ଇଜିମାଇଲ ଜମି ଉପରେ ବିଜୁ ପକ୍କାଘର ନିର୍ମାଣ ଅଭିଯୋଗ:ତ୍ରୁଟିପୂର୍ଣ୍ଣ ପଟ୍ଟା ଦେଇ ସରକାରୀ ଅର୍ଥ ହଡ଼ପ

ରସୁଲପୁର,୧୩ା୧(ଡିଏନଏ): କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଓ ରାଜ୍ୟ ସରକାରଙ୍କ ବିଜୁ ପକ୍କାଘର ଯୋଜନାରେ ବାସହୀନଙ୍କୁ ଗୃହ ଯୋଗାଇ ଦିଆଯାଉଛି। ତେବେ ଏ ନେଇ ରହିଥିବା ନିୟମାବଳୀକୁ କଡାକଡ଼ି ପାଳନ କରାଯାଉ ନାହିଁ। ସର୍ବୋପରି ହିତାଧିକାରୀ ଦାଖଲ କରୁଥିବା ଜମିଜମା ସମ୍ପର୍କିତ କାଗଜପତ୍ରକୁ ଆଦୌ ଯାଞ୍ଚ କରା ନଯାଇ କାର୍ଯ୍ୟାଦେଶ ପ୍ରଦାନ କରାଯାଉଛି। ଫଳରେ ହିତାଧିକାରୀ ଅନ୍ୟ ଏକ ସ୍ଥାନର ଜମିଜମା ସମ୍ପର୍କିତ ପଟ୍ଟା ପ୍ରଦାନ କରି ଆଉ ଏକ ଜମି ଉପରେ ସରକାରୀ ଆବାସ ନିର୍ମାଣ କରୁଛନ୍ତି। ଏ ଦିଗରେ ଅଭିଯୋଗ ହେବା ପରେ ବି ବ୍ଲକ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନାହିଁ। ତଦନ୍ତ ଅଧିକାରୀ ଅଭିଯୋଗକୁ ଅଣଦେଖା କରି ଘର ନିର୍ମାଣ ବାବଦକୁ ବିଲ୍‌ ପୈଠ କରୁଥିବା ଅଭିଯୋଗ ହୋଇଛି। ଏଭଳି ଅଭିଯୋଗ ଯାଜପୁର ଜିଲା ରସୁଲପୁର ବ୍ଲକ ନରସିଂହପୁର ପଞ୍ଚାୟତ ହରିପୁର ଗ୍ରାମର ଶଙ୍କର୍ଷଣ ମହାପାତ୍ର କରିଛନ୍ତି।
ପ୍ରକାଶ ଯେ, ୨୦୧୭-୧୮ ଆର୍ଥତ୍କ ବର୍ଷରେ ବିଶ୍ୱନାଥ ମହାପାତ୍ରଙ୍କୁ ବିଜୁ ପକ୍କାଘର ଯୋଜନାରେ ୧.୩୦ ଲକ୍ଷ ଟଙ୍କାର କାର୍ଯ୍ୟାଦେଶ ଦିଆଯାଇଥିଲା। ହିତାଧିକାରୀଙ୍କୁ କାର୍ଯ୍ୟାଦେଶ ସଂଖ୍ୟା-୫୫୪୭/୨୧।୧୦।୨୦୧୭ରେ ବ୍ଲକରୁ କାର୍ଯ୍ୟାଦେଶ ପ୍ରଦାନ କରାଯାଇଥିଲା। ଏହି କାର୍ଯ୍ୟାଦେଶ ହାତେଇବା ପୂର୍ବରୁ ହିତାଧିକାରୀ ବିଶ୍ୱନାଥ ଖାତା ନଂ-୪୯୬ ଓ ପ୍ଲଟ ନଂ୨୧୬୨ ଉପରେ ୧୩ ଡିସିମିଲ ଓ ୨୧୬୩ ଉପରେ ୬ ଡିସିମିଲ ଉପରେ ଘର କରିବା ପାଇଁ ଜମିଜମା ସମ୍ପର୍କିତ ପ୍ରମାଣପତ୍ର ଦାଖଲ କରିଥିଲେ। ମାତ୍ର ପରବର୍ତ୍ତୀ ସମୟରେ ସେ ସେହି ଜମି ଉପରେ ଘର ନିର୍ମାଣ କରା ନ ଯାଇ ଏକ ଇଜିମାଇଲ ସମ୍ପତି ଖାତା ନଂ-୪୯୯ ଓ ପ୍ଲଟ ନଂ-୨୧୫୬ ଉପରେ ଘର