ୱାଇ ଫର୍ମରେ ବାଲି ଜାଲିଆତି

କଟକ ଅଫିସ, ୧୪ା୧୨: କଟକ ଜିଲାର ବିଭିନ୍ନ ନଦୀରୁ ବାଲି ଚୋରାଚାଲାଣ ହେଉଛି। ଏହି ଚୋରାଚାଲାଣ କାର୍ଯ୍ୟରେ ନେତାଙ୍କଠାରୁ ଆରମ୍ଭ କରି ପ୍ରଶାସକ ଓ ଗ୍ୟାଙ୍ଗଷ୍ଟରଙ୍କ ସମ୍ପୃକ୍ତି ରହୁଛି। ତେଣୁ ଏଥିରେ କେହି ବି ହସ୍ତକ୍ଷେପ କରିବାକୁ ସାହସ କରୁନାହାନ୍ତି। ମାତ୍ର ଏହା ନଦୀର ଜୈବବିବିଧତାକୁ ନଷ୍ଟ କରିବା ସହିତ ନଦୀର ଗତିପଥରେ ପରିବର୍ତ୍ତନ ଆଣିବାର ଆଶଙ୍କା ସୃଷ୍ଟି କରୁଛି।
ବୁଧବାର କଟକ ସଦର ତହସିଲର ପ୍ରତାପନଗରୀ ବାଲିଘାଟରୁ କାଗଜପତ୍ର ଜାଲିଆତି କରାଯାଇ ବାଲି ଚୋରି କରାଯାଉଥିଲା। ସଦର ତହସିଲଦାର ସମ୍ବିତ ଗଡନାୟକ ଉକ୍ତ କାଗଜପତ୍ରକୁ ଜବତ କରିବା ସହିତ ବାଲିଘାଟକୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ବନ୍ଦ ରଖିଛନ୍ତି। ତେବେ ତହସିଲ ପକ୍ଷରୁ ଘାଟଧାରୀମାନଙ୍କୁ ଦିଆଯାଉଥିବା ୱାଇ ଫର୍ମ ମାଧ୍ୟମରେ ଏବେ ଏହି ଜାଲିଆତି କରାଯାଉଛି।
ଓଡ଼ିଶା ମାଇନର ମିନେରାଲ କନସେସନ୍‌ ନିୟମ ଅନୁଯାୟୀ, ବାଲି ପରିବହନ ପାଇଁ ୱାଇ ଫର୍ମ ବହି ନିଲାମଧାରୀମାନଙ୍କୁ ଦିଆଯାଇଥାଏ। ଏଥିରେ ଥିବା ରସିଦ୍‌ରେ ଘାଟରୁ ପରିବହନ କରୁଥିବା ଗାଡ଼ିରେ କେତେ ପରିମାଣର ବାଲି ଚାଲାଣ ହେଲା, ତାହା ଉଲ୍ଲେଖ ରହିଥାଏ। ରସିଦରେ ମଧ୍ୟ ବାଲି ଲୋଡ୍‌ ହେବାର ସମୟ ଓ ତାରିଖ ଉଲ୍ଲେଖ ରହିଥାଏ। ବାଟରେ ଯଦି ପୋଲିସ କିମ୍ବା ଜିଲା ପ୍ରଶାସନ ଗାଡ଼ିକୁ ଅଟକାଇ ଯାଞ୍ଚ କରନ୍ତି ତେବେ ଡ୍ରାଇଭର ଉକ୍ତ ଫର୍ମକୁ ଦେଖାଇ ଗାଡ଼ିରେ ଚାଲାଣ ହେଉଥିବା ବାଲି ବୈଧ ବୋଲି ସାବ୍ୟସ୍ତ କରିଥାନ୍ତି। ପ୍ରତି ୩ ମାସରେ ଥରେ ଲିଜ୍‌ଧାରୀ ଉକ୍ତ ବହିକୁ ତହସିଲ ପ୍ରଶାସନ ନିକଟରେ ଦାଖଲ କରିଥାନ୍ତି। ଘାଟଧାରୀଙ୍କୁ ଲିଜ୍‌ ଦିଆଯିବା ସମୟରେ ସେ କେତେ ବାଲି ଉଠାଇବେ ବୋଲି ଲିଜ୍‌ରେ ସର୍ତ୍ତାବଳୀ ରହିଥାଏ। ଉକ୍ତ ୱାଇ ଫର୍ମ ବହିରୁ ତା’ର ହିସାବ କରାଯାଇଥାଏ। ଯେହେତୁ ଗତ ୬ ମାସ ହେବ ବାଲି ଯାଞ୍ଚ କରାଯାଉନାହିଁ ତାହାର ଫାଇଦା ନେଇ ଘାଟଧାରୀମାନେ ଫାଙ୍କା ରସିଦ୍‌ (ବ୍ଲାଙ୍କ ରିସିପ୍ଟ୍‌) ଡ୍ରାଇଭରଙ୍କୁ ଧରାଇ ଦେଉଛନ୍ତି। ଗୋଟିଏ ରସିଦକୁ ପକେଟରେ ପୂରାଇ ଡ୍ରାଇଭରମାନେ ମାସାଧିକ କାଳ ବାଲି ପରିବହନ କରୁଛନ୍ତି। ଫଳରେ ଘାଟରୁ ଲିଜ୍‌ଧାରୀଙ୍କୁ ଯେତିକି ପରିମାଣର ବାଲି ଉଠାଇବା ପାଇଁ ଅନୁମତି ମିଳିଥାଏ, ତାହାର ୧୦ ଗୁଣା ବାଲି ସେ ଉଠାଇଥାନ୍ତି।
