ନିବେଶକଙ୍କୁ ୩ ଲକ୍ଷ କୋଟି ଟଙ୍କା କ୍ଷତି

ମୁମ୍ବାଇ,୭-୧:ସୋମବାର ବମ୍ବେ ଷ୍ଟକ ଏକ୍ସଚେଞ୍ଜ(ବିଏସ୍‌ଇ)ର ସେନ୍‌ସେକ୍ସ ୭୮୮ ପଏଣ୍ଟ ହ୍ରାସ ଘଟିଛି। ଏହା ୬ ମାସ ମଧ୍ୟରେ ସବୁଠାରୁ ବଡ ହ୍ରାସ ବୋଲି ଜଣାପଡିଛି। ଇରାନ ଉପରେ ଆମେରିକା ଏୟାର ଷ୍ଟ୍ରାଇକ କରିବା ପରେ ଇରାନ ସେନାର ଶୀର୍ଷ କମାଣ୍ଡରଙ୍କ ମୃତ୍ୟୁ ଘଟିବା ପରେ ଦୁଇ ଦେଶ ମଧ୍ୟରେ ତିକ୍ତତା ବଢିଛି। ଏଭଳି ସ୍ଥିତିରେ ଦୁଇ ଦେଶ ମଧ୍ୟରେ ଯୁଦ୍ଧ ସ୍ଥିତି ଉପୁଜିଛି। ଆମେରିକା ଇରାନର ୫୦ ସ୍ଥାନ ଉପରେ ଆକ୍ରମଣ କରିବ ବୋଲି ଚେତାବନୀ ମଧ୍ୟ ଦେଇଛି। ଯାହାର ପ୍ରଭାବ ସାରା ବିଶ୍ୱର ଶେୟାର ବଜାର ଉପରେ ଗତ କିଛି ଦିନ ହେବ ଦେଖାଯାଇଛି। ହେଲେ ଏହାର ପ୍ରଭାବରେ ସୋମବାର ଭାରତୀୟ ଶେୟାର ବଜାର ୬ ମାସର ସବୁଠାରୁ ଖରାପ ପ୍ରଦର୍ଶନ କରିଛି। ଏହାଯୋଗୁ ନିବେଶକ ୩ ଲକ୍ଷ କୋଟି ଟଙ୍କାର କ୍ଷତି ସହିଛନ୍ତି। ଅଶୋଧିତ ତୈଳ ଦର ବଢିବା ଯୋଗୁ ନିବେଶକମାନେ ନିରାପଦ ଆସେଟ୍‌ ଉପରେ ନିବେଶ ନେଇ ଅଗ୍ରସର ହେବାରୁ ବଜାର ଉପରେ ଏହାର ପ୍ରଭାବ ପରିଲକ୍ଷିତ ହୋଇଛି।
ଜୁଲାଇ ପରଠାରୁ ସେନ୍‌ସେକ୍ସର ପରଫରମାନ୍ସ ସୋମବାର ସବୁଠାରୁ ଖରାପ ରହିଛି। ୩୦ ଶେୟାର ବିଶିଷ୍ଟ ସେନସେକ୍ସ ୭୮୭.୯୮ ପଏଣ୍ଟ ବା ୧.୯୦% ୪୦,୬୭୬.୬୩ ପଏଣ୍ଟରେ କାରବାର ବନ୍ଦ ହୋଇଛି। ଦିନ ମଧ୍ୟରେ ସେନସେକ୍ସ ୪୦,୬୧୩.୯୬ ପଏଣ୍ଟ ସ୍ତରକୁ ଖସିଥିଲା। ଏହାବାଦ ନ୍ୟାଶନାଲ ଷ୍ଟକ ଏକ୍ସଚେଞ୍ଜ ନିଫ୍ଟି ୨୩୩.୬୦ ପଏଣ୍ଟ ବା ୧.୯୧% ଖସିବା ଯୋଗୁ ଏହା ୧୧,୯୯୩.୦୫ ପଏଣ୍ଟ ସ୍ତରରେ ବନ୍ଦ ହୋଇଛି। ବିଏସ୍‌ଇ ସେନସେକ୍ସର ବିଭିନ୍ନ କ୍ଷେତ୍ରର ଶେୟାର କାରବାର କ୍ଷତିଗ୍ରସ୍ତ ରହିଛି। ଧାତୁ, ଫାଇନାନ୍ସ, ରିୟଲ ଇଷ୍ଟେଟ, ବ୍ୟାଙ୍କିଙ୍ଗ, ଶକ୍ତି, ଅଟୋମୋବାଇଲ, ତୈଳ ଏବଂ ବାଷ୍ପ, କ୍ୟାପିଟାଲଗୁଡସ୍‌ ଏବଂ ସ୍ବାସ୍ଥ୍ୟ ସେବା କ୍ଷେତ୍ରରେ ସୂଚୀ ୨.