ଶ୍ରୀଲିଙ୍ଗରାଜ ମନ୍ଦିର ଉଚ୍ଛେଦ ପ୍ରସଙ୍ଗ: ଜବରଦଖଲରେ ପାର୍ଶ୍ୱ ଦେବଦେବୀ ପୀଠ

ପୁରୁଣା ଭୁବନେଶ୍ୱର,୩ା୧(ଡି.ଏନ.ଏ.): ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ସୌନ୍ଦର୍ଯ୍ୟକରଣ ପାଇଁ ଉଚ୍ଛେଦକୁ ସବୁ ମହଲରୁ ସ୍ବାଗତ କରାଯାଉଛି। ହେଲେ ଶ୍ରୀଲିଙ୍ଗରାଜଙ୍କ ରୀତିନୀତି ସହ ଜଡ଼ିତ ଅନ୍ୟ ପାର୍ଶ୍ୱ ଦେବଦେବୀଙ୍କ ପୀଠ ଓ ମନ୍ଦିର ଅବ୍ୟବସ୍ଥା ନେଇ ଭକ୍ତ ଓ ପର୍ଯ୍ୟଟକମାନେ କ୍ଷୋଭ ପ୍ରକାଶ କରିଛନ୍ତି। ପାର୍ଶ୍ୱ ଦେବଦେବୀଙ୍କ ପୀଠଗୁଡିକ ରାଜସ୍ବ ରେକର୍ଡ ଅନୁଯାୟୀ ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟବୋର୍ଡ ଅଧୀନରେ ଥିଲେ ମଧ୍ୟ ବିଭାଗୀୟ ଅବହେଳା କାରଣରୁ ଏକାମ୍ର କ୍ଷେତ୍ରର ଐତିହ୍ୟ ଦିନକୁ ଦିନ ସତ୍ତା ହରାଇବାକୁ ବସିଛି। ବିଭିନ୍ନ ପ୍ରଭାବଶାଳୀ ବ୍ୟକ୍ତିଙ୍କ ଜବରଦଖଲ ଓ ପର୍ଯ୍ୟଟନ ବିଭାଗ ବେଆଇନ ନିର୍ମାଣ ଏ ପରିସ୍ଥଇତି ସୃଷ୍ଟି କରିଛଇ। ଶ୍ରୀଲିଙ୍ଗରାଜ ମନ୍ଦିର ପୂର୍ବଦିଗରେ ଅବସ୍ଥିତ ପୂର୍ବେଶ୍ୱର ମନ୍ଦିର ପରିସରରେ ଭୁବନେଶ୍ୱର ପଞ୍ଚାୟତ ସମିତି ପକ୍ଷରୁ ପ୍ରତ୍ନତତ୍ତ୍ୱ ବିଭାଗ, ଦେବୋତ୍ତର ବିଭାଗ କିମ୍ବା ଶ୍ରୀଲିଙ୍ଗରାଜ ମନ୍ଦିର ଟ୍ରଷ୍ଟବୋର୍ଡ ଅନୁମତି ନ ନେଇ ରୋଷଘର ନାମରେ ଅଧାଖଣ୍ଡିଆ ନିର୍ମାଣ କରାଯାଇଛି। ଏଗୁଡିକୁ କୌଣସି ସରକାରୀ ନିୟନ୍ତ୍ରଣାଧୀନ ନ ଥିବାରୁ ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ଭାବେ ବ୍ୟବହାର ହେଉଛି। ସୂକ୍ଷ୍ମେଶ୍ୱର ମନ୍ଦିର ପରିସରରେ ସୂକ୍ଷ୍ମେଶ୍ୱର ମହାଦେବଙ୍କ ରୋଷଘର ରେକର୍ଡଭୁକ୍ତ ଜମି ଉପରେ ପଞ୍ଚାୟତ ସମିତି କମ୍ୟୁନିଟ୍‌ ସେଣ୍ଟର ନିର୍ମାଣ କରାଯାଇଛି। ବରୁଣେଶ୍ୱର ମନ୍ଦିର ବେଢା ପରିକ୍ରମା ନିମନ୍ତେ ରହିଥିବା ଖୋଲା ସ୍ଥାନରେ ମଣ୍ଡପ ନିର୍ମାଣ କରାଯାଇଛି।

