ଶିଖାଇଲେ, ନିଜେ ଶିଖିଲେନି : ୩୫ ପ୍ରତିଶତ ପୋଷ୍ଟାଲ ଭୋଟ ନାକଚ

ଭଦ୍ରକ ଅଫିସ, ୨।୬ – ପ୍ରତି ନିର୍ବାଚନରେ ପୋଷ୍ଟାଲ ଭୋଟକୁ ଅଧିକ ଗୁରୁତ୍ୱ ଦିଆଯାଇଥାଏ। ଚଳିତ ସାଧାରଣ ନିର୍ବାଚନରେ ଭଦ୍ରକ ଜିଲାର ସଂସଦୀୟ କ୍ଷେତ୍ରରେ ୩୫ ପ୍ରତିଶତ ପୋଷ୍ଟାଲ ଭୋଟ ନାକଚ ହୋଇଛି। ନିର୍ବାଚନ ପ୍ରକ୍ରିୟାରେ ସହଯୋଗ କରୁଥିବା ସରକାରୀ କର୍ମଚାରୀ ନିଜେ ଦେଇଥିବା ଭୋଟ ମଧ୍ୟରୁ ଏତେସଂଖ୍ୟକ ଭୋଟ ନାକଚ ହେବା ଘଟଣା ସମସ୍ତଙ୍କୁ ଚକିତ କରିଛି। ଯେଉଁମାନେ ନିର୍ବାଚନ ପରିଚାଳନା ଦାୟିତ୍ୱରେ ରହିଥିଲେ, କେମିତି ଭୋଟ ଦିଆଯିବ ଲୋକଙ୍କୁ ବୁଝାଉଥିଲେ। ସେମାନେ ନିଜେ ଠିକ୍‌ରେ ଭୋଟ ଦେଇ ନ ପାରିବା ପ୍ରଶ୍ନବାଚୀ ସୃଷ୍ଟି କରିଛି। ଉଲ୍ଲେଖନୀୟ ଯେ, ନିର୍ବାଚନ ଅବ୍ୟବହିତ ପୂର୍ବରୁ ସରକାରୀ କର୍ମଚାରୀ ଓ ଶିକ୍ଷକମାନେ ପ୍ରାୟ ଦୁଇମାସ ଧରି ନିର୍ବାଚନ ପରିଚାଳନା ସମ୍ପର୍କରେ ୬ ଥରରୁ ଊର୍ଦ୍ଧ୍ୱ ତାଲିମ ନେଇଥିଲେ। ଏହାସତ୍ତ୍ୱେ ପୋଷ୍ଟାଲ ଭୋଟ୍‌ କିଭଳି ଦିଆଯିବ ଓ କେଉଁ ଫର୍ମ କେତେଥର ପୂରଣ କରାଯିବ ତାହା ନିଜେ ଅଧିକାରୀମାନେ ଜାଣି ନ ଥିବାରୁ ପୋଷ୍ଟାଲ ଭୋଟ ପ୍ରଦାନରେ ଏଥର ବ୍ୟାପକ ତ୍ରୁଟି ପରିଲକ୍ଷିତ ହୋଇଛି। ଶିକ୍ଷିତ ତଥା ଦାୟିତ୍ୱସମ୍ପନ୍ନ କର୍ମଚାରୀଙ୍କର ଏତେ ପରିମାଣରେ ଭୋଟ ନାକଚ ହେବା ଗଣତନ୍ତ୍ର ପାଇଁ ଶୁଭଙ୍କର ନୁହେଁ ବୋଲି ବୁଦ୍ଧିଜୀବୀମାନେ ମତ ପ୍ରକାଶ କରିଛନ୍ତି।
ଏଥର ନିର୍ବାଚନରେ ଭଦ୍ରକ ସଂସଦୀୟ କ୍ଷେତ୍ରରେ ମୋଟ ୮୧୭୧ଟି ପୋଷ୍ଟାଲ ଭୋଟ୍‌ ଆସିଥିଲା। ସେଥିମଧ୍ୟରୁ ୫୨୮୧ କାଏମ ଥିବାବେଳେ ୨୮୯୦ ଭୋଟ୍‌ ନାକଚ ହୋଇଥିଲା। ପ୍ରତି ବିଧାନସଭା ଆସନରେ ଆସିଥିବା ପୋଷ୍ଟାଲ ଭୋଟ୍‌ ବି ଏହି ହାରରେ ନାକଚ ହୋଇଛି। ପୋଷ୍ଟାଲ ଭୋଟ୍‌ ନାକଚ ହେବା ସମ୍ପର୍କରେ ଜଣେ ଅଧିକାରୀଙ୍କୁ ପଚାରିବାରୁ କହିଛନ୍ତି, ବାଲଟରେ ଭୋଟ ଦେବାବେଳେ ୧୩ ଏ ଫର୍ମରେ ଲେଖାଯାଇଥିବା ସିରିଏଲ୍‌ ନମ୍ବରକୁ ୧୩ ବି ଫର୍ମରେ କେତେକ ଲେଖି ନ ଥିଲେ। ସେମାନଙ୍କ ୧୩ ଏ ଫର୍ମକୁ କୌଣସି ଗେଜେଟେଡ ଅଫିସର ଆଟେଷ୍ଟେଡ କରି ନ ଥିଲେ। ସେହିପରି ବାଲଟରେ ଭୋଟ ଦେଇସାରି ୧୩ ଏ ଖୋଳ ଭିତରେ କେତେକ ନିଜର ଘୋଷଣାନାମା ଦେଇ ନ ଥିଲେ। ମୁଖ୍ୟତଃ ଏହି ୩ଟି କାରଣରୁ ଭଦ୍ରକରେ ୨୮୯୦ଟି ଭୋଟ ନାକଚ ହୋଇଛି। ୨୦୧୪ ନିର୍ବାଚନ ତୁଳନାରେ ଏଥର ପୋଷ୍ଟାଲ ଭୋଟ୍‌ ସଂଖ୍ୟା ଚାରିଗୁଣ ବଢ଼ିଛି। ତେବେ ଏହି ଭୁଲ୍‌ ପାଇଁ କର୍ମଚାରୀଙ୍କ ଖିଆଲି ମନୋଭାବ ଯେତିକି ଦାୟୀ, ଦାୟିତ୍ୱରେ ଥିବା ଅଧିକାରୀମାନେ ବି ସେତିକି ଦାୟୀ। ଏଭଳି ଭୁଲ୍‌ ଭବିଷ୍ୟତରେ ଯେପରି ନ ହେବ ସେ ଦିଗରେ ସମସ୍ତେ ସଚେତନ ହେବା ଆବଶ୍ୟକ ବୋଲି ଆଇନଜୀବୀ ଶ୍ରୀକାନ୍ତ ତ୍ରିପାଠୀ କହିଛନ୍ତି।


