ବଢୁଛି ପଥର ଚୋରି

ଖୋର୍ଦ୍ଧା ଅଫିସ,୯ା୧: ଖୋର୍ଦ୍ଧା ସବ୍‌ଡିଭିଜନରେ ମାଙ୍କଡା, କଳାମୁଗୁନି ପଥର ଚୋରି ବଢ଼ିବାରେ ଲାଗିଛି। ତହସିଲ କର୍ତ୍ତୃପକ୍ଷ ଓ ପୋଲିସର ଚଢାଉ ପଥର ଚୋରିକୁ ରୋକିବାରେ ସକ୍ଷମ ହୋଇ ପାରୁନାହିଁ। ଲଘୁ ଖଣିଜ ଚୋରି ରୋକିବାକୁ କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ(ଆରଡିସି)ଙ୍କ ନିର୍ଦ୍ଦେଶକୁ ୨୮ ଦିନ ବିତିଯାଇଥିଲେ ମଧ୍ୟ ଏଥିରେ ଲଗାମ ଲାଗି ପାରିଲାନି। ଖଣି ଚୋରମାନେ ପୂର୍ବବତ୍‌ ସେମାନଙ୍କ କାରବାର ବଢାଇ ଚାଲିଛନ୍ତି। ଖୋର୍ଦ୍ଧା ଜିଲାରେ ଲଘୁଜ ଖଣିଜ ପଦାର୍ଥ ଭରପୂର ହୋଇ ରହିଛି। ତେବେ ପ୍ରଶାସନ ଏହାର ଠିକ୍‌ ପରିଚାଳନା କରୁ ନ ଥିବାରୁ ପଥର ଚୋରି ବଢି ଚାଲିଛି। ବେଆଇନ ଖଣିଜ ସମ୍ପଦର ଉତ୍ତୋଳନ ପରିବହନକୁ ଲଗାମ ଲଗାଇବା ପାଇଁ ରାଜସ୍ବ, ପୋଲିସ ଓ ଜଙ୍ଗଲ ବିଭାଗର ମିଳିତ ଆନୁକୂଲ୍ୟରେ ଚଢାଉ କରିବାକୁ ୨୦୧୯ ଡିସେମ୍ବର ୧୧ରେ ଖୋର୍ଦ୍ଧାରେ ସମୀକ୍ଷା କରି ଆରଡିସି ନିର୍ଦ୍ଦେଶ ଦେଇଥିଲେ। ଆରଡିସିଙ୍କ ନିର୍ଦ୍ଦେଶ ପରେ ଚଢାଉ ତ୍ୱରାନ୍ବିତ ହୋଇଥିଲା। କିଛିଦିନ ଧରପଗଡ ଚାଲିଥିଲା। ଏବେ ୧୬ ନଂ. ଜାତୀୟ ରାଜପଥରେ ବେଆଇନ ଭାବେ ମୋରମ, ମାଙ୍କଡା ଓ କଳାମୁଗୁନି ପଥର ଟ୍ରକ, ଟ୍ରାକ୍ଟରରେ ବୁହା ଚାଲିଛି। କିନ୍ତୁ ଧରପଗଡ କରାଯାଉନାହିଁ।

