କର୍ମରେ ସାହସ ଦେଖାଏ ବାଟ

ଧାମନଗର,୧୧।୧୨(ଡି.ଏନ.ଏ.)- ସାହସ ଓ ମନୋବଳ ରଖି କାର୍ଯ୍ୟ କଲେ କାହାରି ପେଟ ଅପୋଷା ରହିବ ନାହିଁ ା କୃଷି ବ୍ୟତୀତ ଆନୁଷଙ୍ଗିକ କୃଷି କିମ୍ବା ପ୍ରାଣୀଧନ ପାଳନ ଚାଷୀଙ୍କୁ ମଧ୍ୟ ସ୍ବାବଲମ୍ବୀ କରିପାରିବ। ଏକଦା ରିକ୍ସା ଟାଣି ପେଟ ପୋଷୁଥିବା ଭଦ୍ରକ ଜିଲା ଧାମନଗର ବ୍ଲକ ହସନାବାଦ ପଞ୍ଚାୟତ ବନବାଗ ଗାଁର ଭୀମସେନ ଦାସ (୪୮) ଏବେ ନିଜ ଅଞ୍ଚଳରେ ଜଣେ ସଫଳ ଛେଳି ଚାଷୀଙ୍କ ପରିଚୟ ପାଇ ପାରିଛନ୍ତି। ନିଜ ଚେଷ୍ଟାରେ ଆଧୁନିକ କୌଶଳ ଶିକ୍ଷା କରି ଉନ୍ନତ ପ୍ରଜାତିର ଛେଳି ପାଳନ କରି ଏବେ ନିଜ ଭାଗ୍ୟ ନିଜେ ଗଢି ପାରିଛନ୍ତି। ଆର୍ଥିକ ଦୃଷ୍ଟିରୁ ସ୍ବାବଲମ୍ବୀ ହୋଇ ସେ ପରିବାର ପ୍ରତିପୋଷଣ ସହ ନିଜ ପିଲାଙ୍କୁ ପାଠ ପଢ଼ାଇ ପାରୁଛନ୍ତି। ତାଙ୍କ ଜୀବନ ସଂଘର୍ଷର କାହାଣୀ ଅନ୍ୟମାନଙ୍କୁ ପ୍ରେରଣା ଦେଇଛି, ତା’ ନୁହେଁ ସେ ଆଗ୍ରହୀ ଚାଷୀଙ୍କୁ ମଧ୍ୟ ଛେଳି ପାଳନ ସମ୍ପର୍କରେ କୌଶଳ ଶିଖାଉଛନ୍ତି।
ଭୀମସେନ କହନ୍ତି, ସେ ଗରିବ । ଅନ୍ୟ କିଛି ସମ୍ବଳ ନ ଥିବାରୁ ଯୁବାବସ୍ଥାରେ ପେଟ ପୋଷିବା ଲାଗି ରିକ୍ସା ଟାଣିବା ଆରମ୍ଭ କରିଥିଲେ। ଦୀର୍ଘ ୨୦ ବର୍ଷ ଧରି ରିକ୍ସା ଚଳାଇଛନ୍ତି। ଧୁଷୁରି ବଜାରରେ ରିକ୍ସା ଟାଣି ନଦୀଗଁା ଓ ହସନାବାଦ ଆଦି ବଜାରକୁ ଲୋକଙ୍କୁ ନେବାଆଣିବା କରୁଥିଲେ। ପରେ ଗାଡିମୋଟର ଚାଲିବାରୁ ସମସ୍ତଙ୍କ ଲାଗି ରିକ୍ସା ଅଲୋଡା ହୋଇଗଲା। ଏହାପରେ ସେ ଭିନ୍ନ ପନ୍ଥା ଆପଣାଇବାକୁ ଉଦ୍ୟମ କରିଥିଲେ। ମନରେ ସାହସ ଜୁଟାଇ ଉନ୍ନତ ପ୍ରଣାଳୀରେ ଛେଳି ଚାଷ କରିବାକୁ ପ୍ରଥମେ ଚିନ୍ତା କରି ୪ ,୫ ଟି ଛେଳି ପାଳିଥିଲେ। ଉନ୍ନତ ପ୍ରଣାଳୀରେ ଚାଷ କରି ବତ୍ତର୍ର୍ମାନ ସେ ଶତାଧିକ ଛେଳିର ମାଲିକ । ଥରେ ଧୂଷୁରୀ ଭିଏଏସ ଟିକାକରଣ ପାଇଁ ଗଁାକୁ ଆସିଥିଲେ। ତାଙ୍କ ନଜର ଭୀମସେନଙ୍କ ଛେଳି ଉପରେ ପଡିଥିଲା । ସେ ଭୀମସେନଙ୍କୁ ଡାକି ଉନ୍ନତ ଛେଳିି ପାଳନ କଥା କହିଥିଲେ । ପରେ ସରକାରଙ୍କ ଏନଏମପିଏସ ଯୋଜନାର ସହାୟତା ନେଇ ସବ୍‌ସିଡି ଅର୍ଥରେ ଭୀମସେନ ୨୫ ରୁ ୧୫ ଫୁଟରେ ଏକ ପକ୍କା ଗୁହାଳ ତିଆରି କରିଥିଲେ। ଭଲ ପରିବେଶରେ ସେଠାରେ ଛେଳି ରଖି ଯତ୍ନ ସହକାରେ ପାଳନ କଲେ। ଏପରିକି ରୋଗ ନ ହେବା ଲାଗି ସେ ଟିକାକରଣ କରିବା ସାଙ୍ଗକୁ ଛେଳିଙ୍କୁ କୃମି ନାଶକ, ଗର୍ଭଧାରଣ ଏବଂ ରୋଗ ନିରାକରଣ ଔଷଧ ଦେଲେ। ଏହି କାମରେ ତାଙ୍କର ସହଧର୍ମିଣୀ ମୀନାକ୍ଷୀ ସହଯୋଗ କରିଥିଲେ। ସେ ନିଜେ ଏବେ ଛେଳିଙ୍କୁ ଚିକିତ୍ସା କରିବା ସହିତ ଇଞ୍ଜେକ୍ସନ ଦେଇ ପାରୁଛନ୍ତି । ଏହାମଧ୍ୟରେ ଭୀମସେନଙ୍କ ପୂର୍ବ ଅବସ୍ଥା ବଦଳି ଯାଇଛି । ବାର୍ଷିକ ଦେଢ଼ରୁ ଦୁଇ ଲକ୍ଷ ଟଙ୍କା ସେ ରୋଜଗାର କରି ପାରୁଛନ୍ତି। ଏଥିରେ ସେ ତାଙ୍କ ବଡ଼ପୁଅକୁ ବିଏସସି ଏବଂ ସାନପୁଅକୁ ମାଟ୍ରିକ ପଢ଼ାଉଛନ୍ତି । ବଡ଼ ଝିଅକୁ ବିବାହ ଦେବା ଲକ୍ଷ୍ୟରେ ରହିଛନ୍ତି। ଦିନସାରା ଭୀମସେନ ବଣ ଜଙ୍ଗଲକୁ ଯାଇ ଛେଳି ଚରାଇ ଘରକୁ ଫେରିଥାନ୍ତି। ଛେଳିଙ୍କ ଯତ୍ନ ନେବାରେ ପରିବାରର ସମସ୍ତେ ତାଙ୍କୁ ସହଯୋଗ କରନ୍ତି । ଜଣେ ସଫଳ ଛେଳି ଚାଷୀ ଭାବେ ଜିଲାରେ ପ୍ରଥମ ସ୍ଥାନ ହାସଲ କରି ୨୦୧୬ରେ ରାଜ୍ୟସ୍ତରୀୟ କୃଷି ମହୋତ୍ସବରେ ପୁରସ୍କୃତ ହୋଇଥିଲେ। ଏହାପରେ ବିଭାଗ ତରଫରୁ ତାଙ୍କୁ ଅଧିକ ପ୍ରୋତ୍ସାହନ ମିଳିଥିଲା। ଧୂଷୁରୀ ଅଞ୍ଚଳରେ ପରିବେଶରେ ବ୍ଲାକ ବେଙ୍ଗଲ ପ୍ରଜାତିର ଛେଳି ଭଲ ବଢ଼ି ପାରୁଛନ୍ତି। ଏହି ଛେଳି ଚାଷ କରିବା ପାଇଁ ଚାଷୀଙ୍କୁ ଉତ୍ସାହିତ କରାଯାଉଛି ବୋଲ ଧୂଷୁରୀ ପ୍ରାଣୀଧନ ଚିକିତ୍ସକ ଡା. ନିରାକାର ଜେନା କହିଛନ୍ତି। ଆଧୁନିକ ପ୍ରଣାଳୀରେ ଛେଳି ଚାଷ କରି ସଫଳତା ପାଇବା ପରେ ଭୀମସେନଙ୍କୁ ଅନୁସରଣ କରି ଶଇଲୋ, ହସନାବାଦ, କୋଠାର, ଶ୍ରୀଗଙ୍ଗାରେ ଅନେକ ଚାଷୀ ଏବେ ଛେଳିଚାଷ କରିବା ଆରମ୍ଭ କରିଛନ୍ତି।


