ଶାରଳା ମନ୍ଦିରରେ ଏଜି ଅଡିଟ୍‌: ୨୮କର୍ମଚାରୀଙ୍କ ନିଯୁକ୍ତି ତଥ୍ୟ ମିଳୁନାହିଁ

ଜଗତ୍‌ସିଂହପୁର ଅଫିସ,୨୬ା୧୨: ଜଗତ୍‌ସିଂହପୁର ଜିଲାର ଅଧିଷ୍ଠାତ୍ରୀ ଦେବୀ ମା’ ଶାରଳାଙ୍କ ପୀଠରେ ହେଉଥିବା ଅବ୍ୟବସ୍ଥା ସମ୍ପର୍କରେ ବହୁ ତଥ୍ୟ ଲୋକଲୋଚନକୁ ଆସିଛି। ମନ୍ଦିର ପ୍ରଶାସନ ଅଧୀନରେ କାର୍ଯ୍ୟରତ ୨୮ଜଣ କର୍ମଚାରୀ କେବେ ନିଯୁକ୍ତି ପାଇଥିଲେ ସେ ସଂକ୍ରାନ୍ତୀୟ ତଥ୍ୟ ମିଳୁ ନାହିଁ। ଯେଉଁ କାରଣରୁ ୩୦ ବର୍ଷରୁ ଊର୍ଦ୍ଧ୍ୱ ହେଲା ଅନେକ କାମ କରି ଚାଲିଛନ୍ତି। ସବୁଠାରୁ ବଡ଼ କଥା ହେଲା ୮୦/୮୨ ବର୍ଷର ଲୋକ ବି ମନ୍ଦିର କର୍ମଚାରୀଭାବେ କାର୍ଯ୍ୟ କରୁଛନ୍ତି। ଯେହେତୁ ସେମାନଙ୍କ ନିଯୁକ୍ତି ସଂକ୍ରାନ୍ତୀୟ କୌଣସି ତଥ୍ୟ ନାହିଁ, ତେଣୁ ସେମାନେ ଅବସର କେବେ ନେବେ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି। ଏଭଳି ସାଂଘାତିକ ତଥ୍ୟ ଜାଣିବାକୁ ମିଳିଛି ଏଜି ଅଡିଟ୍‌ ସମୟରେ। ସେହିପରି ପ୍ରତି କର୍ମଚାରୀଙ୍କୁ ଏଠାରେ ଦୈନିକ ୨ଟି ଲେଖାଏ ମିଲ୍‌ ପ୍ରଦାନ କରାଯାଉଛି। ସେମାନେ ଏହାକୁ ବିକ୍ରି କରିଦେଉଛନ୍ତି ବୋଲି ଅଡିଟରେ ଧରାପଡ଼ିଥିବା ବିଶେଷ ସୂତ୍ରରୁ ସୂଚନା ମିଳିଛି।
ଏଜି(ଅଡିଟର୍‌ ଜେନେରାଲ)ଅଡିଟ୍‌ ଗତ ୧୦ତାରିଖରୁ ଆରମ୍ଭ ହୋଇ ୨୧ ତାରିଖ ପର୍ଯ୍ୟନ୍ତ ଚାଲିଥିଲା। ଅଡିଟ୍‌ ସମୟରେ ମନ୍ଦିରରେ ଅନେକ ଅନିୟମିତତାର ଗନ୍ଧ ବାରି ହୋଇଛି। ବିଶେଷକରି ମନ୍ଦିରରେ କାର୍ଯ୍ୟରତ ସ୍ଥାୟୀ, ଅସ୍ଥାୟୀ କର୍ମଚାରୀ ଓ ଦୈନନ୍ଦିନ ପାରିଶ୍ରମିକରେ କାମ କରୁଥିବା ପାଖାପାଖି ୨୮ଜଣ କେବେଠାରୁ ନିଯୁକ୍ତ ହୋଇଛନ୍ତି ସେ ସମ୍ପର୍କରେ କୌଣସି ତଥ୍ୟ ମିଳିନି। କିନ୍ତୁ ସେମାନେ ଜଣପିଛା ୪,୦୦୦ରୁ ୮,୦୦୦ ଟଙ୍କା ପର୍ଯ୍ୟନ୍ତ ପାରିଶ୍ରମିକ ପାଉଛନ୍ତି। ସରକାରୀ ନିଷ୍ପତ୍ତି ଅନୁଯାୟୀ କୌଣସି କର୍ମଚାରୀ ୬୦ବର୍ଷରୁ ଅଧିକ ସମୟ ଦାୟିତ୍ୱରେ ରହିବା କଥା ନୁହେଁ। ବାର୍ଦ୍ଧକ୍ୟ କାରଣରୁ କର୍ତ୍ତବ୍ୟରେ ଖିଲାପ ସାଙ୍ଗକୁ ଭୁଲ ଭଟକା ହେବାର ଭୟ ଯୋଗୁ ସରକାର ଅବସର ବୟସ ସୀମା ଧାର୍ଯ୍ୟ କରିଛନ୍ତି। କିନ୍ତୁ ଶାରଳା ମନ୍ଦିରରେ ଏଥିରେ ବ୍ୟତିକ୍ରମ ଲକ୍ଷ୍ୟ କରାଯାଇଛି। କର୍ମଚାରୀଙ୍କ ନିଯୁକ୍ତି ସଂକ୍ରାନ୍ତରେ କୌଣସି କାଗଜାତ ଦାଖଲ କରିବାରେ ମନ୍ଦିର ପ୍ରଶାସନ ବିଫଳ ହେବାରୁ ଅଡୁଆ ବଢିଛି। ଏହି କର୍ମଚାରୀ, ଠିକା ଶ୍ରମିକ ଓ ଅନ୍ୟମାନେ କେଉଁ ଆଧାରରେ ପାରିଶ୍ରମିକ ପାଉଛନ୍ତି ତା’ର କୌଣସି ତଥ୍ୟ ମିଳିନି। ତେବେ ମନ୍ଦିର ସମ୍ମୁଖ ବଜାରରେ ଝାଡୁ ମାରିବାଠାରୁ ଆରମ୍ଭ କରି ଆକାଉଣ୍ଟ ଆଦି ଦାୟିତ୍ୱରେ ସେମାନେ ଥିବା କୁହାଯାଇଛି। ହିସାବ ତ ଦୂରର କଥା କାଲ୍‌କୁଲେଟର୍‌ ଚଳାଇ ଜାଣି ନ ଥିବା ବ୍ୟକ୍ତି ମଧ୍ୟ ଆକାଉଣ୍ଟ କଥା ବୁଝୁଥିବା ଜଣାଯାଇଛି। ଯେଉଁ କାରଣରୁ ମନ୍ଦିର ହିସାବର କୌଣସି ତାଳ, ମେଳ ନାହିଁ। ବାର୍ଷିକ ପାଖାପାଖି ୨.୫ କୋଟି ଟଙ୍କା ରାଜସ୍ବ ଆସୁଥିବାବେଳେ ଏହାର ହିସାବ କିପରି ରହୁଥିବ ତାହା ଏଥିରୁ ସହଜେ ଅନୁମେୟ। ତେବେ କେଉଁ ଆଧାରରେ ସେମାନଙ୍କୁ ନିଯୁକ୍ତି ଦିଆଯାଇଥିଲା ତାହା ସାଧାରଣରେ ବିସ୍ମୟ ସୃଷ୍ଟି କରିଛି। ଅନ୍ୟପଟେ ମନ୍ଦିର ନିର୍ବାହୀ ଅଧିକାରୀ ପଦବୀଟି ନିୟମିତ ରହିବା ପରିବର୍ତ୍ତେ କାମ ଚଳାରେ ଚାଲିଛି। ବର୍ତ୍ତମାନର ନିର୍ବାହୀ ଅଧିକାରୀ ସଂଗ୍ରାମ କେଶରୀ ଧଳ ଲ୍ୟାଣ୍ଡ ଅଫିସର, ଗୋରଖନାଥ ଓ ଶାରଳା ମନ୍ଦିର ଦାୟିତ୍ୱରେ ଥିବାରୁ ସେ ଆଳ ନେଇ ଠିକ ଭାବେ ଦାୟିତ୍ୱ ସମ୍ପାଦନ କରୁନାହାନ୍ତି। ସପ୍ତାହରେ ଅତିବେଶିରେ ୨/୩ ଦିନ ଉପରଠାଉରିଆ ଭାବେ ଶାରଳା ମନ୍ଦିର ଯାଇ ଉପସ୍ଥାନ ଦର୍ଶାଉଛନ୍ତି। ରାଜ୍ୟ ସରକାରଙ୍କ ନିଷ୍ପତ୍ତି ପ୍ରକାରେ ଆଇନ ବିଭାଗ ବିଜ୍ଞପ୍ତି ଅନୁଯାୟୀ ରାଜ୍ୟର ୬୧ଟି ପ୍ରମୁଖ ମନ୍ଦିରର ବାର୍ଷିକ ଅଡିଟ୍‌ ଦାୟିତ୍ୱ ଏଜି ଉପରେ ନ୍ୟସ୍ତ କରାଯାଇଛି। ଏହି ଆଧାରରେ ଶାରଳା ମନ୍ଦିର ଅଡିଟ୍‌ ହୋଇଥିଲା। ଏ ସମ୍ପର୍କରେ ନିର୍ବାହୀ ଅଧିକାରୀ ଧଳଙ୍କୁ ପଚାରିବାରୁ ଅନିୟମିତା ସମ୍ପର୍କରେ ସେ କିଛି ଜାଣି ନାହାନ୍ତି। ଆଉ ୨୮ଜଣଙ୍କ ଯେଉଁ ନିଯୁକ୍ତି କଥା ଉଠୁଛି ତାହା ତାଙ୍କ ସମୟରେ ହୋଇ ନାହିଁ ବୋଲି କହିଛନ୍ତି।