ଉଦାହରଣ ଭାବେ ବାରଙ୍ଗ ତହସିଲ ଅଧୀନ କାଠଯୋଡ଼ି ନଦୀରୁ ଜଣେ ଲିଜ୍‌ଧାରୀଙ୍କୁ ବାଲି ଉଠାଇବା ପାଇଁ ଅନୁମତି ମିଳିଥିଲା। ସେ ବାଲି ଉଠାଇ ଉଠାଇ ନିଜର ତହସିଲ ସୀମା ପାର କରି ସଦର ତହସିଲ ଇଲାକାରୁ ବାଲି ଉତ୍ତୋଳନ କରିଥିଲେ। ତତ୍କାଳୀନ ସଦର ତହସିଲଦାର ସଞ୍ଜୀବିତା ରାୟ ସମ୍ପୃକ୍ତ ଲିଜ୍‌ଧାରୀଙ୍କ ଉପରେ ୩୨ ଲକ୍ଷ ଟଙ୍କାର ଜରିମାନା ଲାଗୁ କରିଥିଲେ। ଲିଜ୍‌ଧାରୀ ଜଣକ ଉକ୍ତ ଜରିମାନା ପଇଠ ନ କରି ପୁନର୍ବାର ବାଲି ଉତ୍ତୋଳନ କରୁଛନ୍ତି ବୋଲି ଅଭିଯୋଗ ହୋଇଛି। ସେହିପରି ତହସିଲରୁ ଫର୍ମ ୱାଇ ବହି ନେଇ କେତେଜଣ ନିଲାମଧାରୀ ତହସିଲକୁ ଆଉ ଫେରସ୍ତ ଦେଇନାହାନ୍ତି। ଏହିପରି ଭାବେ ୨୦୧୮-୧୯ରେ ସଦର ତହସିଲ ଅଧୀନ ସୁବର୍ଣ୍ଣପର ବାଲିଘାଟରୁ ୪ଟି ରସିଦ ବହି ଫେରି ନ ଥିବା ତତ୍କାଳୀନ ତହସିଲଦାର ସଞ୍ଜୟ ପ୍ରତିହାରୀ ପ୍ରଶାସନକୁ ଅବଗତ କରାଇଛନ୍ତି।
ନରଣପୁର ଓ ମୁଣ୍ଡମୁହାଣ ବାଲିଘାଟରୁ ବିନା ଫର୍ମ ୱାଇରେ ବାଲିଚାଲାଣ ହେଉଥିବା ନେଇ କିଛିଦିନ ତଳେ ଅଭିଯୋଗ ହୋଇଥିଲା। ରାଜସ୍ବ ବିଭାଗର ଅତିରିକ୍ତ ସଚିବ ବିଭୂତି ଭୂଷଣ ଦାସ ଏକ ଭିଡିଓ କନଫରେନ୍ସିଂରେ ଉକ୍ତ ପ୍ରସଙ୍ଗ ଉଠାଇଥିଲେ। ଏହାପରେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ନିଆ ନ ଯିବାରୁ ପୂର୍ବବତ ବାଲି ଚାଲାଣ ଫର୍ମ ୱାଇ ବିନା ଜାରି ରହିଛି। ଏହି ବେଆଇନ ବାଲି ଚାଲାଣକୁ ରୋକିବା ପାଇଁ ଉପଖଣ୍ଡ ସ୍ତରରେ ଏକ ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ ଗଠନ କରାଯାଇଛି। ମାତ୍ର ଗତ ସାଧାରଣ ନିର୍ବାଚନ ପରଠାରୁ ଏହି ସ୍କ୍ବାଡ୍‌ ଗୋଟିଏ ଥର ବି ଯାଞ୍ଚ କାର୍ଯ୍ୟ କରିନାହିଁ। ଏ ସମ୍ପର୍କରେ ସ୍କ୍ବାଡ୍‌ ଦାୟିତ୍ୱରେ ଥିବା କଟକ ସଦର ସହକାରୀ ଉପଜିଲାପାଳ କ୍ଷେତ୍ରମୋହନ ସ୍ବାଇଁ କୁହନ୍ତି, ନିର୍ବାଚନ ପରେ ଫନୀ ବାତ୍ୟା କାମରେ ବ୍ୟସ୍ତ ରହିବାକୁ ପଡ଼ିଥିଲା। ଏବେ ସ୍କ୍ବାଡ୍‌ ପୁନର୍ବାର ନିଜର କାର୍ଯ୍ୟକ୍ରମ ଆରମ୍ଭ କରିବ। ଅନ୍ୟପକ୍ଷରେ ବାଲି ଚୋରି ସମ୍ପର୍କରେ ଜାଣିବା ପାଇଁ କଟକ ଜିଲାପାଳ ଭବାନୀ ଶଙ୍କର ଚୟନୀଙ୍କୁ ବାରମ୍ବାର ଯୋଗାଯୋଗ କରାଯାଇଥିଲେ ମଧ୍ୟ ସେ ଫୋନ ଉଠାଇ ନ ଥିଲେ।


All Right Reserved By Dharitri.Com

ଜେଲ ଗଲେ ବ୍ରାଉନସୁଗାର ବ୍ୟବସାୟୀ,୧୬.୬୦୦ ଗ୍ରାମ ବ୍ରାଉନସୁଗାର, ୩୦ହଜାର ୨ଶହ ଟଙ୍କା ଓ ମୋବଇ ଫୋନ ଜବତ

ଖୋର୍ଦ୍ଧା ଅଫିସ,୧୬।୯: ବ୍ରାଉନସୁଗାର ବିକ୍ରି ଅଭିଯୋଗରେ ଖୋର୍ଦ୍ଧା ଆଦର୍ଶ ଥାନା ପୋଲିସ ସୋମବାର ବ୍ୟବସାୟୀ ପ୍ରକାଶ ନାୟକ ଓରଫ ମୁନାଙ୍କୁ ଗିରଫ କରି କୋର୍ଟ ଚାଲଣ...

କରୋନା ଆତଙ୍କ: ମାସ୍କ ତିଆରି କରୁଛନ୍ତି ଏସ୍‌ଏଚ୍‌ଜି ମହିଳା

ଜୟପୁର, ୧୯।୩ (ନି.ପ୍ର.): ସାରା ବିଶ୍ୱରେ କରୋନା ଭାଇରସ୍‌ ଆତଙ୍କ ଖେଳାଇଛି। ଏହାଠାରୁ ବଞ୍ଚିବାକୁ ହେଲେ ସଚେତନ ଓ ସତର୍କତା ଅବଲମ୍ବନ ପାଇଁ ସରକାର ଘୋଷଣା...

