Posted inଖେଳ

ଅତୁଟ ୩ ଭାରତୀୟ ରେକର୍ଡ

କ୍ରିକେଟର ମହାକୁମ୍ଭ ଆଇସିସି ବିଶ୍ୱକପ୍‌ ଆରମ୍ଭ ହୋଇଯାଇଛି। ଆଗାମୀ ଦେଢ଼ମାସ ଧରି ଗ୍ରେଟ୍‌ ବ୍ରିଟେନର ୧୧ଟି ଷ୍ଟାଡିୟମରେ ବିଶ୍ୱକପ୍‌ ଟ୍ରଫି ଲାଗି ୧୦ ଦଳ ମଧ୍ୟରେ ମୁକାବିଲା ହେବ। ଟୁର୍ନାମେଣ୍ଟ ଉପରେ ନଜର ପକାଇଲେ ଭାରତ ଅନ୍ୟତମ ସଫଳ ଦଳର ମାନ୍ୟତା ପାଇଛି। ୧୯୮୩ରେ କପିଳ ଦେବଙ୍କ ନେତୃତ୍ୱରେ ଭାରତ ପ୍ରଥମଥର ବିଶ୍ୱବିଜେତା ମୁକୁଟ ପିନ୍ଧିଥିଲା। ଏହାପରେ ୨୦୧୧ରେ ଦ୍ୱିତୀୟଥର ପାଇଁ ଚାମ୍ପିୟନ ହୋଇଥିଲା। ତେବେ ଭାରତ ୨୦୦୩ ଫାଇନାଲରେ ପ୍ରବେଶ କରିଥିଲେ ମଧ୍ୟ ଅଷ୍ଟ୍ରେଲିଆଠାରୁ ହାରି ରନର୍ସଅପ୍‌ରେ ସନ୍ତୁଷ୍ଟ ରହିଥିଲା। ତିନିଥର ଫାଇନାଲ ଖେଳିଥିବା ଭାରତୀୟ ଖେଳାଳିଙ୍କ ନାମରେ ଏମିତି କିଛି ବିଶ୍ୱକପ୍‌ ରେକର୍ଡ ରହିଛି ଯାହା ଆଜି ପର୍ଯ୍ୟନ୍ତ ବି ଅତୁଟ ରହିଛି। ସେହି ୩ଟି ରେକର୍ଡ ବିଷୟରେ ନିମ୍ନରେ ସଂକ୍ଷେପରେ…

ଗାଙ୍ଗୁଲିଙ୍କ ପାର୍ଟନରଶିପ :