ନିର୍ମାଣ କରୁଛନ୍ତି। ଏହି ଜମିଜମାକୁ ପାର୍ଟିସନ କେସ୍‌ ନଂ-୩୦୯/୨୦୦୯ରୁ ସିଭିଲ କୋର୍ଟରେ ମାମଲା ବିଚରାଧୀନ ରହିଛି। ଏଥିସହ ଉକ୍ତ ମାମଲାରେ କୋର୍ଟ ୯ ଏପ୍ରିଲ, ୨୦୧୦ରେ ପକ୍ଷଙ୍କୁ ସ୍ଥିତାବସ୍ଥା ବଜାୟ ରଖିବାକୁ ନିର୍ଦ୍ଦେଶ ଦେଇଥିଲେ। ହିତାଧିକାରୀ ଏହାକୁ ଖିଲାପ କରିବା ସହ ବିବାଦୀୟ ଜମିରେ ଘର ନିର୍ମାଣ କରି ଏ ବାବଦରେ ୨ଟି କିସ୍ତିରେ ୫୫,୦୦୦ଟଙ୍କା ହାତେଇ ସାରିଲେଣି। ଏବେ ଛାତସ୍ତର ପର୍ଯ୍ୟନ୍ତ ନିର୍ମାଣ ସାରି ବିଲ୍‌ ହାତେଇବାକୁ ଯୋଜନା କରୁଛନ୍ତି। ଏ ଦିଗରେ ନିର୍ବାହୀ ଅଧିକାରୀ ତାଙ୍କୁ ସହଯୋଗ କରୁଛନ୍ତି ବୋଲି କହୁଛନ୍ତି। ଏ ସମ୍ପର୍କରେ ବିଶ୍ୱନାଥଙ୍କ ପକ୍ଷ ଯାଜପୁର ଜିଲାପାଳ ଓ ରସୁଲପୁର ବିଡିଓଙ୍କ ନିକଟରେ ଅଭିଯୋଗ କରିଆସୁଛନ୍ତି। ଉକ୍ତ ଅଭିଯୋଗ ବ୍ଲକ ପ୍ରଶାସନ ପାଇଁ ମୂଲ୍ୟହୀନ ହୋଇପଡିଛି। ଅଭିଯୋଗ ପାଇବା ପରେ ନିର୍ବାହୀ ଅଧିକାରୀ କାର୍ଯ୍ୟାଦେଶ ବାତିଲ କରିବା ବଦଳରେ ଏକାଧିକ ବିଲ ପୈଠ ପାଇଁ ସୁପାରିଶ କରି ଚାଲିଛନ୍ତି। ଏପରିକି ହିତାଧିକାରୀ ନିର୍ମାଣ କାର୍ଯ୍ୟ ବନ୍ଦ ବଦଳରେ ଚାଲୁ ରଖିଛନ୍ତି। ନିର୍ମାଣ କାର୍ଯ୍ୟ ୩୧ମାର୍ଚ୍ଚ, ୨୦୧୮ ମଧ୍ୟରେ ଶେଷ କରିବା ପାଇଁ ନିର୍ଦ୍ଦେଶ ଥିଲା। ଏହା ଭିତରେ ୨ବର୍ଷ ବିତିବାକୁ ବସିଲାଣି, ହେଲେ ହିତାଧିକାରୀଙ୍କ କାର୍ଯ୍ୟାଦେଶକୁ ବାତିଲ କରିବା ବଦଳରେ ପ୍ରଶାସନ କାହିଁକି ସହଯୋଗ କରୁଛି ତାହା ବୁଝାପଡୁ ନାହିଁ। ଏ ସମ୍ପର୍କରେ ନିର୍ବାହୀ ଅଧିକାରୀ ନିକୁଞ୍ଜ ବିହାରୀ ରାଉତଙ୍କୁ ପଚାରିବାରୁ, ସେ ଅଭିଯୋଗ ପାଇଛନ୍ତି। ତେବେ ଏନେଇ ତାଙ୍କୁ କୋର୍ଟରୁ ବିଡିଓଙ୍କୁ କୌଣସି ନିର୍ଦ୍ଦେଶ ନାହିଁ। ଅଭିଯୋଗ ମୁତାବକ ଜମିର ମାପଚୁପ କରାଯିବା ପରେ ଅଭିଯୋଗର ସତ୍ୟାସତ୍ୟ ଜଣାପଡିବ। ହିତାଧିକାରୀ ଛାତ ସ୍ତର ପର୍ଯ୍ୟନ୍ତ କାମ ସାରିଛନ୍ତି। ଏଭଳି ଅଭିଯୋଗ ଥିବାରୁ ସେ ଛାତ ପକାଇବା ପରେ ତାଙ୍କୁ ବିଲ ପ୍ରଦାନ କରାଯିବ ବୋଲି ପ୍ରକାଶ କରିଛନ୍ତି।