ୱାର୍କ ଅର୍ଡର ୭, ଖଣି ଖନନ ୧୫ରୁ ଊର୍ଦ୍ଧ୍ୱ
ଖୋର୍ଦ୍ଧା ଓ ବେଗୁନିଆ ତହସିଲର ୪୬ଟି କଳାମୁଗୁନି ପଥର ଖଣିରୁ ୭ଟିକୁ ୱାର୍କ ଅର୍ଡର ମିଳିଛି। ଅନ୍ୟ ଖଣିଗୁଡିକ ୱାର୍କ ଅର୍ଡର ପାଇ ନ ଥିଲେ ମଧ୍ୟ ବେଆଇନ ଖଣି ଖନନ ହେଉଥିଲା। ତେବେ ଏସ୍‌ଟିଏଫ୍‌ର ଚଢ଼ାଉ ପରେ ବେଆଇନ ଖଣି ଖନନ ବନ୍ଦ ରହିଥିଲା। ପରେ ପ୍ରାୟ ୭ଟି ଖଣି ଚାଲିଥିଲା। କିଛିଦିନର ନୀରବତା ପରେ ୱାର୍କ ଅର୍ଡର ପାଇଥିବା ଖଣି ନିକଟବର୍ତ୍ତୀ ଅଞ୍ଚଳରେ ପୁଣି ପ୍ରାୟ ୮ଟି ଖଣି ବେଆଇନ ଭାବେ ଚାଲିଥିବା ଅଭିଯୋଗ ହେଉଛି। ଏ ନେଇ କେତେଜଣ ଲୋକ ମୁଖ୍ୟମନ୍ତ୍ରୀଙ୍କ ନିକଟରେ ଅଭିଯୋଗ କରିଛନ୍ତି। ୱାର୍କ ଅର୍ଡର ୭ଟି ଖଣି ପାଇଥିବାବେଳେ ୮ଟି ଖଣି କିପରି ପୁଣି ବେଆଇନ ଭାବେ ଚାଲୁଛି ତା’ର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନେବାକୁ ଦାବି କରାଯାଉଛି।
ବିପଦରେ ଖୋର୍ଦ୍ଧା
ଖୋର୍ଦ୍ଧାର ଆଖପାଖ ଅଞ୍ଚଳରେ ବେଆଇନ ମାଙ୍କଡା ପଥର ଓ ମୋରମ ଖଣି ଉତ୍ତୋଳନ ହେଉଛି। ଖଣିଚୋରମାନେ ଜଙ୍ଗଲିଆ ଅଞ୍ଚଳ ଓ କାଜୁ ଜଙ୍ଗଲକୁ ନିରାପଦ ସ୍ଥାନ ଭାବେ ବାଛି ନେଇଛନ୍ତି। ଏଣୁ ଜିଲାର ବିଭିନ୍ନ ଜଙ୍ଗଲ ଓ କାଜୁ ଜଙ୍ଗଲ ପରିସରରେ ବଡ ବଡ ଖଣି ପୋଖରୀ ସୃଷ୍ଟି ହୋଇ ସାରିଲାଣି । ସେହିଭଳି ବିଭିନ୍ନ ଗଁାକୁ ଯିବା ରାସ୍ତା, ପଡିଆ, ଶ୍ମଶାନ, ସରକାରୀ ଜମିରୁ ବେଆଇନ ଭାବେ ମାଙ୍କଡା ପଥର, ମୋରମ ଖନନ ଚାଲିଛି। ତେବେ ଏସ୍‌ଟିଏଫର ନଜର ନ ପଡିବାରୁ ବେଆଇନ ଖଣି ଖନନ ପୂର୍ବଠାରୁ ଅଧିକ ଭାବେ ଚାଲିଛି।


All Right Reserved By Dharitri.Com

ରମାଦେବୀ ପରିସରରୁ ଉଠିଯିବ ଯୁକ୍ତ ୨ କଲେଜ

ଭୁବନେଶ୍ୱର,୨୦।୮(ବ୍ୟୁରୋ): ରମାଦେବୀ ବିଶ୍ୱବିଦ୍ୟାଳୟ ପରିସରରୁ ଜୁନିଅର କଲେଜ ଉଠିଯିବ। ୟୁନିଟ-୯ ଗାର୍ଲସ ହାଇସ୍କୁଲ ପରିସରରେ ଯୁକ୍ତ ୨ କଲେଜ ପ୍ରତିଷ୍ଠା ହେବ। ଏନେଇ ହାଇସ୍କୁଲ ପରିସରରେ...

ଆଦର୍ଶ ଶିକ୍ଷକ ପୂର୍ଣ୍ଣଚନ୍ଦ୍ରଙ୍କ ପରଲୋକ

ଭବାନୀପାଟଣା,୧୫।୨(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣା ସଦର ବ୍ଲକ ଅନ୍ତର୍ଗତ ଦେପୁର ଗ୍ରାମର ଆଦର୍ଶ ଶିକ୍ଷକ ପୂର୍ଣ୍ଣଚନ୍ଦ୍ର ସାବତଙ୍କ ୭୧ ବର୍ଷ ବୟସରେ ପରଲୋକ ଘଟିଛି ା...