‘ଗଡ୍‌ ଅଫ୍‌ ଦି ଅଫ୍‌ ସାଇଡ୍‌’ ବା ‘ଦାଦା’ ଭାବେ ପରିଚିତ ସୌରଭ ଗାଙ୍ଗୁଲିଙ୍ଗୁ ଭାରତୀୟ କ୍ରିକେଟ୍‌ର ଅନ୍ୟତମ ସଫଳ ଅଧିନାୟକ ଭାବେ ବିବେଚନା କରାଯାଏ। ଭାରତର ସବୁଠାରୁ ସଫଳ ବାମହାତୀ ବ୍ୟାଟ୍ସମ୍ୟାନ ଭାବେ ଗାଙ୍ଗୁଲିଙ୍କ ନାମ ସର୍ବାଗ୍ରେ ରହିବ। ୩୧୧ ଦିନିକିଆ ମ୍ୟାଚ୍‌ରୁ ସେ ୪୧ ଆଭରେଜରେ ରନ ସଂଗ୍ରହ କରିବା ସହ ୨୨ ଶତକ ହାସଲ କରିଛନ୍ତି। କ୍ରିକେଟ କ୍ୟାରିୟରରେ ସୌରଭ ମୋଟ୍‌ ଉପରେ ୩ଟି ବିଶ୍ୱକପ୍‌ (୧୯୯୯, ୨୦୦୩ ଓ ୨୦୦୭)ରେ ଭାରତ ପକ୍ଷରୁ ପ୍ରତିନିଧିତ୍ୱ କରିଛନ୍ତି। ବିଶ୍ୱକପ୍‌ରେ ମଧ୍ୟ ଗାଙ୍ଗୁଲିଙ୍କ ନାମରେ ଏକ ସ୍ବତନ୍ତ୍ର ରେକର୍ଡ ରହିଛି। ଏକମାତ୍ର ବ୍ୟାଟ୍ସମ୍ୟାନ ଭାବେ ବିଶ୍ୱକପ୍‌ରେ ୩ଟି ଦ୍ୱିଶତକୀୟ ପାର୍ଟନରଶିପ୍‌ କରିବାରେ ସେ ବିଶ୍ୱର ଏକମାତ୍ର କ୍ରିକେଟର। ୧୯୯୯ରେ ନିଜର ପଦାର୍ପଣ ବିଶ୍ୱକପ୍‌ରେ ରାହୁଲ ଡ୍ରାଭିଡ୍‌ଙ୍କ ସହ ମିଶି ଗାଙ୍ଗୁଲି ଡିଫେଣ୍ଡିଂ ଚାମ୍ପିୟନ ଶ୍ରୀଲଙ୍କା ବିପକ୍ଷରେ ୩୧୮ ରନର ପାର୍ଟନରଶିପ୍‌ କରିଥିଲେ। ଦିନିକିଆ କ୍ରିକେଟରେ ଏହା ମଧ୍ୟ ପ୍ରଥମ ତ୍ରିଶତକୀୟ ପାର୍ଟନରଶିପ୍‌ ଥିଲା। ଏହାପରେ ୨୦୦୩ ବିଶ୍ୱକପ୍‌ର ନାମ୍ବିଆ ବିପକ୍ଷ ମ୍ୟାଚ୍‌ରେ ସଚିନ ତେନ୍ଦୁଲକରଙ୍କୁ ସାଥୀ କରି ଗାଙ୍ଗୁଲି ୨୪୪ ରନ ସଂଗ୍ରହ କରିଥିଲେ। ଅନ୍ତିମ ତଥା ୩ୟ ଦ୍ୱିଶତକୀୟ ପାର୍ଟନରଶିପ୍‌ ଗାଙ୍ଗୁଲି ୨୦୦୭ ବିଶ୍ୱକପ୍‌ରେ ହାସଲ କରିଥିଲେ। ବୀରେନ୍ଦ୍ର ସେହ୍ବାଗ ଓ ଗାଙ୍ଗୁଲି ଯୋଡ଼ି ୨୦୨ ରନର ଭାଗୀଦାରି କରିଥିଲେ। ଗାଙ୍ଗୁଲିଙ୍କ ଏହି ରେକର୍ଡ କୌଣସି ବ୍ୟାଟ୍ସମ୍ୟାନଙ୍କ ପକ୍ଷେ କଷ୍ଟକର ବ୍ୟାପାର ହେବ।

ବିଶେନ ସିଂ ବେଦୀ :

ସାଥୀ ଖେଳାଳିଙ୍କ ଗହଣରେ ବିଶୁ ଭାବେ ପରିଚିତ ପଞ୍ଜାବର ବାମହାତୀ ସ୍ପିନର ବିଶେନ ସିଂ ବେଦୀ ୧୯୭୦ ଦଶକରେ ଭାରତର ଅନ୍ୟତମ ଶ୍ରେଷ୍ଠ ସ୍ପିନର ଥିଲେ। ସେହି ସମୟରେ ୪ (ବେଦୀ, ଏରାପଲ୍ଲୀ ପ୍ରସନ୍ନା, ଭଗବତ୍‌ ଚନ୍ଦ୍ରଶେଖର ଓ ଶ୍ରୀନିବାସ ଭେଙ୍କଟରାଘବନ)ପ୍ରସିଦ୍ଧ ଭାରତୀୟ ସ୍ପିନରଙ୍କ ମଧ୍ୟରୁ ସେ ଅନ୍ୟତମ। ବୋଲିଂରେ ବିବିଧତା ପାଇଁ ଯୋଗୁ ବେଦୀ ସର୍ବଦା ବ୍ୟାଟ୍ସମ୍ୟାନଙ୍କୁ ଅଡ଼ୁଆରେ ପକାଇବାରେ ସଫଳ ହେଉଥିଲେ। ସେହି ସମୟରେ ଟେଷ୍ଟ କ୍ରିକେଟର ପ୍ରଧାନ୍ୟ ଯୋଗୁ ଅଧିକ ଦିନିକିଆ ଖେଳିବାର ସୁଯୋଗ ପାଇ ନ ଥିଲେ ମଧ୍ୟ ବେଦୀଙ୍କ ନାମରେ ଏକ ବିଶ୍ୱକପ୍‌ ରେକର୍ଡ ଆଜି ପର୍ଯ୍ୟନ୍ତ ଲିପିବଦ୍ଧ ହୋଇ ରହିଛି। ୧୯୭୫ରେ ଅନୁଷ୍ଠିତ ହୋଇଥିବା ବିଶ୍ୱକପ୍‌ର ପ୍ରଥମ ସଂସ୍କରଣରେ ଇଷ୍ଟ ଆଫ୍ରିକା ବିପକ୍ଷରେ ଅନୁଷ୍ଠିତ ଏକ ମ୍ୟାଚ୍‌ରେ ସେ ୨ଟି ଓଭର ମେଡେନ ପକାଇଥିଲେ। ବିଶ୍ୱକପ୍‌ର ୧୧ଟି ସଂସ୍କରଣ ଏହା ମଧ୍ୟରେ ଅତିବାହିତ ହୋଇଯାଇଥିଲେ ମଧ୍ୟ ଅନ୍ୟକୌଣସି ବୋଲର ଏହି ମେଗା ଇଭେଣ୍ଟର କୌଣସି ଗୋଟିଏ ମ୍ୟାଚ୍‌ରେ ଦୁଇ ଓଭର ମେଡେନ ବୋଲିଂ କରିବାରେ ସକ୍ଷମ ହୋଇନାହାନ୍ତି।

