ଆସୁଛି ନୂଆବର୍ଷ: ପୁରୀ ପ୍ୟାକ୍‌, ହୋଟେଲରେ ମିଳୁନି ରୁମ୍‌; ଜମିଲାଣି ପର୍ଯ୍ୟଟକଙ୍କ ଗହଳି

ପୁରୀ ଅଫିସ, ୨୯ା୧୨: ଆସୁଛି ନୂଆବର୍ଷ। ଏଥିପାଇଁ ପର୍ଯ୍ୟଟନ ସହର ପୁରୀରେ ଶ୍ରଦ୍ଧାଳୁ ଓ ପର୍ଯ୍ୟଟକଙ୍କ ଭିଡ଼ ଜମିଲାଣି। ସହରର ବିଭିନ୍ନ ହୋଟେଲ, ଲଜିଂ, ମଠ, ଧର୍ମଶାଳା ପ୍ୟାକ୍‌ ହୋଇଗଲାଣି। ଏବେ ଆଉ ପ୍ରାୟତଃ କେଉଁଠି ରୁମ୍‌ ମିଳୁନାହିଁ। ସରକାରୀ ଗେଷ୍ଟ ହାଉସ୍‌ରେ ବି ସମାନ ଅବସ୍ଥା। ବଡ ବଡ଼ ହୋଟେଲଗୁଡ଼ିକରେ ମାସେ ଦୁଇମାସ ଆଗରୁ ରୁମ୍‌ ବୁକ୍‌ ସରିଛି। ଏବେ ଯେଉଁ କେତୋଟି ଛୋଟ ହୋଟେଲରେ କିଛି ବି ରୁମ୍‌ ରହିଛି ସେଥିପାଇଁ ଅଧିକ ଭଡ଼ା ଦେବାକୁ ପର୍ଯ୍ୟଟକଙ୍କୁ କୁହାଯାଉଥିବା ଅଭିଯୋଗ ଶୁଣିବାକୁ ମିଳୁଛି।
ନୂଆବର୍ଷର ପ୍ରଥମ ସୂର୍ଯ୍ୟ ଦର୍ଶନ ସାଙ୍ଗକୁ ମହାପ୍ରଭୁଙ୍କ ନିକଟରେ ଶୁଭକାମନା ଲାଗି ପୁରୀକୁ ବହୁ ସଂଖ୍ୟାରେ ପର୍ଯ୍ୟଟକ ଓ ଶ୍ରଦ୍ଧାଳୁ ଆସିଥାନ୍ତି। ବିଶେଷକରି ବଡ଼ଦିନ ପୂର୍ବରୁ ପୁରୀକୁ ଆସି ନୂଆବର୍ଷ କଟାଇ ଅନେକେ ଫେରିଥାନ୍ତି। ପୂର୍ବରୁ ଯେଉଁମାନେ ହୋଟେଲ, ଲଜ୍‌ ପ୍ରଭୃତି ବୁକ୍‌ କରିଛନ୍ତି ସେମାନଙ୍କ ପାଇଁ କିଛି ଅସୁବିଧା ନାହିଁ। କିନ୍ତୁ ଏବେ ଯେଉଁମାନେ ଆସିବାକୁ ଚାହୁଁଛନ୍ତି ବା ଆସୁଛନ୍ତି ସେମାନଙ୍କୁ ରୁମ୍‌ ମିଳୁନାହିଁ। ପର୍ଯ୍ୟଟନ ବିଭାଗ ତଥ୍ୟ ଅନୁଯାୟୀ, ପୁରୀ ସହରରେ ପ୍ରାୟ ୫୦୦ ହୋଟେଲ ଓ ଲଜିଂ ରହିଛି। ଏଥିରେ ପ୍ରାୟ ୩୫ ହଜାର ଲୋକ ରହିପାରିବେ। କିନ୍ତୁ ସହରର ହୋଟେଲ, ଲଜିଂ, ଧର୍ମଶାଳା, ମଠ, ହଲିଡେ ହୋମ୍‌ ଆଦି ମିଶିଲେ ୧୦୦୦ରୁ ଅଧିକ ହେବ। ଏଥିମଧ୍ୟରୁ ବଡ ହୋଟେଲଗୁଡ଼ିକରେ ରୁମ୍‌ ବୁକ୍‌ ପାଇଁ ଅନ୍‌ଲାଇନ ବ୍ୟବସ୍ଥା ରହିଥିବାବେଳେ କିଛି ହୋଟେଲ ଏବଂ ଲଜିଂରେ ସ୍ପଟ୍‌ ବୁକିଂ ସୁବିଧା ରହିଛି। ତେବେ ନୂଆବର୍ଷ ପାଇଁ ପ୍ରାୟତଃ ସବୁ ହୋଟେଲ, ଲଜିଂରେ ରୁମ୍‌ ବୁକିଂ ସରିଛି। ଏବେ ପର୍ଯ୍ୟଟକ ଦୁଇଗୁଣା ଦର ଦେବାକୁ ରାଜି ଥିଲେ ବି ରୁମ୍‌ ମିଳୁନାହିଁ। କେବଳ ପୁରୀର ହୋଟେଲ, ଲଜିଂ, ହଲିଡେ ହୋମ୍‌ ନୁହେଁ ଇକୋ ରିଟ୍ରିଟ୍‌ରେ ମଧ୍ୟ ଟେଣ୍ଟ ବୁକିଂ ସରିଥିବା ଜଣାପଡ଼ିିଛି। ମଠ, ଧର୍ମଶାଳାରେ ବି ଶ୍ରଦ୍ଧାଳୁଙ୍କ ଭିଡ଼ ହେଲାଣି। ଫଳରେ ରୁମ୍‌ ଆଶାୟୀଙ୍କ ଚିନ୍ତା ବଢିଛି। ଅନ୍ୟପକ୍ଷରେ ବଡ଼ବଡ଼ିଆଙ୍କୁ ନେଇ ପ୍ରଶାସନ ଚିନ୍ତାରେ ରହିଛି। ରାଜ୍ୟ ଓ ରାଜ୍ୟ ବାହାର ବହୁ ଭିଆଇପି ଏବଂ ଭିଭିଆଇପି ପୁରୀମୁହଁା ହୋଇଛନ୍ତି। ରାଜ୍ୟ ସରକାରଙ୍କ ବିଭିନ୍ନ ବିଭାଗୀୟ ବରିଷ୍ଠ ଅଧିକାରୀ ମଧ୍ୟ ପୁରୀକୁ ଆସୁଥିବା ଜଣାପଡ଼ିିଛି। ତେଣୁ ସରକାରୀ ବଙ୍ଗଳାଗୁଡ଼ିକରେ ଜାଗା ନାହିଁ। ବିଭାଗୀୟ ଅଧିକାରୀମାନେ ଏଠାରେ ଆସି ରହିବା ଆରମ୍ଭ କରିଦେଲେଣି। ପର୍ଯ୍ୟଟନ ବିଭାଗର ପାନ୍ଥନିବାସରେ କୌଣସି ରୁମ୍‌ ଖାଲି ନାହିଁ। ସ୍ବତନ୍ତ୍ର ସର୍କିଟ ହାଉସ ରୁମ୍‌ଗୁଡ଼ିକ ମନ୍ତ୍ରୀ, ବିଧାୟକ, ବିଚାରପତି ଏବଂ ପ୍ରଶାସନିକ ଅଧିକାରୀଙ୍କୁ ଦିଆଯାଇଥିବା ଜଣାପଡ଼ିଛି। ବର୍ତ୍ତମାନ ଭକ୍ତ, ପର୍ଯ୍ୟଟକଙ୍କୁ ନେଇ ପୁରୀ ସହର ପ୍ୟାକ୍‌ ହୋଇଯାଇଥିବା ବେଳେ ରହଣି ବ୍ୟବସ୍ଥାକୁ ନେଇ ସମସ୍ତେ ଚିନ୍ତିତ।
ଏ ସମ୍ପର୍କରେ ସହକାରୀ ପର୍ଯ୍ୟଟନ ନିର୍ଦ୍ଦେଶକ ବିଜୟ କୁମାର ଜେନା କହିଛନ୍ତି, ବର୍ତ୍ତମାନ ପ୍ରାୟତଃ ସବୁ ହୋଟେଲ, ଲଜିଂ ପ୍ୟାକ୍‌ ହୋଇଯାଇଛି। କୌଣସି ହୋଟେଲରେ ରୁମ୍‌ ନାହିଁ। ଆସନ୍ତା ୫ ତାରିଖ ପର୍ଯ୍ୟନ୍ତ ଏହିଭଳି ସ୍ଥିତି ଲାଗିରହିବ। ତେଣୁ ନୂଆବର୍ଷ ପାଇଁ ପୁରୀକୁ ଆସୁଥିବା ବା ଆସିବାକୁ ଚାହୁଁଥିବା ପର୍ଯ୍ୟଟକମାନେ କୋଣାର୍କ, ସାତପଡ଼ା ପ୍ରଭୃତି ପାଖାପାଖି ସ୍ଥାନରେ ରହିପାରିବେ। ସେଠାରୁ ପୁରୀ ଆସି ବୁଲାବୁଲି କରି ପୁଣି କମ୍‌ ସମୟରେ ଫେରିପାରିବେ। ସେହିପରି ପର୍ଯ୍ୟଟକମାନେ ଯେପରି କୌଣସି ସ୍ଥାନରେ ଠକାମିର ଶିକାର ନ ହୁଅନ୍ତି ତା’ ଉପରେ ପ୍ରଶାସନ ସମ୍ପୂର୍ଣ୍ଣ ନଜର ରଖିଛି। ଜିଲା ଓ ପୋଲିସ ପ୍ରଶାସନ ପକ୍ଷରୁ ଶୁକ୍ରବାର ସାତପଡ଼ାରେ ଟୁରିଷ୍ଟ ବୋଟଗୁଡ଼ିକର ଯାଞ୍ଚ କରାଯାଇଛି। ସେହିପରି ରବିବାର ମଧ୍ୟ ଯାଞ୍ଚ ହେବ। ପର୍ଯ୍ୟଟକମାନଙ୍କଠାରୁ ଯେପରି କୌଣସି ଡଙ୍ଗା ମାଲିକ ଅଧିକ ଟଙ୍କା ନ ନିଅନ୍ତି ସେଥିପ୍ରତି କଡ଼ା ନଜର ରଖାଯାଇଛି।