ମନ୍ଦିର ବେଢ଼ାରେ ବ୍ୟବସାୟ ପ୍ରତିଷ୍ଠାନ:
ଶ୍ରୀଲିଙ୍ଗରାଜଙ୍କ ଲାଖବିନ୍ଧା ପଡ଼ିଆ ଭାବେ ପରିଚିତ ମା’ କାଳୀକା ଦେବୀ ପୀଠ ତା’ର ସ୍ଥିତି ରକ୍ଷା କରିପାରିନାହିଁ। କେତେଜଣ ବିଲ୍ଡର ଓ ବ୍ୟକ୍ତିବିଶେଷଙ୍କ ସଲାସୁତରାରେ ମନ୍ଦିରର ମୂଳ ମାଲିକାନା ପରିସର, ପରିପାଟୀ ଓ ସୌନ୍ଦର୍ଯ୍ୟକୁ ନିଶ୍ଚିହ୍ନ କରି ଦିଆଯାଇଛି। ମୋଟ ୧୧୯ ଡିସିମିଲ୍‌ ପରିମିତ ଏହି ମନ୍ଦିର ବେଢାରୁ କେବଳ ୩ ରୁ ୪ ଡିସିମିଲ୍‌ରେ ଏବେ ମନ୍ଦିର ପରିସର ସୀମିତ ହୋଇରହିଛି। ଏହିପରି ଐତିହ୍ୟ ବୈତାଳେଶ୍ୱର ମନ୍ଦିର ପରିସର ଅବୈଧ ନିର୍ମାଣକୁ ଏଏସ୍‌ଆଇ ପକ୍ଷରୁ ବାରମ୍ବାର ତାଗିଦ୍‌ କରାଯାଇଥିଲା। ଏହା ପରେ ପର୍ଯ୍ୟଟନ ବିଭାଗ ପକ୍ଷରୁ ମଣ୍ଡପ ନିର୍ମାଣ ଯୋଗୁ ମନ୍ଦିରର ସୌନ୍ଦର୍ଯ୍ୟ ହାନି ସହ ଏଥିପ୍ରତି ବିପଦ ସୃଷ୍ଟି ହୋଇଛି। ଏ ନେଇ ଏଏସ୍‌ଆଇ ପ୍ରତ୍ନତତ୍ତ୍ୱ ଅଧୀକ୍ଷଣ ଅଧିକାରୀ, ଭୁବନେଶ୍ୱର ଡିସିପି, ପୋଲିସ କମିଶନର, ଜିଲାପାଳଙ୍କ ସମେତ ରାଜ୍ୟ ସରକାରଙ୍କ ବିଭିନ୍ନ ବିଭାଗକୁ ଅବଗତ କରାଯାଇଥିଲେ ମଧ୍ୟ ଅଦ୍ୟାବଧି ଏହା ଉଚ୍ଛେଦ କରାଯାଇନି। ଅନୁରୂପ ଭାବେ ଅନନ୍ତ ବାସୁଦେବ, ବ୍ରହ୍ମେଶ୍ୱର, ଲକ୍ଷ୍ମଣେଶ୍ୱର, ଶତ୍ରୁଘ୍ନନେଶ୍ୱର, ଶିଶିରେଶ୍ୱର ମନ୍ଦିର, ତାଳେଶ୍ୱର, ଶ୍ରୀଭାବାନୀ, ଶୁକଶାରୀ, ଶାରିଦେଉଳ, ସ୍ବର୍ଣ୍ଣଜଳେଶ୍ୱର, ସୁବର୍ଣ୍ଣେଶ୍ୱର, ବାଘେଶ୍ୱର, ଶ୍ରୀପଞ୍ଚମୀ ପଡ଼ିଆର ଚତୁଃପାର୍ଶ୍ୱରେ ନିର୍ମାଣ ଏବଂ ଜବରଦଖଲକୁ ହଟାଯାଇ ମୁଖ୍ୟମନ୍ତ୍ରୀଙ୍କ ଏକାମ୍ର କ୍ଷେତ୍ରର ମେଗା ପ୍ରୋଜେକ୍ଟରେ ସାମିଲ କରାଯିବାକୁ ବୁଦ୍ଧିଜୀବୀ ମହଲରେ ଦାବି ହୋଇଛି। ଏ ନେଇ ଏଏସ୍‌ଆଇର ସଂରକ୍ଷଣ ଅଧିକାରୀ ନିର୍ମଳ ମହାପାତ୍ର କୁହନ୍ତି, ଆମେ ବିଭିନ୍ନ ମନ୍ଦିରରେ ଅବୈଧ ନିର୍ମାଣ ନେଇ କେବଳ ନୋଟିସ୍‌ ଏବଂ କାରଣ ଦର୍ଶାଅ ନୋଟିସ୍‌ ଜାରି କରିଛୁ।


All Right Reserved By Dharitri.Com

ଅଦାଲତ ଅବମାନନା ମାମଲା: ୪ରେ ପରବର୍ତ୍ତୀ ଶୁଣାଣି

କଟକ ଅଫିସ, ୨୨ା୧୦: ଆଇନଜୀବୀଙ୍କ କୋର୍ଟ ବର୍ଜନ ଆନ୍ଦୋଳନକୁ ନେଇ ଓଡ଼ିଶା ହାଇକୋର୍ଟ ରେଜିଷ୍ଟ୍ରାର ଜେନେରାଲଙ୍କ ପକ୍ଷରୁ ରୁଜୁ ହୋଇଥିବା ଅଦାଲତ ଅବମାନନା ମାମଲାର ପରବର୍ତ୍ତୀ...