ଭୁବନେଶ୍ୱରରେ ସର୍ବାଧିକ ବର୍ଷା

ଭୁବନେଶ୍ୱର, ୫ା୩(ବ୍ୟୁରୋ): ପଶ୍ଚିମବଙ୍ଗ ଓ ବାଂଲାଦେଶ ଆଖପାଖରେ ସୃଷ୍ଟି ହୋଇଥିବା ଲଘୁଚାପ ବଳୟ ଯୋଗୁ ବୁଧବାର ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ହୋଇଛି। ଅଦିନିଆ...

୨୬ରେ ମହିପୁରକୁ ଗଡ଼ିବ ଟ୍ରେନ୍‌

ନୟାଗଡ଼ ଅଫିସ,୨୧ା୧୨: ନୟାଗଡ଼ ଜିଲା ନୂଆଗାଁ ବ୍ଲକ ମହିପୁର ଷ୍ଟେଶନକୁ ଆସନ୍ତା ୨୬ ତାରିଖରେ ଟ୍ରେନ୍‌ ଚଳାଚଳ କରିବ। ଏ ନେଇ ରେଳ ମନ୍ତ୍ରଣାଳୟ ପକ୍ଷରୁ...

‌କଟକଣା ମାନିଲେନି, ୮ ଵାଇକ ଜଵତ

ମାଧପୁର, ୪।୪ : ଆଠମଲ୍ଲିକ ବ୍ଲକ ଅନ୍ତର୍ଗତ ମାଧପୁର ବଜାରରେ ଲକଡାଉନ କଟକଣା ନ ମାନି ବାହାରେ ବୁଲିବା ଅଭିଯୋଗରେ ଶନିବାର ସନ୍ଧ୍ୟାରେ ପୋଲିସ ୮...

୩୮ ମତ୍ସ୍ୟଜୀବୀ ଚେନ୍ନାଇରୁ ସମୁଦ୍ର ପଥରେ ଫେରିବା ଘଟଣା: ତଦନ୍ତ ନିର୍ଦ୍ଦେଶ ଦେଲେ ପରିବହନ ମନ୍ତ୍ରୀ

ଭୁବନେଶ୍ୱର,୨୭।୪(ବ୍ୟୁରୋ): କରୋନା(କୋଭିଡ-୧୯) ଲକ୍‌ଡାଉନ ଯୋଗୁ ଅନ୍ୟ ରାଜ୍ୟରେ ଫସି ରହିଥିବା ଶ୍ରମିକମାନେ ଅତିଷ୍ଠ ହୋଇପଡ଼ିଲେଣି। ରିଲିଫ କ୍ୟାମ୍ପରେ ସେମାନଙ୍କୁ ଉପଯୁକ୍ତ ଖାଦ୍ୟ ଓ ଚିକିତ୍ସା ସୁବିଧା...

୨ ଶିକ୍ଷକଙ୍କ ସମେତ ୫ ଗିରଫ: ୨୨ ହଜାର ଟଙ୍କା, ରବରଷ୍ଟାମ୍ପ, କମ୍ପ୍ୟୁଟର, ଜାଲ୍‌ ସାର୍ଟିଫିକେଟ ଜବତ

ଆସିକା, ୧ା୩ (ଡି.ଏନ୍‌.ଏ) – ଜାଲ୍‌ ସାର୍ଟିଫିକେଟ ଦେଇ ବିଭିନ୍ନ ବିଦ୍ୟାଳୟରେ କାର୍ଯ୍ୟରତ ଶିକ୍ଷକଙ୍କୁ ଧରପଗଡ ଲାଗି ପ୍ରଶାସନ ପକ୍ଷରୁ ଉଦ୍ୟମ ଜାରି ରହିଥିଲା। ଆସିକା...

ବଗଲା ଧର୍ମଶାଳା ଜମି ଆବଣ୍ଟନକୁ ନେଇ କେଁ

ପୁରୀ ଅଫିସ, ୨୯ା୧୧: ଶ୍ରୀମନ୍ଦିର ସୁରକ୍ଷା ଜୋନ ଯୋଗୁ ଜମି ହରାଇଥିବା ନିଯୋଗ, ଭବନ ଏବଂ ଲଜ୍‌ ମାଲିକଙ୍କୁ ବଡ଼ଦାଣ୍ଡସ୍ଥିତ ବଗଲା ଧର୍ମଶାଳା ଜମିରେ ଥଇଥାନ...

Leave a comment

Your email address will not be published. Required fields are marked *