କୋଲକାତା ଚାଲିଯିବ ଟାଟା ସ୍ପଞ୍ଜ କର୍ପୋରେଟ ଅଫିସ;ସିଙ୍ଗୁର ବିବାଦ ପରେ ଟାଟା ଗ୍ରୁପ୍‌ର ଗୁରୁତ୍ୱପୂର୍ଣ୍ଣ ନିଷ୍ପତ୍ତି

କୋଲକାତା/କେନ୍ଦୁଝର(ସ୍ବ.ପ୍ର),୨୦-୪: ଟାଟା ଷ୍ଟିଲ୍‌ର ଏକ ସହଯୋଗୀ କମ୍ପାନୀ ଟାଟା ସ୍ପଞ୍ଜ ଆଇରନ ଲିମିଟେଡ ଏହାର କର୍ପୋରେଟ ଅଫିସ୍‌କୁ କୋଲକାତାକୁ ସ୍ଥାନାନ୍ତର ଲାଗି ନିଷ୍ପତ୍ତି ନେଇଛି। ସିଙ୍ଗୁର ବିବାଦ ପରେ ଟାଟା ଗ୍ରୁପ୍‌ର ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ବିଶେଷ ଗୁରୁତ୍ୱ ବହନ କରୁଛି। ଏଥିସହିତ କମ୍ପାନୀର ନାମ ପରିବର୍ତ୍ତନ କରାଯିବାକୁ ମଧ୍ୟ ନିଷ୍ପତ୍ତି ହୋଇଛି।