All Right Reserved By Dharitri.Com

ସାପକାମୁଡ଼ାରେ ଦୁଇ ଭଉଣୀଙ୍କ ଜୀବନ ଗଲା

ଅନୁଗୋଳ ଅଫିସ,୨୩।୯: ଅନୁଗୋଳ ସହର ବେନ୍ତପୁର ଅଞ୍ଚଳରେ ଦୁଇ ଭଉଣୀଙ୍କର ସାପ କାମୁଡ଼ାରେ ଜୀବନ ଯାଇଛି। ମୃତକ ଦ୍ୱୟ ହେଲେ ବେନ୍ତପୁର ଅଞ୍ଚଳର ସୁମନ୍ତ ସାହୁଙ୍କ...

ଡମ୍‌ବେଲ ପଞ୍ଚରେ ସୁବ୍ରତଙ୍କ ରେକର୍ଡ

ଢେଙ୍କାନାଳ ଅଫିସ, ୪।୮-ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ କୁରୁଣ୍ଟି ଗ୍ରାମର ସୁବ୍ରତ କୁମାର ସାମଲ ୧ ମିନିଟରେ ୩୩୪ ଥର ଡମ୍‌ବେଲ ପଞ୍ଚ ମାରି ବଜ୍ର...

ଜାଇକା କାମ ବେଳେ ଘର ଭାଙ୍ଗିଲା

କଟକ ଅଫିସ,୧୮ା୭: ଜାଇକାକୁ ନେଇ ପୁଣି ଥରେ ବିବାଦ ଦେଖାଦେଇଛି। ଜାଇକା କାର୍ଯ୍ୟ ଚାଲିଥିବା ବେଳେ ଗୋଟିଏ ଘର ଓ ପାଚେରି ଭାଙ୍ଗି ଯାଇଥିବା କଟକ...