୯୬% ହ୍ରାସ ହୋଇଛି। ସେନସେକ୍ସର ମିଡକ୍ୟାପ ଏବଂ ସ୍ମଲ କ୍ୟାପ୍‌ ୨.୩୧ ପର୍ଯ୍ୟନ୍ତ ହ୍ରାସ ଘଟିଛି। ଅଶୋଧିତ ତୈଳ ଦର ବୃଦ୍ଧି ଏବଂ ଡଲାର ତୁଳନାରେ ଟଙ୍କା ମୂଲ୍ୟ କମିବା ଯୋଗୁ ଏହାର ପ୍ରଭାବ ପୁଞ୍ଜି ବଜାର ଉପରେ ପଡିଛି। ଟଙ୍କା ମୂଲ୍ୟ ଡଲାର ତୁଳନାରେ ୧୩ ପଇସା କମିବା ସହ ୭୧.୯୩ ସ୍ତରରେ ରହିଛି। ସେହିଭଳି ବ୍ରେଣ୍ଟ ଅଶୋଧିତ ତୈଳ ଦର ସୋମବାର ବ୍ୟାରେଲ ପିଛା ୧.୩୭% ବୃଦ୍ଧି ଘଟି ୭୦ଡଲାର ସ୍ତରରେ ରହିଛି। ସେହିଭଳି ସୁନା ଦର ସର୍ବକାଳୀନ ରେକର୍ଡ ୪୧,୭୩୦ ସ୍ତର ଛଇଁଥିବା ନଜରକୁ ଆସିଛି।
ଆମେରିକା-ଇରାନ ମଧ୍ୟରେ ତିକ୍ତତା ବଢିବ ବୋଲି ନିବେଶକମାନେ ଆଶଙ୍କା କରିଥିବା ଜିଓଜିତ ଫାଇନାନସିଆଲ ସର୍ଭିସେସର ରିସର୍ଚ୍ଚ ମୁଖ୍ୟ ବିନୋଦ ନାୟାର କହିଛନ୍ତି। ଏଥିଲାଗି ନିବେଶକ ପୁଞ୍ଜି ବଜାର ନିବେଶକୁ ବାଦ ଦେଇଥିବାରୁ ବଜାରରେ ଏଭଳି ସ୍ଥିତି ଦେଖାଯାଇଛି। ସାଂଘାଇ, ହଂକଂ, ଟୋକିଓ, ଏବଂ ସିଓଲର ଶେୟାର ବଜାର ମଧ୍ୟ ନିମ୍ନରେ ରହିଛି। ଅଭିବୃଦ୍ଧିଶୀଳ ବଜାରଗୁଡିକ କଥା ବିଚାର କରିଲେ ଆମେରିକା ଇରାନ ତିକ୍ତତା ଯୋଗୁ ଭାରତୀୟ ବଜାର ଉପରେ ଅଶୋଧିତ ତେଲ ଦର ପ୍ରଭାବ ବେଶି ପଡିଛି। ଭାରତ ଏହାର ଇନ୍ଧନ ଆବଶ୍ୟକତା ପୂରଣ ଲାଗି ବିଦେଶୀ ବଜାର ଉପରେ ନିର୍ଭର କରୁଛି। ଅନ୍ତର୍ଜାତୀୟ ବଜାରରେ କୌଣସି ଅସୁବିଧା ଆସିଲେ ଏହାର ପ୍ରଭାବ ଭାରତୀୟ ବଜାର ଉପରେ ସବୁବେଳେ ପଡି ଆସିଛି। ନିବେଶକ ଶେୟାର ପରିବର୍ତ୍ତେ ଏବେ ସୁନା ଉପରେ ଧ୍ୟାନ କେନ୍ଦ୍ରିତ କରିବାରୁ ସୁନା ଦର ହଠାତ ବଢିଥିବା ସାଙ୍କଟମ୍‌ ଓ୍ବେଲଥର ଇକ୍ୱିଟି ଇନଭେଷ୍ଟମେଣ୍ଟ ପ୍ରଡକ୍ଟ ପୋର୍ଟଫୋଲିଓ ମ୍ୟାନେଜର ହେମାଙ୍ଗ କାପାସି କହିଛନ୍ତି।