ପଶ୍ଚିମବଙ୍ଗର ସିଙ୍ଗୁରଠାରେ ଟାଟା ଗ୍ରୁପ୍‌ ପକ୍ଷରୁ ନାନୋ କାର୍‌ ପ୍ରକଳ୍ପ ପ୍ରତିଷ୍ଠା ପାଇଁ ତତ୍କାଳୀନ ବାମପନ୍ଥୀ ସରକାରଙ୍କ ସହ ଚୁକ୍ତି ହୋଇଥିଲା। କିନ୍ତୁ ସେତେବେଳେ ବିରୋଧୀ ଦଳରେ ଥିବା ମମତା ବାନାର୍ଜୀଙ୍କ ନେତୃତ୍ୱାଧୀନ ତୃଣମୂଳ କଂଗ୍ରେସ ଏହାକୁ ବିରୋଧ କରିଥିଲା। ଫଳରେ କମ୍ପାନୀ ନାନୋ ପ୍ରକଳ୍ପକୁ ପଶ୍ଚିମବଙ୍ଗରୁ ଗୁଜରାଟକୁ ସ୍ଥାନାନ୍ତର କରିବାକୁ ବାଧ୍ୟ ହୋଇଥିଲା। ଏହା ପରେ ଟାଟା ଗ୍ରୁପ୍‌ ଆଉ ପଶ୍ଚିମବଙ୍ଗରେ ନିବେଶ ନ କରିବାକୁ ବଦ୍ଧ ପରିକର ହୋଇଥିଲା। ତେବେ ଟାଟା ସ୍ପଞ୍ଜର କର୍ପୋରେଟ ଅଫିସ ସ୍ଥାନାନ୍ତର ନିଷ୍ପତ୍ତିରୁ ଟାଟା ଗ୍ରୁପ୍‌ର ମତ ପରିବର୍ତ୍ତନ ହୋଇଥିବା ସ୍ପଷ୍ଟ ସଙ୍କେତ ମିଳୁଛି। ମାର୍ଚ୍ଚ ୩୧,୨୦୧୮ ସୁଦ୍ଧା ଟାଟା ଗ୍ରୁପ୍‌ର ମୋଟ ରାଜସ୍ବ ପରିମାଣ ୧୧୦ ବିଲିୟନ ଡଲାର ହୋଇଥିବା ବେଳେ ଏହା ସୁଯୋଗ ପାଇଲେ ପଶ୍ଚିମବଙ୍ଗରେ ନିବେଶ କରିବାକୁ ପଛାଇବ ନାହିଁ ବୋଲି ସ୍ପଷ୍ଟ କରିଥିଲା। ଟାଟା ସନ୍ସ ଅଧ୍ୟକ୍ଷ ନଟରାଜନ ଚନ୍ଦ୍ରଶେଖରନ ଗତବର୍ଷ ଜୁଲାଇରେ କହିଥିଲେ ଯେ, ଟାଟା ଗ୍ରୁପ୍‌ ପଶ୍ଚିମବଙ୍ଗ ପାଇଁ ପ୍ରତିଶ୍ରୁତିବଦ୍ଧ। ତେବେ ଏହା ସୁଯୋଗକୁ ଅପେକ୍ଷା କରିଛି। ଟିସିଏସ୍‌ର ଏକ ବଡ଼ କ୍ୟାମ୍ପସ ପଶ୍ଚିମବଙ୍ଗରେ ରହିଛି ଓ ସେଠାରେ ୨୦ ହଜାର କର୍ମଚାରୀ କାର୍ଯ୍ୟରତ। ଏହାଛଡ଼ା ଷ୍ଟାରବକ୍ସ ଏବଂ ଟିଜିବିଏଲ୍‌ ମଧ୍ୟ ସେଠାରେ ନିଜର ବ୍ୟବସାୟ କରୁଛି। ସୁଯୋଗ ପାଇବା ମାତ୍ରେ ପଶ୍ଚିମବଙ୍ଗରେ ଗ୍ରୁପ୍‌ ନିବେଶ କରିବ ବୋଲି ସେ ଦୋହରାଇଥିଲେ। ତେବେ ସିଙ୍ଗୁର ବିବାଦ ପରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଆହ୍ବାନରେ ସେଠାରେ ପ୍ରତିବର୍ଷ ଆୟୋଜିତ ହେଉଥିବା ବେଙ୍ଗଲ ଗ୍ଲୋବାଲ୍‌ ସମ୍ମିଟରେ ଟାଟା ଗ୍ରୁପ୍‌ ଯୋଗ ଦେଉ ନ ଥିଲା। ପ୍ରାପ୍ତ ସୂଚନାରୁ ପ୍ରକାଶ ଯେ, ଟାଟା ସ୍ପଞ୍ଜର ବୋର୍ଡ ଅଫ୍‌ ଡାଇରେକ୍ଟର୍ସ ଗୁରୁବାର ବୈଠକରେ ବସି କର୍ପୋରେଟ ଅଫିସ କୋଲକାତାକୁ ସ୍ଥାନାନ୍ତର ପାଇଁ ନିଷ୍ପତ୍ତି ନେଇଛନ୍ତି। ଯୋଡାରେ କାରଖାନା ଚାଲିବା ପାଇଁ କେବଳ ଏକ ଅଫିସ ରହିବ। ଏହାଛଡ଼ା ଟାଟା ସ୍ପଞ୍ଜ ଆଇରନ ଲିମିଟେଡକୁ ଟାଟା ଷ୍ଟିଲ୍‌ ଲଙ୍ଗ ପ୍ରଡକ୍ଟ ଲିମିଟେଡ ଭାବେ ନାମିତ କରିବାକୁ ମଧ୍ୟ ନିଷ୍ପତ୍ତି ନିଆଯାଇଛି। ତେବେ ନିୟାମକ ଓ ଶେୟାରଧାରୀଙ୍କ ଠାରୁ ଏଥିପାଇଁ ଅନୁମତି ନେବାକୁ ପଡିବ। ସେଠାରେ ମଧ୍ୟ କମ୍ପାନୀର କାରଖାନା ରହିଛି। କାରଖାନାର ବାର୍ଷିକ ସ୍ପଞ୍ଜ ଆଇରନ ଉତ୍ପାଦନ କ୍ଷମତା ୩ ଲକ୍ଷ ୯୦ ହଜାର ଟନ ରହିଥିବା ବେଳେ ୨୬ ମେଗାଓ୍ବାଟ ଓ୍ବେଷ୍ଟ ହିଟ୍‌ ରିକଭରୀ ପାଓ୍ବାର ପ୍ଲାଣ୍ଟ ରହିଛି। ୨୦୧୮ ମାର୍ଚ୍ଚ ୩୧ ତାରିଖ ସୁଦ୍ଧା ଟାଟା ସ୍ପଞ୍ଜର ୧,୦୪୯.୭୦ କୋଟି ଟଙ୍କାର ରାଜସ୍ବ ଆୟ ହୋଇଛି। ଟାଟା ଷ୍ଟିଲ୍‌ ଏବଂ ଇଣ୍ଡଷ୍ଟ୍ରିଆଲ ପ୍ରମୋଶନ ଆଣ୍ଡ ଇନ୍‌ଭେଷ୍ଟମେଣ୍ଟ କର୍ପୋରେଶନ ଅଫ୍‌ ଓଡ଼ିଶା ଲିମିଟେଡ(ଇପିକଲ) ସହ ଯୌଥ ଉଦ୍ୟୋଗରେ ଏହି କମ୍ପାନୀ ୧୯୮୨ରେ ପ୍ରତିଷ୍ଠା ହୋଇଥିଲା। ଏହାପରେ ୧୯୯୧ରେ ଟାଟା ଷ୍ଟିଲ୍‌ ଇପିକଲ୍‌ର ସମସ୍ତ ଅଂଶଧନକୁ କିଣି ନେବା ପରେ ଟାଟା ସ୍ପଞ୍ଜ ସମ୍ପୂର୍ଣ୍ଣ ଭାବେ ଟାଟା ଷ୍ଟିଲ୍‌ର ଏକ ସହଯୋଗୀ କମ୍ପାନୀ ହୋଇଥିଲା। ଚଳିତ ବର୍ଷ ଆରମ୍ଭରେ କମ୍ପାନୀ ନିଜ କୌଶଳରେ ପରିବର୍ତ୍ତନ ଆଣି ଓଡ଼ିଶା ବାହାରେ ନିଜର ପାଦ ଥାପିବାକୁ ନିଷ୍ପତ୍ତି ନେଇ ଉଷା ମାର୍ଟିନ ଲିମିଟେଡର ଷ୍ଟିଲ୍‌ ଡିଭିଜନକୁ କିଣିଥିଲା। ଟାଟା ଷ୍ଟିଲ୍‌ଠାରୁ ଆର୍ଥିକ ସହାୟତା ନେଇ କମ୍ପାନୀ ଉଷା ମାର୍ଟିନର ଜାମସେଦପୁର ୟୁନିଟ, ଗୋଟିଏ ଲୁହା କ୍ଷଣି, କୋଇଲା ଖଣି ଓ ଗୋଟିଏ କ୍ୟାପଟିଭ ପାଓ୍ବାର ପ୍ଲାଣ୍ଟ ଓ କିଛି ଜମିକୁ ୪୦୯୦ କୋଟି ଟଙ୍କାରେ କିଣି ନେଇଥିଲା। କୋଲକାତାକୁ କର୍ପୋରେଟ କର୍ପୋରେଟ ଅଫିସ ସ୍ଥାନାନ୍ତର ସମ୍ପର୍କରେ ପ୍ରଶ୍ନ ହେବାରୁ ଜଣେ ବରିଷ୍ଠ ଅଧିକାରୀ କହିଛନ୍ତି ଯେ, କମ୍ପାନୀ କେବଳ ଓଡ଼ିଶା ଓ ସ୍ପଞ୍ଜ ଆଇରନ ମଧ୍ୟରେ ସୀମିତ ନ ରହି ନିଜକୁ ଏକ ବଡ଼ ଖେଳାଳି ଭାବେ ଉପସ୍ଥାପନ କରିବାକୁ ଉଦ୍ୟମ କରୁଛି। ଟାଟା ସ୍ପଞ୍ଜର ସମସ୍ତ ମ୍ୟାନେଜମେଣ୍ଟ କଲିକାତାରୁ ନିଜର କାର୍ଯ୍ୟ ପରିଚାଳନା କରିବେ। ସୂଚନାଥାଉ କି, ଟାଟା ଗ୍ରୁପ୍‌ର ତିନୋଟି ତାଲିକାଭୁକ୍ତ କମ୍ପାନୀ ଟାଟା ଗ୍ଲୋବାଲ  ବ୍ରେଭରେଜେସ ଲିମିଟେଡ(ପୂର୍ବରୁ ଟାଟା ଟି), ଟାଟା ଷ୍ଟିଲ୍‌ର ଦୁଇଟି ସହଯୋଗୀ କମ୍ପାନୀ ଟାଟା ମେଟାଲିକ୍ସ ଏବଂ ଟାଟା ଟିନପ୍ଲେଟ ପଶ୍ଚିମବଙ୍ଗରେ କାର୍ଯ୍ୟରତ ରହିଛି। ସିଙ୍ଗୁର ବିବାଦ ପରେ ଟାଟା ଗ୍ରୁପ୍‌ର ମନ ପରିବର୍ତ୍ତନ ମୁଖ୍ୟମନ୍ତ୍ରୀ ମମତା ବାନାଜୀଙ୍କ ପାଇଁ ଆଣିଛି ଖୁସିର ଖବର। କାରଣ ଦେଶରେ ଏବେ ସାଧାରଣ ନିର୍ବାଚନ ଆରମ୍ଭ ହୋଇଯାଇଥିବା ବେଳେ ପଶ୍ଚିମବଙ୍ଗରେ ଟାଟା ଗ୍ରୁପ୍‌ର ଆଉ ଏକ କମ୍ପାନୀ କର୍ପୋରେଟ ଅଫିସ ଚାଲିଯିବା ତାଙ୍କର ନିବେଶ ନୀତି ପାଇଁ ସକାରାମତ୍କ ହେବ। ପଶ୍ଚିମବଙ୍ଗ ନିବେଶ ପାଇଁ ଏକ ଉତ୍କୃଷ୍ଟ ରାଜ୍ୟ ଏହା ସେ ପ୍ରମାଣିତ କରିପାରିବେ।

