ୍‌ ଖର୍ଚ୍ଚକୁ ବ୍ୟବହାର କରି ଗଁା ପିଲାଙ୍କୁ ମେଳ କରେ। ସେମାନଙ୍କୁ ଧରି ନିଜ ଗଁା ସମେତ ଆଖପାଖ ଗଁାରେ ଗଛ ଲଗାଏ। ସାମୂଦ୍ରିକ ଝଡ଼ ଫନୀ ସମୟରେ ପ୍ରାୟ ୫ହଜାର ଗଛକୁ ପୁନର୍ଜୀବିତ କରିବା ପାଇଁ ସେ ଉଦ୍ୟମ କରିଥିଲେ ବୋଲି ପ୍ରଭାସ କହିଥିଲେ। ଫନୀରେ କିଛି ଗଛ କେବଳ ଭାଙ୍ଗି ଯାଇଥିଲେ ମଧ୍ୟ ମୂଳରୁ ଉପୁଡ଼ି ନ ଥିଲା। ହେଲେ ଏହାକୁ କାଟି ରାସ୍ତାରୁ ହଟାଇବାକୁ ଚେଷ୍ଟା କରାଯାଉଥିଲା। ଏଠାରେ ଆମେ ପହଞ୍ଚି ଅନେକ ଗଛକୁ ରକ୍ଷା କରିଥିଲୁ ବୋଲି ପ୍ରଭାସ କହିଛନ୍ତି। ପ୍ରଭାସଙ୍କର ‘ଗ୍ରୀନ ୱାରିୟର’ ନାମରେ ଏକ ଟିମ୍‌ ମଧ୍ୟ ରହିଛି।


All Right Reserved By Dharitri.Com

ବରଯାତ୍ରୀ ସହ କନ୍ୟାଘରେ ପହଞ୍ଚିଲେ ମହାଦେବ:ଦେବଦମ୍ପତିଙ୍କ ବିବାହ ସମ୍ପନ୍ନ

ସମ୍ବଲପୁର, ୮ା୬ (ବ୍ୟୁରୋ): ଜ୍ୟେଷ୍ଠ ମାସ ଶୁକ୍ଲପକ୍ଷ ପଞ୍ଚମୀ ତିଥିରେ ଦେବ ଦେବ ମହାଦେବ ବରାତିରେ ନଗର ପରିକ୍ରମା କରି କନ୍ୟାଘରେ ପହଞ୍ଚିଥିଲେ। ଏଥିସହ ଷଷ୍ଠୀ...

ସ୍ନାନ ସମୟରେ ଯୁବତୀଙ୍କ ଫଟୋ ଉଠାଇ ନିର୍ଧୁମ ଛେଚା ଖାଇଲେ ଯୁବକ

ବସ୍ତା,୨୯।୧୦(ସ୍ବ.ପ୍ର.): ବାଲେଶ୍ୱର ଜିଲା ବସ୍ତା ବ୍ଲକ ଅଞ୍ଚଳର ଜନୈକ ଯୁବତୀ ସୋମବାର ସ୍ନାନ କରୁଥିବାବେଳେ ଜଣେ ଯୁବକ ଗୋପନରେ ତାଙ୍କ ଭିଡିଓ ଓ ଫଟୋ ଉଠାଉଥିବା...

ବିଦ୍ୟୁତ୍‌ ବିଲ୍‌ ଆଦାୟ ଦାୟିତ୍ୱ ପ୍ରଦାନରେ ରାଜନୈତିକ ଚାପ:  ସମାଧାନ ନ ହେଲେ ଆନ୍ଦୋଳନ ଚେତାବନୀ

କନିଷି,୧୨ା୯(ଡି.ଏନ.ଏ.)-ବ୍ରହ୍ମପୁର ସାଉଥ୍‌କୋ ୟୁଟିଲିଟି ଅଧୀନ କନିଷି ସବଡିଭିଜନର ସ୍ବୟଂ ସହାୟିକା ଗୋଷ୍ଠୀକୁ ବିଦ୍ୟୁତ୍‌ ବିଲ ଆଦାୟ ଦାୟିତ୍ୱ ପ୍ରଦାନରେ ରାଜନୈତିକ ଚାପକୁ ନେଇ ଅସନ୍ତୋଷ ବୃଦ୍ଧି...