All Right Reserved By Dharitri.Com

ବିବାଦୀୟ ଜମିକୁ ନେଇ ଗଣ୍ଡଗୋଳ, ଜମି ମାଲିକଙ୍କ ପୁଅ ଆହତ

ଆନନ୍ଦପୁର,୧୬।୮(ସ୍ବ.ପ୍ର.): କେନ୍ଦୁଝର ଜିଲା ଆନନ୍ଦପୁର ଥାନା କଣ୍ଟିପାଳ ମୌଜା ବିରିଡିହା ଗ୍ରାମରେ ଏକ ବିବାଦୀୟ ଜମିକୁ ନେଇ ପୁଣି ବିବାଦ ଦେଖାଦେଇଛି। ଜମି ମାଲିକ ସୁଦର୍ଶନ...

କରୋନା ମୁକାବିଲା ପାଇଁ ସହାୟତା

ବଡ଼ସାହି,୧୬।୪(ସ୍ବପ୍ର)- କରୋନା ମହାମାରୀର ମୁକାବିଲା ପାଇଁ ମୟୂରଭଞ୍ଜ ଜିଲା ବଡ଼ସାହି ବ୍ଲକ ଅଧୀନ ବେଲପାଳ ସରସ୍ବତୀ ଶିଶୁ ବିଦ୍ୟା ମନ୍ଦିର ପକ୍ଷରୁ ପ୍ରଧାନମନ୍ତ୍ରୀ ରିଲିଫ ଫଣ୍ଡକୁ...