All Right Reserved By Dharitri.Com

ଭାଙ୍ଗିଗଲାଣି ତନଖି ଫାଟକ ଗୃହ

ଛେଣ୍ଡିପଦା,୧୯।୯(ସ୍ବ.ପ୍ର.) – କାଠ ମାଫିଆଙ୍କ ଉପରେ ରୋକ ଲଗାଇବାକୁ ଅନୁଗୋଳ ଜିଲା ଛେଣ୍ଡିପଦା ବ୍ଲକ ଜରପଡା ବନାଞ୍ଚଳର ଉଗୀ-ଅନ୍ତୁଳିଆ ରାସ୍ତାରେ ଥିବା ତନଖି ଫାଟକ କାମରେ...

ବଳରାମପ୍ରସାଦ ପୂର୍ବପାଟଣା ଗ୍ରାମରେ ଅଗ୍ନିକାଣ୍ଡ: ଜଳିଗଲା ଝିଅ ବାହାଘର ପାଇଁ ଥିବା ସୁନାଗହଣା

ବଅଁରପାଳ,୨୫।୧(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଅନ୍ତର୍ଗତ ବଳରାମପ୍ରସାଦ ପୂର୍ବପାଟଣା ଗ୍ରାମରେ ଶନିବାର ଭୋର ସମୟରେ ଅଗ୍ନିକାଣ୍ଡ ଘଟିଛି। ଏଥିରେ ଗ୍ରାମର ଜାନକୀ ବେହେରା, ଚିନ୍ତାମଣି...

କେନାଲରେ ବୁଡି ଯୁବକଙ୍କ ମୃତ୍ୟୁ

ପୁରୁଷୋତ୍ତମପୁର,୩।୮(ଡି.ଏନ.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ସହର ଉପକଣ୍ଠ ଦେଇଯାଇଥିବା ଥିବା ହିରାଧରବାଟି କେନାଲରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ପୁରୁଷୋତ୍ତମପୁର ଏନ୍‌ଏସି...

