ସମୀକ୍ଷା ବାହାନାରେ ସୁରକ୍ଷା : ରାଜ୍ୟ ନେତୃତ୍ୱ ଉପରେ ଦୋଷ ଲଦିଲେ ବରିଷ୍ଠ

ଭୁବନେଶ୍ୱର, ୩୧।୫ (ବ୍ୟୁରୋ) : ଗତ ନିର୍ବାଚନରେ ରାଜ୍ୟ କଂଗ୍ରେସର ଶୋଚନୀୟ ପରାଜୟ ହୋଇଛି। ତୃତୀୟ ସ୍ଥାନରୁ ଦ୍ୱିତୀୟକୁ ଖସିଛି ଦଳ। ଲୋକସଭା ଆସନରେ ଗୋଟିଏ ସିଟ୍‌ରେ ବିଜୟୀ ହୋଇଥିବା ବେଳେ ବିଧାନସଭାରେ କଂଗ୍ରେସ ଦୁଇ ଅଙ୍କ ଛୁଇଁ ପାରି ନାହିଁ। ଦଳର ଏଭଳି ବିପର୍ଯ୍ୟୟକୁ ରାଜ୍ୟର ବରିଷ୍ଠ ନେତାମାନେ ହଜମ କରି ପାରି ନାହାନ୍ତି। ନିର୍ବାଚନ ପରିଚାଳନା ଓ ଦଳୀୟ ନେତୃତ୍ୱର ବିଫଳତା ଯୋଗୁ କଂଗ୍ରେସକୁ ଏଭଳି ଦୁର୍ଦ୍ଦଶା ଭୋଗିବାକୁ ପଡିଲା ବୋଲି ରାଜ୍ୟ ନେତାମାନେ ଗୋଟିଏ ସ୍ବରରେ କହିଛନ୍ତି। ୨୦୧୪ କଂଗ୍ରେସର ଭୋଟ ସେୟାର ୨୫.୭ ପ୍ରତିଶତ ଥିବା ବେଳେ ଏହି ନିର୍ବାଚନରେ ୧୬.୧୨ ପ୍ରତିଶତରେ ପହଞ୍ଚିଛି। ବିରୋଧୀ ଦଳ ମାନ୍ୟତା ମଧ୍ୟ ହାତରୁ ଖସି ଯାଇଛି। ମାତ୍ର ୯ଟି ବିଧାନସଭା ଆସନରେ କଂଗ୍ରେସକୁ ସନ୍ତୁଷ୍ଟ ହେବାକୁ ପଡିଛି। ରାଜ୍ୟ କଂଗ୍ରେସ ବିପର୍ଯ୍ୟୟର କାରଣ ଖୋଜିବାକୁ ଦଳ ପକ୍ଷରୁ ଗୁରୁବାର ପୂର୍ବାହ୍ନରେ ପିସିସି କାର୍ଯ୍ୟାଳୟରେ ଦଳର ଖରାପ ପ୍ରଦର୍ଶନ ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହୋଇଛି। ବୈଠକକୁ ଚଳିତ ନିର୍ବାଚନରେ ପ୍ରାର୍ଥୀ ହୋଇଥିବା ନେତାମାନଙ୍କୁ ଡକାଯାଇଥିଲା। କେଉଁ କାରଣରୁ ଦଳ ଖରାପ ପ୍ରଦର୍ଶନ କଲା ସେ ନେଇ ମାନସ ମନ୍ଥନ ହୋଇଛି। ଆଲୋଚନା ବେଳେ ବରିଷ୍ଠ ନେତାମାନେ ଦଳର ଏଭଳି ଦୁର୍ଦ୍ଦଶା ପାଇଁ କଂଗ୍ରେtସ ନେତୃତ୍ୱକୁ ଦାୟୀ କରିଥିଲେ।  ବୈଠକରେ ଦଳର ରାଜ୍ୟ ପ୍ରଭାରୀ ଜିତେନ୍ଦ୍ର ସିଂ, ଟି.ଏସ୍‌. ସିଂଦେଓ, ନିରଞ୍ଜନ ପଟ୍ଟନାୟକ, ତାରା ପ୍ରସାଦ ବାହିନୀପତି, ଭକ୍ତ ଚରଣ ଦାସ ପ୍ରମୁଖ ବରିଷ୍ଠ ନେତା ଉପସ୍ଥିତ ଥିଲେ। କେଉଁ କାରଣରୁ ନିଜ ନିଜ ଅଞ୍ଚଳରେ ପ୍ରାର୍ଥୀମାନେ ପରାଜିତ ହୋଇଛନ୍ତି ତା’ର କାରଣ ପଚରାଯାଇଥିଲା। ଜଣ ଜଣ କରି ନିଜର ମତ ଦେଇଥିଲେ। ତେବେ ଏହି ବୈଠକର ମୁଖ୍ୟ ଉଦ୍ଦେଶ୍ୟ ଥିଲା ରାହୁଲ ଗାନ୍ଧୀଙ୍କୁ ଏଆଇସିସି ଅଧ୍ୟକ୍ଷ ପଦରେ ରଖିବା ପାଇଁ ପ୍ରସ୍ତାବ ପାରିତ କରିବା। ଏହି ପ୍ରସ୍ତାବ ପାରିତ ହେବା ସମୟରେ ନିରଞ୍ଜନ ନିଜ ସମ୍ପର୍କରେ ଏକ ପ୍ରସ୍ତାବ ପାରିତ କରି ଏଆଇସିସି ନିକଟକୁ ପଠାଇବାକୁ ଚାହିଁଥିଲେ। ହେଲେ ଜିତେନ୍ଦ୍ର ସିଂ ଏକକାଳୀନ ଦୁଇଟି ଯାକ ପ୍ରସ୍ତାବ ପାରିତ କରିବାକୁ ବାରଣ କରିଥିଲେ। ।ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକ ଦଳର ପ୍ରଦର୍ଶନ ଖରାପ ହେବା ଯୋଗୁ ନିଜ ପଦରୁ ଇସ୍ତଫା ଦେଇଥିଲେ। ହେଲେ ତାଙ୍କ ଇସ୍ତଫା ପତ୍ର ଏପର୍ଯ୍ୟନ୍ତ ଅଖିଳ ଭାରତ କଂଗ୍ରେସ କମିଟି(ଏଆଇସିସି) ପକ୍ଷରୁ ଗ୍ରହଣ କରାଯାଇନାହିଁ। ଅନ୍ୟପଟେ ନିରଞ୍ଜନ ମଧ୍ୟ ନିଜ ପଦରୁ ଇସ୍ତଫା ଦେବାକୁ ଚାହୁଁ ନ ଥିବା ଶୁଣିବାକୁ ମିଳିଛି। ନିଜ ଦୋଷ ତ୍ରୁଟିକୁ ଘୋଡାଇବା ସକାଶେ ନିରଞ୍ଜନ ଏଭଳି ବାହାନା କରିଥିବା ରାଜନୈତିକ ମହଲରେ ଚର୍ଚ୍ଚା ଜୋର୍‌ ଧରିଛି। ମୁଖ୍ୟତଃ ବିପର୍ଯ୍ୟୟ ସମୀକ୍ଷା ନାଁରେ ନିରଞ୍ଜନଙ୍କୁ ସୁରକ୍ଷା ପାଇଁ ବୈଠକରେ ସାମିଲ ହୋଇଥିବା କେନ୍ଦ୍ରୀୟ ନେତାମାନେ ଉଦ୍ୟମ କରିଥିବା ଦଳର କେତେଜଣ ନେତା ନିଜ ନାମ ଗୋପନ ରଖିବା ସର୍ତ୍ତରେ କହିଛନ୍ତି।
ଅପରାହ୍ନରେ ଦଳର ବହୁ ବରିଷ୍ଠ ନେତାଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଥିଲା। ଦଳର ବିପର୍ଯ୍ୟୟ ପାଇଁ ଆଗଧାଡ଼ିର ନେତାମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ। ଶରତ ରାଉତ, ଜଗନ୍ନାଥ ପଟ୍ଟନାୟକ, ଅମୀୟ ପଟ୍ଟନାୟକ ଏବଂ ରବି ସେଠୀ ପ୍ରମୁଖ ନେତାମାନେ ସିଧାସଳଖ ନିରଞ୍ଜନଙ୍କ ବିରୋଧରେ ଅଭିଯୋଗ ଆଣିଥିଲେ। ନିର୍ବାଚନ ପ୍ରଚାର କମିଟି ଗଠନ କରାଯାଇଥିଲେ ମଧ୍ୟ ତାହା କାର୍ଯ୍ୟକ୍ଷମ ହୋଇ ନ ଥିଲା। ଏଥି ସହ ଗୋଟିଏ ପରିବାର ପିଛା ଦୁଇଟି ଟିକେଟ ଦିଆଯିବାକୁ ନେଇ ଆପତ୍ତି ଉଠିଥିଲା। ଏହା ପରାଜୟର ଅନ୍ୟ ଏକ କାରଣ ବୋଲି ନେତାମାନେ ରାଜ୍ୟ ପ୍ରଭାରୀଙ୍କ ନିକଟରେ କହିଥିଲେ। ବାପ-ପୁଅ ଟିକେଟ ନେବା ପ୍ରସଙ୍ଗ ଜୟପୁର ବିଧାୟକ ତାରାପ୍ରସାଦ ବାହିନୀପତି ମଧ୍ୟ ଉଠାଇଥିଲେ। ଅନ୍ୟପଟେ ଜଗନ୍ନାଥ ପଟ୍ଟନାୟକ କହିଥିଲେ ନିର୍ବାଚନ ସମୟରେ ପ୍ରଚାର କମିଟି ଠିକ୍‌ ଢଙ୍ଗରେ କାର୍ଯ୍ୟ ନ କରିବା ଏବଂ ରାଜ୍ୟ ନେତୃତ୍ୱ ରାହୁଲଙ୍କ ନିର୍ଦ୍ଦେଶ ଠିକ୍‌ଭାବେ ପାଳନ କରି ନ କରିବାରୁ ଏଭଳି ବିପର୍ଯ୍ୟୟ ହେଲା। କଂଗ୍ରେସର ୨୧ ଜଣିଆ କମିଟିକୁ ନେଇ ରବି ସେଠୀ ଅସନ୍ତୋଷ ବ୍ୟକ୍ତ କରିଥିଲେ। ଯେଉଁମାନେ ଦଳର କ୍ଷତି ପାଇଁ ଦାୟୀ ସେମାନଙ୍କୁ ବିପର୍ଯ୍ୟୟ କାରଣ ଖୋଜିବାକୁ ଦାୟିତ୍ୱ ଦେବା କେତେଦୂର ଠିକ୍‌ ବୋଲି ସେ ନେଇ ଦଳୀୟ ମହଲରେ ପ୍ରଶ୍ନ ଉଠିଛି। ଆଗାମୀ ୬ମାସ ପର୍ଯ୍ୟନ୍ତ ଦଳ ପାଇଁ କାମ କରିବାକୁ ପ୍ରଭାରୀ ଜିତେନ୍ଦ୍ର ସିଂ ପରାମର୍ଶ ଦେଇଥିଲେ। ଦଳକୁ କିପରି ଅଧିକ ସଙ୍ଗଠିତ କରିହେବ ଏବଂ ପୌର ନିର୍ବାଚନରେ ଭଲ ଫଳ ମିଳିବ ତା’ ଉପରେ ଗୁରୁତ୍ୱ ଦେବାକୁ ସେ କହିଥିଲେ। ବୈଠକରେ କୋରାପୁଟ ଲୋକସଭା ଆସନରୁ ନବ ନିର୍ବାଚିତ ଏମପି ସପ୍ତଗିରି ଉଲାକାଙ୍କୁ ସମ୍ବର୍ଦ୍ଧିତ କରାଯାଇଥିଲା।


