କ୍ରିସ୍‌ମାସ୍‌ରେ ମାତ୍ର ଶହେ ଟଙ୍କାରେ ଦିଅନ୍ତୁ ଏହି ଉପହାର

ଖ୍ରୀଷ୍ଟଧର୍ମାଲମ୍ବିଙ୍କ ବଡ଼ ପର୍ବ ହେଉଛି କ୍ରିସ୍‌ମାସ୍‌। ଡିସେମ୍ବର ୨୫ରେ ପ୍ରଭୁ ଯୀଶୁଙ୍କ ଜନ୍ମଦିନକୁ ବଡ଼ଦିନ ଭାବେ ପାଳନ କରାଯାଇଥାଏ। ଏହି ପର୍ବକୁ ଦେଶ ଓ ବିଦେଶରେ ବହୁ ଉତ୍ସାହର ସହ ପାଳନ କରାଯାଇଥାଏ। ଆଉ ମାତ୍ର କିଛି ଘଣ୍ଟା ପରେ ଏହି ଉତ୍ସବ ଘରେ ଘରେ ପାଳନ କରାଯିବ। ଏଥିପାଇଁ ମଲ୍‌, ଚର୍ଚ୍ଚ, ସ୍କୁଲ ଓ ଘରେ ସମସ୍ତ ସାଜସଜ୍ଜା ଓ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ଏହି ଅବସରରେ ଲୋକମାନେ ନିଜ ସମ୍ପର୍କୀୟ ଓ ସାଙ୍ଗମାନଙ୍କୁ ଶୁଭେଚ୍ଛା ଜଣାଇବା ସହ ସୁନ୍ଦର ସୁନ୍ଦର ଉପହାର ମଧ୍ୟ ଦେଇଥାନ୍ତି। ପ୍ରାୟ ସମୟରେ ଦେଖିବାକୁ ମିଳେ ଗୋପନୀୟ ଭାବେ ସାନ୍ତାକ୍ଲଜ୍‌ ଆସି ସମସ୍ତଙ୍କୁ ନିଜେ ଲୁଚାଇ ରଖିଥିବା ଉପହାରଗୁଡିକ ଦେଇଥାନ୍ତି। ତେବେ କ୍ରିସ୍‌ମାସ୍‌ ହେଉ ବା ଅନ୍ୟ କୌଣସି ପର୍ବ ନିଜ ସମ୍ବର୍କୀୟଙ୍କୁ ଉପହାର ଦେବା ପାଇଁ ଆମେ ସବୁବେଳେ ଚିନ୍ତିତ ଥାଉ। କେଉଁ ଉପହାର ଦେଲେ ପସନ୍ଦ ଆସିବ ଏବଂ ଆମ ବଜେଟରେ ବି ଆସୁଥିବ। ତେବେ ଆସନ୍ତୁ ଜାଣିବା ଏହି ଅବସରରେ ମାତ୍ର ଶହେ ଟଙ୍କାରେ ମିଳୁଥିବା ମହଙ୍ଗା ଉପହାର ବିଷୟରେ।


ଚକୋଲେଟ୍‌: ଚକୋଲେଟ୍‌ ଏଭଳି ଏକ ଜିନିଷ ଯାହା ଶିଶୁଙ୍କଠାରୁ ଆରମ୍ଭ କରି ବୃଦ୍ଧ ପର୍ଯ୍ୟନ୍ତ ସମସ୍ତଙ୍କୁ ପସନ୍ଦ ଆସିଥାଏ। ଆଉ ଏହା ଆପଣଙ୍କ ବଜେଟରେ ବି ଆସିଥାଏ। ଶହେ ଟଙ୍କାରୁ ଆରମ୍ଭ କରି ଅଧିକ ମୂଲ୍ୟ ଥିବା ଚକୋଲେଟ୍‌ ବଜାରରେ ଉପଲବ୍ଧ ହେଉଛି। ଏହାକୁ ମଧ୍ୟ ଆପଣ ଉପହାର ଭାବେ ଭେଟି ଦେଇପାରିବେ।


ଟେଡି ବିୟର: ଟେଡି ବିୟର କେବଳ ଝିଅମାନଙ୍କୁ ନୁହେଁ ବରଂ ମହିଳାମାନଙ୍କୁ ମଧ୍ୟ ଆକର୍ଷିତ କରିଥାଏ। ଆପଣ ଏହାକୁ ମଧ୍ୟ ଉପହାରରେ ଦେଇପାରିବେ। ଏହାକୁ ବଜାରରୁ କିମ୍ବା ଅନ୍‌ଲାଇନ୍‌ରେ ଶହେ ଟଙ୍କା ବା ଊର୍ଦ୍ଧ୍ୱ ଟଙ୍କାରେ କିଣିପାରିବେ। ଛୋଟଠାରୁ ଆରମ୍ଭ କରି ବଡ଼ ବଡ଼ ଟେଡି ବିୟର ବଜାରରେ ମିଳୁଛି।


