ବନ ବିଭାଗ ନୀରବ,ପଦା ହେଲାଣି ଜଙ୍ଗଲ

ଫୁଲବାଣୀ ଅଫିସ, ୩୧ା୧୨-କନ୍ଧମାଳ ଜିଲା ଫୁଲବାଣୀ ବନଖଣ୍ଡରେ କାର୍ଯ୍ୟରତ କର୍ମଚାରୀଙ୍କ ମନମୁଖି କାର୍ଯ୍ୟ ପଦାକୁ ଆସିଛି। ଜଙ୍ଗଲ ଜଗିବା ଦାୟିତ୍ୱରେ ଥିବା କର୍ମଚାରୀ ଏବଂ କାଠ ଚୋରଙ୍କ ମଧ୍ୟରେ ମଧୁଚନ୍ଦ୍ରିକା ଥିବା ଫୁଲବାଣୀ ସହର ନାରାୟଣୀ ପାହାଡ ପଦା ହେବା ଘଟଣାରେ ପ୍ରମାଣିତ ହୋଇଛି। ବନଖଣ୍ଡ କାର୍ଯ୍ୟାଳୟ, ବନାଞ୍ଚଳ କାର୍ଯ୍ୟାଳୟର ମାତ୍ର ୧ କି.ମି. ଭିତରେ ନାରାୟଣୀ ମନ୍ଦିର ପାହାଡ ଅଞ୍ଚଳରେ ପ୍ରାୟ ୧୦ ଏକରରୁ ଊର୍ଦ୍ଧ୍ୱ ସ୍ଥାନକୁ ପଦା କରି ଦିଆଯାଇଛି। ଦିନରେ କାଠ କଟା ହେଉଥିବା ବେଳେ ବନ ବିଭାଗ କିପରି ଜାଣି ପାରିଲା ନାହିଁ ତାହା ସାଧାରଣରେ ପ୍ରଶ୍ନବାସୀ ସୃଷ୍ଟି କରୁତ୍ଛି। ଏପଟେ ଲକ୍ଷା ଧିକ ଟଙ୍କା ଖର୍ଚ୍ଚ କରାଯାଇ ଜଙ୍ଗଲ ସୁରକ୍ଷା ଉପରେ ଲୋକଙ୍କୁ ସଚେତନ କରାଯାଉଛି। କିନ୍ତୁ ଏହା ଖାଲି ପ୍ରଚାରରେ ରହିଛି। ସବୁଠୁ ବଡ କଥା ହେଉଛି ନାରାୟଣୀ ପାହାଡରେ ମୂଲ୍ୟବାନ ଚନ୍ଦନ ଗଛ କାଟି ନିଆଯାଇଛି। ଜଙ୍ଗଲ ପଦା ହେବାପରେ କର୍ମଚାରୀ ସେଠାକୁ ଯାଇ ଏହା ସରକାରୀ ଜମି ବୋଲି ବ୍ୟାନର ଲଗାଇଛନ୍ତି। ଏହି ଘଟଣାରେ ଆଜି ପର୍ଯ୍ୟନ୍ତ କୌଣସି କର୍ମଚାରୀଙ୍କ ବିରୋଧରେ କିଛି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ। ଗତ ସପ୍ତାହେ ପୂର୍ବରୁ ପାହାଡରେ ଗଛ କଟା ଅଭିଯାନ ଧୀରେ ଧୀରେ ଆରମ୍ଭ ହୋଇଥିଲା। ସେଠାରେ ଘର କରିବା ପାଇଁ କେତେକ ଲୋକେ ଜାଗା ଅକ୍ତିଆର କରିବା ଆରମ୍ଭ କଲେ। ଏପରିକି କିଛି ଲୋକଙ୍କୁ ବିକ୍ରି ମଧ୍ୟ କରାଗଲା। ଏସବୁ ଜାଣି ବନ ବିଭାଗ ଚୁପ୍‌ ବସିଥିଲା। ସ୍ଥାନୀୟ ଲୋକେ ଏନେଇ ବନ ବିଭାଗ ଓ ପୋଲିସରେ ଖବର ଦେବାପରେ ସମସ୍ତେ ତପତ୍ର ହୋଇ ଉଠିଥିଲେ। ଗୋଟିଏ ପଟେ ଗଛ କଟା ଚାଲିଥିବା ବେଳେ ବନ ବିଭାଗ ହର୍ବାଲ ମେଳାରେ ବ୍ୟସ୍ତ ରହିବା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ବର୍ଷେ ମଧ୍ୟରେ ଏହି ପାହାଡ ଉପରେ ମଧ୍ୟ କିଛି ଘର ନିର୍ମାଣ ହୋଇଥିଲା। ଅଭିଯୋଗ ହେବା ପରେ ଯାଇ ବନ ବିଭାଗ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ଗଛ କଟାଯିବା ବିଷୟରେ ଫୁଲବାଣୀ ରେଞ୍ଜର ସଚିଦାନନ୍ଦ ସେଠୀ କହିଛନ୍ତି, କଟା ଯାଇଥିବା ଗଛ ଜବତ କରାଯାଇଛି। ଗଛ କିଏ କାଟିଛନ୍ତିି ତାହା ଜଣା ପଡୁ ନ ଥିବାରୁ କାହା ନାମରେ ମାମଲା ରୁଜୁ ହୋଇ ପାରିନି ବୋଲି ସେ କହିଛନ୍ତି। ଶନିବାର ବନ ବିଭାଗ ଜଣେ ବ୍ୟକ୍ତିଙ୍କୁ ଚନ୍ଦନ ଗଛ କାଟିବା ଅଭିଯୋଗରେ ଗିରଫ କରିଛି। ଏ ନେଇ ବନଖଣ୍ଡ ଅଧିକାରୀ ଲକ୍ଷ୍ମୀଧର ବେହେରାଙ୍କୁ ପଚାରିବାରେ ଗଛ କଟା ଯାଇଥିବା ସ୍ଥାନ ଜଙ୍ଗଲ କିସମ। ସେଠାରେ ଥିବା ଶାଳ ଗଛ କଟାଯାଇନାହିଁ। ଛୋଟ ଛୋଟ ଗଛ କଟାଯାଇଛି। ଏହା ସଂରକ୍ଷିତ ଜଙ୍ଗଲ ନୁହେଁ। ଏହି ସ୍ଥାନରେ ଖାଲି ଆମର ନୁହେଁ, ରାଜସ୍ବ ବିଭାଗ ଏବଂ ପୋଲିସର ଉତ୍ତର ଦାୟିତ୍ୱ ରହିଛି। ସମନ୍ବୟ ଅଭାବରୁ ଏସବୁ ହୋଇଛି। ଆଗାମୀ ଦିନରେ ଏସବୁ ଦିଗ ଉପରେ ଧ୍ୟାନ ଦିଆଯିବ ବୋଲି କହିଛନ୍ତିି।
ସୂଚନାଯୋଗ୍ୟ, ଦୁର୍ଗମ ଅଞ୍ଚଳ ବିଲାବାଡିକୁ ବିଦ୍ୟୁତ୍‌ ଯିବା ପାଇଁ କାମ କରୁଥିବା ସଂସ୍ଥା ଖୁଣ୍ଟ ପକାଇବା ପାଇଁ କିଛି ଗଛ କାଟିଥିଲା। ସେତେବେଳେ ବିଦ୍ୟୁତ୍‌ କର୍ମଚାରୀଙ୍କୁ ବିଭାଗ ଗିରଫ କରିଥିଲା। ଯାହାକୁ ନେଇ ସାଧାରଣରେ ଅସନ୍ତୋଷ ବି ପ୍ରକାଶ ପାଇଥିଲା। ଏଠି ସହର ଏବଂ ବନ ବିଭାଗ କାର୍ଯ୍ୟାଳୟ ପାଖରେ ଜଙ୍ଗଲ, ପାହାଡ ସଫା କରାଯାଉଛି। ସବୁ ଜାଣି ବନ ବିଭାଗ ଚୁପ୍‌ ବସିବା ପଛରେ କ’ଣ କାରଣ ରହିଛି ତାହା ସ୍ପଷ୍ଟ ବାରି ହୋଇପଡୁଛି।