ପୌରାଞ୍ଚଳରେ ବୃଦ୍ଧି ପାଉଛି ମଶା ଉପଦ୍ରବ:  ନିରାକରଣ ଦିଗରେ ନିଆଯାଉନାହିଁ ପଦକ୍ଷେପ

ଯାଜପୁର ରୋଡ, ୭|୯(ନି.ପ୍ର.)- ବ୍ୟାସନଗର ପୌରାଞ୍ଚଳରେ ମଶାଙ୍କ ଉପଦ୍ରବ ବଢିବାରେ ଲାଗିଛି। ଏହାର ନିରାକରଣ ଦିଗରେ ପୌର ପରିଷଦ ପକ୍ଷରୁ ଆଖିଦୃଶିଆ ପଦକ୍ଷେପ ଗ୍ରହଣ କରାଯାଉ...

କରୋନା ଆକ୍ରାନ୍ତ ଯୁବକ ଚିକିତ୍ସିତ ହୋଇଥିବା ଘରୋଇ କ୍ଲିନିକ ବନ୍ଦ

କଟକ ରୋଡ,୧୭।୩(ଡି.ଏନ୍‌.ଏ.): ରାଜଧାନୀର ଜଣେ ଯୁବକଙ୍କ ରକ୍ତ ନମୁନାରେ କରୋନା ଭୂତାଣୁ ଥିବା ଜଣାପଡିବା ପରେ ଲୋକେ ଭୟଭୀତ ହୋଇପଡିଛନ୍ତି। ଯୁବକଜଣକ ଇଟାଲୀରୁ ଭୁବନେଶ୍ୱର ଫେରିବା...

ନବୀନଙ୍କ ପରେ ଶପଥ ନେଲେ ୧୧ କ୍ୟାବିନେଟ୍‌, ୯ ରାଷ୍ଟ୍ରମନ୍ତ୍ରୀ

ଭୁବନେଶ୍ୱର, ୨୯।୫(ବ୍ୟୁରୋ): ୫ମ ଥର ଲାଗି ମୁଖ୍ୟମନ୍ତ୍ରୀଭାବେ ଶପଥ ନେଇଛନ୍ତି ନବୀନ। ନବୀନ ଶପଥ ନେବା ପରେ ୨୦ ମନ୍ତ୍ରୀ ଶପଥ ଗ୍ରହଣ କରିଛନ୍ତି। ସେମାନଙ୍କ...

ବଣଭୋଜି ପାଇଁ ଚଳଚଞ୍ଚଳ ମଉଳାଭଞ୍ଜା ପାହାଡ଼

ବଅଁରପାଳ, ୨୮।୧୨ (ଡି.ଏନ୍‌.ଏ.) ଅନୁଗୋଳ ଜିଲା ବଅଁରପାଳ ବ୍ଲକ ଗଡ଼ସନ୍ତ୍ରୀ ପଞ୍ଚାୟତର ନଳଚନ୍ଦ୍ରପୁର ଗଁା ନିକଟରେ ରହିଛି ମଉଳାଭଞ୍ଜା ପାହାଡ଼। ଚାରିପଟେ ଶସ୍ୟକ୍ଷେତ୍ର ଥିବାବେଳେ ଲିମ୍ବ,...

ଏ ବର୍ଷ ଶୀତ କମ୍‌

ଭୁବନେଶ୍ୱର, ୩୦ା୧୧ (ବ୍ୟୁରୋ): ବିଗତ ବର୍ଷଗୁଡ଼ିକ ତୁଳନାରେ ଚଳିତବର୍ଷ ଅଧିକ ଶୀତ ହେବ ନାହିଁ। ନଭେମ୍ବର ଶେଷ ହେବାକୁ ବସିଲାଣି ହେଲେ ଏ ପର୍ଯ୍ୟନ୍ତ ଭଲ...

Leave a comment

Your email address will not be published. Required fields are marked *