ଫ୍ରାଗ୍ରାନ୍ସ ବର୍ନର ବା ସୁଗନ୍ଧିତ କ୍ୟାଣ୍ଡେଲ: ଆଜିକାଲି ଫ୍ରାଗ୍ରାନ୍ସ ବର୍ନର ବା ସୁଗନ୍ଧିତ କ୍ୟାଣ୍ଡେଲର ଚାହିଦା ଅଧିକ ରହିଛି। ନିଜ ଘରେ ସୁସ୍ଥ ବାତାବରଣ ପାଇଁ ଏହାକୁ ବ୍ୟବହାର କରିବା ସହ ଉପହାର ମଧ୍ୟ ଦେଇପାରିବେ। ଏହା ରୋମାଣ୍ଟିକ ଅନୁଭବ କରାଇଥାଏ। ଏହି ଉପହାର ଆପଣଙ୍କ ବଜେଟରେ ମଧ୍ୟ ଆସିଯିବ।


କ୍ଲିପ୍‌ ଲାଗିଥିବା ଝାଲର: ବଜାରରେ ଆଜିକାଲି କ୍ଲିପ୍‌ ଲାଗିଥିବା ଝାଲର ଉପଲବ୍ଧ ହେଉଥିବା ବେଳେ ଯୁବବର୍ଗଙ୍କ ମଧ୍ୟରେ ଏହାର କ୍ରେଜ୍‌ ମଧ୍ୟ ରହିଛି। ଏଥିରେ ଆପଣ ସାଙ୍ଗ, ପରିବାର ଓ ପାର୍ଟନର ସହ ବିତାଇଥିବା ସୁନ୍ଦର ମୁହୂର୍ତ୍ତକୁ ଫଟୋ ଜରିଆରେ ସଜେଇପାରିବେ। ଏହାକୁ ଆପଣ ଅନ୍‌ଲାଇନ୍‌ରେ କିଣିପାରିବେ ଅଥବା ଘରେ ବି ତିଆରି କରିପାରିବେ। ଏହି ଉପହାର ପାଇଁ ଆପଣଙ୍କୁ ପକେଟ୍‌ ଖାଲି ମଧ୍ୟ କରିବାକୁ ପଡ଼ିବ ନାହିଁ ଏବଂ ବଜେଟରେ ବି ଆସିଯିବ।


All Right Reserved By Dharitri.Com

ଦେଶ ବିଦେଶରେ କ୍ରିସ୍‌ମାସ୍‌

*କ୍ରିସ୍‌ମାସ୍‌ ଅବସରରେ ଅଷ୍ଟ୍ରେଲିଆର ବିଭିନ୍ନ ସ୍ଥାନରେ ଭୟଙ୍କର ମୁଖାପିନ୍ଧା ବ୍ୟକ୍ତିମାନେ ବୁଲୁଥିବାର ନଜର ଆସନ୍ତି। ଏହି ବ୍ୟକ୍ତିମାନେ ବିଭିନ୍ନ ପ୍ରାଙ୍କ୍‌ ଦ୍ୱାରା ଛୋଟ ଛୁଆ ତଥା...

ଲଭ୍‌ ଚର୍ଚ୍ଚରେ କେବଳ ଦମ୍ପତି ପାଳନ୍ତି କ୍ରିସ୍‌ମାସ

ଆସୁଛି କ୍ରିସ୍‌ମାସ। ବିଦେଶରେ ପାଳନ କରାଯାଉଥିବା ପର୍ବ ମଧ୍ୟରେ ଏହା ଏକ ନିଆରା ପର୍ବ। ଅନେକ ଖ୍ରୀଷ୍ଟିଆନ୍‌ ଧର୍ମାବଲମ୍ବୀ ରାଷ୍ଟ୍ରରେ ଖୁବ୍‌ ଧୁମ୍‌ଧାମରେ ଏହି ପର୍ବ...