All Right Reserved By Dharitri.Com

୭୦ ହଜାର କୋଟିର ଦାବିଦାର ନାହାନ୍ତି

ନୂଆଦିଲ୍ଲୀ,୨୭-୪: ଜାଣି ଚକିତ ହେବେ ଯେ, ଦେଶର ବିଭିନ୍ନ ଆର୍ଥିକ ସଂସ୍ଥାରେ ପଡିରହିଛି ୭୦ ହଜାର କୋଟି ଟଙ୍କା। ଏତେ ବଡ଼ ଆକାରର ଟଙ୍କାର କେହି...

ଓୟୋରୁ ଛଟେଇ ହେଲେ ୧୦୦୦ରୁ ଉର୍ଦ୍ଧ୍ୱ କର୍ମଚାରୀ

ନୂଆଦିଲ୍ଲୀ,୧୨-୧ : ଓୟୋ ହୋଟେଲ୍ସ ଭାରତ ଏବଂ ଚାଇନାରେ ଥିବା ଏହାର ମୋଟ କର୍ମଚାରୀଙ୍କ ମଧ୍ୟରୁ ୧୦୦୦ କର୍ମଚାରୀଙ୍କୁ ଛଟେଇ କରିଛି। ସଫ୍ଟବ୍ୟାଙ୍କ ସହଯୋଗ ଦ୍ୱାରା...

ପାତ୍ରପଡାରେ ଖୋଲିଲା ବଜାର କୋଲକାତା

ଭୁବନେଶ୍ୱର,୨-୬: ପୂର୍ବ ଭାରତର ପ୍ରମୁଖ ରିଟେଲ ଚେନ୍‌ ବଜାର କୋଲକାତା ସ୍ଥାନୀୟ ପାତ୍ରପଡାଠାରେ ନୂଆ ଶୋ’ରୁମ ଶୁଭାରମ୍ଭ କରିଛି। ଓଡ଼ିଆ ସିନେମା ଅଭିନେତ୍ରୀ ଏଲିନା ସାମନ୍ତରାୟ...

ପୁଞ୍ଜି ପ୍ରତ୍ୟାହାର ଲକ୍ଷ୍ୟ ୧.୦୫ ଲକ୍ଷ କୋଟି

ନୂଆଦିଲ୍ଲୀ,୬-୭: ୨୦୧୯-୨୦ ଆର୍ଥତ୍କ ବର୍ଷ ଲାଗି ୧.୦୫ ଲକ୍ଷ କୋଟି ଟଙ୍କାର ପୁଞ୍ଜି ପ୍ରତ୍ୟାହାର ଲକ୍ଷ୍ୟ ଧାର୍ଯ୍ୟ ହୋଇଛି। ଏହା ଅନ୍ତରୀଣ ବଜେଟରେ ୯୦,୦୦୦ କୋଟି...

ଆୟୁଷ୍ମାନ ଭାରତରେ ଘରୋଇ ହସ୍ପିଟାଲ ପାଇବେ ପ୍ରୋତ୍ସାହନ

ନୂଆଦିଲ୍ଲୀ,୨୪-୧୧: ୨୦୧୮ ସେପ୍ଟେମ୍ବରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆୟୁଷ୍ମାନ ଭାରତ ଯୋଜନା ଶୁଭାରମ୍ଭ ଘୋଷଣା କରିଥିଲେ। ଏହା ମୋଦି କେୟାର ଭାବେ ପରିଚିତ ଥିବା ବେଳେ...

ବିଶ୍ୱକପ କ୍ରିକେଟ ପ୍ରଭାବ;ବଡ଼ ସ୍କ୍ରିନ୍‌ ଟିଭି ବିକ୍ରି ୧୦୦% ବୃଦ୍ଧି

ନୂଆଦିଲ୍ଲୀ,୧୭-୬: କ୍ରିକେଟପ୍ରେମୀଙ୍କ ମଧ୍ୟରେ ଏବେ ବିଶ୍ୱକପ୍‌ କ୍ରିକେଟ ଜ୍ୱର ବଢ଼ିବାରେ ଲାଗିଛି। ଏଥିଯୋଗୁ ବଡ଼ ସ୍କ୍ରିନ୍‌ର ଟିଭି ସେଟ୍‌ର ଚାହିଦା ବେଶ୍‌ ବଢ଼ିଥିବା ଦେଖାଯାଇଛି। ବର୍ଷା...

କୋଭିଡ୍‌ ଚାପରେ ଦେବାଳିଆ ହେଉଛନ୍ତି କମ୍ପାନୀ

ନୂଆଦିଲ୍ଲୀ,୨୬।୫: ସାରା ବିଶ୍ୱ ବଜାର ମାନ୍ଦାବସ୍ଥା ସହ ଲଢ଼େଇ ଜାରି ରଖିଥିଲା। ବାଣିଜ୍ୟଗୁଡ଼ିକ ତିଷ୍ଠି ରହିବା ଲାଗି ଲଢ଼େଇ ଜାରି ରଖିଥିଲେ। ହଠାତ୍‌ କରୋନା ଭଳି...

ଅଭିବୃଦ୍ଧି ଲାଗି ସରକାର,ଆର୍‌ବିଆଇ ସମନ୍ବୟ ଜରୁରୀ:ଶକ୍ତିକାନ୍ତ ଦାସ

ମୁମ୍ବାଇ,୨୮-୬: ଦେଶର ଅଭିବୃଦ୍ଧି ତ୍ୱରାନ୍ବିତ କରିବା ଲାଗି ସରକାର ଏବଂ ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସମନ୍ବୟ ରଖି କାର୍ଯ୍ୟ କରିବା ରଆବଶ୍ୟକତା ରହିଛି। ସେହିଭଳି ବ୍ୟବସ୍ଥାଗତ...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *