ଅସ୍ଥାୟୀ ମଣ୍ଡିରେ ପଡ଼ିଛି ରବିଧାନ, କାଳବୈଶାଖୀକୁ ଡର

କୁନ୍ଦୁରା,୩୧ା୫(ଡି.ଏନ୍‌.ଏ.)- ରବିଋତୁରେ କୋରାପୁଟ ଜିଲା କୁନ୍ଦୁରା ବ୍ଲକରେ ବର୍ତ୍ତମାନ ୭୦ ପ୍ରତିଶତ ଧାନ ଅମଳ ହୋଇସାରିଛି। ଆଗକୁ ବର୍ଷା ଆଶଙ୍କାରେ ଚାଷୀମାନେ ଅମଳ ଧାନକୁ ଅସ୍ଥାୟୀ ମଣ୍ଡିରେ ଗଦା କରିଲେଣି। ଗତ ୨୫ ତାରିଖରେ ମଣ୍ଡି ଆରମ୍ଭ ହେବାର ଥିଲା। କିନ୍ତୁ ଏଯାବତ୍‌ କୌଣସି ସ୍ଥାନରେ ଧାନ କିଣାଯାଇନାହିଁ। ଅନ୍ୟପକ୍ଷରେ ଜୁନ୍‌ ୨/୩ରେ ଲଘୁଚାପ ଓ ପରେ ମୌସୁମୀ ପ୍ରବେଶ କରିବା ସମ୍ଭାବନା ଥିବାରୁ ବର୍ଷାରେ ଧାନ ଭିଜିବା ଭୟ ଚାଷୀଙ୍କୁ ଘାରିଛି।
କୁନ୍ଦୁରା ବ୍ଲକ ଅଧୀନରେ ଡଙ୍ଗରପାଉଁଶି, କୁନ୍ଦୁରା, ଖଟଲାପଦର, ଦିଗାପୁର, ତାରାପାଟ ଭଳି ଅଧିକ ଧାନ ଅମଳ ହେଉଥିବା ଅଞ୍ଚଳରେ ମଣ୍ଡି କରାଯିବା ସ୍ଥାନ ଚିହ୍ନଟ ହୋଇଛି। କିନ୍ତୁ ସେହି ସ୍ଥାନଗୁଡ଼ିକରେ ଏଯାବତ ସ୍ଥାୟୀ ମଣ୍ଡି କରାଯାଇପାରି ନାହିଁ ା ଫଳରେ ୨୦ ବର୍ଷ ହେବ ଚାଷୀମାନେ ନିଜ ଟଙ୍କାରେ ଅସ୍ଥାୟୀ ମଣ୍ଡିସ୍ଥଳକୁ ସଫାସୁତୁରା କରି ସେଠାରେ ଧାନ ଗଦା କରିବା ସହ ଏହାକୁ ଘୋଡ଼ାଇବା ପାଇଁ ତାରପୋଲିନ କିଣିଥାନ୍ତି ା ଏଠାରେ ଉଲ୍ଲେଖଯୋଗ୍ୟ ଯେ କୁନ୍ଦୁରା ବ୍ଲକ ମଣ୍ଡିସ୍ଥଳକୁ ସମସ୍ତ ପ୍ରକାର ବିଦ୍ୟୁତ, ପାଣି, ତାରପୋଲିନ ସୁବିଧା ଯୋଗାଇଦେବା ପାଇଁ ଦାୟିତ୍ୱରେ ରହିଛି ଜିଲାପାଳଙ୍କ ଦ୍ୱାରା ପରିଚାଳିତ ନିୟନ୍ତ୍ରିତ ବଜାର କମିଟି। କିନ୍ତୁ ଏହାସତ୍ତ୍ୱେ ଚାଷୀଙ୍କୁ କୌଣସି ସୁବିଧା ମିଳିପାରୁନାହିଁ ା ଗତ ରବି ଋତୁରେ ୧,୭୪୩ ଚାଷୀଙ୍କ ୧,୩୩,୧୮୭ କୁଇଣ୍ଟାଲ ଧାନ କିଣାଯାଇଥିଲା। ଚଳିତ ବର୍ଷ ମଧ୍ୟ ସେହି ସମାନ ପରିମାଣର ଧାନ କିଣାଯିବ। କିନ୍ତୁ ଏଥର ମଣ୍ଡିରେ ଧାନକିଣା ପାଇଁ ଧାର୍ଯ୍ୟ ହୋଇଥିବା ଦିନଠାରୁ ବିଳମ୍ବ ହେଲାଣି। ଅନ୍ୟପକ୍ଷରେ ଛୋଟ ଓ ଅଭାବି ଚାଷୀଙ୍କୁ ଦଲାଲମାନେ ୧୦୦୦/୧୨୦୦ ଟଙ୍କା ଦେଇ ଧାନ କିଣି ନେଉଛନ୍ତି।
