ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ: ଉପଶାସ୍ତ୍ରୀ, ଶାସ୍ତ୍ରୀ ପରୀକ୍ଷା ଫଳ ପ୍ରକାଶ

ପୁରୀ ଅଫିସ,୩୦ା୫: ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ଦ୍ୱାରା ପରିଚାଳିତ ୨୦୧୯ ଉପଶାସ୍ତ୍ରୀ ଓ ଶାସ୍ତ୍ରୀ ତୃତୀୟ ବର୍ଷ ରେଗୁଲାର ଏବଂ ଏକ୍ସ ରେଗୁଲାର ପରୀକ୍ଷା ଫଳାଫଳ ବୁଧବାର ପ୍ରକାଶ ପାଇଛି। କୁଳପତି ପ୍ରଫେସର ରାଧାମାଧବ ଦାଶ ପରୀକ୍ଷା ଫଳ ପ୍ରକାଶ କରିଛନ୍ତି। ଶାସ୍ତ୍ରୀରେ ୧୦୧ଟି ପରୀକ୍ଷା କେନ୍ଦ୍ରରେ ୧୪୪ଟି ମହାବିଦ୍ୟାଳୟର ୪୭୧୭ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୪୦୦୮ଜଣ ପାସ୍‌ କରିଛନ୍ତି। ୯ଜଣ କପି କରି ଧରାପଡ଼ିଛନ୍ତି। ୭ଶହ ଜଣ ଫେଲ୍‌ ହୋଇଛନ୍ତି। ପାସ୍‌ହାର ୮୪.୯୬ ପ୍ରତିଶତ ରହିଛି। ଗତ ୨୦୧୮ ମସିହାରେ ୪୮୯୯ ଛାତ୍ରୀଛାତ୍ର ପରୀକ୍ଷା ଦେଇଥିବାବେଳେ ୪୩୪୧ ଜଣ ପାସ୍‌ କରିଥିଲେ। ସେମାନଙ୍କ ମଧ୍ୟରୁ ୫୩୦ ଜଣ ଫେଲ ହୋଇଥିଲେ। ପାସ୍‌ହାର ୮୮.୬୦ ପ୍ରତିଶତ ରହିଥିଲା। ଚଳିତ ବର୍ଷ ଫେଲ୍‌ ସଂଖ୍ୟା ବୃଦ୍ଧି ପାଇଥିବା ବେଳେ ଫଳାଫଳ ଗତ ବର୍ଷ ତୁଳନାରେ ୪ପ୍ରତିଶତ କମ୍‌ ହୋଇଛି।
ସେହିପରି ଚଳିତବର୍ଷ ଶାସ୍ତ୍ରୀ ଏକ୍ସ-ରେଗୁଲାରରେ ୩୫୩ ଛାତ୍ରୀଛାତ୍ର ପରୀକ୍ଷା ଦେଇଥିବାବେଳେ ୨୫୧ଜଣ ପାସ୍‌ କରିଛନ୍ତି। ୧୦୨ ଜଣ ଫେଲ୍‌ ହୋଇଛନ୍ତି। ପାସ୍‌ହାର ୭୧.୧୦ ପ୍ରତିଶତ ରହିଛି। ଗତ ୨୦୧୮ରେ ୪୯୦ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୩୫୮ଜଣ ପାସ୍‌ ଏବଂ ୧୨୫ଜଣ ଫେଲ ହୋଇଥିଲେ। ପାସ୍‌ହାର ୭୩.୦୬ ପ୍ରତିଶତ ରହିଥିଲା।
ସେହିପରି ଉପଶାସ୍ତ୍ରୀ ରେଗୁଲାରରେ ୯୪୫୪ ଛାତ୍ରୀଛାତ୍ର ପରୀକ୍ଷା ଦେଇଥିବା ବେଳେ ୯୫୦ଜଣ ଅନୁପସ୍ଥିତ ରହିଥିଲେ। ୨ଜଣ କପି ଧରି ଧରାପଡ଼ିିଥିଲେ। ୧୩୨୫ ଜଣ ପ୍ରଥମ, ୪୮୬୦ ଜଣ ଦ୍ୱିତୀୟ ଓ ୧୧୧୪ ଜଣ ତୃତୀୟ ଶ୍ରେଣୀରେ ପାସ୍‌ କରିଛନ୍ତି। ୬୯ ଜଣ କମ୍ପାର୍ଟମେଣ୍ଟାଲରେ ପାସ୍‌ କରିଛନ୍ତି। ମୋଟ ୭୩୬୮ ପରୀକ୍ଷାର୍ଥୀ ପାସ କରିଥିବାବେଳେ ୧୧୩୪ ଜଣ ଫେଲ ହୋଇଛନ୍ତି। ପାସ୍‌ହାର ୮୬.୬୬ ପ୍ରତିଶତ ରହିଛି। ଅନ୍ୟପଟେ ୨୦୧୮ରେ ୯୦୦୪ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ୬୧୪୭ ଜଣ ପାସ କରିଥିଲେ। ସେମାନଙ୍କ ମଧ୍ୟରୁ ୭୦୨ ପ୍ରଥମ, ୪୩୬୨ଦ୍ୱିତୀୟ ଓ ୯୭୮ ଜଣ ତୃତୀୟ ଶ୍ରେଣୀରେ ପାସ୍‌ କରିଥିଲେ। ୧୮୫୭ଜଣ ଫେଲ ହୋଇଥିଲେ। ପାସ୍‌ହାର ୭୬.୭୯ ପ୍ରତିଶତ ରହିଥିଲା। ଗତବର୍ଷ ତୁଳନାରେ ଚଳିତ ବର୍ଷ ପାସ୍‌ହାର ୧୦ପ୍ରତିଶତ ବୃଦ୍ଧି ପାଇଛି। କୁଳପତି ଦାଶ କହିଛନ୍ତି ଯେ, ଏହି ଦୁଇ ପରୀକ୍ଷା ସିସିଟିଭି ସର୍ଭିଲାନ୍ସରେ କରାଯାଇଥିଲା।
ଜୁଲାଇରେ ତତ୍କାଳ ପରୀକ୍ଷା : ଚଳିତ ବର୍ଷ ଉପଶାସ୍ତ୍ରୀ ପରୀକ୍ଷାରେ ଏଗ୍ରିଗେଟ୍‌ ମାର୍କରେ ପାସ୍‌ କରି ଗୋଟିଏ ବିଷୟରେ ଫେଲ ହୋଇଥିବା ଛାତ୍ରୀଛାତ୍ର ଆସନ୍ତା ଜୁଲାଇ ମାସରେ ହେବାକୁ ଥିବା ତତ୍କାଳ ପରୀକ୍ଷା (ଇନଷ୍ଟାଣ୍ଟ ଏକଜ୍‌ାମ) ଦେଇପାରିବେ। ସେଥି ନିମନ୍ତେ ୬୪୭ଜଣ ଛାତ୍ରୀଛାତ୍ର ଯୋଗ୍ୟ ବିବେଚିତ ହୋଇଛନ୍ତି। ତତ୍କାଳ ପରୀକ୍ଷା ସମ୍ପର୍କରେ ସୂଚନା ବିଶ୍ୱବିଦ୍ୟାଳୟ ୱେବସାଇଟ ତଥା ବିଜ୍ଞାପନ ମାଧ୍ୟମରେ ଜଣାଇ ଦିଆଯିବ। ସେହିଭଳି ପ୍ରକାଶିତ ଦୁଇ ପରୀକ୍ଷାର ମାର୍କସିଟ୍‌, ପ୍ରୋଭିଜିନାଲ ପାସ୍‌ ସାର୍ଟିଫିକେଟ, ମାଇଗ୍ରେସନ ସାର୍ଟିଫିକେଟ ପ୍ରଭୃତି ଆସନ୍ତା ଜୁନ୍‌ ୬ତାରିଖଠାରୁ ବିଶ୍ୱବିଦ୍ୟାଳୟ କାର୍ଯ୍ୟାଳୟରୁ କଲେଜ କତ୍ତୃପକ୍ଷ ସଂଗ୍ରହ କରିପାରିବେ।
ଠିକ୍‌ ସମୟରେ ବାହାରିଛି ପରୀକ୍ଷା ଫଳ: ପରୀକ୍ଷା ନିୟନ୍ତ୍ରକ ପ୍ରଫେସର ମଧୁସୂଦନ ମିଶ୍ର କହିଛନ୍ତି ଯେ, ମାର୍ଚ୍ଚ ୭ରୁ ୧୫ତାରିଖ ପର୍ଯ୍ୟନ୍ତ ସମସ୍ତ କଲେଜରେ ଉପଶାସ୍ତ୍ରୀ ଓ ଶାସ୍ତ୍ରୀ ପରୀକ୍ଷା ହୋଇଥିଲା। ପରୀକ୍ଷା ଶେଷ ହେବା ପରେ ବାଲେଶ୍ୱର, କେନ୍ଦ୍ରାପଡ଼ା ଓ ପୁରୀ ତିନୋଟି ମୂଲ୍ୟାଙ୍କନ କେନ୍ଦ୍ରରେ ପରୀକ୍ଷା ଖାତା ମୂଲ୍ୟାଙ୍କନ କରାଯାଇଥିଲା। ବାତ୍ୟା ‘ଫନୀ’ ପ୍ରଭାବରେ ବିଶ୍ୱବିଦ୍ୟାଳୟର ବ୍ୟାପକ କ୍ଷତି ଘଟିଥିଲା। ପ୍ରତିକୂଳ ପରିସ୍ଥିତି ସତ୍ତ୍ବେ ଏହି ଦୁଇ ପରୀକ୍ଷାର ଫଳାଫଳ ଏକସଙ୍ଗରେ ପ୍ରକାଶ କରାଯାଇଛି। ଏହି ଅବସରରେ ଅନ୍ୟମାନଙ୍କ ମଧ୍ୟରେ ସ୍ନାତକୋତ୍ତର ପରିଷଦ ଅଧ୍ୟକ୍ଷ ପ୍ରଫେସର ହରିହର ହୋତା ଏବଂ ରେଜିଷ୍ଟ୍ରାର ଡ. ସଚ୍ଚିଦାନନ୍ଦ ମହାପାତ୍ର ପ୍ରମୁଖ ଉପସ୍ଥିତ ଥିଲେ। ପ୍ରକାଶଥାଉ କି, ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ ଦୁଇ ପରୀକ୍ଷା ଫଳ ବାହାରି ନ ଥିବା ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ପୂର୍ବ ନିଦ୍ଧାରିତ ସମୟରେ ପରୀକ୍ଷା ଫଳ ପ୍ରକାଶ କରିଛନ୍ତି।
ଫଳାଫଳ ଶତ ପ୍ରତିଶତ ରହିଛି
ଚଳିତ ବର୍ଷର ଶାସ୍ତ୍ରୀ ପରୀକ୍ଷାରେ ବିଭିନ୍ନ ବିଭାଗରେ ଫଳାଫଳ ଶତ ପ୍ରତିଶତ ହୋଇଛି। ଅଦୈତ୍ୱ ବେଦାନ୍ତରେ ୯୧.୧୫%, ଧର୍ମଶାସ୍ତ୍ରରେ ୯୩.୯୩%, ସର୍ବଦର୍ଶନରେ ୯୪.୪୪%, ଜ୍ୟୋତିଷରେ ୧୦୦%, କର୍ମକାଣ୍ଡରେ ୮୩.୩୩%, ନ୍ୟାୟରେ ୮୬%, ସାହିତ୍ୟରେ ୮୩.୮୯%, ବ୍ୟାକରଣରେ ୮୪.୭୦%, ପୁରାଣରେ ୮୦% ଏବଂ ବେଦରେ ୬୪.୨୮% ପ୍ରତିଶତ ରହିଛି ବୋଲି କୁଳପତି ପ୍ରଫେସର ଦାଶ ସୂଚନା ଦେଇଛନ୍ତି।