All Right Reserved By Dharitri.Com

ପାଠକଙ୍କୁ ବାନ୍ଧିରଖେ କବିତାର ଭାଷାବିନ୍ୟାସ

ବାଲେଶ୍ୱର ଅଫିସ, ୧୪।୧୦-ବାଲେଶ୍ୱରର ଏକ ଘରୋଇ ହୋଟେଲ ପରିସରରେ ମାସିକ ସାହିତ୍ୟ ପତ୍ରିକା ‘ସାଗରିକା’ର ୫୦ତମ ମାସିକ ସାହିତ୍ୟ ଆସର ଅନୁଷ୍ଠିତ ହୋଇଛି। ଏଥିରେ ବହୁ...

ବାଲିଆପାଳକୁ ଲକ୍‌ଡାଉନ ଘୋଷଣା

ବାଲିଆପାଳ,୨୩।୩(ସ୍ବ.ପ୍ର/ଡି.ଏନ.ଏ.)-କରୋନା ଭୂତାଣୁର ଭୟାବହତାକୁ ଦେଖି ବାଲେଶ୍ୱର ଜିଲା ବାଲିଆପାଳ ବ୍ଲକକୁ ଆସନ୍ତା ୩୧ ତାରିଖ ପର୍ଯ୍ୟନ୍ତ ଜିଲାପାଳ କେ. ସୁଦର୍ଶନ ଚକ୍ରବର୍ତ୍ତୀଙ୍କ ନିର୍ଦ୍ଦେଶରେ ଲକ୍‌ଡାଉନ ଘୋଷଣା...

୨ ହୋଟେଲ ମ୍ୟାନେଜର ଗିରଫ: ତାଳସାରୀର ୨ ହୋଟେଲ ସିଲ୍‌

ଭୋଗରାଇ, ୧୪।୧୨(ଡି.ଏନ.ଏ.)-ବାଲେଶ୍ୱର ଜିଲା ସୀମାନ୍ତ ଜଳେଶ୍ୱର ଓ ଭୋଗରାଇ ଅଞ୍ଚଳରେ ହୋଟେଲ ଏବଂ ଲଜ୍‌ରେ ବେଧଡ଼କ ଦେହ ବ୍ୟବସାୟ ହେଉଥିବା ଭିଡ଼ିଓ ଭାଇରାଲ ଓ ଗଣମାଧ୍ୟମରେ...

