କତାଶିଳ୍ପକୁ ଅଣଦେଖା

ପୁରୀ ଅଫିସ, ୩୧।୫: ବାତ୍ୟା ଫନୀ ସମଗ୍ର ପୁରୀ ଜିଲାକୁ ଧ୍ୱଂସବିଧ୍ୱଂସ୍ତ କରିଦେଇଛି। ଭାଙ୍ଗି ପକାଇଛି ଅନେକ ଘରଦ୍ୱାର, ବିଦ୍ୟୁତ୍‌ ଖୁଣ୍ଟ ଏବଂ ଟାୱାର। ଧରାଶାୟୀ ହୋଇଛି ଲକ୍ଷ ଲକ୍ଷ ଗଛ। ସରକାର ଘର, ଗୃହପାଳିତ ପଶୁ ପ୍ରଭୃତିଙ୍କ କ୍ଷୟକ୍ଷତି ପାଇଁ ସହାୟତା ରାଶି ଘୋଷଣା କରିଛନ୍ତି। ହେଲେ କତାଶିଳ୍ପ ପ୍ରତି ଅଣଦେଖା କରିଛନ୍ତି। ଏହାର କ୍ଷୟକ୍ଷତି ଆକଳନ କରାଯାଇନାହିଁ। କତାଶିଳ୍ପକୁ ଆଦରି ଗୁଜୁରାଣ ମେଣ୍ଟାଉଥିବା ଅନେକ ପରିବାର ଏଥିଯୋଗୁ ହତୋତ୍ସାହିତ ହୋଇପଡ଼ିିଛନ୍ତି। କାହିଁକି କତାଶିଳ୍ପ ପ୍ରତି ସରକାର ବିମୁଖ ବୋଲି ପ୍ରଶ୍ନ ଉଠାଇବା ସହ ମୁଖ୍ୟ ଶାସନ ସଚିବ, କେନ୍ଦ୍ର ସରକାରଙ୍କ ଏମ୍‌ଏସ୍‌ଏମ୍‌ଇ ମନ୍ତ୍ରଣାଳୟ, କୟର ବୋର୍ଡ ଅଧ୍ୟକ୍ଷ, ଭୁବନେଶ୍ୱରସ୍ଥିତ ଆଞ୍ଚଳିକ କୟର ବୋର୍ଡକୁ ଚିଠି ଲେଖିଛନ୍ତି। ହେଲେ ଏ ପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇ ନ ଥିବାରୁ ସେମାନେ ମାନସିକ ଚାପରେ ରହିଛନ୍ତି। ଓଡ଼ିଶା ଷ୍ଟେଟ୍‌ କୟର ଇଣ୍ଡଷ୍ଟ୍ରିଜ ଆଣ୍ଡ୍‌ ମ୍ୟାନୁଫ୍ୟାକ୍ଚର୍ସ ଆସୋସିଏଶନ ପକ୍ଷରୁ ଦର୍ଶାଯାଇଛି ଯେ, ଓଡ଼ିଶା କତାଶିଳ୍ପକୁ ସମ୍ପୂର୍ଣ୍ଣ ଭବେ ଉଜାଡ଼ି ଦେଇଛି ଫନୀ। ପୁରୀ, ଖୋର୍ଦ୍ଧା, ଜଗତ୍‌ସିଂହପୁର, କେନ୍ଦ୍ରାପଡ଼ା ଏବଂ ଏହାର ଆଖପାଖ ଜିଲାର କତାଶିଳ୍ପ ପରୋକ୍ଷ ଓ ପ୍ରତ୍ୟକ୍ଷ ଭାବେ ପ୍ରଭାବିତ ହୋଇଛି। ଏହିସବୁ ଜିଲାରେ ଲକ୍ଷାଧିକ ଲୋକ କତାଶିଳ୍ପ ଉପରେ ନିର୍ଭର କରି ପରିବାର ପ୍ରତିପୋଷଣ କରିଥାନ୍ତି। କତାରେ ବିଭିନ୍ନ ପ୍ରକାର ସାମଗ୍ରୀ, ଘରକରଣା ଜିନିଷ, ଖେଳନା ଆଦି ତିଆରି କରି ଦି’ ପଇସା ରୋଜଗାର କରିଥାନ୍ତି। ବିଶେଷକରି ପୁରୀ ଜିଲାରେ ବହୁ ସଂଖ୍ୟାରେ ନଡ଼ିଆ ଗଛ ଥିବାରୁ ଅନେକ ପରିବାର କତାଶିଳ୍ପକୁ ଆଦରି ନେଇଥିଲେ। ପୁରୀର ଏହା ଏକ ପାରମ୍ପରିକ କୁଟୀର ଶିଳ୍ପ ବୋଲି