All Right Reserved By Dharitri.Com

ମାସ୍କ ବ୍ୟବସାୟୀ ଦେଲେ ଜରିମାନା

ଦାରିଙ୍ଗବାଡ଼ି,୨୮।୪(ଡି.ଏନ.ଏ)- ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ମାସ୍କ ପିନ୍ଧି ନ ଥିବା ମୋଟ ୧୧ ଜଣଙ୍କ ଠାରୁ ୨୨ ଶହ ଟଙ୍କା ଜରିମାନା ଆଦାୟ କରାଯାଇଛି। ସେମାନଙ୍କ...

ପଟ୍ଟନାୟିକିଆ ଛକରେ ୩ ଭାଇଙ୍କୁ ହତ୍ୟା ଘଟଣା: ୬ଜଣଙ୍କୁ ଗିରଫ କଲା ସତ୍ୟବାଦୀ ପୋଲିସ

ସାକ୍ଷୀଗୋପାଳ,୧୬।୭(ଡି.ଏନ୍‌.ଏ.): ପୁରୀ ଜିଲା ସତ୍ୟବାଦୀ ଥାନା ପଟ୍ଟନାୟିକିଆ ଛକରେ ରବିବାର ଅପରାହ୍ନରେ ଘଟିଥିବା ଟ୍ରିପଲ୍‌ ମର୍ଡର ଘଟଣାରେ ମଙ୍ଗଳବାର ପୋଲିସ ୬ଜଣଙ୍କୁ ଗିରଫ କରିଛି। ଅଭିଯୁକ୍ତମାନେ...