ଯୁବକ ଜୀବନ୍ତ ଜଳିଯିବା ଘଟଣା: ମୃତ୍ୟୁ ପାଇଁ ପ୍ରେମିକା ହିଁ ଦାୟୀ

ବାଲିକୁଦା,୧୦ା୧୦(ସ୍ବ.ପ୍ର.): ଜଗତ୍‌ସିଂହପୁର ଜିଲା ବାଲିକୁଦା ଥାନା ଅଢ଼ଙ୍ଗା ଦେବଗ୍ରାମ ବିଦ୍ୟାଳୟର ଶିଡିଘର ଛାତରେ ଗତ ୫ ତାରିଖରେ ଜୀବନ୍ତ ଜଳିଯାଇ ମୃତ୍ୟୁବରଣ କରିଥିବା ଯୁବକଙ୍କ ପରିଚୟ...

ବୈଠକ ବିଫଳ, କୋଲ୍‌ ଫିଲଡ୍ସରେ ଅଚଳାବସ୍ଥା ଜାରି

ତାଳଚେର,୪ା୮(ନି.ପ୍ର.)-ଭରତପୁର ଖଣି ଦୁର୍ଘଟଣାରେ ୪ଜଣ ଶ୍ରମିକଙ୍କ ମୃତ୍ୟୁ ପରେ ତାଳଚେର କୋଲ୍‌ ଫିଲଡ୍ସରେ ଲାଗି ରହିଥିବା ଅଚଳାବସ୍ଥାର ସମାଧାନ ନିମନ୍ତେ ଶନିବାର ଗୋବରା, ଲକେଇପଶି, କୁକୁଡାଙ୍ଗ,...

ଦେଶର ବିଭିନ୍ନ ସମସ୍ୟା ପ୍ରତିବାଦରେ ଜିଲାପାଳଙ୍କ କାର୍ଯ୍ୟାଳୟ ଆଗରେ ଧାରଣା

କେନ୍ଦୁଝର,୨୨।୧୧( ସ୍ବ.ପ୍ର.): ଦେଶରେ ଅହେତୁକ ଦରଦାମ ବୃଦ୍ଧି, ବିପର୍ଯ୍ୟସ୍ତ ଅର୍ଥନୀତି ମାନ୍ଦାବସ୍ଥା ଓ ସରକାରୀ ତଥା ବେସରକାରୀ କ୍ଷେତ୍ରରେ ବେରୋଜଗରୀ ସମସ୍ୟା ଆଦି ପ୍ରତିବାଦରେ କେନ୍ଦୁଝର...

ସଙ୍ଗୀତ ପ୍ରତି ରାଧାକୃଷ୍ଣ ଭଞ୍ଜଙ୍କ ନିଷ୍ଠା ଥିଲା ଅନନ୍ୟ

ବାରିପଦା ଅଫିସ,୬।୧୧: ଓଡିଶାର ମହାନ ସଙ୍ଗୀତ ନିଦ୍ଦେର୍ର୍ଶକ ତଥା ମୟୂରଭଞ୍ଜ ମାଟିର ଗର୍ବ ଓ ଗୌରବ ସ୍ବର୍ଗତ ରାଧାକୃଷ୍ଣ ଭଞ୍ଜଙ୍କ ଜୟନ୍ତୀ ସ୍ଥାନୀୟ ମିଶନ ସାଇନ୍ସ...

ପୂର୍ବତନ କର୍ପୋରେଟରଙ୍କ ପୁଅଙ୍କୁ ହତ୍ୟା ଉଦ୍ୟମ; ମାଷ୍ଟରମାଇଣ୍ଡଙ୍କୁ ଧରିପାରୁନି ପୋଲିସ

ବ୍ରହ୍ମପୁର ଅଫିସ,୧୬ା୯-ବ୍ରହ୍ମପୁର ବଡ ବଜାର ଥାନା ସୀତାଢ଼ିମ୍ବିରା ସାହିରେ ଗତ ୨୧ ତାରିଖ ରାତିରେ ବିଏମ୍‌ସିର ପୂର୍ବତନ କର୍ପୋରେଟର କୃଷ୍ଣ ସେଠୀଙ୍କ ପୁଅ ଚିଙ୍କୁ ଓରଫ...

Leave a comment

Your email address will not be published. Required fields are marked *