All Right Reserved By Dharitri.Com

‘ବୁଲ୍‌ବୁଲ୍‌’ କ୍ଷତିଗ୍ରସ୍ତଙ୍କୁ ସହାୟତା ଦାବି: ସମିତି କାର୍ଯ୍ୟାଳୟ ଆଗରେ ଚାଷୀଙ୍କ ଧାରଣା

ରୂପ୍‌ସା, ୨।୧୨(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ କସିପଦା ସେବା ସମବାୟ ସମିତି କାର୍ଯ୍ୟାଳୟ ସମ୍ମୁଖରେ ସୋମବାର ଚାଷୀମାନେ ଆନ୍ଦୋଳନ କରିଛନ୍ତି। ‘ବୁଲ୍‌ବୁଲ୍‌’ କ୍ଷତିଗ୍ରସ୍ତଙ୍କୁ ସମିତିରୁ ଋଣ...

ଦୁର୍ଘଟଣା ରୋକିବା ପାଇଁ ନୂଆ ପ୍ରୟାସ, ଜାତୀୟ ରାଜପଥ କଡ଼ରେ ଲୋକଙ୍କ ପୂଜାର୍ଚ୍ଚନା

ବ୍ରହ୍ମପୁର ଅଫିସ,୩୧ା୧- ସଡକ ଦୁର୍ଘଟଣା ଜନିତ ମୃତ୍ୟୁହାର କମାଇବା ପାଇଁ ସରକାର ଅନେକ ସଚେତନତା କାର୍ଯ୍ୟକ୍ରମ କରୁଛନ୍ତି। ଏପରିକି ଦ୍ରୁତ ଗାଡି ଚାଳକଙ୍କୁ ସାବାଡ଼ କରିବା...

ଗ୍ରାମାଞ୍ଚଳରେ ମୋବାଇଲ ସେବା ଅପହଞ୍ଚ

ଗଣିଆ,୯।୮(ଡିି.ଏନ.ଏ.)-ବର୍ତ୍ତମାନ ଦୁନିଆରେ ପ୍ରତିଟି ମୁହୂର୍ତ୍ତରେ ମୋବାଇଲ ଓ ଇଣ୍ଟରନେଟ୍‌ ସେବା ଜରୁରୀ ହୋଇପଡିଛି। ପ୍ରତ୍ୟେକ ବ୍ୟକ୍ତିବିଶେଷଙ୍କଠାରୁ ଆରମ୍ଭ କରି ବିଭିନ୍ନ ସରକାରୀ ଓ ବେସରକାରୀ ଦପ୍ତର...