All Right Reserved By Dharitri.Com

ସରିଲା ଦୁର୍ଗାପୂଜା: ଅପେକ୍ଷା ଆରବର୍ଷକୁ

ଭୁବନେଶ୍ୱର,୯।୧୦(ବ୍ୟୁରୋ): ସରିଛି ଶାରଦୀୟ ଦୁର୍ଗାପୂଜା। ଧରାପୃଷ୍ଠରୁ ବିଦାୟ ନେଉଛନ୍ତି ଜଗତ୍‌ଜନନୀ ମା’ ଦୁର୍ଗା। ପୁଣି ବର୍ଷେ ପର୍ଯ୍ୟନ୍ତ ମା’ଙ୍କୁ ଅପେକ୍ଷା କରିବାର ସମୟ ଆସିଛି। ବୁଧବାର...

ଅବପାତରେ ପରିଣତ ହେଲା ଲଘୁଚାପ: ୧୧ଟି ଜିଲାରେ ରେଡ୍‌ ଆଲର୍ଟ

ଭୁବନେଶ୍ୱର,୭।୮: ଉତ୍ତର-ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଘନୀଭୂତ ହୋଇ ବର୍ତ୍ତମାନ ଅବପାତରେ ପରିଣତ ହୋଇଛି। ଏହାର ପ୍ରଭାବରେ ରାଜ୍ୟରେ ଆସନ୍ତା ୨୪ଘଣ୍ଟା ମଧ୍ୟରେ ପ୍ରବଳରୁ...