ଗତ ରବିଋତୁ ଧାନକିଣା ପାଇଁ କୋରାପୁଟ ଜିଲାର କେବଳ ଦୁଇଟି ମିଲର୍ସଙ୍କୁ ସାମିଲ କରାଯାଇଥିବା ବେଳେ କଳାହାଣ୍ଡି ଜିଲାର ମିଲ୍‌ ମାଲିକଙ୍କୁ ମଧ୍ୟ ଏଥିପାଇଁ ଅନୁମତି ମିଳିଥିଲା। ଚାଷୀମାନେ ଏବେ ଧାନ ଗଦେଇ ନୟାନ୍ତ ହେବା ସହ ବାହାର ଜିଲାର ମିଲର୍ସ ମଣ୍ଡିସ୍ଥଳକୁ ପହଞ୍ଚତ୍ବା ପର୍ଯ୍ୟନ୍ତ ଅପେକ୍ଷାରେ ରହୁଛନ୍ତି ା ପ୍ରଶାସନ ମିଲର୍ସମାନଙ୍କୁ ପ୍ରତ୍ୟକ୍ଷ ଦାୟିତ୍ୱ ଦେଇଥିବା ବେଳେ ମିଲର୍ସମାନେ ଚାଷୀଙ୍କ ସହ ମୁଲଚାଲ କରିବା ବାହାନାରେ ସପ୍ତାହ ସପ୍ତାହ ଗଡ଼ାଉଥିବା ବେଳେ ବର୍ଷାରେ ଧାନ ଖରାପ ହେଲା କହି କୁଇଣ୍ଟାଲ ପିଛା ୫ରୁ ୭ କେଜି ଅଧିକ ଧାନ ନେବା ପାଇଁ ବାଧ୍ୟ କରୁଛନ୍ତି। ରବି ଋତୁରେ ଚାଷୀଙ୍କୁ ଧାନରେ ଅଧିକ ଲାଭ ମିଳିଥାଏ ା କିନ୍ତୁ ପ୍ରଶାସନ ନିର୍ଦ୍ଧାରିତ ସମୟରେ ଧାନ କିଣିଲେ, ମିଲର୍ସମାନେ ଚାଷୀଙ୍କ ସହ ମୁଲଚାଲ କରିବା ପାଇଁ ବାହାନା ମିଳିପାରି ନଥାନ୍ତା ା ବିଗତ ଦିନରେ ପ୍ରଶାସନ ନିର୍ଦ୍ଧାରିତ ସମୟରେ ଧାନ ନ କିଣିବା ଯୋଗୁ ବର୍ଷାରେ ଧାନ ଗଜା ହେଉଥିଲା। କେତେକ ଲାଞ୍ଚଖୋର ଅଫିସର ଏହାର ସୁଯୋଗରେ ମିଲର୍ସଙ୍କ ସହ ସଲାସୁତୁରା କରି ଅଧିକ ଧାନ କାଟି ଚାଷୀଙ୍କଠାରୁ କିଣୁଥିଲେ। ସରକାର କିମ୍ବା ମଣ୍ଡି ଦାୟିତ୍ୱରେ ଥିବା ପ୍ରଶାସନ ଏଭଳି ଅବ୍ୟବସ୍ଥା ସୁଧାରିବା ବଦଳରେ ଚାଷୀକୁଳକୁ ସମସ୍ୟା ଭିତରକୁ ଠେଲି ଦେଉଛନ୍ତି। କୁନ୍ଦୁରା ବ୍ଲକର ଡଙ୍ଗରପାଉଁଶି ଓ ଦିଗାପୁର ଅସ୍ଥାୟୀ ମଣ୍ଡିରେଧାନ ଗଦାଇ ସାରିଲେଣି ଚାଷୀ ା କିନ୍ତୁ ୪ ଦିନ ହେବ ସନ୍ଧ୍ୟାରେ ନିୟମିତ କାଳବୈଶାଖୀ ବର୍ଷା ହେଉଥିବାରୁ ଚାଷୀ ମଣ୍ଡିରେ ଧାନ ରଖି ନାହିଁ ନ ଥିବା ସମସ୍ୟା ଭୋଗୁଛି। ୩/୪ ଦିନ ମଧ୍ୟରେ ଅମଳ ହୋଇଥିବା ରବିଧାନକୁ ଅସ୍ଥାୟୀ ମଣ୍ଡିସ୍ଥଳରୁ କିଣିବା ପାଇଁ ପ୍ରଶାସନ ଓ ଜିଲା ଯୋଗାଣ ବିଭାଗ ତତ୍ପରତା ନ ଦେଖାଇଲେ, ଚାଷୀମାନେ କ୍ଷତି ସହିବାରୁ କେହି ରୋକିପାରିବେ ନାହିଁ।


All Right Reserved By Dharitri.Com

ଜୁଆଆଡ୍ଡାରେ ଚଢ଼ାଉ, ୭ କୋର୍ଟ ଚାଲାଣ

ରାୟଗଡ଼ା ଅଫିସ,୬।୧୦: ରାୟଗଡ଼ା ଜିଲା ଇନ୍ଦିରାନଗରର ୬ ଲେନ୍‌ରେ ଜୁଆଆଡ୍ଡା ଚାଲିଥିବା କୌଣସି ସୂତ୍ରରୁ ଖବର ପାଇ ସ୍ଥାନୀୟ ପୋଲିସ ଶନିବାର ରାତିରେ ଚଢ଼ାଉ କରିଥିଲା।...

ଶ୍ରାଦ୍ଧ ଦିବସରେ ଅସମ୍ମାନ: ବିଜୁଙ୍କ ପ୍ରତିମୂର୍ତ୍ତିରେ ପଡିଲାନି ଫୁଲମାଳ

ଗୁଣପୁର,୧୭।୪(ଡି.ଏନ୍‌.ଏ.)-ରାୟଗଡା ଜିଲା ଗୁଣପୁର ବିଜେଡିରେ ଥିବା ମତଭେଦ ଯୋଗୁ ଶ୍ରାଦ୍ଧ ଦିବସରେ ପ୍ରବାଦ ପୁରୁଷଙ୍କ ପ୍ରତି ଅସମ୍ମାନ ହେଲାଭଳି ଘଟଣା ଦେଖିବାକୁ ମିଳିଛି। ବୁଧବାର ନୂତନ...

ଚିତ୍ରକୋଣ୍ଡାରେ ବିଏସ୍‌ଏନ୍‌ଏଲ୍‌ ନେର୍ଟ୍‌ୱକ ଫେଲ୍‌

ଚିତ୍ରକୋଣ୍ଡା, ୨୪।୪(ଡି.ଏନ୍‌.ଏ.): ଡିଜିଟାଲ ଇଣ୍ଡିଆ ସେବା ମାଧ୍ୟମରେ ପ୍ରତ୍ୟେକ ଅଞ୍ଚଳକୁ ଅନ୍ତଃସଂଯୋଗ ପାଇଁ ହୋଇଥିବା ଯୋଜନା ଚିତ୍ରକୋଣ୍ଡାବାସୀଙ୍କ ପାଇଁ ସ୍ବପ୍ନ। ଓଡିଶା ସୀମାନ୍ତ ନକ୍ସଲ ଉପଦ୍ରୁତ...