ସତ୍କାର ପାଇଁ ଶ୍ମଶାନରେ ମିଳିଲାନି ଜାଗା

ଜଳେଶ୍ୱର, ୬।୮-ମଣିଷ ବଞ୍ଚିଥିବା ବେଳେ ଯେତେ ବାଦବିବାଦ ଥାଉ ନା କାହିଁକି ମୃତ୍ୟୁ ପରେ ସମସ୍ତେ ତାହାକୁ ଭୁଲିଯାଇଥାନ୍ତି। ଏହାକୁ କୁହାଯାଏ ମଣିଷପଣିଆ। ହେଲେ ବାଲେଶ୍ୱର...

ହିତାଧିକାରୀଙ୍କୁ ୩ମାସର ରାସନ ସାମଗ୍ରୀ ବଣ୍ଟନ

ହାଟଡ଼ିହୀ,୧୬।୪(ଡି.ଏନ୍‌.ଏ.): କରୋନା ରୋଗର ମୁକାବିଲା ପାଇଁ କେନ୍ଦୁଝର ଜିଲା ହାଟଡ଼ିହୀ ବ୍ଲକ ଢେଙ୍କା ପଞ୍ଚାୟତରେ ସତର୍କତାମୂଳକ ପଦକ୍ଷେପ ନିଆଯାଇଛି। ଯୋଗାଣ ଅଧିକାରୀ ଶ୍ୟାମ ମାଝୀ ଓ...

ରାଜ୍ୟ ସ୍ବାସ୍ଥ୍ୟ ପରିବାର ପକ୍ଷରୁ କ୍ଲିନିକ୍‌ରେ ଚଢ଼ାଉ

ଖୋର୍ଦ୍ଧା ଅଫିସ,୨୮।୧୦: ଭୁବନେଶ୍ୱର ଏକାମ୍ର ମାର୍ଗର ସଞ୍ଜିବନୀ ଅଲଟ୍ରାସାଉଣ୍ଡ କ୍ଲିନିକ୍‌ ଉପରେ ସୋମବାର ରାଜ୍ୟ ସ୍ବାସ୍ଥ୍ୟ ପରିବାର କଲ୍ୟାଣ ଓ ଖୋର୍ଦ୍ଧା ଜିଲା ସ୍ବାସ୍ଥ୍ୟ ବିଭାଗ...

ବୌଦ୍ଧରେ ବନ୍ଦ ପାଳନ

ବୌଦ୍ଧ,୮।୧(ସ୍ବ.ପ୍ର.): ସାରା ଦେଶରେ ୧୨ ଦଫା ଦାବି ନେଇ ବିଭିନ୍ନ ଶ୍ରମିକ ପକ୍ଷରୁ ବନ୍ଦ ଡାକରା ଦିଆଯାଇଥିବା ବେଳେ ବୌଦ୍ଧରେ ମଧ୍ୟ ଏହି ବନ୍ଦ ଡାକରା...

ବରୀ ବ୍ଲକ: ୧୨୩ ଜଣଙ୍କ ସ୍ବାବ୍‌ ସଂଗ୍ରହ କଲା ଜିଲା ସ୍ବାସ୍ଥ୍ୟବିଭାଗ

ରତ୍ନଗିରି,୧୫।୫(ଡି.ଏନ୍‌.ଏ.)-ଯାଜପୁର ଜିଲା ସ୍ବାସ୍ଥ୍ୟ ବିଭାଗର ୨ଟି ଟିମ୍‌ ଶୁକ୍ରବାର ବରୀ ବ୍ଲକ ଗ୍ରସ୍ତରେ ଆସି ୨ଟି କ୍ୱାରାଣ୍ଟାଇନ କେନ୍ଦ୍ରରେ ଥିବା ୧୨୩ ଜଣଙ୍କ ସ୍ବାବ୍‌ ସଂଗ୍ରହ...

ପାଳନ ହେବନି ଅକ୍ଷୟ ତୃତୀୟା

ଢେଙ୍କାନାଳ ଅଫିସ, ୨୬।୪ – ଓଡ଼ିଶାର କୃଷିଭିତ୍ତିକ ପର୍ବ ଅକ୍ଷୟ ତୃତୀୟା। ଏହି ଦିନଠାରୁ ଚାଷ ପାଇଁ ଆରମ୍ଭ ହୁଏ ପାଗଭିଡ଼ା। ଅଖି ମୁଠି ଅନୁକୂଳ...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *