Posted inଖେଳ

ଲାଞ୍ଚ ଦେଇ ମ୍ୟାଚ୍‌ ଦେଖିଥିଲେ ବାଂଲାଦେଶ ଟାଇଗର

ଢାକା,୩୦।୫(ଏଏଫ୍‌ପି)- ବାଂଲାଦେଶ କ୍ରିକେଟ ଦଳର ସୁପରଫ୍ୟାନ ଭାବେ ପରିଚିତ ଶୋୟାବ ଅଲି ବିଶ୍ୱର ବିଭିନ୍ନ ଦେଶ ଭ୍ରମଣ କରି ଜାତୀୟ ଦଳକୁ ସମର୍ଥନ କରନ୍ତି। ଦେହ ଓ ମୁହଁରେ ବାଘ ଭଳି ରଙ୍ଗ କରି ମ୍ୟାଚ୍‌ ଦେଖୁଥିବା ୩୧ ବର୍ଷୀୟ କାର ମେକାନିକ୍‌ ନିଜ ଉତ୍ସାହ ଲାଗି ଲାଞ୍ଚ ଦେବାଠାରୁ ଆରମ୍ଭ କରି ନିଜକୁ ଆଘାତ ଦେବାରୁ ପଛାଇ ଯାଇ ନାହାନ୍ତି। ବାଂଲାଦେଶ ବୋଲର ଶାହାଦାଦ ହୋସେନଙ୍କ ଗାଡ଼ି ସଜାଡ଼ି ପ୍ରଥମ ଥର ଅନ୍ତର୍ଜାତୀୟ ମ୍ୟାଚ୍‌ ଦେଖିବାକୁ ଟିକେଟ୍‌ ପାଇଥିଲେ। ଭାରତ ବିପକ୍ଷ ମ୍ୟାଚ୍‌କୁ ବାଂଲାଦେଶ ଦଳ ୫ ଉଇକେଟରେ ଜିତି ନେଇଥିଲା। ଏହି ମ୍ୟାଚ୍‌ରେ ସଚିନ ତେନ୍ଦୁଲକର ବହୁ ପ୍ରତୀକ୍ଷିତ ୧୦୦ତମ ଶତକ ଅର୍ଜନ କରିଥିଲେ। ମ୍ୟାଚ୍‌ ପରେ ମୁଁ ବହୁ ସମୟ ଧରି ଗ୍ରାଉଣ୍ଡରେ କାନ୍ଦିଥିଲି। ସେଠାରେ ମୁଁ ଭାରତୀୟ ସୁପରଫ୍ୟାନ ସୁଧିର ଗୌତମଙ୍କୁ ଦେଖିଥିଲି, ଯିଏକି ଦେହରେ ଭାରତୀୟ ପତାକା ରଙ୍ଗ ଲଗାଇ ସମଗ୍ର ବିଶ୍ୱରେ ଟିମ୍‌ ଇଣ୍ଡିଆକୁ ସମର୍ଥନ କରନ୍ତି। ସେହିଠାରୁ ମୁଁ ତାଙ୍କ ଭଳି ଦେହରେ ରଙ୍ଗ ଲଗାଇ ପ୍ରତ୍ୟେକ ମ୍ୟାଚ୍‌ ଦେଖିବା ପାଇଁ ନିଷ୍ପତ୍ତି ନେଇଥିଲି ବୋଲି ସେ କହିଛନ୍ତି। ୧୩ ବର୍ଷରୁ ପାଠପଢ଼ା ଛାଡ଼ି ଦେଇଥିବା ଅଲି ଏପର୍ଯ୍ୟନ୍ତ ନିଜ ଦେଶରେ ଖେଳାଯାଇଥିବା ଗୋଟିଏ ମ୍ୟାଚ୍‌ ହାତଛଡ଼ା କରିଛନ୍ତି। ୨୦୧୩ଠାରୁ ସେ ବିଦେଶରେ ମଧ୍ୟ ଟିମ୍‌ ବାଂଲାଦେଶକୁ ଉତ୍ସାହିତ କରିବାକୁ ଯାଉଛନ୍ତି। ୨୦୧୩ରେ ସେ ଜିମ୍ବାଓ୍ବେ ଗସ୍ତ କରିଥିଲେ। କିନ୍ତୁ ଭିଜା, ପାସପୋର୍ଟ ଢାକା ବିମାନବନ୍ଦରରେ ଛାଡ଼ି ଦେଇଥିବାରୁ ହରାରେ ଆପ୍ରବାସନ କର୍ମକର୍ତ୍ତା ଅଲିଙ୍କୁ ସେଠାରୁ ଫେରାଇ ଦେବାକୁ ନିଷ୍ପତ୍ତି ନେଇଥିଲେ। ଏଣୁ ସେ ୧୦ ଡଲାର ଲାଞ୍ଚ ଦେଇ ବାଂଲାଦେଶ ଦଳକୁ ଫୋନ କରିଥିଲେ। ହେଲେ ସେମାନେ ଏ ସମ୍ପର୍କରେ କିଛି ବିଶେଷ ସହାୟତା କରିପାରି ନ ଥିଲେ। ନିୟମ ଅନୁଯାୟୀ କୌଣସି ଅସୁସ୍ଥ ବ୍ୟକ୍ତିଙ୍କୁ ଆପ୍ରବାସନ କର୍ମକର୍ତ୍ତା ଫେରାଇ ଦେଇ ପାରିବେ ନାହିଁ। ଏହା ଜାଣିବା ପରେ ମୁଁ ମୁଣ୍ଡକୁ କାନ୍ଥରେ ପିଟି ଅଚେତ ହେବାର ନାଟକ କରିଥିଲି। ବିମାନବନ୍ଦରରେ ଗୋଟିଏ ରାତି ରହିବା ପରେ ବାଂଲାଦେଶ ଅଫିସିଆଲ ମୋ ଭିଜା ନେଇ ଆସିଥିଲେ। ତାଙ୍କୁ ୨୦୧୫ ବିଶ୍ୱକପ୍‌ ପାଇଁ ଅଷ୍ଟ୍ରେଲିଆ ଭିଜା ମିଳି ନ ଥିଲା। ଏବେ ତାଙ୍କ ଗସ୍ତ ବାବଦ ଖର୍ଚ୍ଚକୁ ବାଂଲାଦେଶ କ୍ରିକେଟ ବୋର୍ଡ ବହନ କରୁଛି। ସେ ବର୍ତ୍ତମାନ ଇଂଲଣ୍ଡରେ ବାଂଲାଦେଶ ଦଳକୁ ଉତ୍ସାହିତ କରିବାକୁ ଆସିଛନ୍ତି।


All Right Reserved By Dharitri.Com

Posted inଖେଳ View All

ପିଙ୍କ୍‌ ବଲ୍‌ ଟେଷ୍ଟ: କିମ୍ବଦନ୍ତୀ କ୍ରିକେଟରଙ୍କ ଭିଡ ଜମିବ

କୋଲକାତା,୨୦।୧୧(ପି.ଟି.): ଐତିହାସିକ ଇଡେନ ଗାର୍ଡେନ ଗ୍ରାଉଣ୍ଡରେ ଆରମ୍ଭ ହେବାକୁ ଯାଉଛି ପ୍ରଥମ ଦିବାରାତ୍ର ଟେଷ୍ଟ ମ୍ୟାଚ୍‌। ପିଙ୍କ୍‌ ବଲ୍‌ରେ ଖେଳାଯିବାକୁ ଥିବା ଏହି ମ୍ୟାଚ୍‌ରେ ଭାରତ...

ସ୍କୁଲରେ ଏହି ବିଷୟ ପଢିବାକୁ ଡରୁଥିଲେ କୋହଲି, ପରୀକ୍ଷାରେ ୧୦୦ରୁ ରଖିଥିଲେ ମାତ୍ର ୩ ନମ୍ବର

ବିରାଟ କୋହଲି, କେବଳ ଭାରତରେ ନୁହେଁ, ବିଶ୍ୱ କ୍ରିକେଟରେ ଏବେ ରାଜ୍‌ କରୁଛନ୍ତି। କିନ୍ତୁ ଜାଣିଛନ୍ତି ସ୍କୁଲରେ ପଢିବାବେଳେ କୋହଲିଙ୍କୁ ଗୋଟିଏ ବିଷୟ ପ୍ରତି ପ୍ରବଳ...

ଅଶ୍ୱିନଙ୍କଠାରୁ ଅଲଗା ହୋଇପାରେ କିଙ୍ଗ୍ସ ଏକାଦଶ ପଞ୍ଜାବ

ଚଣ୍ଡିଗଡ଼,୨୬।୮: ଅଭିଜ୍ଞ ସ୍ପିନର ରବିଚନ୍ଦ୍ରନ ଅଶ୍ୱିନଙ୍କ ସମସ୍ୟା ବୃଦ୍ଧି ପାଇବାରେ ଲାଗିଛି। ଆଣ୍ଟିଗୁଆ ଟେଷ୍ଟରେ ଚୂଡ଼ାନ୍ତ ଏକାଦଶରେ ସ୍ଥାନ ପାଇ ନ ଥିବାବେଳେ ଇଣ୍ଡିଆନ ପ୍ରିମିୟର...

ଗଗନେନ୍ଦୁଙ୍କୁ ଗୁରୁଦାୟିତ୍ୱ

ଭୁବନେଶ୍ୱର, ୧୨।୬(କ୍ରୀଡ଼ା ପ୍ରତିନିଧି)-ଇଟାଲିର ନାପୋଲିଠାରେ ଓ୍ବାଲର୍‌ଡ ୟୁନିଭର୍ସିଟି ଗେମ୍ସ ଜୁଲାଇ ୩ରୁ ୧୪ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିରେ ଇଣ୍ଡିଆନ ୟୁନିଭର୍ସିଟିଜ ଦଳର ୧୧୯ ଖେଳାଳି...

ନୂଆ ଉପାୟରେ ଗ୍ରୀଷ୍ମ ପ୍ରବାହକୁ ରୋକିବେ ଟୋକିଓ ଅଲିମ୍ପିକ୍ସ ଆୟୋଜକ

ଟୋକିଓ,୧୩।୯(ଏଏଫ୍‌ପି) : ଟୋକିଓ ୨୦୨୦ ଅଲିମ୍ପିକ୍ସ ଆୟୋଜକମାନେ ଇଭେଣ୍ଟବେଳେ ଗ୍ରୀଷ୍ମ ପ୍ରବାହକୁ ରୋକିବା ପାଇଁ କୃତ୍ରିମ ବରଫ ବର୍ଷା କରାଇବା ପାଇଁ ଯୋଜନା କରିଛନ୍ତି। କନୋଇଂ...

ପୁରୁଷ କ୍ରିକେଟରଙ୍କୁ ପଛରେ ପକାଇଲେ ହରମନପ୍ରୀତ କୌର

ସୁରତ,୬।୧୦:ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଉଥିବା ୬ ମ୍ୟାଚ୍‌ ବିଶିଷ୍ଟ ଟି-୨୦ ସିରିଜ୍‌ର ଶେଷ ମ୍ୟାଚରେ ଭାରତୀୟ ମହିଳା ଦଳର ଅଧିନାୟକ ହରମନପ୍ରୀତ କୌର ଇତିହାସ ରଚିଛନ୍ତି।...

ବାରବାଟୀରେ ‘ଷ୍ଟାର ସ୍ପୋର୍ଟସ’ ଟିମ୍‌

କଟକ ଅଫିସ,୧୮ା୧୧- ‘ଷ୍ଟାର୍‌ ସ୍ପୋର୍ଟସ’ର ଏକ ଟିମ୍‌ ରବିବାର ବାରବାଟୀ ଷ୍ଟାଡିୟମ ପରିଦର୍ଶନରେ ଆସିଥିଲା। ଆସନ୍ତା ଏକଦିବସୀୟ ଅନ୍ତର୍ଜାତୀୟ ମ୍ୟାଚ୍‌ର ପ୍ରସାରଣ ଦାୟିତ୍ୱ ଷ୍ଟାର ସ୍ପୋର୍ଟସ...

‘ଦିଲୀପ ତିର୍କୀ’ ଷ୍ଟାଣ୍ଡ୍‌ ଉଦ୍‌ଘାଟିତ

ଭୁବନେଶ୍ୱର, ୧୭।୬(ସ୍ପୋଟର୍‌ସ ବ୍ୟୁରୋ)- ସ୍ଥାନୀୟ ସହିଦ୍‌ ସ୍ପୋଟର୍‌ସଂ ଖେଳ ପଡ଼ିଆରେ ନିର୍ମିତ ‘ଦିଲୀପ ତିର୍କୀ’ ଷ୍ଟାଣ୍ଡ୍‌ ରବିବାର ଉଦ୍‌ଘାଟିତ ହୋଇଯାଇଛି। ଭାରତୀୟ ହକି ଦଳର ପ୍ରାକ୍ତନ...

Leave a comment

Your email address will not be published. Required fields are marked *