ଦୃଷ୍ଟିବାଧିତ ଅନନ୍ତ କୁମାର ପାଇଲେ ଓଏଏସ୍‌: ଆତ୍ମବିଶ୍ୱାସ, ସକାରାତ୍ମକ ଚିନ୍ତାଧାରା ଦେଲା ସଫଳତା

ଖୋର୍ଦ୍ଧା ଅଫିସ/ବୋଲଗଡ,୮।୧(ଡି.ଏନ୍‌.ଏ.): ଖୋର୍ଦ୍ଧା ଜିଲା ବୋଲଗଡ ବ୍ଲକ ଆରିକମା ଗଁାର ଦୃଷ୍ଟବାଧିତ ଅନନ୍ତ କୁମାର ନାୟକ ଓଏଏସ୍‌ ପାଇଛନ୍ତି। ଜେନେରାଲ ର଼୍ୟାଙ୍କରେ କ୍ରମିକ ନଂ. ୧୩୦ ଥିବାବେଳେ ଭିନ୍ନକ୍ଷମ ର଼୍ୟାଙ୍କରେ ପ୍ରଥମରେ ରହିଛନ୍ତି। ପୁଅକୁ ପାଠ ପଢ଼େଇବାକୁ ଘର ଛାଡିଥିବା ବାପାଙ୍କ ପରିଶ୍ରମ ସାକାର ହୋଇଛି। ତେବେ ଶ୍ରେୟ ନେବାକୁ ପାଖରେ ନାହାନ୍ତି ବାପା। ଅନ୍ୟପକ୍ଷେ ବାପାଙ୍କ ଅଭିଳାଷକୁ ପୂରଣ କରିବାକୁ ପୁଅଙ୍କ ଆତ୍ମବିଶ୍ୱାସ ଓ ସକରାତ୍ମକ ଚିନ୍ତାଧାରା ଅନନ୍ତଙ୍କୁ ସଫଳତାର ମାର୍ଗ ଦେଖାଇଛି। ଓଏଏସ ପାଇବା ପରେ ଘରେ ଓ ଗଁାରେ ଲାଗି ରହିଛି ଆନନ୍ଦର ଲହରି। ଗଁାଲୋକ ଅନନ୍ତଙ୍କୁ ନେଇ ଗର୍ବ କରୁଛନ୍ତି। ଅନନ୍ତ ୧୯୯୧ ସେପ୍ଟେମ୍ବର ୨୫ରେ ଜନ୍ମଗ୍ରହଣ କରିଥିଲେ। ଜନ୍ମର ୨ବର୍ଷ ପର୍ଯ୍ୟନ୍ତ ସବୁ କିଛି ଠିକ୍‌ଠାକ୍‌ ଥିଲା। ଅନନ୍ତ ଦୁନିଆକୁ ଦେଖିପାରୁଥିଲେ। ପରେ ତାଙ୍କର ଆଖି ଆପେ ଆପେ ନଷ୍ଟ ହୋଇଗଲା। ପରିବାର ଲୋକ ରୋଗ ସମ୍ପର୍କରେ ଜାଣିପାରିଲେ ନାହିଁ। ୨ ଝିଅରେ ଗୋଟିଏ ପୁଅ। ବାପା ପୁଅର ଭବିଷ୍ୟତ ନେଇ ଚିନ୍ତିତ ହୋଇପଡିଲେ। ଭୁବନେଶ୍ୱରରେ ଦୃଷ୍ଟିହୀନଙ୍କ ପାଇଁ ସ୍କୁଲ ଥିବା ଜାଣିପାରି ୧୯୯୮ରେ ଘର ଛାଡି ଭୁବନେଶ୍ୱରର ଗଣ୍ଡମୁଣ୍ଡାରେ ରହିଲେ। ଆଉ ସେଠାରେ ବ୍ୟବସାୟ କରି ପରିବାରକୁ ଚଳାଇବା ସହ ନିଜର ଦୁଇଝିଅଙ୍କୁ ବିବାହ ଦେଲେ। ପୁଅକୁ ୧୯୯୯ରେ ଭୀମଭୋଇ ଦୃଷ୍ଟିହୀନ ବିଦ୍ୟାଳୟ ଭୁବନେଶ୍ୱର ୟୁନିଟ୍‌ ୩ ରେ ପାଠ ପଢ଼ାଇଲେ। ୧୯୯୯ରୁ ୨୦୦୯ ପର୍ଯ୍ୟନ୍ତ ସେଠାରେ ପାଠ ଅନନ୍ତ ପଢ଼ିଲେ। ପରେ ସେ ୨୦୧୪ରୁ ୧୬ ପର୍ଯ୍ୟନ୍ତ ହାଇଦ୍ରାବାଦ ବିଶ୍ୱବିଦ୍ୟାଳୟରେ ରାଜନୀତି ବିଜ୍ଞାନରେ ଏମଏ କରିଥିଲେ। ୨୦୧୬ରୁ ୧୮ ପର୍ଯ୍ୟନ୍ତ ଜବାହରଲାଲ ନେହେରୁ ବିଶ୍ୱବିଦ୍ୟାଳୟରେ ଲ ଆଣ୍ଡ ଗଭର୍ନାନ୍ସରେ ଏମଫିଲ୍‌ କରିଥିଲେ। ୨୦୧୮ରୁ ଅଦ୍ୟାବଧି ଲ ଆଣ୍ଡ ଗଭର୍ନାନ୍ସରେ ପିଏଚଡି କରୁଛନ୍ତି। ତେବେ ୨୦୧୮ରେ ଓଡ଼ିଶା ପ୍ରଶାସନିକ ସେବା ପରୀକ୍ଷା ଦେଇଥିଲେ। ଏଭଳିସ୍ଥଳେ ଅନନ୍ତଙ୍କୁ ଧରିତ୍ରୀ ପକ୍ଷରୁ ୪ଟି ପ୍ରଶ୍ନ ପଚରା ଯାଇଥିଲା।
