ଚିଲିକାରେ ହେବ ଫ୍ଲୋଟିଂ ରେସ୍ତୋରାଁ, ହାଉସ୍‌ବୋଟ୍‌

ଭୁବନେଶ୍ୱର, ୨୦।୧୨(ବ୍ୟୁରୋ): ଖୁବ୍‌ଶୀଘ୍ର ଏସିଆ ମହାଦେଶର ସର୍ବବୃହତ୍‌ ଲୁଣାହ୍ରଦ ଚିଲିକାରେ ଆରମ୍ଭ ହେବ ‘ଫ୍ଲୋଟିଂ ରେସ୍ତୋରାଁ’ ବା ‘ଭାସମାନ ଭୋଜନାଳୟ’। ଚିଲିକାର ରମ୍ଭା ଏବଂ ବଡ଼କୂଳରେ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଏହି ବ୍ୟବସ୍ଥାର ଶୁଭାରମ୍ଭ ହେବ। ଏଥିପାଇଁ ବିଭାଗ ପକ୍ଷରୁ ୬ କୋଟି ୧୦ ଲକ୍ଷ ଟଙ୍କାର ଟେଣ୍ଡର ହୋଇଥିବାବେଳେ ଆସନ୍ତା ୬ ରୁ ୭ ମାସ ମଧ୍ୟରେ ଏହି ସେବା ପର୍ଯ୍ୟଟକଙ୍କ ପାଇଁ ଉପଲବ୍ଧ ହେବ ବୋଲି ଓଟିଡିସି ଏମ୍‌ଡି ହେମାକାନ୍ତ ସଏ କହିଛନ୍ତି। ପର୍ଯ୍ୟଟକମାନେ ଚିଲିକା ଭିତରେ ବୁଲିବା ସମୟରେ ହ୍ରଦର ପ୍ରାକୃତିକ ସୌନ୍ଦର୍ଯ୍ୟକୁ ଉପଭୋଗ କରିବା ସହ ସୁସ୍ବାଦୁ ଖାଦ୍ୟର ମଜା ନେଇପାରିବେ। ଏହାବ୍ୟତୀତ ଚିଲିକାରେ ରାଜ୍ୟର ପ୍ରଥମ ହାଉସ୍‌ବୋଟ୍‌ ବ୍ୟବସ୍ଥା ଆରମ୍ଭ କରାଯିବ। ଏଥିପାଇଁ ପର୍ଯ୍ୟଟନ ବିଭାଗ ଅର୍ଥ ବରାଦ କରିସାରିଥିବାବେଳେ ଖୁବ୍‌ଶୀଘ୍ର ଏକ ବୈଷୟିକ ଟିମ୍‌ ଚିଲିକା ହ୍ରଦ ଭ୍ରମଣ କରିବ। ପ୍ରାରମ୍ଭିକ ପର୍ଯ୍ୟାୟରେ ମୋଟ ୨ଟି ହାଉସ୍‌ବୋଟ୍‌ ଆସିବାକୁ ଥିବାବେଳେ ଆଇଆଇଟି ମାଡ୍ରାସର ଜଣେ ନାଭାଲ ଆର୍କିଟେକ୍‌ଚର୍‌ ଏହାର ଡିଜାଇନ୍‌ ଦାୟିତ୍ୱରେ ରହିବେ ବୋଲି ସଏ ସୂଚନା ଦେଇଛନ୍ତି।
କୋଣାର୍କ ନିକଟ ରାମଚଣ୍ଡୀ ବେଳାଭୂମିରେ ଚାଲିଥିବା ପୂର୍ବ ଭାରତର ପ୍ରଥମ ‘ଗ୍ଲାମର୍ସ କ୍ୟାମ୍ପିଂ’ ଉତ୍ସବ ‘ମେରାଇନ୍‌ ଡ୍ରାଇଭ୍‌ ଇକୋ ରିଟ୍ରିଟ୍‌’କୁ ପ୍ରବେଶଶୁଳ୍କ ମୁକ୍ତ କରିଛି ପର୍ଯ୍ୟଟନ ବିଭାଗ। ଏଣିକି ପର୍ଯ୍ୟଟକମାନେ ବିନା ଦେୟରେ ଇକୋ ରିଟ୍ରିଟ୍‌ ବୁଲିବା ସହ ଲାଇଭ୍‌ କନ୍‌ସର୍ଟର ମଜା ନେଇପାରିବେ। ପ୍ରତି ଶନିବାର ଖ୍ୟାତନାମା କଳାକାରଙ୍କ ଦ୍ୱାରା ଏଠାରେ ମ୍ୟୁଜିକାଲ କନସର୍ଟ ଆୟୋଜିତ ହେଉଥିବାବେଳେ ଆସନ୍ତା ଶନିବାର ଲୋକପ୍ରିୟ ବ୍ୟାଣ୍ଡ୍‌ ‘ଇଣ୍ଡିଆନ୍‌ ଓସେନ୍‌’ ସଙ୍ଗୀତ ପରିବେଷଣ କରିବ। ଏହାକୁ ଦୃଷ୍ଟିରେ ରଖି ଓଟିଡିସି ପକ୍ଷରୁ ଭୁବନେଶ୍ୱରରୁ ପର୍ଯ୍ୟଟକ ତଥା ଦର୍ଶକଙ୍କୁ ନେବା ଲାଗି ସ୍ବତନ୍ତ୍ର ବସ୍‌ ସୁବିଧା ଉପଲବ୍ଧ କରାଯିବ। ଶନିବାର ଅପରାହ୍ନ ୪ଟାରେ ଖଣ୍ଡଗିରି, ୪ଟା ୩୦ରେ କଳିଙ୍ଗ ଷ୍ଟାଡିୟମ୍‌ ଏବଂ ୫ଟାରେ କଳ୍ପନାରୁ ଉକ୍ତ ବସ୍‌ କୋଣାର୍କ ଅଭିମୁଖେ ଯିବ। ପର୍ଯ୍ୟଟକମାନେ ଟେଣ୍ଟ୍‌ରେ ନ ରହିଲେ ବି ପବ୍ଲିକ୍‌ ଏରିଆରେ ବିଭିନ୍ନ ପ୍ରକାର ଓ୍ବାଟର୍‌ ସ୍ପୋର୍ଟସ, ବିଚ୍‌ ମାର୍କେଟ୍‌ ଓ ଖାଦ୍ୟପେୟକୁ ଉପଭୋଗ କରିପାରିବେ। ପ୍ରାରମ୍ଭରୁ କେବଳ ପର୍ଯ୍ୟଟନ ବିଭାଗ ଏବଂ ଓଟିଡିସି ଓ୍ବେବ୍‌ସାଇଟ୍‌ରେ ଇକୋ ରିଟ୍ରିଟ୍‌ ବୁକିଂ ସୁବିଧା ଉପଲବ୍ଧ ଥିବାବେଳେ ଏବେ ଏମ୍‌ଏମ୍‌ଟି, ଗୋଆଇବିବୋ ଏବଂ ୟାତ୍ରା ଡଟ୍‌ କମ୍‌ ଓ୍ବେବ୍‌ସାଇଟ୍‌ ଏବଂ ମୋବାଇଲ୍‌ ଆପ୍‌ରେ ମଧ୍ୟ ବୁକିଂ କରିହେବ। ଗତ ୧୪ ତାରିଖରୁ ଆରମ୍ଭ ହୋଇଥିବା ଏହି ‘ଗ୍ଲାମର୍ସ କ୍ୟାମ୍ପିଂ’ ଇଭେଣ୍ଟକୁ ରାଜ୍ୟ ଏବଂ ରାଜ୍ୟ ବାହାରୁ ଭଲ ରେସ୍‌ପନ୍ସ ମିଳିଥିବାବେଳେ ଏବେ ସୁଦ୍ଧା ମୋଟ ୨୨୫୦ ରୁମ୍‌ରୁ ୧୦୨୦ରୁ ଊର୍ଦ୍ଧ୍ୱ ରୁମ୍‌ ବୁକିଂ ହୋଇସାରିଛି। ୪୯ ଦିନର ଏହି ଉତ୍ସବ ପାଇଁ ୫ ଦିନରେ ୪୫%ରୁ ଅଧିକ ବୁକିଂ ଶେଷ ହୋଇଥିବାବେଳେ ଏମ୍‌ଏମ୍‌ଟି, ଗୋଆଇବିବୋ ଏବଂ ୟାତ୍ରା ଦ୍ୱାରା ୨୨ ଲକ୍ଷରୁ ଅଧିକ ଟଙ୍କାର ବୁକିଂ ହୋଇଥିବା ସଏ ସୂଚନା ଦେଇଛନ୍ତି।