All Right Reserved By Dharitri.Com

୧୧ ଦିନ ପରେ ନାଲ୍‌କୋ ବିଶ୍ୱକର୍ମା ପୂଜା: ଝଲସିବ ଆଲୁମିନିୟମ ନଗରୀ

ବଅଁରପାଳ, ୬।୯ (ଡି.ଏନ୍‌.ଏ) – ନାଲ୍‌କୋ ପ୍ରସିଦ୍ଧ ଗଣପର୍ବ ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା ଆସନ୍ତା ୧୭ ତାରିଖ ଠାରୁ ଅନୁଷ୍ଠିତ ହେବ। ଏହି ପୂଜା ପାଇଁ...

ବ୍ରାଉନ୍‌ସୁଗାର ବେପାର: ମହିଳାଙ୍କ ସମେତ ୫ ଧରାପଡ଼ିଲେ

ଜଟଣୀ,୧୯ା୭(ଡି.ଏନ.ଏ.): ବ୍ରାଉନ୍‌ସୁଗାର ବ୍ରିକ୍ରି କରୁଥିବା ଅଭିଯୋଗରେ ଜଟଣୀ ଥାନା ପୋଲିସ ନୂଆଗଁା ଅଞ୍ଚଳରୁ ଜଣେ ମହିଳା, ତାଙ୍କ ସ୍ବାମୀ, ପୁଅ ସମେତ ୫ରୁ ଉର୍ଦ୍ଧ୍ୱ ଲୋକଙ୍କୁ...

