ପେସା ଫାୟାରମ୍ୟାନ : ନିଶା ସୈନିକ ଗଢ଼ିବା

ମାହାଙ୍ଗା,୨୬ା୧୨(ସ୍ବ.ପ୍ର.): କଟକ ଜିଲା ମାହାଙ୍ଗା ବ୍ଲକ ଅନ୍ତର୍ଗତ କୁଆଁପାଳ ଅଗ୍ନିଶମ ସେବା ସଂସ୍ଥାରେ ଫାୟାରମ୍ୟାନ ଭାବେ କାର୍ଯ୍ୟ କରନ୍ତି ନିତ୍ୟାନନ୍ଦ ମହାନ୍ତି। ଯୁବକଙ୍କୁ ସେନ୍ୟବାହିନୀରେ ଯୋଗଦେବା ପାଇଁ ପ୍ରସ୍ତୁତି କରାଇବା ତାଙ୍କ ନିଶା ପାଲଟିଛି। ସ୍ଥାନୀୟ ଅଞ୍ଚଳର ଯୁବକଙ୍କ ମଧ୍ୟରେ ନିତିଆ ସାର୍‌ ଭାବେ ପରିଚିତ ଏହି ୩୨ ବର୍ଷୀୟ ଯୁବକଙ୍କ ଘର ପୁରୀ ଜିଲା ସାକ୍ଷୀଗୋପାଳ ଅଞ୍ଚଳରେ। ୨୦୧୩ରେ ଅଗ୍ନିଶମ ବିଭାଗରେ ନିଯୁକ୍ତି ପାଇ ଜଗତସିଂହପୁର,ତିର୍ତ୍ତୋଲ,ଏରସମା ଆଦି ଅଞ୍ଚଳରେ କାର୍ଯ୍ୟ କରିଛନ୍ତି। ୨୦୧୫ରେ ମାହାଙ୍ଗା ବ୍ଲକ କୁଆଁପାଳ ଅଗ୍ନିଶମ ବିଭାଗକୁ ବଦଳି ହୋଇ ଆସିଥିଲେ। ସେଠାରେ ରହିବା ସମୟରେ କାର୍ଯ୍ୟାଳୟ ସମ୍ମୁଖରେ ଥିବା ଜେଏନ କଲେଜ ବଣୁଆ ପଡିଆରେ ନିଜେ ଶାରୀରିକ ବ୍ୟାୟାମ କରିବା ଆରମ୍ଭ କରିଥିଲେ। ପରେ ୨୦୧୬ରେ ଅଳିଯୋଡା ଗ୍ରାମର ରଞ୍ଜନ ସ୍ବାଇଁଙ୍କୁ ସୈନ୍ୟବାହିନୀରେ ଭର୍ତ୍ତି କରାଇବା ପାଇଁ ଶାରୀରିକ ଓ ଲିଖିତ ପରୀକ୍ଷାର ପ୍ରଶିକ୍ଷଣ ଦେଇଥିଲେ। ଏଠାରୁ ପ୍ରଶିକ୍ଷଣ ନେଇ ୨୦୧୭ରେ ଉକ୍ତ ଯୁବକ ସୈନ୍ୟବାହିନୀରେ ନିଯୁକ୍ତି ପାଇଥିଲେ। ଏଥିରେ ଅନୁପ୍ରାଣିତ ହୋଇ ସ୍ଥାନୀୟ ଅଞ୍ଚଳର ୧୫ରୁ ୧୬ ଜଣ ଯୁବକ ତାଙ୍କ ପାଖକୁ ପ୍ରଶିକ୍ଷଣ ନେବାକୁ ଆସିଥିଲେ।ଅଧିକ ଯୁବକ ପ୍ରଶିକ୍ଷଣ ନେବା ପାଇଁ ଆସିବାରୁ ସେ ବଣୁଆ ଆଥଲେଟ ନାମରେ ଏକ ସଂଘ ଗଢ଼ିଲେ। ପ୍ରଶିକ୍ଷଣ ନେଉଥିବା ଯୁବକମାନଙ୍କ ମଧ୍ୟରୁ ୨ ଜଣ ସୈନ୍ୟବାହିନୀରେ ନିଯୁକ୍ତି ପାଇଥିବାବେଳେ ଜଣେ ପୋଲିସ କମିଶନରେଟରେ ନିଯୁକ୍ତି ପାଇଥିଲେ।
ନିତ୍ୟାନନ୍ଦ ବିନାପାରିଶ୍ରମିକରେ ଏହି ତାଲିମ ପ୍ରଦାନ କରୁଥିବା ବିଷୟ ପ୍ରଚାରିତ ହେବା ପରେ ମାହାଙ୍ଗା, ସାଲେପୁର,ବଡଚଣା ଆଦି ଅଞ୍ଚଳର ବହୁ ଗରିବ ଯୁବକ ତାଙ୍କ ପାଖକୁ ତାଲିମ୍‌ ନେବାକୁ ଆସୁଛନ୍ତି । ଏବେ ପ୍ରାୟ ୬୦ରୁ ଊର୍ଦ୍ଧ୍ୱ ଗରିବ ଯୁବକ ତାଙ୍କ ପାଖରୁ ପ୍ରଶିକ୍ଷଣ ନେଉଛନ୍ତି। ଚଳିତ ବର୍ଷ ମଧ୍ୟ ବଣୁଆ ଆଥଲେଟ୍‌ର ୩ ଜଣ ଯୁବକ ସୈନ୍ୟବାହିନୀରେ ନିଯୁକ୍ତି ପାଇଛନ୍ତି। ସୈନ୍ୟବାହିନୀରେ ଯୋଗଦେବା ପାଇଁ ଯୁବକମାନଙ୍କୁ ପ୍ରଶିକ୍ଷଣ ଦେବା ସତ୍ତ୍ୱେ ନିଜ ଅଫିସ କାର୍ଯ୍ୟରେ ସେ କେବେ ହେଳା କରି ନ ଥାନ୍ତି। ଅଫିସ କାର୍ଯ୍ୟ ପରେ ପ୍ରତ୍ୟହ ପ୍ରତ୍ୟୁଷ ଓ ଅପରାହ୍ନରେ ଆସି ଯୁବକମାନଙ୍କୁ ତାଲିମ ଦେଉଛନ୍ତି। ଏବେ ବଣୁଆ ଖେଳପଡିଆରେ ଦାୈଡ,ରଶି ଚଢା, , ଉଚ୍ଚ ଡିଆ, ଲମ୍ବ ଡିଆଁ, ବାଧା ଦୌଡ, ବାଲି ବସ୍ତା ବୁହା, ଟାୟାର ଟଣା ଏବଂ ଓଜନ ନିୟନ୍ତ୍ରଣ ଟ୍ରେନିଂ ଆଦି ସମ୍ପର୍କରେ ତାଲିମ ଦିଆଯାଉଛି। କେବଳ ଶାରୀରିକ ପରୀକ୍ଷା ନୁହେଁ ଲିଖିତ ଓ ମାୈଖିକ ପରୀକ୍ଷା ପାଇଁ କଲେଜ ଛକ ନିକଟରେ ଥିବା ଏକ କ୍ଲବ ଘରେ ପ୍ରଶିକ୍ଷଣ ଦିଆଯାଉଛି। ପ୍ରଶିକ୍ଷଣ ନେଉଥିବା ଏହି ଯୁବକମାନେ ଜରୁରିକାଳୀନ ସେବାରେ ସ୍ବତସ୍ଫୂର୍ତ୍ତଭାବେ ଲୋକଙ୍କୁ ସହାୟତା କରିଥାନ୍ତି। ସେମାନେ ନିଅଁା ଲିଭାଇବାରେ ସାହାଯ୍ୟ କରିବା ସହ ଦୁର୍ଘଟଣାଗ୍ରସ୍ତ ବ୍ୟକ୍ତିଙ୍କୁ ସ୍ବାସ୍ଥ୍ୟକେନ୍ଦ୍ରକୁ ବୋହି ନେଇଥାନ୍ତି। ଏଠାରୁ ପ୍ରଶିକ୍ଷଣ ପାଇ ସୈନ୍ୟବାହିନୀରେ ନିଯୁକ୍ତି ପାଇଥିବା ଯୁବକମାନେ ଏବେ ନିତ୍ୟାନନ୍ଦଙ୍କୁ ପ୍ରଶିକ୍ଷଣରେ ସହାୟତା କରିବା ପାଇଁ ଆଗେଇ ଆସିଛନ୍ତି। ସମ୍ପୃକ୍ତ ଯୁବକମାନେ ଘରକୁ ଆସିଲେ ପ୍ରତ୍ୟୁଷ ଏବଂ ଅପରାହ୍ନରେ ପ୍ରଶିକ୍ଷଣ ପଡ଼ିଆକୁ ଆସି ଅନ୍ୟ ସାଙ୍ଗମାନଙ୍କୁ ତାଲିମ ପ୍ରଦାନ କରୁଛନ୍ତି।
ସୈନ୍ୟବାହିନୀରେ ନିଯୁକ୍ତି ପାଇ ଛୁଟିରେ ଆସିଥିବା ମନୀଷ ସେଠୀ,ରଞ୍ଜନ ସେଠୀ କୁହନ୍ତି, ନିତିଆ ସାର୍‌ଙ୍କ ଉଦ୍ୟମରେ ଆମେ ସୈନ୍ୟବାହିନୀରେ ନିଯୁକ୍ତି ପାଇବାରେ ସଫଳ ହୋଇଛୁ। ଏବେ ଆମେ ଛୁଟିରେ ଆସିଥିଲେ ମଧ୍ୟ ଘରେ ନ ରହି ଅନ୍ୟ ଭାଇମାନଙ୍କୁ ପ୍ରଶିକ୍ଷଣ ଦେବାପାଇଁ ଏଠାକୁ ଆସିଛୁ। ଏ ସମ୍ପର୍କରେ ଫାୟାରମ୍ୟାନ ନିତ୍ୟାନନ୍ଦ କୁହନ୍ତି, ମୁଁ ଏଠାରେ କାୈଣସି ପ୍ରଶିକ୍ଷଣ ଦେଉନାହିଁ, ମୋର ଡ୍ୟୁଟି ସରିବା ପରେ ଯେତେବେଳେ ମୋର ବ୍ୟକ୍ତିଗତ ଶାରୀରିକ ପ୍ରଶିକ୍ଷଣ ଆରମ୍ଭ କରେ ସେତେବେଳେ ଏହି ଅଞ୍ଚଳର ଯୁବକମାନେ ସାମିଲ ହେଉଛନ୍ତି। ତେଣୁ ମୁଁ ଯାହା କରେ ସେମାନେ କେବଳ ମୋତେ ଅନୁକରଣ କରିଥାନ୍ତି।