ସଚିନଙ୍କ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ରେକର୍ଡ :

ଏହା ନିଃସନ୍ଦେହରେ କୁହାଯାଇପାରେ ଯେ, ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ନାମରେ ଦିନିକିଆ କ୍ରିକେଟର ୫୦ ପ୍ରତିଶତ ରେକର୍ଡ ଲିପିବଦ୍ଧ ହୋଇ ରହିଛି। ବହୁତ କମ୍‌ ବୟସ ମାତ୍ର ୧୬ ବର୍ଷରେ ଭାରତୀୟ ଦଳ ପକ୍ଷରୁ ପଦାର୍ପଣ କରିଥିବା ସଚିନ ନିଜର ବ୍ୟାଟିଂ ଦକ୍ଷତା ଲାଗି ବୋଲରଙ୍କ ପାଇଁ ସର୍ବଦା ଦୁଃସ୍ବପ୍ନ ହୋଇ ରହିଥାନ୍ତି। ୨୨ ବର୍ଷର ଲମ୍ବା କ୍ରିକେଟ କ୍ୟାରିୟର ମଧ୍ୟରେ ତେନ୍ଦୁଲକର ୬ଥର ବିଶ୍ୱକପ୍‌ ଖେଳିଛନ୍ତି। ସର୍ବାଧିକ ବିଶ୍ୱକପ୍‌ ଖେଳିବାରେ ସେ ପାକିସ୍ତାନର ଜାଭେଦ ମିଆଁଦାଦ୍‌ (୬ଥର)ଙ୍କ ସହ ମିଳିତ ଭାବେ ଶୀର୍ଷରେ ରହିଛନ୍ତି।


All Right Reserved By

Posted inଖେଳ

ଜାତୀୟ ଜୁନିୟର ହକି କ୍ୟାମ୍ପ୍‌ ପାଇଁ ଓଡ଼ିଶାରୁ ୫

ନୂଆଦିଲ୍ଲୀ, ୧୨।୫(ପି.ଟି.)- ବେଙ୍ଗାଲୁରୁଠାରେ ସୋମବାରଠାରୁ ଆରମ୍ଭ ହେବାକୁ ଥିବା ଜାତୀୟ ଜୁନିୟର ପୁରୁଷ ହକି କୋଚିଂ କ୍ୟାମ୍ପ୍‌ ଲାଗି ହକି ଇଣ୍ଡିଆ (ଏଚ୍‌ଆଇ) ପକ୍ଷରୁ ୩୩...

ଲର୍ଡସ ଟେଷ୍ଟ: ବର୍ଷା ଯୋଗୁ ପ୍ରଥମ ଦିନ ଧୋଇଗଲା

ଲର୍ଡସ,୧୫।୮(ଏଏଫପି)- ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ବୁଧବାର ଏଠାରେ ଆରମ୍ଭ ହେବାକୁ ଥିବା ଦ୍ୱିତୀୟ ଆଶେସ ଟେଷ୍ଟର ପ୍ରଥମ ଦିନର ଖେଳ ବାତିଲ ହୋଇଛି। କ୍ରମାଗତ...