ଦିନକରେ ୧.୧ ଲକ୍ଷ ଜରିମାନା ଆଦାୟ

ଅନୁଗୋଳ ଅଫିସ୍‌, ୩।୩ ରାଜ୍ୟରେ ସଂଶୋଧିତ ମୋଟରଯାନ ନିୟମ କଡାକଡି ଲାଗୁ ହେବା ପରେ ପୋଲିସ ଓ ଆର୍‌ଟିଓ ପକ୍ଷରୁ ଜୋରଦାର ଧରପଗଡ ଚାଲିଛି। ଅନୁଗୋଳରେ...

ବାଲିଯାତ୍ରା ପାଇଁ ଟ୍ରାଫିକ କଟକଣା

କଟକ ଅଫିସ,୯ା୧୧: ଆସନ୍ତା ୧୨ରେ କଟକ ବାଲିଯାତ୍ରା। ଏଠାରେ ବୁଲିବା ସହ ଚଟ୍‌ପଟି ଖାଦ୍ୟର ମଜା ନେବାକୁ ରାଜ୍ୟ ଓ ରାଜ୍ୟ ବାହାରୁ ଲୋକଙ୍କ ସମାଗମ...

ବସ୍ତିରେ ମିଳିବ କୋଠାଘର

ଭୁବନେଶ୍ୱର, ୨୬ା୯(ବ୍ୟୁରୋ): ରାଜ୍ୟର ବିଜ୍ଞାପିତ ଅଞ୍ଚଳ ପରିଷଦ (ଏନ୍‌ଏସି), ମ୍ୟୁନିସିପାଲିଟି ଏବଂ ସମସ୍ତ ମହାନଗର ନିଗମରେ ବ୍ୟବସ୍ଥିତ ବସ୍ତି ଯୋଜନା (ସ୍ଲମ ପ୍ରୁଫିଙ୍ଗ୍‌) କାର୍ଯ୍ୟକାରୀ ହେବ।...

ଖୁବ୍‌ଶୀଘ୍ର ଗଠନ ହେବ ଜିଲା ଯୋଜନା କମିଟି

ଭୁବନେଶ୍ୱର,୧।୮(ବ୍ୟୁରୋ): ଖୁବ୍‌ଶୀଘ୍ର ଜିଲା ଯୋଜନା କମିଟି ଗଠନ ହେବ। ନିର୍ବାଚନ ଥିବାରୁ ଏହା ବିଳମ୍ବ ହୋଇଥିଲା। ଏ ନେଇ ପ୍ରକ୍ରିୟା ଆରମ୍ଭ ହୋଇଛି। ଗୁରୁବାର ଯୋଜନା...

ମାର୍ଚ୍ଚ ୩୧ ସୁଦ୍ଧା ସବୁ ଧାନ କିଣାଯିବ:ମନ୍ତ୍ରୀ

ଭୁବନେଶ୍ୱର,୨୬।୧(ବ୍ୟୁରୋ): ରାଜ୍ୟର ବିଭିନ୍ନ ଜିଲାରେ ଚାଷୀମାନେ ଧାନ ବିକ୍ରିକୁ ନେଇ ଅସୁବିଧାର ସମ୍ମୁଖୀନ ହେଉଥିବା ବେଳେ ମଣ୍ଡିରେ ମଧ୍ୟ ଅବ୍ୟବସ୍ଥାକୁ ନେଇ ଅସନ୍ତୋଷ ପ୍ରକାଶ ପାଉଛି।...

ସୁସ୍ଥ ହେଲେ ପୁରୀର ଏକମାତ୍ର କରୋନା ଆକ୍ରାନ୍ତ

ପୁରୀ ଅଫିସ,୧୧।୪: କରୋନାକୁ ନେଇ ପୁରୀ ଜିଲାବାସୀଙ୍କ ମଧ୍ୟରେ ଯେଉଁ ଆଶଙ୍କା ରହିଥିଲା ସେଥିରେ କିଛି ମାତ୍ରାରେ ଆସ୍ବସ୍ଥ ହୋଇଛନ୍ତି ଜିଲାବାସୀ। ଜିଲାର ପ୍ରଥମ କରୋନା...

ଓଟିରୋଡ ସମ୍ପ୍ରସାରଣ ଲାଗି ଜବରଦଖଲ ଉଚ୍ଛେଦ : ଭଙ୍ଗା ହେଲା ଲକ୍ଷ୍ମୀନାରାୟଣ ମନ୍ଦିର ନାଟମଣ୍ଡପ

ବାଲେଶ୍ୱର ଅଫିସ, ୨୧।୩-ବାଲେଶ୍ୱର ସହରର ମୁଖ୍ୟରାସ୍ତା ଓଟିରୋଡ୍‌ ସମ୍ପ୍ରସାରଣ ପାଇଁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି। ଶୁକ୍ରବାର ଆଇଟିଆଇସ୍ଥିତ ଲକ୍ଷ୍ମୀନାରାୟଣ ମନ୍ଦିରର ତୋରଣ, ଗରୁଡ଼ଖମ୍ଭ ଓ...

Leave a comment

Your email address will not be published. Required fields are marked *