ଖଣି ଦୁର୍ନୀତି ମାମଲା : ହାଜର ହେଲେ ୯ରୁ ୮ କମ୍ପାନୀଜରିମାନା ଅର୍ଥ ନ ଦେଲେ ସମ୍ପତ୍ତି ବାଜ୍ୟାପ୍ତି

କେନ୍ଦୁଝର, ୨ା୬(ସ୍ବ.ପ୍ର./ଡି.ଏନ.ଏ.)-କେନ୍ଦୁଝର ଜିଲାରେ ବହୁଚର୍ଚ୍ଚିତ ଖଣି ଦୁର୍ନୀତିରେ ସମ୍ପୃକ୍ତ ଜିଲାର ଖଣି କମ୍ପାନୀ ଆଗାମୀ ୭ରୁ ୧୫ ଦିନ ମଧ୍ୟରେ ଜରିମାନା ପୈଠ ନ କଲେ ସେମାନଙ୍କ ବିରୋଧରେ ମାମଲା ରୁଜୁ କରାଯାଇ ସମ୍ପତ୍ତି ବାଜ୍ୟାପ୍ତି କରାଯିବ ବୋଲି ଶନିବାର କୋର୍ଟ ପକ୍ଷରୁ ସତର୍କ କରାଇଦିଆଯାଇଛି। ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଜରିମାନା ପୈଠ କରି ନ ଥିବା ଜିଲାର ୯ଟି ଖଣି ସଂସ୍ଥା ବିରୋଧରେ ସ୍ଥାନୀୟ ଜିଲାପାଳଙ୍କ କୋର୍ଟରେ ସମ୍ପତ୍ତି ବାଜ୍ୟାପ୍ତି ମାମଲା (ସାର୍ଟିଫିକେଟ କେସ) ଚାଲିଛି। ଶନିବାର ଉକ୍ତ ମାମଲାର ଶୁଣାଣି ହୋଇଥିଲା। କୋର୍ଟରେ ହାଜର ହେବା ସକାଶେ ୯ ଖଣିକୁ ନୋଟିସ୍‌ କରାଯାଇଥିଲା। ଏମାନଙ୍କ ମଧ୍ୟରୁ ମାଲା ରାୟ, ବିପିଏମଇ, ଏମଆର ଦାସ, ମିନେରାଲ ଟ୍ରେଡିଂ ସିଣ୍ଡିକେଟ, ଏସସି ପାଢୀ, ମେସ୍କୋର ଦୁଇଟି ଖଣି, ଏସଏନ ଦାସ ମହାପାତ୍ର ଖଣିର ପ୍ରତିନିଧି ଉପସ୍ଥିତ ଥିବା ବେଳେ ଭଞ୍ଜ ମିନେରାଲ ପକ୍ଷରୁ କେହି ଆସି ନ ଥିଲେ। କେତେକ ଖଣି ସଂସ୍ଥା ଉଚ୍ଚ ନ୍ୟାୟାଳୟର କେସ ପେଣ୍ଡିଂ ଥିବା ଦର୍ଶାଇ ସମୟ ଗଡାଉଥିବାରୁ କୋର୍ଟ ତାହାକୁ ଏଣିକି ଗ୍ରହଣ କରିବେନାହିଁ ବୋଲି ମନା କରିଦେଇଥିଲେ। ଏନେଇ ଖଣି ସଂସ୍ଥା ଅଡୁଆରେ ପଡିଯାଇଛନ୍ତି। ମାମଲାର ଶୁଣାଣି ବେଳେ ମାଲା ରାୟ, ବିପିଏମଇ, ଏସସି ପାଢୀ, ମିନେରାଲ ଟ୍ରେଣ୍ଡିଂ ସିଣ୍ଡିକେଟ ଅଧିକ ସମୟ ମାଗିବାରୁ ସେମାନଙ୍କୁ ୧୫ ଦିନ ମହଲତ ଦିଆଯାଇଥିବା ଜଣାପଡିଛି। ଏମଆର ଦାସ, ମେସ୍କୋର ଦୁଇଟି ଖଣି, ଏସଏନ ଦାସ ମହାପାତ୍ରଙ୍କ ଖଣିକୁ ୭ ଦିନ ସମୟ ଦିଆଯାଇଛି। ଏହି ସମୟ ମଧ୍ୟରେ ଜରିମାନା ପୈଠ ନ କଲେ ସମ୍ପତ୍ତି ବିକ୍ରି ପାଇଁ ନୋଟିସ (ଓାରେଣ୍ଟ ଅଫ ସେଲ) ଜାରି କରାଯିବା ସହ ‘ଆରେଷ୍ଟ ଅଫ ଓାରେଣ୍ଟ’ ଇସ୍ୟୁ କରାଯିବ ବୋଲି ଜିଲାପାଳଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି। ସର୍ବୋଚ୍ଚ ନ୍ୟାୟାଳୟର ଚାପ ପଡୁଥିବାରୁ ଜିଲା ପ୍ରଶାସନ ଉକ୍ତ ମାମଲାକୁ ତୁରନ୍ତ ଶେଷ କରିବାକୁ ଉଦ୍ୟମ କରୁଛି। ପରବର୍ତ୍ତୀ ଶୁଣାଣି ଜୁନ ୨୨ରେ ହେବ ବୋଲି ଜଣାପଡିଛି।
ଉଲ୍ଲେଖନୀୟ ଯେ, କେନ୍ଦୁଝର ଜିଲାରେ ସମୁଦାୟ ୩୩ ଖଣି ମଧ୍ୟରୁ ୨୪ କମ୍ପାନୀ ବିରୋଧରେ କେସ ରୁଜୁ ହୋଇଛି। ମୋଟ ୬୩ଶହ କୋଟି ଟଙ୍କାର ଜରିମାନା ଆଦାୟ କରିବାକୁ ସର୍ବୋଚ୍ଚ ନ୍ୟାୟାଳୟ ନିର୍ଦ୍ଦେଶ ବେଳେ ଅଦ୍ୟାବଧି ମାତ୍ର ୫୨୦ କୋଟି ଆଦାୟ ହୋଇଛି। ସେଥିରୁ ପାଖାପାଖି ଓଏମଡିସି ୫୧୧ କୋଟି ଟଙ୍କା ଦେଇଥିବା ବେଳେ ବିଡି ପଟ୍ଟନାୟକ ୧ କୋଟି, ଡକ୍ଟର ସରୋଜିନୀ ପ୍ରଧାନ ୧ କୋଟି, ବିପିଏମଇ ୨ କୋଟି, ନାରାୟଣୀ ସନ୍ସ ପାଖାପାଖି ୨ କୋଟି ଟଙ୍କା ଜମା କରିଥିବା ଜଣାପଡିଛି। କେତେକ ଖଣି ସଂସ୍ଥା ଏନେଇ ସର୍ବୋଚ୍ଚ ନ୍ୟାୟାଳୟର ଦ୍ୱାରସ୍ଥ ହୋଇଥିଲେ ମଧ୍ୟ ସେଠାରୁ ନିରାଶ ହୋଇ ଫେରିଥିବାରୁ ଜରିମାନା ଅର୍ଥ ଜମା ଦେବେ ନଚେତ ସମ୍ପତ୍ତି ବାଜ୍ୟାପ୍ତି ହେବା ନିଶ୍ଚିତ ବୋଲି ଆଇନଜୀବୀମାନେ କହିଛନ୍ତି।