ପାଟଣା ବଜାରରୁ ସିରିଜ ଚୋରି, ରୁପା କଏନ୍‌ ସହ ନଗଦ ଟଙ୍କା, ଷ୍ଟେସନାରି ଚୋରି କଲେ ଦୁର୍ବୃତ୍ତ

ପାଟଣା,୨୧।୫(ସ୍ବ.ପ୍ର.): କେନ୍ଦୁଝର ଜିଲା ପାଟଣା ଥାନା ମୁଖ୍ୟାଳୟସ୍ଥିତ ବଜାର ଦୋକାନରୁ ସୋମବାର ବିଳମ୍ବିତ ରାତିରେ ସିରିଜ୍‌ ଚୋରି ହୋଇଛି। ସହଦେବ ବେହେରାଙ୍କ ଭେରାଇଟି ଷ୍ଟୋର ଓ...

ଡମ୍ପର ଧକ୍କାରେ ବ୍ୟାଙ୍କ କର୍ମଚାରୀଙ୍କ ଜୀବନ ଗଲା

ଖଇରା,୨୦।୫(ଡି.ଏନ୍‌.ଏ.): ବାଲେଶ୍ବର ଜିଲା ଖଇରା ଥାନା ଅଧୀନ ବ୍ରାହ୍ମଣପୋଖରୀ ଛକ ନିକଟରେ ରବିବାର ରାତିରେ ଏକ ଡମ୍ପର ଧକ୍କାରେ ଜଣେ ବ୍ୟାଙ୍କ କର୍ମଚାରୀଙ୍କ ମୃତ୍ୟୁ ଘଟିଛି।...

ତୁଡିଗଡିଆରେ ୭୭ତମ ଶହୀଦ ଦିବସ ‘ଶହୀଦଙ୍କ ତ୍ୟାଗକୁ ଯୁବପିଢି ଅନୁସରଣ କରନ୍ତୁ’

ଖଇରା, ୨୯।୯(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକର ରକ୍ତତୀର୍ଥ ଭାବେ ପରିଚିତ ତୁଡିଗଡିଆଠାରେ ୭୭ତମ ଶହୀଦ ଦିବସ ବିଭିନ୍ନ କାର୍ଯ୍ୟକ୍ରମ ମଧ୍ୟରେ ପାଳିତ ହୋଇଯାଇଛି। ଏହି ଅବସରରେ...

ପଞ୍ଚାୟତ ସଭା ଚାଲିଥିବା ବେଳେ ତଡ଼ା ଖାଇଲେ ସରପଞ୍ଚଙ୍କ ସ୍ବାମୀ

ଆନନ୍ଦପୁର,୩୦।୫: ଘଷିପୁରା ବ୍ଲକ ବଳରାମପୁର ପଞ୍ଚାୟତରେ ଅଭାବନୀୟ ଘଟଣା ଦେଖିବାକୁ ମିଳିଛି। ପଞ୍ଚାୟତର ସଭା ଚାଲିଥିବା ବେଳେ ସରପଞ୍ଚଙ୍କ ସ୍ବାମୀଙ୍କୁ ତଡ଼ା ଖାଇବାକୁ ପଡ଼ିଛି। ସୂଚନାଯୋଗ୍ୟ,...

ବିନା ଲାଇସେନ୍ସରେ ଚାଲିଛି କରତକଳ :ଧ୍ୱଂସପାଉଛି ଗ୍ରାମ୍ୟ ଜଙ୍ଗଲ

ବାଲିଆପାଳ, ୨୪ା୯(ଡି.ଏନ.ଏ.)-ବାଲେଶ୍ୱର ଜିଲା ବାଲିଆପାଳ ବ୍ଲକ ସମେତ ଗ୍ରାମାଞ୍ଚଳରେ ଛତୁ ଫୁଟିଲା ଭଳି ବିନା ଲାଇସେନ୍ସରେ ଏବେ କରତକଳମାନ ଚାଲୁଛି। ଫଳରେ ଗ୍ରାମ୍ୟଜଙ୍ଗଲ ଦିନକୁ ଦିନ...

Leave a comment

Your email address will not be published. Required fields are marked *