କଟକ ବିଏସ୍‌ଏନ୍‌ଏଲ୍‌ ଅଫିସରେ ଅଗ୍ନିକାଣ୍ଡ

କଟକ ଅଫିସ, ୨୦।୯: ସ୍ଥାନୀୟ ବଜ୍ରକବାଟୀ ରୋଡ଼ସ୍ଥିତ ବିଏସ୍‌ଏନ୍‌ଏଲ୍‌ ଅଫିସରେ ଶୁକ୍ରବାର ଭୟାବହ ଅଗ୍ନିକାଣ୍ଡ ଘଟିଛି। ବିଏସ୍‌ଏନ୍‌ଏଲ୍‌ ଅଫିସର ଚତୁର୍ଥ ମହଲାରେ ଏହି ନିଆଁ ଲାଗିଥିବା...

ଲାଞ୍ଚ ମାମଲା: ବରିଷ୍ଠ କିରାଣିଙ୍କୁ ୨ ବର୍ଷ ଜେଲ

ଫୁଲବାଣୀ ଅଫିସ, ୨୫ା୭-ଏକ ଲାଞ୍ଚ ମାମଲାର ବିଚାର କରି ବୁଧବାର ଫୁଲବାଣୀ ସ୍ବତନ୍ତ୍ର ଭିଜିଲାନ୍ସ ଜଜ୍‌ ଭଗବାନ ପ୍ରଧାନ ଅଭିଯୁକ୍ତ ବରିଷ୍ଠ କିରାଣିଙ୍କୁ ୨ ବର୍ଷ...

ଆଜି ଉତ୍ତର, ପଶ୍ଚିମ ଓଡ଼ିଶାରେ ବର୍ଷା ସମ୍ଭାବନା

ଭୁବନେଶ୍ୱର, ୧୧।୮(ବ୍ୟୁରୋ)- ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଦୁର୍ବଳ ହୋଇଛି। ଏହା ଫଳରେ ରାଜ୍ୟରେ ବର୍ଷାର ପରିମାଣ କମିଯାଇଛି। ଶନିବାର ବଲାଙ୍ଗୀରରେ ସର୍ବାଧିକ ୧୨ ମିଲିମିଟର...

ଗଛରେ ପିଟିହେଲା ପର୍ଯ୍ୟଟକଙ୍କ କାର୍‌: ୩ ଗୁରୁତର, ୨ ଆହତ

ଗୋପ,୧୦।୧୦(ଡି.ଏନ୍‌.ଏ.): ଗୋପ-କୋଣାର୍କ ରାସ୍ତାର ଜୁଣେଇ ନିକଟରେ ଗୁରୁବାର ଭୋର ସମୟରେ ଏକ ଦୁର୍ଘଟଣା ଘଟିଛି। କୋଣାର୍କ ବୁଲିବାକୁ ଯାଉଥିବା ଭଦ୍ରକ ଅଞ୍ଚଳର ଏକ କାର୍‌(ଓଡି୨୨ଏଲ୍‌୪୫୫୫) ଗଛରେ...

କଟକ ସହରରେ ହୃଦୟ ବିଦାରକ ଦୃଶ୍ୟ: ମୃତ ଶିଶୁକୁ ଧରି ଗୋଟିଏ ଦିନ ବୁଲିଲେ ମା’

କଟକ ଅଫିସ, ୧୮ା୭: କଥାରେ ଅଛି ମା’ କୋଳରୁ ଛୁଆକୁ ବାଘ ବି ଝାମ୍ପିନେବା ସହଜ ନୁହେଁ। ତା’ର ଏକ ପ୍ରମାଣ ବୁଧବାର କଟକ ସହରରେ...

ହାତୀଙ୍କ ସୁରକ୍ଷା ପାଇଁ ‘ଗଜବନ୍ଧୁ’ ଯୋଜନା: ଚଳପ୍ରଚଳ ରାସ୍ତାରେ ସିସିଟିଭି, ୬୫ ସ୍ଥାନରେ ଲାଗିବ ସ୍ପିଡ୍‌ ବ୍ରେକର୍‌

ଭୁବନେଶ୍ୱର,୩୧।୮(ବ୍ୟୁରୋ): ଗତ କିଛି ଦିନ ଧରି ରାଜ୍ୟରେ ହାତୀମାନଙ୍କ ମୃତ୍ୟୁ ଘଟଣା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ହାତୀଙ୍କ ସୁରକ୍ଷା ଲାଗି ରାଜ୍ୟ ସରକାର...

Leave a comment

Your email address will not be published. Required fields are marked *