ସାତକୋଶିଆ: ସାଇକେଲରେ ବୁଲି ଦେଖିହେବ ବନ୍ୟଜନ୍ତୁ

ବନ୍ତଳା,୩ା୧ – ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟର ଶୋଭା ବୃଦ୍ଧି କରାଯିବ। ପ୍ରତିବର୍ଷ ଅଧିକରୁ ଅଧିକ ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ବନ ବିଭାଗ ପକ୍ଷରୁ ୫ କୋଟିରୁ ଅଧିକ ଟଙ୍କା ବ୍ୟୟରେ ଏ ନେଇ ସ୍ବତନ୍ତ୍ର ଯୋଜନା ପ୍ରସ୍ତୁତ କରାଯାଇଛି। ଅଭୟାରଣ୍ୟର କେତେକ ସ୍ଥାନରେ ଏଥିପାଇଁ କାର୍ଯ୍ୟ ମଧ୍ୟ ଆରମ୍ଭ ହୋଇଯାଇଛି। ଏହା ସମ୍ପୂର୍ଣ୍ଣ ହେଲେ ଏଠାକୁ ଆସୁଥିବା ଦେଶ ବିଦେଶର ପର୍ଯ୍ୟଟକଙ୍କୁ ବହୁ ଅଧିକ ସୁବିଧା ମିଳିପାରିବ। ଏପରି କି ସାତକୋଶିଆର ଶୋଭା ଯେପରି ସେମାନଙ୍କ ମନକୁ ମୁଗ୍ଧ କରିଦେବ ସେଥିପାଇଁ କିଛି ନିର୍ଦ୍ଦିଷ୍ଟ ଯୋଜନା ଉପରେ ଗୁରୁତ୍ୱ ଦେଇଛି ବନ ବିଭାଗ। ବିଶେଷକରି ପର୍ଯ୍ୟଟକମାନେ ଯେପରି ମହାନଦୀ ଗଣ୍ଡରେ ବୁଲି ମଗର, ଘଡ଼ିଆଳ ଓ ନାନା ପ୍ରଜାତିର ପଶୁପକ୍ଷୀ ଦେଖି ଖୁସି ହେବେ ସେଥିପାଇଁ ୬ଟି ନୂଆ ବୋଟ୍‌ ସହ ଗୋଟିଏ ଫ୍ଲୋଟିଂ ଜେଟି ଅଣାଯିବ। ଏଥିସହ ନେଚର କ୍ୟାମ୍ପରେ ରହୁଥିବା ପର୍ଯ୍ୟଟକଙ୍କୁ ଜଙ୍ଗଲରେ ବୁଲି ବନ୍ୟଜନ୍ତୁ ଦେଖିବାକୁ ସାଇକେଲ ଯୋଗାଇ ଦିଆଯିବ। ପିଲାଙ୍କ ପାଇଁ ପାର୍କ ଓ ନାନା ପ୍ରକାରର ଦୋଳି ବ୍ୟବସ୍ଥା କରାଯାଉଥିବା ବେଳେ ସମସ୍ତେ ଯେପରି ୩-ଡିର ମଜା ନେଇପାରିବେ ସେଥିପାଇଁ ଏକ ହଲ୍‌ ନିର୍ମାଣ କରାଯିବାର ଯୋଜନା ଥିବା ଡିଏଫ୍‌ଓ ରାମସ୍ବାମୀ ପି. ସୂଚନା ଦେଇଛନ୍ତି।
ଡିଏଫ୍‌ଓ ରାମସ୍ବାମୀ ପି. କହିଛନ୍ତି, କେନ୍ଦ୍ରୀୟ ଅନୁଦାନ, କାମ୍ପା ଅନୁଦାନ ଓ ଇକୋଟ୍ୟୁରିଜମ ଡେଭଲପମେଣ୍ଟ ପାଣ୍ଠିରୁ ୫ କୋଟିରୁ ଅଧିକ ଟଙ୍କା ଖର୍ଚ୍ଚ କରାଯାଇ ସାତକୋଶିଆ ଅଭୟାରଣ୍ୟରେ ପର୍ଯ୍ୟଟନର ବିକାଶ କରାଯିବ। ମହାନଦୀ ଗଣ୍ଡରେ ଥିବା ଘଡ଼ିଆଳ ଓ ମଗର କୁମ୍ଭୀର ଦେଖିବାକୁ ପ୍ରତିବର୍ଷ ହଜାର ହଜାର ପର୍ଯ୍ୟଟକ ଆସୁଛନ୍ତି। ଆଗାମୀ ଦିନରେ ଏଠାକୁ ଆସୁଥିବା ପର୍ଯ୍ୟଟକମାନେ କିପରି ମହାନଦୀରେ ବୁଲି ସାତକୋଶିଆର ଶୋଭାକୁ ଅଧିକ ଉପଭୋଗ କରିପାରିବେ ସେଥିପାଇଁ ବନ ବିଭାଗ ପୂର୍ବରୁ ୫ଟି ବୋଟ୍‌ ଆଣିଥିବା ବେଳେ ଏବେ ୯୫.୫୦ ଲକ୍ଷ ଟଙ୍କା ବ୍ୟୟରେ ଆଉ ୬ଟି ବୋଟ୍‌ ଓ ଗୋଟିଏ ଫ୍ଲୋଟିଂ ଜେଟି ଆଣିବାକୁ ଲକ୍ଷ୍ୟ ରଖିଛି। ଏଥିପାଇଁ ଟେଣ୍ଡର ସରିଛି। ଏହା ମାର୍ଚ୍ଚ ମଧ୍ୟରେ ମହାନଦୀକୁ ଆସିବ। ଏହାକୁ ଜିଲିଣ୍ଡା ରେଞ୍ଜ ବାଲିକିଆରିରେ ଓ ଟିକରପଡାରେ ରଖାଯିବ। ସେହିପରି ସାତକୋଶିଆ ପରିଦର୍ଶନରେ ଆସୁଥିବା ସ୍କୁଲ ପିଲାମାନେ ଯେପରି ବୁଲିବା ସହ ଖେଳିବାର ମଜା ନେଇପାରିବେ ତାହାକୁ ଲକ୍ଷ୍ୟ ରଖି ଟିକରପଡାର ଘଡ଼ିଆଳ ପ୍ରଜନନ ଓ ସଂରକ୍ଷଣ କେନ୍ଦ୍ର ସମ୍ମୁଖରେ ପାର୍କ କାର୍ଯ୍ୟ ଚାଲିଛି। ଏଥିରେ ଦୋଳି, ଚକ୍ରିଦୋଳି, ଖସଡ଼ା, ବାଲାନ୍ସ ଚେୟାର ଆଦି ଲଗା ଯାଇଛି। ଏଥିସହିତ ମହାନଦୀ ଗଣ୍ଡ, ପାହାଡ଼ ଓ ଜଳ ରାଶିର ସୌନ୍ଦର୍ଯ୍ୟକୁ ଉପଭୋଗ କରିବା ପାଇଁ ବିଭିନ୍ନ ସ୍ଥାନରେ ଚେୟାରମାନ ପକାଯାଇଛି। ନନ୍ଦନକାନନରୁ ୫ଟି ଘଡ଼ିଆଳ ଅଣାଯାଇ ଏଠାରେ ପ୍ରଜନନ କରାଯିବାର ଯୋଜନା ରହିଛି। ସେହିସବୁ ଘଡ଼ିଆଳକୁ ପର୍ଯ୍ୟଟକମାନେ ଅତି ନିକଟରୁ ଦେଖିପାରିବା ଭଳି ବ୍ୟବସ୍ଥା କରାଯାଉଛି। ବଣଭୋଜି ପାଇଁ ଆସୁଥିବା ପର୍ଯ୍ୟଟକମାନଙ୍କ ପାଇଁ ଗୋଟିଏ ସ୍ଥାନ ବଦଳରେ ଏଥର ଏକାଧିକ ଆକର୍ଷଣୀୟ ସ୍ଥାନ ଚିହ୍ନଟ କରାଯାଉଛି। ସେମାନେ ମଝିପଡା, ବେହେରାସାହି କିମ୍ବା ହାତିବାରିରେ ବଣଭୋଜି କରିପାରିବେ। ସ୍ଥାନୀୟ ଗ୍ରାମବାସୀ ସହଯୋଗ କଲେ ଏହା ସଫଳ ହେବା ସହ ଗଁା ଲୋକଙ୍କ ରୋଜଗାର ମଧ୍ୟ ବଢିବ। ଏ ସମ୍ପର୍କରେ ଗ୍ରାମବାସୀମାନଙ୍କ ସହିତ ଆଲୋଚନା କରି ଆଗାମୀ ଋତୁ ପୂର୍ବରୁ ସେସବୁ ପ୍ରସ୍ତୁତ କରାଯିବ। ପର୍ଯ୍ୟଟକଙ୍କୁ ସାତକୋଶିଆର ମନୋରମ ଦୃଶ୍ୟ, ବାଘ, ହାତୀ, ହରିଣ ଓ ଅନ୍ୟାନ୍ୟ ଜୀବଜନ୍ତୁ ସହିତ ସାତକୋଶିଆ ଗଣ୍ଡ, ଘଡ଼ିଆଳ ବିଚରଣ, ଅଧିବାସୀଙ୍କ ଜୀବନ ଜୀବିକା, ବନକର୍ମଚାରୀଙ୍କ କାର୍ଯ୍ୟ, ଅଧିବାସୀଙ୍କ ବିକାଶ, ସାଂସ୍କୃତିକ କାର୍ଯ୍ୟକ୍ରମ ଆଦି ସମ୍ପର୍କରେ ପରିଚିତ କରାଇବାକୁ ଏକ ୩ଡି ଫିଲ୍ମ ହଲ ନିର୍ମାଣ କରାଯିବାର ଯୋଜନା ରଖାଯାଇଛି। ଟିକରପଡା ବନବିଭାଗ ବଙ୍ଗଳା ନିକଟରେ ଏହା କରାଯିବ। ଯେଉଁ ପର୍ଯ୍ୟଟକମାନେ ନେଚର କ୍ୟାମ୍ପରେ ରହୁଛନ୍ତି ସେମାନଙ୍କ ପାଇଁ ସାଇକେଲରେ ବୁଲିବା ବ୍ୟବସ୍ଥା କରାଯିବ। ବଫର ଜଙ୍ଗଲରେ ସେମାନେ ସାଇକେଲ ଚାଳନା ବେଳେ ତାଲିମପ୍ରାପ୍ତ ଗାଇଡ ସୁରକ୍ଷା ଦେବେ। ଏହି ବଫର ଅଞ୍ଚଳରେ ସମ୍ପୃକ୍ତ ପର୍ଯ୍ୟଟକମାନେ କିପରି ବନ୍ୟଜନ୍ତୁଙ୍କୁ ସିଧାସଳଖ ଦେଖି ପାରିବେ ସେଥିପାଇଁ ଉଚ୍ଚପଦସ୍ତ ଅଧିକାରୀଙ୍କ ସହିତ ଆଲୋଚନା କରାଯାଇ ବ୍ୟବସ୍ଥା କରାଯିବ। ନନ୍ଦନକାନନରୁ ବଡ଼ କଇଁଛ ଅଣାଯାଇ ପର୍ଯ୍ୟଟକଙ୍କୁ ଦେଖାଯିବ। ଘଡ଼ିଆଳ ପ୍ରଜନନ କେନ୍ଦ୍ରରେ ଏହି କଇଁଛଙ୍କ ପାଇଁ ନୂଆ ଏନକ୍ଲୋଜର ନିର୍ମାଣ ହୋଇଛି। ସେହିପରି ପର୍ଯ୍ୟଟକଙ୍କ ମନରେ ସାତକୋଶିଆର ସ୍ମୃତି ଉଜ୍ଜୀବିତ ରଖିବା ପାଇଁ ବ୍ୟାଘ୍ର ପ୍ରକଳ୍ପ ଲୋଗୋ ଥିବା ସ୍ବତନ୍ତ୍ର ଭାବେ ଟି-ଶାର୍ଟ ଓ ଟୋପି ବିକ୍ରି କରାଯିବ। ପୁରୁଣା ହୋଇଯାଇଥିବା ଇକୋ କଟେଜ ଗୁଡ଼ିକର ମରାମତି ସହିତ ଏହାକୁ ବୃଦ୍ଧି କରାଯିବ। ଏଥିପାଇଁ ୩୦ ଲକ୍ଷ ଟଙ୍କାର ପ୍ରସ୍ତାବ ଦିଆଯାଇଥିବା ଡିଏଫ୍‌ଓ ରାମାସ୍ବାମୀ ପି. ପ୍ରକାଶ କରିଛନ୍ତି।