All Right Reserved By Dharitri.Com

ଓଟିରୋଡ ସମ୍ପ୍ରସାରଣ ଲାଗି ଜବରଦଖଲ ଉଚ୍ଛେଦ : ଭଙ୍ଗା ହେଲା ଲକ୍ଷ୍ମୀନାରାୟଣ ମନ୍ଦିର ନାଟମଣ୍ଡପ

ବାଲେଶ୍ୱର ଅଫିସ, ୨୧।୩-ବାଲେଶ୍ୱର ସହରର ମୁଖ୍ୟରାସ୍ତା ଓଟିରୋଡ୍‌ ସମ୍ପ୍ରସାରଣ ପାଇଁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି। ଶୁକ୍ରବାର ଆଇଟିଆଇସ୍ଥିତ ଲକ୍ଷ୍ମୀନାରାୟଣ ମନ୍ଦିରର ତୋରଣ, ଗରୁଡ଼ଖମ୍ଭ ଓ...

କେନ୍ଦୁଝରରେ ସାବିତ୍ରୀ ବ୍ରତ ପାଳିଲେ ଶତାଧିକ ମହିଳା

କେନ୍ଦୁଝର,୩।୬ (ସ୍ବ.ପ୍ର.): କେନ୍ଦୁଝର ଜିଲା ପୁରପଲ୍ଲୀରେ ସାବିତ୍ରୀ ବ୍ରତ ପାଳିତ ହେଉଛି। ବିଭିନ୍ନ ଦେବଦେବୀ ପୀଠରେ ବିବାହିତ ମହିଳାମାନେ ସ୍ବାମୀଙ୍କ ଶୁଭମନାସୀ, ଦୀର୍ଘ ଜୀବନ କାମନା...