All Right Reserved By Dharitri.Com

ବ୍ୟବଚ୍ଛେଦ ପରେ ପୋତାଗଲା ମୃତ ତିମି

ବ୍ରହ୍ମଗିରି, ୧।୨(ଡି. ଏନ୍‌.ଏ): ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ସାନପାଟଣା ସମୁଦ୍ରକୂଳରେ ଲାଗିଥିବା ମୃତ ତିମିର ମୃତଦେହକୁ ଶୁକ୍ରବାର ବ୍ୟବଚ୍ଛେଦ କରାଯିବା ପରେ ପୋତି...

୨୦୧୯-୨୦ ଶିକ୍ଷାବର୍ଷ ସରିବାକୁ ୨ମାସ ରହିଲା: ଛାତ୍ରୀଛାତ୍ରଙ୍କୁ ମିଳିଲାନି ମାଗଣା ୟୁନିଫର୍ମ, ଜୋତା

ରସୁଲପୁର, ୨୬।୧ (ଡି.ଏନ୍‌.ଏ.): ଯାଜପୁର ଜିଲାରେ ରସୁଲପୁର ବ୍ଲକ ଏକ ଅଗ୍ରଣୀ ବ୍ଲକ ଭାବରେ ଖ୍ୟାତି ରହିଛି। ହେଲେ ଏହି ବ୍ଲକର ଶିକ୍ଷା ବ୍ୟବସ୍ଥା ଓ...

ହେଟାବାଘ ଆକ୍ରମଣରେ ୧୯ ଛେଳି ମୃତ

ରଣପୁର,୨୯।୮(ସ୍ବ.ପ୍ର.): ରଣପୁର ବ୍ଲକ କଙ୍କିଆ ସାଅଁ।ତରାପୁର ଗଁ।ରେ ହେଟାବାଘ ଆତଙ୍କ ଦେଖାଦେଇଛି । ମଙ୍ଗଳବାର ରାତିରେ ହେଟାବାଘ ଆକ୍ରମଣରେ ୧୯ ଛେଳି ମରିଯାଇଥିବାବେଳେ ୪ ଛେଳିକୁ...