All Right Reserved By Dharitri.Com

ଖଣି ବନ୍ଦ ଆନ୍ଦୋଳନରୁ ଓହରିଲା ଭାଜପା

ତାଳଚେର,୧ା୮(ନି.ପ୍ର.) – ପ୍ରଶାସନ ଓ ଏମ୍‌ସିଏଲ୍‌ର ଅନୁରୋଧ କ୍ରମେ ଭାଜପା ପକ୍ଷରୁ ୫ ଦଫା ଦାବି ନେଇ ଚାଲିଥିବା ଖଣି ବନ୍ଦ ଆନ୍ଦୋଳନ ପ୍ରତ୍ୟାହୃତ ହୋଇଛି...

ବିଭାଗରେ ରହୁନାହାନ୍ତି ପୌର କର୍ମଚାରୀ: ଅଭିଯୋଗକାରୀଙ୍କ ମଧ୍ୟରେ ବଢ଼ୁଛି ଅସନ୍ତୋଷ

ଅନୁଗୋଳ ଅଫିସ, ୧୦।୧- ଅନୁଗୋଳ ପୌରପାଳିକାକୁ ବିଭିନ୍ନ ଅଭିଯୋଗ ନେଇ ଆସୁଥିବା ସହରବାସୀ ଅନେକ ସମୟରେ ବିଭାଗୀୟ କର୍ମଚାରୀଙ୍କୁ ଅଫିସରେ ପାଉନାହାନ୍ତି। କାର୍ଯ୍ୟାଳୟ ଖୋଲାଥିଲେ ବି...