*ସଫଳତାର ଶ୍ରେୟ କାହାକୁ ଦେବେ
ସଫଳତାର ଶ୍ରେୟ ପ୍ରଥମେ ବାପାଙ୍କ ପାଖକୁ ଯିବ। କାରଣ ସେ ଘର ଛାଡି ନ ଥିଲେ ଆଜି ମୁଁ ଓଏଏସ୍‌ ପାଇପାରି ନ ଥାନ୍ତି। ୨ୟରେ ମା, ଦୁଇ ଭଉଣୀ ଓ ଭିଣୋଇଙ୍କୁ ଦେବି। କାରଣ ସେମାନେ ମୋତେ ଆର୍ଥିକ, ମାନସିକ ସ୍ତରରେ ସହଯୋଗ ଓ ଉତ୍ସାହିତ କରିଥିଲେ। ହେଲେ ବାପା ୨୦୧୪ରୁ ଆରପାରିକୁ ଚାଲି ଯାଇଛନ୍ତି।
* ଭିନ୍ନକ୍ଷମ, ଅନ୍ୟମାନଙ୍କ ପାଇଁ ବାର୍ତ୍ତା କ’ଣ
ଭିନ୍ନକ୍ଷମମାନେ ନିଜକୁ ନିଜେ ଦୁର୍ବଳ ଅନୁଭବ କରିବା ଉଚିତ୍‌ ନୁହେଁ। ସରକାର ଭିନ୍ନକ୍ଷମଙ୍କ ପାଇଁ ଅନେକ ଯୋଜନା କରିଛନ୍ତି। ସେମାନେ ଯୋଜନା ସମ୍ପର୍କରେ ଅବଗତ ହୁଅନ୍ତୁ। ନିରାଶ ନ ହୋଇ କର୍ମ କରି ଚାଲନ୍ତୁ। ସଫଳତା ନିଶ୍ଚିତ ପାଇବେ। ସକ୍ଷମ ଯେ କେବଳ ସଫଳତା ପାଇବେ ତାହା ଭାବିବା ଭୁଲ। ପରିଶ୍ରମ କଳେ ସବୁ କିଛି ସମ୍ଭବ।
* ଆଗକୁ କ’ଣ କରିବାକୁ ଯୋଜନା ରଖିଛନ୍ତି
ଉଚ୍ଚ ଶିକ୍ଷାରେ ଗବେଷଣା ଜାରି ରଖିଛି। ମୋର ଶିକ୍ଷା ବିଭାଗ ପ୍ରତି ଦୁର୍ବଳତା ରହିଛି। ମୋତେ ସରକାର ଶିକ୍ଷା ବିଭାଗରେ ନିଯୁକ୍ତି ଦେଲେ, ଅନେକ କିଛି କରିପାରିବି ବୋଲି ଆଶା ରଖିଛି। ଭିନ୍ନକ୍ଷମମାନେ ଯେପରି ମୁଖ୍ୟସ୍ରୋତରେ ସାମିଲ୍‌ ହୋଇପାରିବେ ସେଥିପ୍ରତି ଦୃଷ୍ଟିଦେବି। ସାଧାରଣ ଲୋକ ଯେପରି ସରକାରୀ ସୁବିଧା ପାଇପାରିବେ ସେଥିପ୍ରତି ଗୁରୁତ୍ୱ ଦେବି। ଶିକ୍ଷା ବ୍ୟତୀତ ଅନ୍ୟ ବିଭାଗ ମିଳିଲେ ମଧ୍ୟ କାମ କରିବି।
*କ’ଣ ଆପଣଙ୍କର ସଉକ, ଦିନକୁ କେତେ ସମୟ ପଢୁଥିଲେ
ଚେସ୍‌ ଖେଳିବା, ଖବରକାଗଜ ପଢ଼ିବା ମୋର ସଉକ୍‌। ବିଭିନ୍ନ ସମୟରେ ମ୍ୟୁଜିୟମରେ ସମୟ କଟାଏ। ଦିନକୁ ୧୦ରୁ ୧୨ ଘଣ୍ଟା ପଢୁଥିଲି। ହେଲେ ମନ ଲାଗିଥିବା ପର୍ଯ୍ୟନ୍ତ ପଢୁଥିଲି। ମନକୁ ବାଧ୍ୟ କରି କୌଣସି କାମ କରୁ ନ ଥିଲି।