ଧରାଯାଇଥାଏ। ପରୋକ୍ଷ ଏବଂ ପ୍ରତ୍ୟକ୍ଷ ଭାବେ ପ୍ରାୟ ୧ ଲକ୍ଷ ଲୋକ ଏହାଦ୍ୱାରା ନିଯୁକ୍ତି ପାଇଥିଲେ। ଏଥିରେ ୮୫ପ୍ରତିଶତ ମହିଳା ସାମିଲ ରହି ପରିବାର ପ୍ରତିପୋଷଣରେ ନିଜର ସହଭାଗିତା ଦେଇପାରୁଥିଲେ । ଏହାକୁ ନଜରରେ ରଖି ଜିଲାରେ ପ୍ରାୟ ୯,୯୮୬ ହେକ୍ଟର ନଡ଼ିଆ ଚାଷ କରାଯାଇଥିଲା। ଅନେକ ଲୋକ ବ୍ୟାଙ୍କରୁ ଋଣ ଆଣି ଯନ୍ତ୍ରପାତି କିଣିଥିଲେ । ନଡ଼ିଆ କତାରୁ ପାପୋଛ, ମ୍ୟାଟ୍‌ ସମେତ ବିଭିନ୍ନ ପ୍ରକାର ହସ୍ତତନ୍ତ ସାମଗ୍ରୀ, ଖେଳଣା ପ୍ରସ୍ତୁତ କରୁଥିଲେ। ପୁରୀ ଜିଲାର କତାଶିଳ୍ପର ଚାହିଦା ବାହାରେ ରହିଥିବାରୁ ଏହାକୁ ଆପଣାଇଥିବା ଲୋକେ ଭଲ ରୋଜଗାର ମଧ୍ୟ କରୁଥିଲେ। ହେଲେ ବାତ୍ୟା ସବୁକିଛି ଉଜାଡ଼ି ଦେଇଛି। କତାଶିଳ୍ପର ଶେଡ୍‌, ଯନ୍ତ୍ରପାତି ସବୁ ନଷ୍ଟ ହୋଇଯାଇଛି। ସେହିପରି ଜିଲାର ପ୍ରାୟ ୯୦ ପ୍ରତିଶତ ନଡ଼ିଆ ଗଛ ଭାଙ୍ଗିଯାଇଛି। ତେଣୁ କତାଶିଳ୍ପକୁ ଆଶ୍ରା କରିଥିବା ଲୋକଙ୍କ ମେରୁଦଣ୍ଡ ଏକପ୍ରକାର ଦୋହଲିଯାଇଛି। ଏହି ସମୟରେ ସରକାରଙ୍କ ଅଣଦେଖା ସେମାନଙ୍କୁ ଅଧିକ କଷ୍ଟ ଦେଇଛି। ଜଣେ ଜଣେ ଲୋକଙ୍କର ୨ରୁ ୧୦ଲକ୍ଷ ଟଙ୍କା ପର୍ଯ୍ୟନ୍ତ କ୍ଷତି ହୋଇଥିଲେ ମଧ୍ୟ କ୍ଷୟକ୍ଷତିର ଆକଳନ କରାଯାଉନାହିଁ। ସରକାରଙ୍କ ପକ୍ଷରୁ ତୁରନ୍ତ କ୍ଷୟକ୍ଷତି ଆକଳନ କରାଯିବାକୁ ସଂଘ ପକ୍ଷରୁ ରାଜ୍ୟ ଏବଂ କେନ୍ଦ୍ର ସରକାରଙ୍କୁ ଦାବିପତ୍ର ଦିଆଯାଇଛି। ଭାଙ୍ଗିଯାଇଥିବା ଶେଡ୍‌ର ପୁନରୁଦ୍ଧାର ପାଇଁ ଆର୍ଥିକ ସହାୟତା ଦେବା, ଯନ୍ତ୍ରପାତି ମରାମତି, ଅନ୍ୟ ରାଜ୍ୟରୁ ଅନୁନ୍ୟ ୫ବର୍ଷ ପର୍ଯ୍ୟନ୍ତ କଞ୍ଚାମାଲ ଯୋଗାଇଦେବାର ବ୍ୟବସ୍ଥା, ସବୁ କତାଶିଳ୍ପକୁ ୫ ବର୍ଷ ପର୍ଯ୍ୟନ୍ତ ସବ୍‌ସିଡିରେ ବିଦ୍ୟୁତ୍‌ ଯୋଗାଇଦେବା ପ୍ରମୁଖ ଦାବି କରାଯାଇଛି। ସରକାର ତୁରନ୍ତ ପଦକ୍ଷେପ ନେବାକୁ ସଂଘ ସମ୍ପାଦକ ପ୍ରଶାନ୍ତ କୁମାର ମହାପାତ୍ରଙ୍କ ସମେତ ଅନ୍ୟ କର୍ମକର୍ତ୍ତା ଦାବି କରିଛନ୍ତି।