ପଶିଆସିଛନ୍ତି ୧୫ ହାତୀ, ଲୋକେ ଆତଙ୍କିତ

ବଅଁରପାଳ, ୩୧।୭ (ଡି.ଏନ୍‌.ଏ.)-ବଅଁରପାଳ ବ୍ଲକ ମହୀଧରପୁର ଅଞ୍ଚଳକୁ ପଶି ଆସିଥିବା ଏକ ହାତୀପଲକୁ ନେଇ ମହୀଧରପୁର, ତଳମୂଳ, କାଳିହୁଣ୍ଡି, କୁରୁମିଠା, ମାଧିଆପଶି ଆଦି ଅଞ୍ଚଳର ଲୋକେ...

ଅନୁଗୋଳ ପୌରପାଳିକାରେ ଲାଗୁହେଲା ଏଫଏସ୍ଏମ୍ ନିୟମ: ଘରୋଇ ସଂସ୍ଥା ପଞ୍ଜୀକରଣ ନ କଲେ ଜରିମାନା

ଅନୁଗୋଳ ଅଫିସ, ୧୧।୧ – ଅନୁଗୋଳ ପୌରପାଳିକାରେ ଶୁକ୍ରବାର ଠାରୁ ଏଫ୍‌ଏସ୍‌ଏମ୍‌ ନିୟମ ଲାଗୁ ହୋଇଛି। ଏଥିସହ ଅନୁଗୋଳ ଜିଲାରେ ଥିବା ତାଳଚେର ପୌରପାଳିକା ଓ...

ଘର ଭାଙ୍ଗିବା ସହ ବୃଦ୍ଧାଙ୍କୁ କଚାଡ଼ି ମାରିଲା ଦନ୍ତା

ବଇଣ୍ଡା,୫।୩(ଡି.ଏନ୍‌.ଏ.): ଅନୁଗୋଳ ଜିଲା କିଶୋରନଗର ବ୍ଲକ ହଣ୍ଡପା ଥାନା କମରେଇ ଗ୍ରାମରେ ବୁଧବାର ବିଳମ୍ବିତ ରାତିରେ ଏକ ଦନ୍ତାହାତୀ ଘର ଭାଙ୍ଗିବା ସହ ଜଣେ ବୃଦ୍ଧାଙ୍କୁ...

ଅନୁଗୋଳ ଜିଲାରେ ୫-ଟି ମନ୍ତ୍ର ବାଟବଣା: ବୈଠକର ମାସେ ପରେ ଆସୁଛି ଡିପିସି ଫାଇଲ

ଅନୁଗୋଳ ଅଫିସ, ୨୯।୮: ରାଜ୍ୟ ସରକାରଙ୍କ ୫-ଟି ମନ୍ତ୍ର ଅନୁଗୋଳ ଜିଲାରେ ବାଟବଣା ହୋଇଥିବା ଚର୍ଚ୍ଚା ଜୋର ଧରିଛି। କାରଣ ଡିପାର୍ଟମେଣ୍ଟାଲ ପ୍ରମୋଶନ କମିଟି (ଡିପିସି) ବୈଠକ...

ବର୍ଷାରେ ଦବିଲା ପୋଲ

ଛେଣ୍ଡିପଦା,୨୬।୧୦(ସ୍ବ.ପ୍ର.) – ଅନୁଗୋଳ ଜିଲାରେ ଦୁଇ ଦିନ ଧରି ଲଘୁଚାପ ଜନିତ ବର୍ଷା ଯୋଗୁ ଶୁକ୍ରବାର ଛେଣ୍ତିପଦା ବ୍ଲକ କୁମ୍ଭାରିଆ ନାଳ ଉପରେ ନିର୍ମିତ ପୋଲର...

ଅସ୍ଥାୟୀ ରାସ୍ତାରେ ପଡ଼ି ଅନେକ ଆହତ

ବଇଣ୍ଡା,୨।୩(ଡି.ଏନ.ଏ.) କଟକ-ସମ୍ବଲପୁର ୫୫ନଂ. ଜାତୀୟ ରାଜପଥର ସମ୍ପ୍ରସାରଣ କାର୍ଯ୍ୟ ଶେଷ ହେଉ ନ ଥିବା ବେଳେ ଏବେ ଅସ୍ଥାୟୀ ରାସ୍ତାରେ ବଢ଼ୁଛି ଦୁର୍ଘଟଣା। ଅନେକ ସ୍ଥାନରେ ବଡ଼...

Leave a comment

Your email address will not be published. Required fields are marked *