All Right Reserved By Dharitri.Com

ଅର୍ଜୁନପୁର ଛକରେ ଦୁର୍ଘଟଣା: ପୋଲିସ ଭ୍ୟାନ୍‌ ଧକ୍କାରେ ୨ ମୃତ

ସୋନପୁର,୧୨।୯(ନି.ପ୍ର.): ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ସୋନପୁର ଥାନା ଅର୍ଜୁନପୁର ଛକରେ ଗୁରୁବାର ଏକ ଦୁର୍ଘଟଣା ଘଟିଛି। ପୋଲିସ ଭ୍ୟାନ୍‌ ଏକ ବାଇକ୍‌କୁ ମୁହାଁମୁହିଁ ଧକ୍କା...

ଦିଲ୍ଲୀ ପ୍ରଦୂଷଣକୁ ନେଇ ଫିଲ୍ମ ହେବ

ଭୁବନେଶ୍ୱର,୭ା୯(ବ୍ୟୁରୋ): ପରିବେଶ ପ୍ରଦୂଷଣ ଓ ଜଳବାୟୁ ପରିବର୍ତ୍ତନ ଚିନ୍ତା ଏବେ ସମଗ୍ର ବିଶ୍ୱ ପାଇଁ ମୁଣ୍ଡବ୍ୟଥାର କାରଣ ସାଜିଛି। ଏଭଳି ଏକ ଗମ୍ଭୀର ସମମ୍ୟାର ସମାଧାନ...

ଲୟୋଲା ସ୍କୁଲରେ ଛାତ୍ରୀଛାତ୍ରଙ୍କୁ ସମ୍ବର୍ଦ୍ଧନା ଦ୍ୱାୟିତ୍ୱବାନ ନାଗରିକ ହେବାକୁ ପରାମର୍ଶ

ଭୁବନେଶ୍ୱର, ୨।୭(ବ୍ୟୁରୋ) ଲୟୋଲା ସ୍କୁଲ ପକ୍ଷରୁ ସୋମବାର ଏକ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି। ସ୍କୁଲରେ ଦଶମ ଓ ଦ୍ୱାଦଶ ଶ୍ରେଣୀରେ ୯୦ ପ୍ରତିଶତରୁ ଅଧିକ...

ଓୟୁଏଟି ଯୁଗ୍ମ ନିର୍ଦ୍ଦେଶକଙ୍କ କେବିକେ ପରିଦର୍ଶନ

ଭଞ୍ଜନଗର,୨୭।୬(ଡି.ଏନ.ଏ.)- ଓୟୁଏଟି ଯୁଗ୍ମ ନିର୍ଦ୍ଦେଶକ (ସମ୍ପ୍ରସାରଣ ନିର୍ଦ୍ଦେଶାଳୟ) ଡ. ପ୍ରସନ୍ନଜିତ ମିଶ୍ର ଗୁରୁବାର ଭଞ୍ଜନଗର କୃଷି ବିଜ୍ଞାନ କେନ୍ଦ୍ର (କେବିକେ) ପରିଦର୍ଶନ କରିଥିଲେ। କେନ୍ଦ୍ରର ବୈଜ୍ଞାନିକମାନଙ୍କ...

ଅକ୍ଟୋବର ୨ରୁ ‘ସବ୍‌କୀ ଯୋଜନା ସବ୍‌କା ବିକାଶ’ ଅଭିଯାନ: ଗ୍ରାମାଞ୍ଚଳରୁ ଦାରିଦ୍ର୍ୟ ହଟିବ

ଭୁବନେଶ୍ୱର,୧ା୯(ବ୍ୟୁରୋ): ଗ୍ରାମାଞ୍ଚଳର ଗରିବ ଲୋକଙ୍କୁ ଦାରିଦ୍ର୍ୟରୁ ମୁକ୍ତ କରି ଆର୍ଥିକ ସ୍ବଚ୍ଛଳ ବର୍ଗରେ ପରିଣତ କରିବାକୁ କେନ୍ଦ୍ର ସରକାର ‘ସବ୍‌କୀ ଯୋଜନା ସବ୍‌କା ବିକାଶ’ ଅଭିଯାନ...

ମୁଡ଼ ଗୁଁଜ୍‌ବାକେ ଜାଗାଠାନ୍‌ ଅଭାବ: ଖାଏଦ୍‌ ସୁରକ୍ଷା ଯୋଜନାରୁ ବଁଚିତ୍‌ ବୁରୁଧ୍‌

ଉଲୁଣ୍ଡା, ୩।୩ (ଡି.ଏନ୍‌.ଏ.)- ବଏସର ଶେଷ ମୁଡ଼ସାରେ ନିଜର ପରିବାର ଲୁକ୍‌କୁ ହରାଲା ଉତାରୁ ଭାତ ମୁଠେ ଆର ମୁଡ଼ ଗୁଁଜ୍‌ବାକେ ଜାଗା ଖଁଡ଼େ ଲାଗି...

ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା: ରଥଖଳାରେ ରଥକାଠ ଅନୁକୂଳ ସମ୍ପନ୍ନ

ପୁରୁଣା ଭୁବନେଶ୍ୱର,୬।୩ (ଡି.ଏନ.ଏ.): ଶ୍ରୀଲିଙ୍ଗରାଜଙ୍କ ରୁକୁଣା ରଥଯାତ୍ରା ପାଇଁ ଗୁରୁବାର ମନ୍ଦିର ସନ୍ନିକଟ ରଥଖଳାରେ ରଥକାଠ ଅନୁକୂଳ ରୀତିନୀତି ଅନୁସାରେ ସମ୍ପନ୍ନ ହୋଇଛି। ପ୍ରାତଃରୁ ଶ୍ରୀଜୀଉଙ୍କ...

ଅବକାରୀ ଚଢାଉ, ୫ ଗିରଫ

ବଇଣ୍ଡା,୬।୯(ଡି.ଏନ.ଏ.): ଆଠମଲ୍ଲିକ ଅବକାରୀ ବିଭାଗ ପକ୍ଷରୁ ଠାକୁରଗଡ଼ ଓ ଆଠମଲ୍ଲିକ ଥାନା ଅଞ୍ଚଳର ବିଭିନ୍ନ ଗ୍ରାମରେ ଚଢାଉ କରି ୫୨ ଲିଟର ଦେଶୀ ମହୁଲି ମଦ...

Leave a comment

Your email address will not be published. Required fields are marked *