ଖୁବ୍‌ଶୀଘ୍ର ଗଠନ ହେବ ଜିଲା ଯୋଜନା କମିଟି

ଭୁବନେଶ୍ୱର,୧।୮(ବ୍ୟୁରୋ): ଖୁବ୍‌ଶୀଘ୍ର ଜିଲା ଯୋଜନା କମିଟି ଗଠନ ହେବ। ନିର୍ବାଚନ ଥିବାରୁ ଏହା ବିଳମ୍ବ ହୋଇଥିଲା। ଏ ନେଇ ପ୍ରକ୍ରିୟା ଆରମ୍ଭ ହୋଇଛି। ଗୁରୁବାର ଯୋଜନା...

ବଜ୍ରପାତରେ ଚାଷୀ ମୃତ

ତିହିଡ଼ି,୨୧।୮(ଡି.ଏନ.ଏ.) : ଭଦ୍ରକ ଜିଲା ତିହିଡ଼ି ଥାନା ଅନ୍ତର୍ଗତ ମଙ୍ଗଳପୁର ପଞ୍ଚାୟତ କମାରିଆ ଗ୍ରାମରେ ବୁଧବାର ଅପରାହ୍ନରେ ବଜ୍ରପାତରେ ଜଣେ ଚାଷୀଙ୍କର ମୃତ୍ୟୁ ଘଟିଛି। ମୃତ...

ପ୍ରସ୍ତାବିତ ଓଭରବ୍ରିଜ ପାଇଁ ଉଚ୍ଛେଦକୁ ବିରୋଧ

ବାରିପଦା ଅଫିସ,୩୧ା୧- ମୟୂରଭଞ୍ଜ ଜିଲା ବାରିପଦା ସହରର ପାଳବଣି ଗୋଲେଇଠାରୁ କୃଷ୍ଣଚନ୍ଦ୍ର ଗୋଲେଇ ମଧ୍ୟରେ ରେଳ ଓ ପୂର୍ତ୍ତ ବିଭାଗ ପକ୍ଷରୁ ମିଳିତ ଭାବେ ଓଭରବ୍ରିଜ...

ମିଳିଲାନି ଗୃହରକ୍ଷୀ ଚାକିରି: ଏସ୍‌ପି ଅଫିସ ସମ୍ମୁଖରେ ଯୁବକଙ୍କ ଆତ୍ମହତ୍ୟା ଉଦ୍ୟମ

ସୋନପୁର,୨୨।୬(ନି.ପ୍ର.): ଗୃହରକ୍ଷୀ ଚାକିରି ନ ମିଳିବାରୁ ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ମାଣିକପୁର ଗ୍ରାମର ଚମୁରୁ ହାତୀଙ୍କ ପୁଅ ଗୁପ୍ତେଶ୍ୱର(୩୨) ଶୁକ୍ରବାର ରାତିରେ ଆତ୍ମହତ୍ୟା ଉଦ୍ୟମ...

ଜୁଆ ଆଡ୍ଡା ଉପରେ ଚଢ଼ାଉ, ୬ ଗିରଫ

ବାଲେଶ୍ୱର ଅଫିସ, ୩୦।୮-ବାଲେଶ୍ୱର ସହଦେବଖୁଣ୍ଟା ଥାନା ଗୋଳାପୋଲ ଅଞ୍ଚଳରେ ଦୀର୍ଘଦିନ ଧରି ଜୁଆ ଆଡ୍ଡା ଚାଲୁଥିବା ଅଭିଯୋଗ ହୋଇଥିଲା। ବୁଧବାର ମଧ୍ୟରାତ୍ରିରେ ସହଦେବଖୁଣ୍ଟା ମଡ଼େଲ ଥାନା...

Leave a comment

Your email address will not be published. Required fields are marked *