ଇଣ୍ଡୋନେସିଆ ଓପନ୍‌ ବ୍ୟାଡମିଣ୍ଟନ : ଫାଇନାଲରେ ହାରିଲେ ସିନ୍ଧୁ

ଜାକର୍ତ୍ତା,୨୧।୭(ପି.ଟି.): ଅଲିମ୍ପିକ୍ସ ରୌପ୍ୟପଦକ ବିଜୟିନୀ ତଥା ମହିଳା ବ୍ୟାଡମିଣ୍ଟନ ତାରକା ପି.ଭି. ସିନ୍ଧୁ ଆଉ ଏକ ଫାଇନାଲରେ ପରାସ୍ତ ହୋଇଛନ୍ତି। ଏଠାରେ ଅନୁଷ୍ଠିତ ବିଡବ୍ଲ୍ୟୁଏଫ୍‌ ଟୁର...

ଭାରତୀୟ କ୍ରିକେଟ୍‌ରେ ଶାହରୁଖ-ସଲମାନ

ନୂଆଦିଲ୍ଲୀ,୧୨।୮- ଶାହରୁଖ ଖାନ୍‌ ଓ ସଲମାନ ଖାନ୍‌ ବଲିଉଡର ଦୁଇ ସପୁରଷ୍ଟାର। କିନ୍ତୁ ଦୁଇ ସୁପରଷ୍ଟାରଙ୍କ ନାମରେ ଦେଶରେ ଘରୋଇ କ୍ରିକେଟରେ ଦୁଇ କ୍ରିକେଟର ଅଛନ୍ତି।...

ଆଫଗାନିସ୍ତାନ ଦଳରେ ଅଲାମଙ୍କ ସ୍ଥାନରେ ଶିର୍‌ଜାଦ

ଲିଡ୍ସ, ୨୮ା୬ (ପି.ଟି.)- ଚଳିତ ଆଇସିସି ବିଶ୍ୱକପ୍‌ରେ ଆଫଗାନିସ୍ତାନର ଅବଶିଷ୍ଟ ମ୍ୟାଚଗୁଡ଼ିକ ଲାଗି ଅଫତାବ ଆଲାମ ବାଦ୍‌ ପଡ଼ିଥିବାବେଳେ ତାଙ୍କ ସ୍ଥାନରେ ବାମହାତୀ ମିଡିୟମ ପେସ୍‌...

ଆଇସିସି ନିର୍ଦ୍ଦେଶକୁ ମାନିଲେ ଧୋନୀ

ଲଣ୍ଡନ, ୧୦ା୬ (ପି.ଟି.)-ଭାରତର ଭେଟେରାନ ଉଇକେଟକିପର ମହେନ୍ଦ୍ର ସିଂ ଧୋନୀ ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ନିର୍ଦ୍ଦେଶକୁ ମାନିଛନ୍ତି। ରବିବାର ଅଷ୍ଟ୍ରେଲିଆ ବିପକ୍ଷ ବିଶ୍ୱକପ୍‌ ମ୍ୟାଚରେ...

ନିଷ୍ପତ୍ତି ବଦଳାଇଲା ବିସିସିଆଇ; କ୍ଷମା ମାଗିଲେ ସୁବ୍ରମଣ୍ୟମ

ନୂଆଦିଲ୍ଲୀ,୧୫।୮(ପି.ଟି.)- ଟିମ୍‌ ଇଣ୍ଡିଆ ଆଡମିନିଷ୍ଟ୍ରେଟିଭ ମ୍ୟାନେଜର ସୁନୀଲ ସୁବ୍ରମଣ୍ୟମ କ୍ଷମା ମାଗିବା ପରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତା’ର ନିଷ୍ପତ୍ତି ବଦଳାଇଛି। ଫଳରେ...

ପାକିସ୍ତାନର କୋଚ ହେବାକୁ ଚାହୁଁଛନ୍ତି ରୋହିତ ଶର୍ମା

ଲଣ୍ଡନ, ୧୭।୬: ବିଶ୍ୱକପରେ ପାକିସ୍ତାନକୁ ଲଗାତର ୭ମ ଥର ପରାସ୍ତ କରିବା ପରେ ଚାରିଆଡେ ଭାରତୀୟ ଦଳର ଚର୍ଚ୍ଚା ହେଉଛି। ରବିବାର ପାକିସ୍ତାନକୁ ୮୯ରନରେ ପରାସ୍ତ...

selfi corner

Model This Week

Why Dharitri

Leave a comment

Your email address will not be published. Required fields are marked *