ନିର୍ମାଣାଧୀନ ରେଲଓ୍ବେ ଟ୍ରାକ୍‌ ଖାତରେ ପଡ଼ି ଛେଳି ଚରାଳି ମୃତ : କ୍ଷତିପୂରଣ ଦାବିରେ ରାସ୍ତାରୋକୋ

ପରଜଙ୍ଗ, ୧୬।୮(ଡି.ଏନ.ଏ.)-ଅନୁଗୋଳ-ଡୁବୁରି ରେଲଓ୍ବେ ଟ୍ରାକ୍‌ ନିର୍ମାଣ ପାଇଁ ଖୋଳାଯାଇଥିବା ଖାତରେ ଖସିପଡ଼ି ଜଣେ ଛେଳିଚରାଳିଙ୍କ ମୃତ୍ୟୁ ଘଟିଛି। ସେ ହେଲେ ପରଜଙ୍ଗ ଥାନା ବାରିହାପୁର ଗ୍ରାମର...

ସାମାଜିକ ବାସନ୍ଦ ବିରୋଧରେ ଦୃଢ଼ ହେଲେ ପ୍ରମିଳା

ଗୁଡ଼ଭେଲା, ୩।୧ (ଡ଼ି.ଏନ.ଏ.): ବାପାଙ୍କ ମୃତଦେହ ଘରେ ୨ ଦିନ ହେଲା ପଡ଼ିଥିଲା। ମୁଣ୍ଡପିଟି କାନ୍ଦୁଥିଲେ ପରିବାର ଲୋକେ। ଶୋକରେ କାହାର ପାଟି ଫିଟୁ ନ...

ଏସ୍‌ପି, ତଦନ୍ତକାରୀ ଅଧିକାରୀ, ପିପି ସମ୍ବର୍ଦ୍ଧିତ

ଅନୁଗୋଳ ଅଫିସ, ୪।୮-ଓଡ଼ିଶା ପୋଲିସ ପକ୍ଷରୁ ଭୁବନେଶ୍ୱର ପୋଲିସ ଭବନ ଠାରେ ମହିଳା ଓ ଶିଶୁଙ୍କ ସୁରକ୍ଷା ପାଇଁ ଅନୁଷ୍ଠିତ ‘ପରି’ କାର୍ଯ୍ୟକ୍ରମରେ ଅନୁଗୋଳ ନାବାଳିକା...

ମାପଚୁପ ହେଲା ମଙ୍ଗୁ ମଠ: ଉଚ୍ଛେଦ ଛଡ଼ାଇ ନେଇଛି ଖୁସି, ଫିକା ପଡ଼ିଲା ସୁନିଆ

ପୁରୀ ଅଫିସ, ୧୧-୯:ଶ୍ରୀମନ୍ଦିର ସୁରକ୍ଷା ଏବଂ ପୁରୀର ବିକାଶ ପାଇଁ ଚାଲିଛି ଉଚ୍ଛେଦ ଅଭିଯାନ। ପ୍ରାଥମିକ ପର୍ଯ୍ୟାୟରେ ବିପଦସଙ୍କୁଳ ମଠ ଭଙ୍ଗାଯାଉଛି। ଇତିମଧ୍ୟରେ ୨ଟି ପୁରାତନ...

ବାଇକ୍‌ ପଛରୁ ଧକ୍କାଦେଲା ଟ୍ରକ୍‌: ଜଣେ ମୃତ, ୨ ଗୁରୁତର

ମାର୍ଶାଘାଇ,୩।୨:(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ଥାନା ଜାତୀୟ ରାଜପଥ ନଂ.୫(କ) ଟିକରପଙ୍ଗା ଛକ ନିକଟରେ ସୋମବାର ଏକ ଦୁର୍ଘଟଣା ଘଟିଛି। ଏଥିରେ ଜଣଙ୍କର ମୃତ୍ୟୁ ଘଟିଥିବା...

Leave a comment

Your email address will not be published. Required fields are marked *