ସୁଖୀ ଦାମ୍ପତ୍ୟ ଜୀବନ ପାଇଁ କରନ୍ତୁ ଏଭଳି …

ଜଣେ ନାରୀ ଏକ ପୁରୁଷର ଜୀବନକୁ ସୁନ୍ଦର ଭାବେ ଗଢ଼ିପାରେ ଆଉ ଭାଙ୍ଗି ଧୂଳିଶାତ୍‌ ମଧ୍ୟ କରିପାରେ। ତେବେ ଏହି ଭାଙ୍ଗିବା ଗଢ଼ିବା ସମ୍ପୂର୍ଣ୍ଣ ନିର୍ଭର କରେ ଜଣେ ନାରୀର ଗୁଣ ଓ ସହନଶୀଳତା ଉପରେ। ଚଳିତ ଦିନରେ ଦାମ୍ପତ୍ୟ ସମ୍ପର୍କ ଅଧିକ ଦିନ ତିଷ୍ଠୁ ନ ଥିବା ଦେଖିବାକୁ ମିଳିଛି।
ସମ୍ପର୍କର ପ୍ରଦର୍ଶନ କରନ୍ତୁ ନାହିଁ: ବାହାଘର ପରେ ପୁଅ ଝିଅ ଆରମ୍ଭରୁ ନିଜ ସମ୍ପର୍କରେ ବଢ଼େଇ ଚଢ଼େଇ ନିଜକୁ ଭିନ୍ନ ଢ଼ଙ୍ଗରେ ଉପସ୍ଥାପନ କରିଥାନ୍ତି। ହେଲେ ପରବର୍ତ୍ତୀ ସମୟରେ ଏହାକୁ ବଜାୟ ରଖିବା ତାଙ୍କ ପକ୍ଷେ ସମ୍ଭବପର ହୋଇ ନ ଥାଏ। ତେବେ ଏମିତି ନ କରି ନିଜ ସମ୍ପର୍କର ଗଭୀରତାକୁ ବୁଝିବାକୁ ଚେଷ୍ଟା କରନ୍ତୁ। ସାଥୀଙ୍କ ପ୍ରକୃତି ଆପଣଙ୍କ ଭଳି ନୁହେଁ ଏବଂ ସେ ପରଫେକ୍ଟ ବି ନୁହଁନ୍ତି ବୋଲି ଆପଣଙ୍କୁ ଧ୍ୟାନ ରଖିବାକୁ ପଡ଼ିବ। ଦୁହେଁ ଦୁହିଁଙ୍କୁ ଯଦି ସମୟ ଦେଇ ପାରୁ ନାହାନ୍ତି ତା’ହେଲେ ଏଭଳି ସ୍ଥିତିରେ ଆପଣ ପୂର୍ବରୁ ଏକାଠି ବିତାଇଥିବା ସମୟକୁ ନେଇ ନିଜର ବିଚାରକୁ ଶେୟାର କରନ୍ତୁ।
ଝଗଡ଼ା ପରେ ଶୋଇବାକୁ ଯାଆନ୍ତୁ ନାହିଁ: ବହୁଥର ଦେଖିବାକୁ ମିଳେ ଝଗଡ଼ା ପରେ ଦମ୍ପତ୍ତିମାନେ ଦୁହେଁ ଦୁହିଁଙ୍କ ସାଙ୍ଗରେ କଥାବାର୍ତ୍ତା ବନ୍ଦ କରିଦିଅନ୍ତି। ଏଥିସହ ରାଗିକି ଶୋଇବାକୁ ଚାଲିଯାଆନ୍ତି। ଏଥିରେ ଦୁହିଁଙ୍କ ଭିତରେ କଳହ ଆହୁରି ବଢ଼ିଥାଏ। ତେବେ ନିଜ ଜୀବନରେ ଏଭଳି ଏକ ନିୟମ କରନ୍ତୁ, ଶୋଇବା ପୂର୍ବରୁ ଦୁଇଜଣଙ୍କ ଭିତରେ ହୋଇଥିବା ସମସ୍ତ ଝଗଡ଼ାକୁ ବା ଇସ୍ୟୁକୁ ଗୋଟିଏ ରାତି ଭିତରେ ଶେଷ କରନ୍ତୁ। ଫଳରେ ଆର ଦିନକୁ ନିଜ ସମ୍ପର୍କର ଏକ ନୂଆ ଆରମ୍ଭ କରିପାରିବେ।