ତେବେ ଓଡ଼ିଶାରୁ ଟାଟା ସ୍ପଞ୍ଜର କର୍ପୋରେଟ ଅଫିସ ଚାଲିଯିବା ରାଜ୍ୟ ପାଇଁ ଏକ ଶକ୍ତ ଝଟକା ସଦୃଶ। କେଉଁ କାରଣରୁ ଏହା ଓଡ଼ିଶା ଛାଡିଲା ତାହା ରାଜ୍ୟବାସୀ ଜାଣିବା ଆବଶ୍ୟକ। ଏହାକୁ ରୋକିବା ପାଇଁ ସରକାରୀ ସ୍ତରରେ ଉଦ୍ୟମ ହୋଇଛି କି ନା ଜଣାପଡିନାହିଁ। ତେବେ ଏନେଇ ଟାଟା କମ୍ପାନୀର ଓଡ଼ିଶା ମୁଖ୍ୟ ସୌମିତ୍ର ପଟ୍ଟନାୟକଙ୍କୁ ପଚରାଯିବାରୁ ସେଭଳି କିଛି ସୂଚନା ତାଙ୍କ ପାଖରେ ନାହିଁ ବୋଲି କହିଛନ୍ତି। ଟାଟା ସ୍ପଞ୍ଜ ଏକ ସ୍ବତନ୍ତ୍ର ସଂସ୍ଥା ହୋଇଥିବାରୁ ତାହାର ତଥ୍ୟ କାରଖାନା କର୍ତ୍ତୃପକ୍ଷ ଦେଇପାରିବେ ବୋଲି ସେ କହିଥିଲେ। ଅନ୍ୟପକ୍ଷରେ ଟାଟା ସ୍ପଞ୍ଜ ଆଇରନ ଲିମିଟେଡ ବମ୍ବେ ଷ୍ଟକ୍‌ ଏକ୍ସଚେଞ୍ଜକୁ  ବୋର୍ଡ ନିଷ୍ପତ୍ତି ସମ୍ପର୍କରେ ସୂଚନା ଦେଇଛି।