All Right Reserved By Dharitri.Com

ଚିକରଡ଼ା ଗ୍ରାମରେ ଝାଡ଼ାବାନ୍ତି: ଦୂଷିତ ପାଣି ପିଇ ପୁଣି ୧୦୦ ଆକ୍ରାନ୍ତ

ଗୋପାଳପୁର,୨ା୧୦ -ଗଞ୍ଜାମ ଜିଲା ରଙ୍ଗେଇଲୁଣ୍ଡା ବ୍ଲକ ଚିକରଡ଼ା ଗ୍ରାମରେ ଦୂଷିତ ପାଣି ପିଇ ମଙ୍ଗଳବାର ପୁଣି ୧୦୦ ଜଣ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ଗ୍ରାମରେ ୨...

ପାଟଣା ରେଞ୍ଜରେ ୨୩ ବଣୁଆ ହାତୀ: ଉଜାଡିଲେ ଧାନ ଫସଲ, କ୍ଷତିପୂରଣ ଦାବି

ପାଟଣା,୧୦।୯(ସ୍ବ.ପ୍ର.): କେନ୍ଦୁଝର ଜିଲା ପାଟଣା ରେଞ୍ଜ ଅନ୍ତର୍ଗତ ସାହାରପଡ଼ା ଓ ଗରାଣ୍ଡିଯୋଡି ସେକ୍ସନରେ ସୋମବାର ରାତିରେ ମୟୂରଭଞ୍ଜ ଜିଲା କରଞ୍ଜିଆ ରେଞ୍ଜରୁ ୨୩ଟି ଝାଡ଼ଖଣ୍ଡି ହାତୀ...

କମୁଛି ଗୃହପାଳିତ ପଶୁପକ୍ଷୀଙ୍କ ସଂଖ୍ୟା

ବିନିକା,୨୬ା୨(ଡି.ଏନ୍‌.ଏ.) – ସୁବର୍ଣ୍ଣପୁର ଜିଲା ବିନିକା ବ୍ଲକ ଓ ଏନଏସି ଅଞ୍ଚଳରେ ଗୃହପାଳିତ ପଶୁପକ୍ଷୀଙ୍କ ସଂଖ୍ୟା ଦିନକୁ ଦିନ କମିବାରେ ଲାଗିଛି। ରାଜ୍ୟ ସରକାରଙ୍କ ପ୍ରାଣୀ...