ଦିନ ମଜୁରିଆଙ୍କୁ ଖାଦ୍ୟ ପହଞ୍ଚାଇବାକୁ ସରକାରଙ୍କୁ ସୁରଙ୍କ ନିବେଦନ, ଯୁବ ସମାଜକୁ ଘରେ ରହିବାକୁ ଦେଲେ ପରାମର୍ଶ

ଭୁବନେଶ୍ୱର,୨୮।୨(ବ୍ୟୁରୋ): କରୋନା ଭୂତାଣୁ ସଂକ୍ରମଣକୁ ରୋକିବା ଲାଗି ସରକାର ୨୧ ଦିନ ଲକ୍‌ଡାଉନ୍‌ ଘୋଷଣା କରିଛନ୍ତି। ଏପ୍ରିଲ ୧୪ ତାରିଖ ପର୍ଯ୍ୟନ୍ତ ଏହା ଚାଲିବ। ତେବେ...

ସମ୍ବଲପୁର ବିଶ୍ୱବିଦ୍ୟାଳୟ ଯୁକ୍ତ ୩ ପ୍ରଶ୍ନପତ୍ର ଲିକ୍‌: ଅଭିଯୋଗ ପରେ ନୂତନ ପ୍ରଶ୍ନପତ୍ର ସେଟ୍‌ରେ ପରୀକ୍ଷା ଦେଲେ ଛାତ୍ରୀଛାତ୍ର

ସମ୍ବଲପୁର, ୧୩।୨ (ବ୍ୟୁରୋ)- ସମ୍ବଲପୁର ବିଶ୍ୱବିଦ୍ୟାଳୟ ଯୁକ୍ତ ୩ ପ୍ରଶ୍ନପତ୍ର ଲିକ୍‌ ହୋଇଛି। କେମେଷ୍ଟ୍ରି (ରସାୟନ ବିଜ୍ଞାନ) ଓ ଜୁଲୋଜି (ପ୍ରାଣୀ ବିଜ୍ଞାନ) ବିଷୟର ପ୍ରଶ୍ନପତ୍ର...

ଲୁଦୁ ଜଳପ୍ରପାତ: ପର୍ଯ୍ୟଟନସ୍ଥଳୀ ମାନ୍ୟତା ଦେବାକୁ ଦାବି

କୋଟଗଡ଼,୩ା୧(ଡି.ଏନ୍‌.ଏ.)- ସରକାର ବିଭିନ୍ନ ପର୍ଯ୍ୟଟନସ୍ଥଳୀର ବିକାଶ ଲାଗି ବହୁ ଟଙ୍କା ଖର୍ଚ୍ଚ କରୁଛନ୍ତି। କନ୍ଧମାଳ ଜିଲାରେ ଅନେକ ପର୍ଯ୍ୟଟନସ୍ଥଳୀ ରହିଛି। ଏହାର ବିକାଶ ଲାଗି ବହୁ...

କାଳିଆ ତାଲିକା: ଅଛନ୍ତି ୨୦ ହଜାର ସରକାରୀ ଚାକିରିଆ; ମନ୍ତ୍ରୀ କହିଲେ ଫେରାଇ ଦିଅ ନଚେତ ଦରମାରୁ ଭରଣା କରାଯିବ

ଭୁବନେଶ୍ୱର,୧୭।୯(ବ୍ୟୁରୋ): କାଳିଆ ଯୋଜନାରେ ଫାଇଦା ଉଠାଇଛନ୍ତି ୨୦ ହଜାର ସରକାରୀ ଚାକିରିଆ ଓ ପେନ୍‌ସନ୍‌ ଭୋଗୀ। ଏ ନେଇ କୃଷିମନ୍ତ୍ରୀ ଅରୁଣ ସାହୁ ମଙ୍ଗଳବାର ସ୍ପଷ୍ଟ...

ଡାକ୍ତରଖାନାରେ ଦଲାଲି, ଔଷଧ ଦୋକାନୀ ଗିରଫ

ଆସିକା,୨୭ା୯(ଡି.ଏନ୍‌.ଏ.): ଆସିକା ସବଡିଭିଜିନାଲ୍‌ ହସପିଟାଲକୁ ଆସୁଥିବା ରୋଗୀଙ୍କୁ ଭୂଆଁ ବୁଲାଇ ନିଜ ଔଷଧ ଦୋକାନକୁ ନେଉଥିବା ଏବଂ ମନଇଛା ଔଷଧ ଦେଇ ଲୁଟୁଥିବା ଅଭିଯୋଗରେ ପୋଲିସ...

ସମ୍ଭାବ୍ୟ ବାତ୍ୟା ପାଇଁ ୧୫୦୦ଲୋକଙ୍କୁ ଆଶ୍ରୟସ୍ଥଳୀକୁ ସ୍ଥାନାନ୍ତର

ରାଜନଗର,୧୯।୫(ଡି.ଏନ୍‌.ଏ): ବଙ୍ଗୋପସାଗରରେ ସୃଷ୍ଟି ହୋଇଥିବା ଅମ୍ଫନ ମହାବାତ୍ୟା ଯୋଗୁ ରାଜନଗର ବ୍ଲକରେ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି କରାଯାଇଛି। ଏଥିପାଇଁ ପ୍ରଶାସନ ବଙ୍ଗୋପସାଗର ତଟବର୍ତ୍ତୀ ପେଣ୍ଠ,...

Leave a comment

Your email address will not be published. Required fields are marked *