All Right Reserved By Dharitri.Com

ସ୍ପଷ୍ଟ କଲା କେନ୍ଦ୍ର: ମାଗଣାରେ ମିଳିବନି ବିଜୁଳି

ନୂଆଦିଲ୍ଲୀ,୧୭-୭: ରାଜନୈତିକ କାରଣରୁ ରାଜ୍ୟ ସରକାରଗୁଡ଼ିକ ଚାଷୀ, ଗରିବଙ୍କୁ ମାଗଣାରେ ବିଜୁଳି ଯୋଗାଇ ଦେଉଛନ୍ତି। ଏଥିପାଇଁ ସେମାନେ କେନ୍ଦ୍ର ସରକାରଙ୍କ ଠାରୁ ରିହାତି ଚାହୁଁଛନ୍ତି। ଏଣିକି...

ଜିଏସ୍‌ଟିରେ ସନ୍ଦିଗ୍ଧ ନେଣଦେଣ ବଢୁଛି

କଲିକତା, ୨୬-୨: ଜିଏସ୍‌ଟିରେ ସନ୍ଦିଗ୍ଧ ନେଣଦେଣ ବୃଦ୍ଧି ଘଟୁଥିବା ପଶ୍ଚିମବଙ୍ଗ ଅର୍ଥମନ୍ତ୍ରୀ ଅମିତ ମିତ୍ର ମଙ୍ଗଳବାର କହିଛନ୍ତି। ସେହିଭଳି ଜିଏସ୍‌ଟି ଆର୍‌ ୩ବି ଫାଇଲିଂରେ ବିଳମ୍ବ...