ମିଳିମିଶି କାମ କରନ୍ତୁ: ବହୁଥର ସ୍ତ୍ରୀ ରୋଷେଇଘରେ କାମ କରୁଥିବା ବେଳେ ସ୍ବାମୀ ଅଲଗା ରୁମ୍‌ରେ ରହିଥାନ୍ତି। ଫଳରେ ଦୁହେଁ ଦୁହିଁଙ୍କୁ କମ୍‌ ସମୟ ଦେଇପାରନ୍ତି। ସ୍ବାମୀ ବାହାରର ସବୁ କାର୍ଯ୍ୟ କରୁଥିବା ବେଳେ ସ୍ତ୍ରୀ ଘରର ସବୁ କାମ କରିଥାନ୍ତି। ତେବେ ସବୁ କାମକୁ ମିଳିମିଶି କଲେ ଦୁହିଁଙ୍କ ଭିତରେ ଭଲ ପାଇବା ବଢ଼ିବା ସହ ଏକାଠି ସମୟ ମଧ୍ୟ ଅତିବାହିତ କରିପାରିବେ। ଏଥିସହ ଦୁଇଜଣଙ୍କ ଦାୟିତ୍ୱ ହାଲୁକା ହେବା ସହ ଦୁହେଁ ଦୁହିଁଙ୍କ ପାଇଁ ସମୟ କାଢ଼ିପାରିବେ ଏବଂ ଦୁହେଁ ଦୁହିଁଙ୍କ ଦାୟିତ୍ୱକୁ ମଧ୍ୟ ଭଲଭାବରେ ବୁଝିପାରିବେ। ଏକ ଟିମ୍‌ ଭଳି କାମ କଲେ ଆଗକୁ ଆସୁଥିବା ସମସ୍ତ ସମସ୍ୟାକୁ ଭଲ ଭାବେ ହ୍ୟାଣ୍ଡେଲ କରିପାରିବେ।
ଉଭୟ ପରସ୍ପରର ଧ୍ୟାନ ରଖନ୍ତୁ: ସମ୍ପର୍କ ପୁରୁଣା ହୋଇଗଲା ଭାବି ନିଜ ଭିତରେ ଧ୍ୟାନ ଦେବା କମ୍‌ କରନ୍ତୁ ନାହିଁ। ଏମିତି କରିବା ଦ୍ୱାରା ଆପଣଙ୍କ ସମ୍ପର୍କ ଖରାପ୍‌ ହୋଇପାରେ। ଆପଣଙ୍କ ଧ୍ୟାନ ସାଥୀ ପ୍ରତି କମ୍‌ ହେଲେ ସେ ରାଗିବା ସହ ଭଲ ପାଇବା କମ୍‌ ହୋଇଯାଇଛି ବୋଲି ଭାବିପାରନ୍ତି। ଏଥିରୁ ବର୍ତ୍ତିବା ପାଇଁ ଦୁହେଁ ଦୁହିଁଙ୍କୁ ଧ୍ୟାନ ଦିଅନ୍ତୁ। ସାଥୀଙ୍କୁ ଆପଣଙ୍କର ଛୋଟ ଛୋଟ ପ୍ରଶଂସା ସମ୍ପର୍କକୁ ଆହୁରି ମଜ୍‌ଭୁତ କରିବ।
ବ୍ୟସ୍ତବହୁଳ ଜୀବନରେ ରୋମାନ୍ସ ଖୋଜନ୍ତୁ: ରୋମାନ୍ସ ଓ ଭଲ ପାଇବା ସ୍ତ୍ରୀ-ସ୍ବାମୀଙ୍କ ମଧ୍ୟରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ନିଜ ବ୍ୟସ୍ତବହୁଳ ଜୀବନରୁ ସମୟ କାଢ଼ି ଆପଣ ନିଜ ସାଥୀଙ୍କୁ ଡିନର ଡେଟରେ ନେବା ସହ ଛୋଟମୋଟ ଗିପ୍ଟ, ସରପ୍ରାଇଜ୍‌ ମ୍ୟାସେଜ୍‌ ଇତ୍ୟାଦି ଦିଅନ୍ତୁ। ଏଥିସହ ଥରେ ଥରେ ନିଜ ଭଲ ପାଇବାକୁ ଜାହିର ମଧ୍ୟ କରନ୍ତୁ। ଏହି ସବୁ କଲେ ଆପଣଙ୍କ ଦାମ୍ପତ୍ୟ ଜୀବନ ଭଲରେ କଟିବା ସହ ସୁଖୀ ମଧ୍ୟ ହେବେ।