ନୀଳମାଧବ ଜୀଉଙ୍କ ଚନ୍ଦନ ଲାଗି ଆରମ୍ଭ

ଖଣ୍ଡପଡ଼ା,୧୨ା୩(ସ୍ବ.ପ୍ର.): ଜଗନ୍ନାଥ ସଂସ୍କୃତିର ଆଦି ଦେବତା କଣ୍ଟିଲୋ ଶ୍ରୀନୀଳମାଧବ ଜୀଉଙ୍କ ସର୍ବାଙ୍ଗ ଚନ୍ଦନ ଲାଗି ବେଶ ସୋମବାର ଦୋଳ ପୂର୍ଣ୍ଣମୀଠାରୁ ଆରମ୍ଭ ହୋଇଛି। ମାନବ ସମାଜରେ...

ଡାକ୍ତର ନିଲମ୍ବନ ପ୍ରତ୍ୟାହାର ଦାବିରେ କାଲିମେଳା ବନ୍ଦ ପାଳନ

କାଲିମେଳା,୧୬।୧୨(ଡି.ଏନ.ଏ): ମାଲକାନଗିରି ଜିଲା କାଲିମେଳା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଡାକ୍ତର ମୁକ୍ତିକାନ୍ତ ମଲ୍ଲିକଙ୍କ ଉପରେ ହୋଇଥିବା ନିଲମ୍ବନ ଆଦେଶ ତୁରନ୍ତ ପ୍ରତ୍ୟାହାର କରି ପୁନଃନିଯୁକ୍ତି ଦାବି...

କୋଇଲା ବୋଝେଇ ଟ୍ରେନ୍‌ରେ ଲାଗିଲା ନିଆଁ

ସରଣ୍ଡା,୨୩।୧୧(ଡି.ଏନ୍‌.ଏ.): ସମ୍ବଲପୁର-ବଲାଙ୍ଗୀର ରେଳପଥର ବରଗଡ଼ ଜିଲା ଗୋଡ଼ଭାଗା ଷ୍ଟେଶନରେ ଶନିବାର ଏକ କୋଇଲା ବୋଝେଇ ମାଲବାହୀ ଟ୍ରେନ୍‌ ବଗିରେ ନିଆଁ ଲାଗିଯାଇଛି। ସମ୍ବଲପୁର ଡିଭିଜନ୍‌ରୁ ବିଜୟଓ୍ବାଡା...

କେନ୍ଦ୍ରୀୟ ବିଦ୍ୟାଳୟ ଟିମ୍‌ର ସ୍ଥାନ ପରିଦର୍ଶନ

ଆନନ୍ଦପୁର,୪।୬(ସ୍ବ.ପ୍ର.): କେନ୍ଦ୍ରୀୟ ବିଦ୍ୟାଳୟର ଏକ ଟିମ୍‌ କେନ୍ଦୁଝର ଜିଲା ଆନନ୍ଦପୁରରେ ପ୍ରସ୍ତାବିତ କେନ୍ଦ୍ରୀୟ ବିଦ୍ୟାଳୟ ସ୍ଥାନ ପରିଦର୍ଶନ କରି ଫେରିଛନ୍ତି। ଏହି ଟିମ୍‌ରେ କଟକ କେନ୍ଦ୍ରୀୟ...

ଭାଲୁ ମୁହଁରୁ ଉଦ୍ଧାର ହେଲା ମୃତଦେହ

ନବରଙ୍ଗପୁର,୯ା୧(ବି.ପ୍ର.)- ଜଙ୍ଗଲକୁ ଶାଳପତ୍ର ଓ ଦାନ୍ତ କାଠି ଆଣିବାକୁ ଜଣେ ବୃଦ୍ଧା ଯାଇଥିବା ବେଳେ ଭାଲୁ ହାବୁଡରେ ପଡିଥିଲେ। ଭାଲୁ ଆକ୍ରମଣରେ ବୃଦ୍ଧାଙ୍କ ମୃତ୍ୟୁ ଘଟିଥିଲା।...

Leave a comment

Your email address will not be published. Required fields are marked *