ଯାତ୍ରୀଙ୍କୁ ଦିଆଯାଉଥିବା କମ୍ବଳକୁ ପ୍ରତିଦିନ ସାନିଟାଇଜ୍‌ କରିବ ରେଲଓ୍ବେ

ନୂଆଦିଲ୍ଲୀ,୧୪।୩: କରୋନା ସଂକ୍ରମଣକୁ ଦୃଷ୍ଟିରେ ରଖି ଭାରତୀୟ ରେଲଓ୍ବେ ପକ୍ଷରୁ ସୁରକ୍ଷା ପଦକ୍ଷେପ ଗ୍ରହଣ କରାଯାଇଛି। ଯାତ୍ରୀଙ୍କୁ ଦିଆଯାଉଥିବା କମ୍ବଳକୁ ପ୍ରତିଦିନ ସାନିଟାଇଜ୍‌ କରିବା ଲାଗି...

ନୂ୍ୟନତମ ବାଲାନ୍ସ ଜରିମାନା ବାବଦ ୧୯୯୬ କୋଟି ଟଙ୍କା ଆଦାୟ

ନୂଆଦିଲ୍ଲୀ,୨୬-୧୧: ବ୍ୟାଙ୍କ ଖାତାରେ ନୂ୍ୟନତମ ମାସିକ ବାଲାନ୍ସ ନ ରଖିବା ଯୋଗୁ ଜରିମାନା ବାବଦ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୨୦୧୮-୧୯ରେ ଗ୍ରାହକଙ୍କଠାରୁ ୧୯୯୬.୪୬ କୋଟି ଟଙ୍କା ଆଦାୟ...

ମୋଦିଙ୍କୁ ବ୍ୟାଙ୍କ ସଂଘର ଚିଠି;ଜେଟକୁ ଅଧିଗ୍ରହଣ କରନ୍ତୁ ସରକାର

ମୁମ୍ବାଇ,୨୦-୪: ଜେଟ୍‌ ଏୟାରଓ୍ବେଜ ବନ୍ଦ ହୋଇଯିବା ପରେ ଶୁକ୍ରବାର ବ୍ୟାଙ୍କ ସଂଘଗୁଡ଼ିକ ଏ ସଂକ୍ରାନ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖିଛନ୍ତି। ଜେଟ୍‌ର ୨୨ ହଜାର...

୪୦% ଲୋକ ଧୂମପାନ ଛାଡ଼ିବାକୁ ଉଦ୍ୟମ କରୁଛନ୍ତି: ସର୍ଭେ

ଭୁବନେଶ୍ୱର, ୪।୬(ବ୍ୟୁରୋ) ଦେଶର ଅଗ୍ରଣୀ ଜେନେରାଲ୍‌ ଇନସ୍ୟୁରାନ୍ସ କମ୍ପାନି ଆଇସିଆଇସିଆଇ ଲୋମ୍ବାର୍ଡ ପକ୍ଷରୁ ଭୁବନେଶ୍ୱରରେ ଧୂମପାନକାରୀଙ୍କ ଅଭ୍ୟାସ ଏବଂ ସେମାନଙ୍କ ଉପରେ ବନ୍ଧୁମାନଙ୍କର ପ୍ରଭାବ ଜାଣିବା...

ଗୋପନୀୟତା ଦ୍ୱାହି ଦେଲା କେନ୍ଦ୍ର;କଳାଧନର ସୂଚନା ମିିଳିବନି

ନୂଆଦିଲ୍ଲୀ,୧୮-୫: କେନ୍ଦ୍ର ସରକାର ସୁଇଜରଲାଣ୍ଡରୁ ପାଉଥିବା କଳାଧନ ସଂକ୍ରାନ୍ତୀୟ ସୂଚନା ଦେବାକୁ ମନା କରିଦେଇଛନ୍ତି। ସୂଚନା ଅଧିକାର ଆଇନ(ଆର୍‌ଟିଆଇ) ଅଧୀନରେ ପଚରାଯାଇଥିବା ପ୍ରଶ୍ନର ଉତ୍ତରରେ ସରକାର...

ଅଟୋ ସେକ୍ଟରରେ ମାନ୍ଦାବସ୍ଥା ପ୍ରଭାବ ଗମ୍ଭୀର: ଅଗଷ୍ଟରେ ମାରୁତି ବିକ୍ରି ୩୩% ହ୍ରାସ

ନୂଆଦିଲ୍ଲୀ,୨-୯: ଅଟୋ ସେକ୍ଟରକୁ ମାନ୍ଦାବସ୍ଥାରୁ ବାହାର କରି ଆଣିବା ଲାଗି କେନ୍ଦ୍ର ସରକାରଙ୍କ ପକ୍ଷରୁ ପଦକ୍ଷେପ ଘୋଷଣା ହୋଇଥିଲେ ମଧ୍ୟ ଏହାର ପ୍ରଭାବ ସେଭଳି ଅନୁଭୁତ...

Leave a comment

Your email address will not be published. Required fields are marked *