କ୍ରିସ୍‌ମାସ ପାଇଁ ଶୁଭରଙ୍ଗ

ଡିସେମ୍ବର ୨୫କୁ ପ୍ରଭୁ ଯିଶୁଙ୍କ ଜନ୍ମଦିବସ ବା କ୍ରିସ୍‌ମାସ ଭାବେ ପାଳନ କରାଯାଇଥାଏ। ଇସାଇ ଧର୍ମାବଲମ୍ବୀମାନେ ବେଶ୍‌ ଉତ୍ସାହର ସହ ଏହିଦିନକୁ ପାଳନ କରିଥାଆନ୍ତି। ରଙ୍ଗ...

କ୍ରିସ୍‌ମାସରେ ଦିଅନ୍ତୁ ଏସବୁ ଉପହାର

ଆସୁଛି କ୍ରିସ୍‌ମାସ। ଏବେଠାରୁ ଆରମ୍ଭ ହୋଇଗଲାଣି ପ୍ରସ୍ତୁତି। ଡିସେମ୍ବର ୨୫କୁ ବଡଦିନ, କ୍ରିସ୍‌ମାସ ବା ପ୍ରଭୁ ଯିଶୁଙ୍କ ଜନ୍ମ ଦିବସ ଭାବେ ପାଳନ କରାଯାଇଥାଏ। ବିଶେଷ...

ସର୍ବବୃହତ୍‌ ସାନ୍ତାକ୍ଲଜ୍‌ ବାଲୁକାକୃତି

କ୍ରିସ୍‌ମାସ୍‌ ବା ବଡଦିନ ଖ୍ରୀଷ୍ଟଧର୍ମାବଲମ୍ବୀଙ୍କ ଲାଗି ଏକ ମହାନ୍‌ ଦିନ। ଏହି ଦିନକୁ ସ୍ମରଣୀୟ କରିବା ଲାଗି ସମଗ୍ର ବିଶ୍ୱରେ ବିଭିନ୍ନ କାର୍ଯ୍ୟକ୍ରମମାନ ଆୟୋଜନ କରାଯାଇଥାଏ।...

କ୍ରିସ୍‌ମାସ ପାଇଁ ପ୍ରସ୍ତୁତ ବେଥଲହମ

ବେଥଲହମ,୨୪।୧୨: ପ୍ରଭୁ ଯୀଶୁଙ୍କ ଜନ୍ମସ୍ଥାନ କୁହାଯାଉଥିବା ବେଥଲହମ କ୍ରିସ୍‌ମାସ ପାଇଁ ବିଶ୍ୱବାସୀଙ୍କୁ ସ୍ବାଗତ କରିବାକୁ ପ୍ରସ୍ତୁତ ହୋଇ ସାରିଲାଣି। ଇସ୍ରାଏଲ କବଜାରେ ଥିବା ଓ୍ବେଷ୍ଟ ବ୍ୟାଙ୍କର...

ନିୟନ୍ତ୍ରଣ ରେଖାରେ ଯବାନ ପାଳିଲେ ବଡ଼ଦିନ: ସୋସିଆଲ୍‌ ମିଡ଼ିଆରେ ଭିଡ଼ିଓ ଭାଇରାଲ

ଶ୍ରୀନଗର,୨୫।୧୨: ଜମ୍ମୁ-କଶ୍ମୀରର ଭାରତ-ପାକିସ୍ତାନ ନିୟନ୍ତ୍ରଣ ରେଖାଠାରେ ଯବାନମାନେ ବଡ଼ଦିନ ପାଳନ କରୁଥିବାର ଏକ ଭିଡ଼ିଓ ଏବେ ସୋସିଆଲ୍‌ ମିଡ଼ିଆରେ ଭାଇରାଲ ହେବାରେ ଲାଗିଛି। ଯବାନମାନେ ଜିଙ୍ଗଲ୍‌...

କ୍ରିସ୍‌ମାସ ପାଇଁ କାଉଣ୍ଟ ଡାଉନ୍‌ ଆରମ୍ଭ

ନୂଆଦିଲ୍ଲୀ,୨୪।୧୨: ଆଉ କେଇଘଣ୍ଟା ପରେ ପାଳନ ହେବ ପ୍ରଭୁ ଯିଶୁଙ୍କ ଜନ୍ମଦିବସ କ୍ରିସ୍‌ମାସ। ଏବେଠାରୁ ଆରମ୍ଭ ହେଲାଣି କାଉଣ୍ଟ ଡାଉନ୍‌। ମଙ୍ଗଳବାର ଠିକ୍‌ ରାତି ୧୨ଟାରେ...

Leave a comment

Your email address will not be published. Required fields are marked *