All Right Reserved By Dharitri.Com

ଏସବୁ ପାଇଁ ମହିଳାଙ୍କଠାରେ ଆଣ୍ଠୁଗଣ୍ଠି ଯନ୍ତ୍ରଣା ଅଧିକ ଦେଖାଦିଏ…

ନୂଆଦିଲ୍ଲୀ: କେତେକ ମହିଳାଙ୍କଠାରେ ଆଣ୍ଠୁଗଣ୍ଠି ଯନ୍ତ୍ରଣା ଦେଖାଦେଇଥାଏ। ଏହାପଛରେ କିଛି କାରଣ ରହିଛି। ସାଧାରଣତଃ ମହିଳାମାନେ ଘରେ ଅଧିକ ସମୟ କାମ କରନ୍ତି। ସକାଳୁ ଉଠି...

ମେଦବହୁଳତାକୁ ନେଇ ଚିନ୍ତିତ କି….ଖାଆନ୍ତୁ ଚିନାବାଦାମ

ଥଣ୍ଡାପାଗରେ ଚିନାବାଦାମ ଖାଇବାକୁ ଅନେକେ ପସନ୍ଦ କରିଥାନ୍ତି। ଏଥିରେ ପ୍ରଚୁର ପରିମାଣରେ ପୋଷକତତ୍ତ୍ୱ ମିଳିଥାଏ, ଯାହାକି ବିଭିନ୍ନ ସମସ୍ୟା ଦୂର କରିଥାଏ। ବିଶେଷ ଭାବେ ଚିନାବାଦାମ...

ଡାଇବେଟିସ୍‌ ଆଶଙ୍କା ଦୂର କରେ ଏହି ତେଲ…

ରାଶିତେଲ ଶରୀର ଲାଗି ଅମୃତ ତୁଲ୍ୟ ସାବ୍ୟସ୍ତ ହୋଇଥାଏ। ଏହା ବହୁ ରୋଗରୁ ଦୂରେଇ ରଖିବାରେ ସହାୟକ ହୋଇଥାଏ ବୋଲି ଆୟୁର୍ବେଦରେ ଉଲ୍ଲେଖ ରହିଛି ।...

ଗଣ୍ଠି ଯନ୍ତ୍ରଣା ସହ ଏସବୁ ସମସ୍ୟାରୁ ମୁକ୍ତି ଦିଏ ମେଥି ଶାଗ

ପ୍ରାୟ ସମସ୍ତଙ୍କୁ ଶାଗ ଖାଇବା ପସନ୍ଦ। ଅନେକ ଉପାଦେୟ ଗୁଣରେ ଭରପୂର ଥାଏ ଶାଗ। କେଶ ସମସ୍ୟାରୁ ନାନାଦି ରୋଗ ପାଇଁ ଶାଗ ଖାଇବା ଲାଭଦାୟକ।...

ହୃଦ୍‌ରୋଗ ଠାରୁ ଦୂରେଇ ରଖେ ତଟକା ଫଳମୂଳ

ହୃଦ୍‌ରୋଗ ପରି ଗୁରୁତର ସମସ୍ୟାଠାରୁ ନିଜକୁ ଦୂରେଇ ରଖିବାକୁ ଚାହୁଁଛନ୍ତି କି ? ଯଦି ହଁ, ତେବେ ସେଥିପାଇଁ ସନ୍ତୁଳିତ ଜୀବନଶୈଳୀ, ଖାଦ୍ୟପେୟ, ବ୍ୟାୟାମ ବିଷୟରେ...

ଏସବୁ ରୋଗ ଲାଗି ବରଦାନ ସଦୃଶ ତେଜପତ୍ର

ମସଲା ରୂପରେ ବ୍ୟବହାର କରାଯାଉଥିବା ତେଜପତ୍ର ଯେ, କେବଳ ଖାଦ୍ୟକୁ ସ୍ବାଦିଷ୍ଟ କରାଇଥାଏ ତାହା ନୁହେଁ ବରଂ ଏହା ଅନେକ  ରୋଗରୁ ରକ୍ଷା କରିଥାଏ। ଏଥିରେ...

ସାଇଟୋକାଇନ୍‌ ଷ୍ଟର୍ମ: କରୋନା ମୁକାବିଲାରେ ମଣିଷ ପାଇଁ ଶତ୍ରୁ ପାଲଟୁଛି ଆଣ୍ଟିବଡ଼ି

ଓ୍ବାଶିଂଟନ/ନୂଆଦିଲ୍ଲୀ,୧୬।୫: କରୋନା ସଂକ୍ରମଣରେ ମଣିଷ ଶରୀର ପାଇଁ କିଭଳି ରୋଗ ପ୍ରତିରୋଧକ ଶକ୍ତି ହିଁ ଶତ୍ରୁ ପାଲଟି ଥାଏ ସେ ନେଇ ଏକ ରିପୋର୍ଟ ପ୍ରକାଶ...

ଓଜନ କମାଇବ କମଳା ଚୋପା

ଆଜିକାଲି ଓଜନ ବୃଦ୍ଧି ଏକ ବଡ ସମସ୍ୟା ଭାବେ ଉଭା ହୋଇଛି। ଓଜନ କମାଇବା ପାଇଁ ବିଭିନ୍ନ ଉପାୟ ଅବଲମ୍ବନ କଲେ ମଧ୍ୟ ତାହା ଫଳପ୍ରଦ...

Leave a comment

Your email address will not be published. Required fields are marked *