ଶ୍ରମିକଙ୍କ ସ୍ବାର୍ଥ ଦୃଷ୍ଟିରୁ ନୂତନ ଆଇନ୍‌ ଅଣାଯାଉ

ଜୟପୁର ୧।୫(ନି.ପ୍ର.): ବୁଧବାର ଜୟପୁରରେ ବିଶ୍ୱ ଶ୍ରମିକ ଦିବସ ପାଳିତ ହୋଇଛି।  ନିର୍ମାଣ ଶ୍ରମିକ ମିଳିତ ସଂଘର ପକ୍ଷରୁ ଏହି ଅବସରରେ ଏକ  ଶୋଭାଯାତ୍ରା ବାହାରି...

୨୦ ଫୁଟ ତଳକୁ ଖସିଲା ଆଲୁମିନିୟମ ପାଉଡର ଲୋଡିଂ ଟ୍ୟାଙ୍କର: ଡ୍ରାଇଭର ମୃତ

ରାୟଗଡ଼ା ଅଫିସ, ୨।୧: ୩୨୬ ନଂ. ଜାତୀୟ ରାଜପଥର ଗୁମ୍ମା ଘାଟିରୁ ଗୁରୁବାର ଏକ ଆଲୁମିନିୟମ ପାଉଡର ବୋଝେଇ ଟ୍ୟାଙ୍କର ଖସିପଡ଼ିଛି। ଫଳରେ ଘଟଣା ସ୍ଥଳରେ...

ରାସ୍ତା କଡ଼କୁ ଓଲଟି ପଡ଼ିଲା ଯାତ୍ରୀବାହୀ ବସ୍‌: ୫ ଆହତ, କଣ୍ଡକ୍ଟରଙ୍କ ଗୋଡ଼ ଭାଙ୍ଗିଲା

ପଟ୍ଟାଙ୍ଗି,୭।୬(ଡି.ଏନ୍‌.ଏ.): କୋରାପୁଟ ଜିଲା ପଟାଙ୍ଗି ଥାନା ଅନ୍ତର୍ଗତ ରାଲେଗଡ଼ା ପଞ୍ଚାୟତ ଅଧୀନ ତେଲରାଇ ଗ୍ରାମ ଛକ ତଥା ୨୬ନଂ ଜାତୀୟ ରାଜପଥ କଡ଼କୁ ଶୁକ୍ରବାର ଏକ...

ସୀମାନ୍ତ କୋଟିଆରେ ଘୋଷଯାତ୍ରା

ପଟ୍ଟାଙ୍ଗି,୫।୭(ଡି.ଏନ୍‌.ଏ.): ସାରା ରାଜ୍ୟରେ ଯେଉଁଦିନ ରଥଯାତ୍ରା ହୁଏ, ତାହା ପରଦିନ ପଟ୍ଟାଙ୍ଗି ବ୍ଲକ ସୀମାନ୍ତ କୋଟିଆ ପଞ୍ଚାୟତରେ ଗଡ଼େ ଶ୍ରୀଜୀଉଙ୍କ ରଥ। ୨୦୦୨ ମେ’ ୧ରେ...

ଅଟୋ ଓଲଟି ବୃଦ୍ଧାଙ୍କ ଜୀବନ ଗଲା

ରାୟଗଡ଼ା ଅଫିସ,୧୪।୧୨: ରାୟଗଡ଼ା ଜିଲା ସେସକାଲ ଥାନା ଅଧିନସ୍ଥ ଗ୍ରାମର ବାଇସିଂ ଘାଟିରେ ଏକ ଓଟୋ ଓଲଟି ଜଣେ ବୃଦ୍ଧାଙ୍କ ଜୀବନ ଚାଲିଯାଇଛି। ସୂଚନାଯୋଗ୍ୟ, କାଶୀପୁର...

Leave a comment

Your email address will not be published. Required fields are marked *