All Right Reserved By

ରଜରେ ହରଚଣ୍ଡୀ ହେଲେ କୁମାରୀ ବେଶ

ବ୍ରହ୍ମଗିରି, ୧୫ା୬(ଡି.ଏନ୍‌.ଏ.): ବ୍ରହ୍ମଗିରିର ପ୍ରସିଦ୍ଧ ବାଲି ହରଚଣ୍ଡୀ ପୀଠରେ ପହିଲି ରଜ ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି। ପହିଲି ରଜରେ ମା’ ହରଚଣ୍ଡୀ କୁମାରୀ ବେଶରେ...

ଲୋକଙ୍କ ସମସ୍ୟା ବୁଝିଲେ ଜିଲାପାଳ

କଟକ ଅଫିସ,୧୨ା୮: ଗୋପଦ ଅଭିଯାନରେ ରବିବାର ସକାଳୁ ଜିଲାପାଳ ଭବାନୀ ଶଙ୍କର ଚୟନୀ, କଟକ ମହାନଗର ନିଗମ(ସିଏମ୍‌ସି) କମିଶନର ଅନନ୍ୟା ଦାସଙ୍କ ସମେତ ସିଡିଏମଓ କଟକ...

ଘଡ଼ଘଡ଼ି ସହ ବର୍ଷା: ୫ ଜିଲାକୁ ସତର୍କ ସୂଚନା

ଭୁବନେଶ୍ୱର, ୩୦।୯(ବ୍ୟୁରୋ): ସୋମବାର ରାଜ୍ୟର ୫ ଜିଲାରେ ଘଡ଼ଘଡ଼ି ସହ ଝଡ଼ବର୍ଷା ହେବା ନେଇ ଭୁବନେଶ୍ୱରସ୍ଥିତ ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି...