ଆଉ ନୂଆ ୧୭ ଏନ୍‌ଏସି ଗଠନ ହେବ

ଭୁବନେଶ୍ୱର, ୩୧।୭(ବ୍ୟୁରୋ): ରାଜ୍ୟରେ ଆଉ ୧୭ଟି ନୂଆ ବିଜ୍ଞାପିତ ଅଞ୍ଚଳ ପରିଷଦ(ଏନ୍‌ଏସି) ଗଠନ ହେବ। କେବଳ ଜନସଂଖ୍ୟା ନୁହେଁ, ସେଠାକାର ଭୌଗୋଳିକ ପରିସ୍ଥିତି, ରାଜସ୍ବ ଆୟ...

ସମାଜ ଲାଗି ଉଦାହରନ୍‌ ସାଜିଛନ୍‌ ହେମକାନ୍ତି

ବିଜେପୁର, ୧୮।୧୨ (ଡି.ଏନ୍‌.ଏ.)-ଟୁକେଲ୍‌ ଜନମ୍‌ ପର୍‌ଗୋତ୍‌ରି। ଏକା ପୁଓଟା ବୁଢ଼ାକାଲେ ମାଆବାପ୍‌କେ ସାହା ହେବା ବଲି ଆମର ସମାଜରେ ଗୁଟେ ବିଶୁଆସ ରହିଛେ। ହେଲେ ଏହେଦେ...

ମନ୍ତ୍ରୀଙ୍କ କନ୍ଧମାଳ ଗସ୍ତ: ଉଦ୍‌ଘାଟନ କଲେ ବିଭିନ୍ନ ପ୍ରକଳ୍ପ

ଦାରିଙ୍ଗବାଡ଼ି,୧୧।୧୨(ଡି.ଏନ୍‌.ଏ.):କନ୍ଧମାଳ ଜିଲାର ଦାରିଙ୍ଗବାଡ଼ିକୁ ବୁଧବାର ପୂର୍ତ୍ତ, ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ କୁମାର ମଲ୍ଲିକ ଗସ୍ତକରି ବିଭିନ୍ନ ପ୍ରକଳ୍ପ ଉଦ୍‌ଘାଟନ କରିଛନ୍ତି। ସେ ପୂର୍ବାହ୍ନରେ...

୩୦ପେଟି ଦେଶୀ ମଦ ଜବତ, ୨ ଗିରଫ

ଗୋପ,୩୦ା୪(ଡି.ଏନ.ଏ): କରୋନା ରୋକିବା ପାଇଁ ଲକଡାଉନ ଜାରି ହୋଇଥିବାବେଳେ ସମସ୍ତ ଦୋକାନ ବଜାର ବନ୍ଦ ରହିଛି। ହେଲେ ଗୋପ ଥାନା ଅଞ୍ଚଳରେ ଚୋରାରେ ମଦ ବିକ୍ରି...

କେନ୍ଦୁପତ୍ର କର୍ମଚାରୀ ସଂଘର ଧାରଣା

ଫୁଲବାଣୀ ଅଫିସ/ ଫିରିଙ୍ଗିଆ,୩ା୩ କେନ୍ଦୁପତ୍ର ତୋଳାଳି, ଶ୍ରମିକ ଓ ସାମୟିକ କର୍ମଚାରୀଙ୍କ ୭ ଦଫା ଦାବି ନେଇ କେନ୍ଦୁପତ୍ର କର୍ମଚାରୀ ସଂଘ ପକ୍ଷରୁ ସୋମବାରଠାରୁ ୨ଦିନିଆ...

Leave a comment

Your email address will not be published. Required fields are marked *