ଧନ୍‌ତେରସରେ ଜମୁଛି ଗହଣା କ୍ରୟ, ଶୋ’ରୁମ୍‌ରେ ଗ୍ରାହକଙ୍କ ଭିଡ

ଭୁବନେଶ୍ୱର,୨୫।୧୦(ବ୍ୟୁରୋ): ଆଜି ଧନ୍‌ତେରସ। ଏହି ଦିନ ସୁନା କିଣିଲେ ଶୁଭ ବୋଲି କୁହାଯାଉଥିବାରୁ ରାଜ୍ୟର ପ୍ରମୁଖ ଶୋ’ରୁମ୍‌ଗୁଡ଼ିକରେ ଗ୍ରାହକଙ୍କ ଭିଡ ପରିଲକ୍ଷିତ ହେଉଛି। ଗ୍ରାହକଙ୍କ ଚାହିଦାକୁ...

ମଦ ବିକ, ପୁରସ୍କାର ନିଅ

ଭୁବନେଶ୍ୱର, ୧୪।୭(ବ୍ୟୁରୋ): ରାଜ୍ୟରେ ମଦ ବିକ୍ରିକୁ ନେଇ ବିଭିନ୍ନ ସମୟରେ ଆନ୍ଦୋଳନ ହେଉଛି। ବିଷାକ୍ତ ମଦ ପିଇ ବହୁ ଜୀବନ ଚାଲି ଯାଉଛି। ଏହାକୁ ବିରୋଧ...

ସୋନିଆଙ୍କୁ ଭେଟିଲେ ମହିଳା କଂଗ୍ରେସ ଟିମ୍‌

ଭୁବନେଶ୍ୱର,୧୦।୧୨(ବ୍ୟୁରୋ):ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧରେ ଅଭିଯୋଗ କରିବାକୁ ଯାଇଥିବା ମହିଳା କଂଗ୍ରେସ ଟିମ୍‌ ସୋମବାର ଅଖିଳ ଭାରତ କଂଗ୍ରେସ କମିଟି(ଏଆଇସିସି) ଅଧ୍ୟକ୍ଷା...

ତୀର୍ଥଯାତ୍ରୀ ବସ୍‌ ଦୁର୍ଘଟଣାରେ ୨୦ ଆହତ

ବାଲେଶ୍ୱର ଅଫିସ,୧୮।୧: ଜାତୀୟ ରାଜପଥ ଖନ୍ତାପଡା ଥାନା ମେଘନା ପେଟ୍ରୋଲ ପମ୍ପ ନିକଟରେ ଶନିବାର ବସ୍‌ ସହିତ ଟ୍ରକ ଧକ୍କା ହୋଇଛି। ଏହି ଦୁର୍ଘଟଣାରେ ୨୦ଯାତ୍ରୀ...

ରାସ୍ତା ପ୍ରଶସ୍ତୀକରଣ ଲାଗି ଦାବିପତ୍ର

ସୋର, ୬।୯(ଡି.ଏନ.ଏ.): ସୋର ବ୍ଲକ ନଟାପଡ଼ାଠାରେ ୧୩୨/୩୩ କେଭି ଗ୍ରୀଡ଼ ସବ୍‌ଷ୍ଟେଶନ ପାଚେରି କଡ଼ ଦେଇ ଚାଷ ଜମିକୁ ଯାଇଥିବା ରାସ୍ତାକୁ ପ୍ରଶସ୍ତୀକରଣ ଲାଗି ଗ୍ରାମବାସୀ...

୧୫ଦିନ ମଧ୍ୟରେ ଖୋଲିବ ନିକୋ ପାର୍କ

ଭୁବନେଶ୍ୱର,୪ା୧୧(ବ୍ୟୁରୋ) : ଦୀର୍ଘ ୬ମାସ ପରେ ପୁଣି ଖୋଲିବ ଭୁବନେଶ୍ୱରର ଏକମାତ୍ର ଥିମ୍‌ ପାର୍କ ବିଡିଏ ସିଟି ସେଣ୍ଟର (ନିକୋ ପାର୍କ)। ଫନୀରେ କ୍ଷତିଗ୍ରସ୍ତ ହୋଇ...

Leave a comment

Your email address will not be published. Required fields are marked *