ଡିକି ଭାଙ୍ଗି ୨୫ ହଜାର ଲୁଟ୍‌

ଫୁଲବାଣୀ ଅଫିସ, ୨୩ା୯- ଫୁଲବାଣୀ ସହରରେ ଲୁଟେରା ମାତିଛନ୍ତି। ପୋଲିସ ସେମାନଙ୍କୁ ଧରିବାରେ ସକ୍ଷମ ହେଉନାହିଁ। ସୋମବାର ଏକ ବାଇକ୍‌ର ଡିକି ଭାଙ୍ଗି ୨୫ ହଜାର...

ଜାଲ୍‌ ନିଯୁକ୍ତିପତ୍ରରେ ଚାକିରି, ଯୁବକ ଗିରଫ

ବେତନଟୀ,୩୧ା୭(ଡି.ଏନ୍‌.ଏ.)-ମୟୂରଭଞ୍ଜ ଜିଲା ବୈଶିଙ୍ଗା ଆଞ୍ଚଳିକ ଡାକ୍ତରଖାନାରେ ଜାଲ୍‌ ନିଯୁକ୍ତିପତ୍ର ଦେଇ ପୁରୁଷ ସ୍ବାସ୍ଥ୍ୟକର୍ମୀ ଭାବେ ଚାକିରି କରିଥିବା ଜଣେ ଯୁବକଙ୍କୁ ମଙ୍ଗଳବାର ପୋଲିସ ଗିରଫ କରିଛି।...

ହୃଦ୍‌ଘାତରେ ଯାଉଛି ବାର୍ଷିକ ୧୩ ଲକ୍ଷ ଜୀବନ

ଭୁବନେଶ୍ୱର,୧୮ା୧୦(ବ୍ୟୁରୋ) : ଭାରତରେ ପ୍ରତି ବର୍ଷ ୧୩ ଲକ୍ଷ ଲୋକଙ୍କର ହୃଦ୍‌ଘାତ (ହାର୍ଟ ଆଟାକ) ଯୋଗୁ ମୃତ୍ୟୁ ହେଉଥିବା ବେଳେ ଓଡିଶାରେ ମଧ୍ୟ ପ୍ରତି ଘଣ୍ଟାରେ...

ଜୟପୁରରେ ବନ୍ଦ ପାଳନ

ଜୟପୁର,୮।୧(ଡି.ଏନ୍‌.ଏ.) : କୋରାପୁଟ ଜିଲା ଜୟପୁର ସହରରେ ଭାରତ ବନ୍ଦ ଅବସରରେ ବିଭିନ୍ନ ଶ୍ରମିକ ସଂଗଠନ ପକ୍ଷରୁ ବନ୍ଦ ପାଳନ କରାଯାଇଛି। ଗାଡ଼ି ଚଳାଚଳ ବନ୍ଦ...

ବିଭିନ୍ନ ସ୍ଥାନରେ ଅଗ୍ନିକାଣ୍ଡ: ୯ ବଖରା ଜଳିଗଲା, ଗୃହପାଳିତ ପ୍ରାଣୀ ଜୀବନ୍ତ ଦଗ୍ଧ

ଜଳେଶ୍ୱର/ବାଲିଆପାଳ, ବସ୍ତା, ୯।୨(ସ୍ବ.ପ୍ର)- ବାଲେଶ୍ୱର ଜିଲା ୩ଟି ସ୍ଥାନରେ ଅଗ୍ନିକାଣ୍ଡ ଘଟି ମୋଟ ୯ ବଖରା ଜଳିଯିବା ସହ ଗୃହପାଳିତ ପ୍ରାଣୀ ଜୀବନ୍ତ ଦଗ୍ଧ ହୋଇଯାଇଛନ୍ତି।...

କେନ୍ଦୁଝରରେ ଭାରତ ବନ୍ଦ ପାଳନ ଶାନ୍ତିପୂର୍ଣ୍ଣ

କେନ୍ଦୁଝର,୮।୧(ସ୍ବ.ପ୍ର.): କେନ୍ଦୁଝର ଜିଲାରେ ଦରଦାମ ବୃଦ୍ଧି ଓ ଅନ୍ୟାନ୍ୟ ପ୍ରତିବାଦରେ ବିଭିନ୍ନ ରାଜନୈତିକ ଦଳ ଓ ଶ୍ରମିକ ସଂଗଠନ ପକ୍ଷରୁ ବନ୍ଦ ଡାକରା ଶାନ୍ତିପୂର୍ଣ୍ଣ ଭାବେ...

Leave a comment

Your email address will not be published. Required fields are marked *