ବୁଲ୍‌ବୁଲ୍‌ କ୍ଷୟକ୍ଷତି ସହାୟତା ରାଶି ପ୍ରଦାନ ଦାବିରେ ଚାଷୀଙ୍କ ଗଣଧାରଣା

ସିମୁଳିଆ,୧୩।୧୧(ଡି.ଏନ୍‌.ଏ.): ବାଲେଶ୍ୱର ଜିଲା ସିମୁଳିଆ ବ୍ଲକର ପୁରୁଷୋତ୍ତମପୁର, କାଞ୍ଚପଡ଼ା, ଅଣ୍ଡରାଇ, ଅବଝୁଣା ପଞ୍ଚାୟତରେ ବୁଲ୍‌ବୁଲ୍‌ରେ ବ୍ୟାପକ କ୍ଷୟକ୍ଷତି ହୋଇଥିବା ନେଇ ବୁଧବାର ପୁରୁଷୋତ୍ତମପୁର ରାଜସ୍ବ ନିରୀକ୍ଷକଙ୍କ...

ଓଡ଼ିଆ ଅକ୍ଷରରେ କାର୍ଟୁନ ଶିକ୍ଷା

ବାଲେଶ୍ୱର ଅଫିସ, ୧୦।୪-କରୋନା ଭୂତାଣୁ ସଂକ୍ରମଣ ରୋକିବା ପାଇଁ ସାରା ଦେଶ ଏବେ ଲକ୍‌ଡାଉନ ରହିଛି। ଏହି ସମୟକୁ କିପରି ସଦୁପଯୋଗ କରାଯାଇପାରିବ ତାହାକୁ ନେଇ...

ଇଟା ବୋଝେଇ ଇଞ୍ଜିନ ରିକ୍ସା ଓଲଟି ଛାତ୍ରଙ୍କ ଜୀବନ ଗଲା, ଚାଳକ ଗିରଫ

ଜଳେଶ୍ୱର,୨୦।୧୨(ଡି.ଏନ୍‌.ଏ) : ବାଲେଶ୍ୱର ଜିଲା ଜଳେଶ୍ବର ନୂଆ ବଜାର ରେଳ ଫାଟକରେ ଇଟା ବୋଝେଇ ଇଞ୍ଜିନ ରିକ୍ସା ଓଲଟି ଜଣେ ଦଶମ ଶ୍ରେଣୀ ଛାତ୍ରଙ୍କ ଜୀବନ...

ବ୍ୟାଙ୍କରେ ତାଲା ପକାଇଲେ ଗ୍ରାହକ

ସଜନାଗଡ଼, ୨୯।୧୧(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ବଜାରରେ ଥିବା ଷ୍ଟେଟବ୍ୟାଙ୍କ ଶାଖାରେ ଗ୍ରାହକଙ୍କୁ ଠିକ୍‌ ଭାବେ ବ୍ୟବହାର କରାଯାଉ ନ ଥିବା ଅଭିଯୋଗ ହେଉଛି। ଶୁକ୍ରବାର ବ୍ୟାଙ୍କ...

ଝରଣା ପାଣି ଏକମାତ୍ର ଭରସା

ତେଲକୋଇ, ୨୨।୫(ଡି.ଏନ.ଏ.)-ତେଲକୋଇ ବ୍ଲକ ଅନ୍ତର୍ଗତ ଶିବନାରାୟଣପୁର ଗୋଡା ପଞ୍ଚାୟତ ଅଧୀନରେ ରହିଛି କାଞ୍ଜିଆଝରଣ ବସ୍ତି । ପାହାଡ ଉପରେ ବସବାସ କରୁଥିବା ୩୦ରୁ ଊର୍ଦ୍ଧ୍ୱ ଭୂୟାଁ...

କାର୍ଯ୍ୟାଦେଶ ବଣ୍ଟନ ପରେ ବି ଆରମ୍ଭ ହୋଇନି କାମ: ଅସନ୍ତୋଷ ପ୍ରକାଶ କଲେ ବିଧାୟକ

ବାଲେଶ୍ୱର ଅଫିସ,୪।୬-ବାଲେଶ୍ୱର ସଦର ବିଧାୟକ ମଦନମୋହନ ଦତ୍ତ ମଙ୍ଗଳବାର ସଦର ବ୍ଲକକୁ ସୌଜନ୍ୟମୂଳକ ଭାବରେ ପରିଦର୍ଶନ କରି ବିଭିନ୍ନ ଉନ୍ନୟନମୂଳକ କାର୍ଯ୍ୟ ସମ୍ପର୍କରେ ସମୀକ୍ଷା କରିଛନ୍ତି।...

Leave a comment

Your email address will not be published. Required fields are marked *