ହାଟବେଳେ ଭୁଶୁଡ଼ିଲା ପରିତ୍ୟକ୍ତ ରାଇସ୍‌ ମିଲ୍‌ ପାଚେରି; ଚପିଗଲା ଚାରି ଜୀବନ

ଢେଙ୍କାନାଳ ଅଫିସ,୧୦ା୬ ହାଟର ନାଁ ଅଳସୁଆ। ହେଲେ ହାଟୁଆମାନେ ଆଦୌ ଅଳସୁଆ ନୁହନ୍ତି। ସେଥିପାଇଁ ପ୍ରତି ସପ୍ତାହର ଶେଷ ଦିନରେ ଭାରି ଭିଡ଼ ହୁଏ ଢେଙ୍କାନାଳ...

ବିବାହର ୭ ମାସ ନ ପୂରୁଣୁ ନବବଧୂଙ୍କ ସନ୍ଦେହଜନକ ମୃତ୍ୟୁ: ପୋଖରୀରୁ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାରଲୋକେ

ତିର୍ତ୍ତୋଲ,୨୯।୮(ଡି.ଏନ୍‌.ଏ.): ଜଗତସିଂହପୁର ଜିଲା ତିର୍ତ୍ତୋଲ ଥାନା ଅନ୍ତର୍ଗତ ବଣିତୋ ଗ୍ରାମରେ ଗୁରୁବାର ଜଣେ ନବବଧୂଙ୍କ ସନ୍ଦେହଜନକ ମୃତ୍ୟୁ ଘଟିଛି। ମୃତକ ହେଲେ ଗ୍ରାମର ରାଜକିଶୋର ବେହେରାଙ୍କ...

ସରକାରୀ ପୋରଛାହନ୍‌ର ଘୋର ଅଭାବ:ବୁଡ଼ିଯାଉଛେ ପାରମ୍ପରିକ ମାଟି କାରିଗରୀ

କଲମପୁର, ୧୦।୭ (ଡି.ଏନ୍‌.ଏ): ସରକାର କୁଟୀର ଶିଳ୍ପର ବିକାଶ ଲାଗି ଅନେକ ଯୋଜନାରେ କାରିଗରମାନକୁ ପୋରଛାହନ୍‌ ଯୁଗେଇ ଦେଉଛନ୍‌। ହେଲେ ଆମର ସମାଜରେ ବି ଅନେକ...

ପୁଣି ଲେଉଟିଲା ତାତି : ୪୦ ଡିଗ୍ରୀ ଟପିଲା ୯ ସହର

ଭୁବନେଶ୍ୱର,୧୦।୬(ବ୍ୟୁରୋ) : ପୁଣି ତାତି ଲେଉଟିଛି। ଶନିବାର ଅପେକ୍ଷା ରବିବାର ତାପମାତ୍ରା ବୃଦ୍ଧି ପାଇଛି। ପଶ୍ଚିମ ଓଡ଼ିଶାର ଅଧିକାଂଶ ଅଞ୍ଚଳରେ ତାପମାତ୍ରା ୪୦ଡିଗ୍ରୀ ଉପରେ ରହିଥିଲା।...

ପ୍ରକାଶ ପାଇଲା ଓଜେଇଇ ପରୀକ୍ଷାଫଳ, ଜାଣନ୍ତୁ କିଏ ହେଲେ ଟପ୍ପର…

ଭୁବନେଶ୍ୱର,୧୯।୬(ବ୍ୟୁରୋ): ପ୍ରକାଶ ପାଇଛି ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷା(ଓଜେଇଇ) ପରୀକ୍ଷାଫଳ। ବୁଧବାର ଏହି ପରୀକ୍ଷାଫଳ ଘୋଷଣା କରାଯାଇଛି। ଛାତ୍ରୀଛାତ୍ରମାନେ www.ojee.nic.in ରେ ସେମାନଙ୍କ ରେଜଲ୍ଟ ଜାଣିପାରିବେ।...

selfi corner

Model This Week

Why Dharitri

Leave a comment

Your email address will not be published. Required fields are marked *